ٴپايزاۋات اۋدانى:
دامۋ جەتىستىكتەرىنىڭ حالىق تۇرمىسىنا اناعۇرلىم جاقسى تيىمدىلىكتەر جەتكىزۋىن ىلگەرىلەتتى
□ انار بۇلت \ شينجياڭ گازەتىنىڭ ٴتىلشىسى حان چين ـ يان
”شينمەي اعاشى ٴبىزدىڭ ’ٴدىلدا اعاشىمىزعا‘ اينالدى.“ 1 ـ ايدىڭ 5 ـ كۇنى ٴپايزاۋات اۋدانى حوشاۋات قالاشىعى شاللىق قىستاعىنىڭ تۇرعىنى ابىلەز قيۇم: ”وتباسىمىزدا 17 مۋ جەرگە شينمەي ەگىلگەن، 2023 ـ جىلى 850 مىڭ يۋانعا ساتىلدى، بۇرىندارى مۇنداي بولارىن ويلاپ تا كورمەگەن ەكەنمىن“، ـ دەدى.
ٴپايزاۋات اۋدانى _ ەل ىشىندە ەڭ ەرتە شينمەي وسىرگەن وڭىرلەردىڭ ٴبىرى، ٴپايزاۋاتتا شينمەيدىڭ ەگىلگەن جەر اۋدانى مەن ٴونىم مولشەرى جەكە ـ جەكە بۇكىل ەلدىڭ %40ىن جانە %60ىن ۇستايدى. 20 جىلعا جۋىق ۋاقىت دامۋدىڭ ارقاسىندا شينمەي قازىر ٴپايزاۋات اۋدانىنىڭ تاماشا تانىسقىسىنا اينالىپ ۇلگىردى.
2 ـ توپتاعى نەگىزگى تاقىرىپتىق تاربيە ورىستەتىلگەننەن بەرى ٴپايزاۋات اۋداندىق پارتكوم نەگىزگى تاقىرىپتىق تاربيەنىڭ جەتىستىكتەرىن ەكونوميكانىڭ، قوعامنىڭ جوعارى ساپالى دامۋ ونىمدىلىگىندە ايگىلەۋگە قۇلشىندى، وي جەلىسىن رەتتەپ، پارىقتاردى تاۋىپ، ەرەكشە، باسىمدىققا يە كاسىپ سالالارىن كۇش سالا زورايتتى، كۇشەيتتى، دامۋ جەتىستىكتەرىنىڭ حالىق تۇرمىسىنا اناعۇرلىم جاقسى تيىمدىلىكتەر جەتكىزۋىن ىلگەرىلەتتى.
شينمەي كاسىپ سالاسىنىڭ دامۋىن ارقاۋ ەتىپ، ٴپايزاۋات اۋدانىنىڭ باسشىلارى ”ٴتورتتى نەگىزگى ساتىعا جەتكىزۋدى“ باستاماشىلدىقپەن امالياتتا ايگىلەدى، كاسىپ سالاسى باقشاسىنا، ونەركاسىپ باقشا رايونىنا، زات اينالىمى باقشاسىنا، اۋىل (قالاشىق)، قىستاقتارعا (الەۋمەتتىك اۋماق) بارىپ تەكسەرۋ ـ زەرتتەۋ جۇرگىزىپ، بۇقارامەن تىكەلەي اڭگىمەلەسىپ، شينمەي كاسىپ سالاسىنىڭ دامۋىن ىلگەرىلەتۋگە قاتىستى 40 نەشە ”ۇتىمدى شارا“ جيناپ، ٴپايزاۋاتتىڭ شينمەي كاسىپ سالاسىنىڭ دامۋ وي جەلىسىن اناعۇرلىم ايقىندادى.
شينمەي كاسىپ سالاسىن كولەمدەندىرۋ، ولشەمدەندىرۋ، ماركالاندىرۋ قۇرىلىسىن كۇش سالا ىلگەرىلەتۋ ٴۇشىن، 2023 ـ جىلى ٴپايزاۋات اۋدانى وسى زامانعى اۋىل شارۋاشىلىعى كاسىپ سالاسى باقشاسىنا سۇيەنە وتىرىپ، جۇڭگو اۋىل شارۋاشىلىعى عىلىم اكادەمياسى، شينجياڭ اۋىل شارۋاشىلىعى عىلىم اكادەمياسى سياقتى عىلمي زەرتتەۋ اكادەميا ـ ورىندارىنان 14 تەحنيك ماماندى ٴپايزاۋات اۋدانىندا تابان تىرەپ تۇرۋعا ۇسىنىس ەتىپ، ”اۋىل ماماندارىنا“، ”اتىز وقىمىستىلارىنا“ تەحنيكالىق باۋلۋ ورىستەتىپ، جەمىس ورمانىن عىلمي جولمەن ەگۋ قابىلەتى مەن دەڭگەيىن جوعارىلاتتى.
”باۋلۋدان وتكەن’اۋىل ماماندارى‘، ’اتىز وقىمىستىلارى‘ ’ەگىمشىلىككە قاتىستى وسى جاۋھاردى‘ اۋىلدارىنا الا قايتىپ، سول ماڭداعى ٴتىپتى دە كوپ قىستاق تۇرعىندارىنا جەتكىزىپ، كاسىپ سالاسىنىڭ كوركەيۋىنىڭ، دارىندىلاردىڭ گۇلدەنۋىنىڭ ٴونىمدى توعىسۋىن جۇزەگە اسىردى“، ـ دەدى ٴپايزاۋات اۋدانى وسى زامانعى اۋىل شارۋاشىلىعى كاسىپ سالاسى باقشاسىن دامىتۋعا قىزمەت وتەۋ ورتالىعىنىڭ كادرى ٴاديلا اكبار.
گۋاڭدۇڭ _ ٴپايزاۋات شينمەي كاسىپ سالاسى باقشاسى پارتيا قۇرىلىسى وداعىنىڭ شەپ بايلىعىنا سۇيەنە وتىرىپ، ٴپايزاۋات اۋدانى جەمىس ورمانى كاسىپتىك دارىندىلارىنان 30 قىزمەت وتەۋ اترەتىن قۇرىپ، شينمەي ەگەتىن وتباسىلارىنا ەگۋ، باسقارۋ، باپتاۋ تەحنيكاسى جونىندە باۋلۋ ورىستەتتى، شينمەي ەگەتىن اۋىل دارىندىلارى قوسىنىن ونان ارى تولىقتادى.
ٴپايزاۋات اۋدانى وسى زامانعى اۋىل شارۋاشىلىعى، دەنساۋلىق كۇتىمدەۋ، ەكولوگيالىق ساياحاتتى ماڭىزدى قامال الۋ ٴتۇيىنى ەتىپ، ٴوندىرۋ، وقىتۋ، زەرتتەۋ ٴبىر تۇلعالانعان، 1 ـ، 2 ـ، 3 ـ كاسىپ سالالارىن توعىستىرا دامىتاتىن كاسىپ سالاسى تىزبەگىن جەدەل ورناتىپ، كولەمى ۇلكەن، قۋاتى مىعىم، جەتەكشىلىك ىستەۋ جانە ۇلگىلىك رولى كورنەكتى بولعان ٴبىر توپ كاسىپ سالاسى باستاماشى كاسىپورىندارىن تۇلعالاپ، ”كاسىپورىن + بازا +شارۋا وتباسى + تاپسىرىس“ سىندى كاسىپ سالاسى تيجارات ۇلگىسىن جالپىلاستىرۋ ارقىلى ونەركاسىپ پەن اۋىل شارۋاشىلىعى ٴبىرىن ـ ٴبىرى جەبەيتىن، بىرگە گۇلدەنىپ ـ كوركەيەتىن جاڭاشا ونەركاسىپ ـ اۋىل شارۋاشىلىعى قاتىناسىن قالىپتاستىردى.
”اۋداندا 10 مىڭ توننا دارەجەلى، اۋىلدا 1000 توننا دارەجەلى، ورتالىق قىستاقتا 100 توننا دارەجەلى“ بولۋ قۇرىلىسىن ارقاۋ ەتىپ، جالپى سيىمدىلىعى 200 مىڭ توننادان اساتىن، اينالىم قۋاتى 500 مىڭ توننا كەلەتىن سۋىق تىزبەكتى قامبادا ساقتاۋ جۇيەسى باعا ”ورنىقتىرعىشتىق“ رولىن ساۋلەلەندىردى، ٴپايزاۋات شينمەيىنىڭ ساتىلۋ ۋاقىتى وتكەن جىلدارداعى 30 _ 20 كۇنگە دەيىن عانا شوعىرلى تۇردە بازارعا شىعارىلۋدان 4 _ 2 ايعا دەيىن ساتۋعا ۇزارتىلىپ، قاۋىرت مەزگىلگە شوعىرلاندىرماي ساتىپ، ساپاسىنا كەپىلدىك ەتۋدى، باعاسىن ورنىقتىرۋدى جۇزەگە اسىردى.
شينمەي كاسىپ سالاسىنا سۇيەنە وتىرىپ ٴپايزاۋات اۋدانى مەملەكەتتىك اۋىل شارۋاشىلىعىن وسىزامانداندىرۋدان ۇلگى كورسەتۋ اۋماعىن، مەملەكەتتىك وسى زامانعى اۋىل شارۋاشىلىعى كاسىپ سالاسى باقشاسىن، مەملەكەتتىك تىرەكتى سۋىق تىزبەكتى زات اينالىمى بازاسىن ٴساتتى قۇردى. بايگويۋان، جۇڭلي، يۋانحىڭ، يوۋجىن سياقتى گۋاڭدۇڭداعى ٴبىر توپ ساپالى كاسىپورىنداردى، سونداي ـ اق جيڭدۇڭ، حۇييۋان سياقتى باستاماشى كاسىپورىنداردى ەنگىزىپ، شينمەيدى جىنتىكتەي مانەرلەۋ كاسىپ سالاسى تىزبەگىن ۇزدىكسىز ۇزارتتى.
2023 ـ جىلى ٴپايزاۋات اۋدانىندا 450 مىڭ مۋ جەرگە شينمەي ەگىلدى، مۇندا 360 مىڭ مۋ جەر جەمىس بەرىپ، 210 مىڭ توننا ٴونىم الىندى، ٴونىم قۇنى 4 ميلليارد 200 ميلليون يۋانعا جەتىپ، بۇكىل اۋدانداعى شارۋالاردىڭ شينمەي ەگۋ ارقىلى تاپقان جان باسىندىق ورتاشا كىرىستەرى 10 مىڭ يۋاننان استى.