جاڭا مادەنيەت بورىشىن ارقالاۋ كەرەك

　　_ شي جينپيڭ مادەنيەت يدەياسىن ىشكەرىلەي ۇيرەنۋ، دايەكتىلەندىرۋ جونىندەگى جەلىلەس شولۋ (4)

　　□ شينحۋا اگەنتتىگىنىڭ تىلشىلەرى ۋاڭ پىڭ، گاۋ لەي، سۇن شاۋلۇڭ

　　جاڭا باستامادا مادەنيەتتىڭ گۇلدەنۋىن ۇزدىكسىز ىلگەرىلەتۋ، مادەنيەتتە قۋاتتى ەل قۇرۋ، جۇڭحۋا ۇلتىنىڭ وسى زامانعى وركەنيەتىن كوركەيتۋ _ ٴبىزدىڭ جاڭا داۋىردەگى جاڭا مادەنيەت بورىشىمىز.

　　جاڭا مادەنيەت بورىشىن ارقالاۋ پارتيامىزدىڭ جۇڭحۋا مادەنيەتىنىڭ گۇلدەنۋىن جەبەۋ، ادامزات مادەنيەتىنىڭ جاڭا فورماتسياسىن جاراتۋ سىندى تاريحي جاۋاپكەرشىلىك ارقالاۋىن ايگىلەدى. ٴبىز شي جينپيڭ مادەنيەت يدەياسىن ىشكەرىلەي ۇيرەنىپ، دايەكتىلەندىرىپ، العان بەتىنەن قايتپايتىن كۇرەس كۇيىمەن جاڭا مادەنيەت بورىشىن اناعۇرلىم ويداعىداي ارقالاپ، سوتسياليستىك مادەنيەتتە قۋاتتى ەل قۇرۋ، جۇڭحۋا ۇلتىنىڭ وسى زامانعى وركەنيەتىن كوركەيتۋ كۇرەسى مەن امالياتىندا جاڭا بەينە، جاڭا ىسكەرلىك ايگىلەۋىمىز كەرەك.

　　ەجەلگى مەن قازىرگىنى تۇتاستىردى، جاڭا مادەنيەت بورىشى _ ٴداۋىردىڭ تەرەڭ ۇندەۋى

　　مادەنيەت _ ۇلتتىڭ ٴومىر ٴسۇرۋى مەن دامۋىنداعى ماڭىزدى كۇش.

　　”جاڭا مادەنيەت بورىشىن ارقالاۋ“ _ باس شۋجي شي جينپيڭنىڭ جۇڭحۋا وركەنيەتىنىڭ بيىكتىگىن جالعاستىرىپ، پارتيا مەن مەملەكەت ىستەرىنىڭ دامۋ ستراتەگيالىق جالپى جاعدايىنىڭ تۇرعىسىنان جاساعان ايبىندى ۇندەۋى، بۇل زامانىمىزداعى جۇڭگو كوممۋنيستەرىنىڭ تەرەڭ تاريحي جاۋاپكەرشىلىك سەزىمىن، بەرىك بورىشتىلىق سەزىمىن جانە حالىققا دەگەن تەرەڭ سۇيىسپەنشىلىگىن ايگىلەدى.

　　2023 ـ جىلى 6 ـ ايدىڭ 1 ـ كۇنى باس شۋجي شي جينپيڭ جۇڭگو مەملەكەتتىك باسىلىم سارايىنىڭ ورتالىق باس سارايىندا قىزمەت تەكسەرگەندە بىلاي دەپ اتاپ كورسەتتى: ”گۇلدەنگەن زاماندا مادەنيەت وركەندەيدى، ٴبىزدىڭ وسى داۋىردە مەملەكەت گۇلدەندى، قوعام تىنىش، ورنىقتى بولدى، ۇلت مادەنيەتىن جالعاستىرۋ ارمانىمىز جانە قابىلەتىمىز بار، وسى ٴىرى ٴىستى ويداعىداي ىستەۋىمىز كەرەك“.

　　5000 جىلدان استام ۇزاق تاريحي بارىستا سان ۇرپاق جۇڭحۋا ۇلاندارى قاجىرلىلىقپەن شارۋاشىلىق قۇرىپ، قايسارلىقپەن ٴىس تىندىرىپ، دۇنيە جۇزىندەگى بىردەن ـ ٴبىر ۇزىلمەگەن ٴارى مەملەكەت فورماتسياسىمەن دامىپ بۇگىنگە جەتكەن شۇعىلالى وركەنيەتتى جاراتتى. تاريحقا ەڭ جاقسى مۇراگەرلىك ەتۋ _ جاڭا تاريح جاراتۋ؛ ال ادامزات وركەنيەتىنە ەڭ ۇلكەن قۇرمەت _ ادامزات وركەنيەتىنىڭ جاڭا فورماتسياسىن جاراتۋ.

　　تەك جاڭا مادەنيەت بورىشىن ارقالاپ، تاريحي مادەنيەت تامىرىن جالعاستىرىپ، جۇڭحۋا ۇلتىنىڭ ەڭ نەگىزگى مادەنيەت گەنىنىڭ وسى زامانعى مادەنيەتپەن سايكەسۋىن، وسى زامانعى قوعاممەن سايكەسۋىن ىلگەرىلەتكەندە عانا، جاڭا ٴداۋىردىڭ جاڭا جورىعىنداعى مادەنيەت داستانىن جازۋعا بولادى.

　　”وتانىم جانە مەن تەڭىز بەن تولقىن ىسپەتتىمىز...“ لياۋنيڭ جينجوۋ دۇڭحۋ مادەنيەت الاڭىندا ٴان اۋەلەدى.

　　2022 ـ جىلى 8 ـ ايدا لياۋنيڭدە قىزمەت تەكسەرىپ جۇرگەن باس شۋجي شي جينپيڭ وسىندا كەلىپ، بىلاي دەپ اتاپ كورسەتتى: ”جۇڭگو ۇلگىسىندەگى وسىزامانداندىرۋ _ زاتتىق وركەنيەت پەن رۋحاني وركەنيەت ٴوزارا سايكەسكەن وسىزاماندانۋ“.

　　حالىق بۇقاراسىن مول رۋحاني ازىقپەن قامداۋ _ حالىقتىڭ تاماشا تۇرمىسقا كەنەلۋ جاڭا تىلەگىن قاناعاتتاندىرۋدىڭ تابيعي تالابى، ونان دا ماڭىزدىسى، جۇڭگو ۇلگىسىندەگى وسىزامانداندىرۋ تاقىرىبىنىڭ شەشۋشى ٴمانى. حالىقتى اناعۇرلىم كەمەلدى، اناعۇرلىم باي، اناعۇرلىم جوعارى ساپالى رۋحاني مادەنيەت تۇرمىسىنان يگىلىكتەندىرۋ نىساناسىن مىقتى كوزدەپ، حالىقتىڭ رۋحاني قاجەتىن قاناعاتتاندىرىپ، حالىقتىڭ رۋحاني ٴورىسىن كەڭەيتىپ، حالىقتىڭ رۋحاني كۇشىن ارتتىرعاندا عانا، جۇڭگو ۇلگىسىندەگى وسىزامانداندىرۋ ٴتىپتى دە كەمەلدى، ٴتىپتى دە مەيىرلى بولادى.

　　پارتيا 18 ـ قۇرىلتايىنان بەرى، باس شۋجي شي جينپيڭ مادەنيەت سەنىمىن جاسامپازدىقپەن ”ٴتورت سەنىمگە“ ەنگىزىپ، ونى ”ٴبىر مەملەكەتتىڭ، ٴبىر ۇلتتىڭ دامۋىنداعى بارىنەن دە نەگىزگى، بارىنەن دە سالماقتى، بارىنەن دە باياندى كۇش“ دەپ اتادى.

　　قازىر جۇڭحۋا ۇلتىنىڭ ۇلى گۇلدەنۋى شەشۋشى مەزگىلگە ٴوتتى. تەك جاڭا مادەنيەت بورىشىن ارقالاپ، جۇڭحۋانىڭ تاڭداۋلى ٴداستۇرلى مادەنيەتىن جانداندىرىپ، ونى توڭكەرىستىك مادەنيەتپەن، سوتسياليستىك وزىق مادەنيەتپەن جاڭا داۋىردە توعىستىرعاندا، تىرشىلىك تىنىسىن قاۋلاتقاندا عانا، گۇلدەندىرۋ ۇلى ٴىسى سارقىلماس رۋحاني قوزعاۋشى كۇشكە يە بولادى.

　　داۋىرمەن بىرگە العا باستى، جاڭا مادەنيەت بورىشى جۇڭحۋا مادەنيەتىنىڭ العا باسۋ بەتالىسىن ايقىن كورسەتتى

　　”قازىرگى زامان جۇڭگو كوممۋنيستەرى مەن جۇڭگو حالقى جاڭا مادەنيەت بورىشىن ارقالاۋى كەرەك ٴارى، ٴسوز جوق، ارقالاي الادى، اماليات جاسامپازدىعى بارىسىندا مادەنيەت جاسامپازدىعىن جۇرگىزىپ، تاريحتىڭ العا باسۋى بارىسىندا مادەنيەتتىڭ العا باسۋىن جۇزەگە اسىرا الادى!“

　　پارتيا 19 ـ قۇرىلتايىنىڭ بايانداماسىندا باس شۋجي شي جينپيڭ تۇڭعىش رەت ”جاڭا مادەنيەت بورىشى“ سىندى كەلەلى تاقىرىپتى العا قويدى.

　　2023 ـ جىلى 6 ـ ايدا مادەنيەتتى جالعاستىرۋ، دامىتۋ اڭگىمە ماجىلىسىندە باس شۋجي شي جينپيڭ مادەنيەت قۇرىلىسى جاعىنداعى 14” ٴتۇرلى ٴىستى باسا دارىپتەپ“، جۇڭحۋا ۇلتىنىڭ وسى زامانعى وركەنيەتىن كوركەيتۋدىڭ كەلەلى مىندەتىن العا قويىپ، ٴبىزدىڭ وسى داۋىرگە ٴتان جاڭا مادەنيەتتى جاراتۋىمىزعا ايقىن بەتالىس كورسەتتى.

　　جاڭا مادەنيەت بورىشى مادەنيەتتىڭ گۇلدەنىپ ـ كوركەيۋىن، دامۋىن تاسقىنداتتى _

　　”بىر مەملەكەتتىڭ، ٴبىر ۇلتتىڭ قۇدىرەتتەنۋى قاشاندا مادەنيەتتىڭ گۇلدەنۋىن تىرەك ەتەدى، جۇڭحۋا ۇلتىنىڭ ۇلى گۇلدەنۋى جۇڭحۋا مادەنيەتىنىڭ دامۋىن، گۇلدەنۋىن شارت ەتەدى“.

　　باس شۋجي شي جينپيڭنىڭ جەتەكشىلىگىندە، جاڭا داۋىردەگى مادەنيەت ىستەرى ومىرشەڭدىك كۇشكە يە بولىپ، بۇكىل ۇلتتىڭ جاڭالىق اشۋ، جاسامپازدىق جاراتۋ ومىرشەڭدىك كۇشى تاسقىندادى.

　　جاڭا مادەنيەت بورىشى بىزدەن جۇڭحۋانىڭ تاڭداۋلى ٴداستۇرلى مادەنيەتىنىڭ جاۋھارىن ۇزدىكسىز ىشكەرىلەي اشىپ، ٴتۇسىندىرىپ، جاسامپازدىقپەن كادەگە جاراتۋدى، جاڭالىق اشا دامىتۋدى ىلگەرىلەتىپ، مۇراجايدا ساقتالعان مادەني مۇرالاردى، كەڭ ـ بايتاق دالاداعى مۇرالاردى، بايىرعى كىتاپتاردا جازىلعان جازۋلاردى كۇن سايىن حالىق بۇقاراسىنىڭ جۇرەگىنە ۇيالاتىپ، ەلىمىزدىڭ مادەنيەت قۇرىلىسىندا قارىشتاپ دامىعان، اناعۇرلىم گۇلدەنگەن جاندى كورىنىستەردىڭ جارىققا شىعۋىن ىلگەرىلەتۋدى تالاپ ەتەدى.

　　جاڭا مادەنيەت بورىشى مادەنيەتتە قۋاتتى ەل قۇرۋدىڭ تەلەگەي كۇشىن ۇيىستىردى _

　　مادەنيەت گۇلدەنسە، مەملەكەت كوركەيەدى، مادەنيەت كۇشەيسە، ۇلت كۇشەيەدى.

　　جاڭا داۋىردەگى ۇلى جورىقتا مادەنيەت سەنىمى مەن ماقتانىش سەزىمى بولعاندىقتان عانا، ٴبىز دۇرىس جولدان جازبايتىن تاباندىلىققا، ۇدەرە العا تارتاتىن قوزعاۋشى كۇشكە، وزگەرىس جاساپ، جاڭالىق اشاتىن ومىرشەڭدىك كۇشكە يە بولدىق.

　　جاڭا مادەنيەت بورىشى بىزگە مادەنيەتتىڭ وسىندە تۇرىپ، تاريحتى، رەالدىقتى جانە بولاشاقتى يگەرىپ، بۇكىل پارتيانىڭ، بۇكىل ەل حالقىنىڭ ىنتىماقتاسا كۇرەس جاسايتىن ورتاق يدەيالىق نەگىزىن بەكەمدەپ، جۇڭحۋا ۇلتىنىڭ رۋحاني جان تامىرىن بەرىك ساقتاپ، جۇڭگوشا سوتسياليزم جولىمەن بۇلجىماي ٴجۇرىپ، مادەنيەت سەنىمى ارقىلى مادەنيەتتە قۋاتتى ەل قۇرۋعا جەتەكشىلىك ەتىپ، ۇلى گۇلدەنۋ سىندى جۇڭگو ارمانى ٴۇشىن كۇشتى قۇن جەتەكشىلىك قۋاتىن، مادەنيەت ۇيىستىرۋ قۋاتىن، رۋحاني ىلگەرىلەتۋ قۋاتىن ازىرلەۋ كەرەكتىگىن ۇعىندىردى.

　　جاڭا مادەنيەت بورىشى جۇڭحۋا ۇلتىنىڭ وسى زامانعى وركەنيەتىن كوركەيتۋ بورىشى مەن جاۋاپكەرشىلىگىن ارقالاۋعا ۇندەيدى _

　　حىنان انياڭىنىڭ يىنشۇي ەسكى جۇرتى، حۋانحى وزەنى يرەلەڭدەي اعىپ جاتىر.

　　2022 ـ جىلى 10 ـ ايدا باس شۋجي شي جينپيڭ وسىندا قىزمەت تەكسەرگەندە بىلاي دەپ اتاپ كورسەتتى: ”بۇل جولى كەلۋىم جۇڭحۋا وركەنيەتىن اناعۇرلىم تەرەڭدەي ۇيرەنىپ، ٴتۇسىنىپ، ەرتەدەگىنى بۇگىنگىنىڭ كادەسىنە جاراتىپ، جۇڭحۋا ۇلتىنىڭ وسى زامانعى وركەنيەتىن اناعۇرلىم ويداعىداي كوركەيتۋگە ۇلگى ازىرلەۋ“.

　　نەشە مىڭ جىلدان بەرى، جۇڭحۋا ۇلتى باسقا ەلدەر مەن ۇلتتارعا ۇقسامايتىن وركەنيەتتى دامىتۋ جولىمەن ٴجۇردى. دارقان دا شۇرايلى جۇڭحۋانىڭ تاڭداۋلى ٴداستۇرلى مادەنيەتى باستان ـ اياق جۇڭحۋا ۇلتىنىڭ باياندى دامۋىنا ٴنار بەرىپ كەلەدى.

　　جاڭا مادەنيەت بورىشى ٴبىزدى جۇڭحۋانىڭ تاڭداۋلى ٴداستۇرلى مادەنيەتىنىڭ رۋحاني بەلگىسىن سۇرىپتاپ، جۇڭحۋانىڭ تاڭداۋلى ٴداستۇرلى مادەنيەتىندەگى وسى زامانعى قۇنعا، دۇنيە جۇزىلىك مانگە يە مادەنيەت جاۋھارىن ايگىلەپ، دۇنيە جۇزىنە جۇڭگوشا ەرەكشەلىككە يە، جۇڭگو رۋحىن ايگىلەيتىن، جۇڭگونىڭ اقىل ـ پاراساتى قامتىلعان اناعۇرلىم كوپ تاڭداۋلى مادەنيەتتى ٴتۇسىندىرىپ، تانىستىرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋ بارىسىندا جۇڭحۋا ۇلتىنىڭ وسى زامانعى وركەنيەتىن كوركەيتۋگە شابىتتاندىردى.

　　بۇرىنعىنى جاڭالادى، جاڭا مادەنيەت بورىشى جاڭا تاريحي جاۋاپكەرشىلىكتى قاجەت ەتەدى

　　جاقىندا عانا باس شۋجي شي جينپيڭ 2024 ـ جىلعى جاڭا جىلدى قۇتتىقتاۋ ٴسوزىن سويلەپ، تەرەڭ سۇيىسپەنشىلىكپەن بىلاي دەدى: ”لياڭجۋداعى، ارليتوۋداعى وركەنيەت شۇعىلاسى، يىنشۇيداعى ساۋىت ـ سۇيەك جازۋى بۇگىنگى كۇنگە ۇزىلمەي جەتتى، سانشيڭدۇي مادەنيەت جاۋھارى، مەملەكەتتىك باسىلىم سارايى وركەنيەت تامىرىن جالعاستىرا ٴتۇستى... بايتاق جۇڭحۋانىڭ تاريحى قانشاما ۇزاق، وركەنيەتى قانشاما ۇشان ـ تەڭىز! بۇل ٴبىزدىڭ سەنىمىمىزدىڭ نەگىزى، كۇش قايراتىمىزدىڭ سارقىلماس قاينارى“.

　　جاڭا جورىققا اتتانىپ، مادەنيەتتىڭ گۇلدەنۋىن، مادەنيەتتە قۋاتتى ەل قۇرۋدى، جۇڭحۋا ۇلتىنىڭ وسى زامانعى وركەنيەتىن كوركەيتۋدى ۇزدىكسىز ىلگەرىلەتۋ مادەنيەتتىڭ قوعامدىق وزگەرىسكە جەتەكشىلىك ەتۋدەگى ماڭىزدى رولىن ىشكەرىلەي يگەرىپ، بەلسەندى تاريحي جاۋاپكەرشىلىك ارقالاۋدى ايگىلەۋىمىزدى اناعۇرلىم قاجەت ەتەدى.

　　جاڭا مادەنيەت بورىشىن اناعۇرلىم ويداعىداي ارقالاۋدا سەنىمدى، ٴوز كۇشىنە سۇيەنەتىن دەربەس رۋحاني قاسيەتكە تاباندى بولۋ كەرەك _

　　2023 ـ جىلى 7 ـ ايدا باس شۋجي شي جينپيڭ سىچۋان سانشيڭدۇي مۇراجايىنىڭ جاڭا سارايىنا كەلدى. ”كورگەننەن كەيىن ۇلتتىق ماقتانىش سەزىمىم ەسەلەپ ارتتى، 5000 جىلدىق جۇڭحۋا وركەنيەتى ەمەس پە، اۋەلى، ونان دا ۇزاق جۇڭحۋا وركەنيەتىنىڭ بايقالۋىن، اشىلۋىن تىپتەن ٴۇمىت ەتەمىن“، ـ دەدى باس شۋجي.

　　5000 جىلدان استام وركەنيەتتىڭ دامۋى بارىسىندا جەتىلگەن جۇڭحۋانىڭ تاڭداۋلى ٴداستۇرلى مادەنيەتى، پارتيا مەن حالىقتىڭ ۇلى كۇرەسىندە جەتىلگەن توڭكەرىستىك مادەنيەت پەن سوتسياليستىك وزىق مادەنيەت _ ٴبىزدىڭ دۇنيە جۇزىندەگى ۇلتتار قاتارىنان ويىپ ورىن الۋىمىزداعى كۇشتى رۋحاني تىرەگىمىز.

　　مادەنيەت سەنىمىن بەكەمدەپ، تاباندىلىقپەن ٴوز جولىمەن ٴجۇرىپ، جۇڭگو قاعيداسىمەن جۇڭگو تاجىريبەسىن ويداعىداي قورىتىندىلاپ، جۇڭگو تاجىريبەسىن جۇڭگو نازارياسى دەڭگەيىنە كوتەرىپ، رۋحاني جاقتان دەربەس، ٴوز ـ وزىنە قوجايىن بولۋدى جۇزەگە اسىرعاندا عانا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ رۋحاني كۇش ـ قۋاتىن ۇزدىكسىز ارتتىرۋعا بولادى.

　　جاڭا مادەنيەت بورىشىن اناعۇرلىم ويداعىداي ارقالاۋ ٴۇشىن، اشىق، سيىسىمدى دارقاندىقتى بەرىك ۇستانۋ كەرەك _

　　2023 ـ جىلى 9 ـ ايدىڭ 23 ـ كۇنى مەملەكەت ٴتوراعاسى شي جينپيڭ مەن حانىمى پىڭ لييۋان قوناعاسى وتكىزىپ، حاڭجوۋ 19 ـ كەزەكتى ازيا سپورت جارىسىنىڭ باستالۋ سالتىنا قاتىناسۋ ٴۇشىن جۇڭگوعا كەلگەن حالىقاراداعى سيلى قوناقتاردى قارسى الدى. جۇڭگونىڭ «شاي جيناۋ ٴان ـ ٴبيى»، سيريانىڭ «ارمان گۇلى»، نەپالدىڭ «جىبەك تورعىندار جەلبىرەيدىسى» سياقتى مۋزيكالار ورىندالىپ، تۇرلىشە وركەنيەت كوركەمدىكتەن بىرگە سۋسىندايتىن سيمفونيا بولىپ قالىپتاستى.

　　جۇڭحۋا وركەنيەتى ەجەلدەن اشىقتىعىمەن، سيىسىمدىلىعىمەن الەمگە تانىمال بولىپ، وزگە وركەنيەتتەرمەن اۋىس ـ كۇيىس جاساسۋ، ٴوزارا ۇلگى الىسۋ بارىسىندا تولاسسىز تىڭ ومىرشەڭدىك كۇش قاۋلاتىپ كەلەدى. ٴبىز اناعۇرلىم كەڭ پەيىلمەن، ٴار ەلمەن مادەنيەت اۋىس ـ كۇيىسىن اناعۇرلىم كەڭ كولەمدە ورىستەتىپ، دۇنيە جۇزىندەگى بارلىق تاڭداۋلى وركەنيەت جەتىستىكتەرىن اناعۇرلىم بەلسەندى، ىرىقتى تۇردە ۇيرەنىپ، ودان ۇلگى الىپ، جۇڭحۋا مادەنيەتىنىڭ دۇنيە جۇزىنە اناعۇرلىم ويداعىداي بەت الۋىن ىلگەرىلەتۋىمىز كەرەك.

　　جاڭا مادەنيەت بورىشىن اناعۇرلىم ويداعىداي ارقالاۋدا تۋراشىلدىقتان اينىماي جاڭالىق اشۋ سىندى دۇرىس اۋقىم، كۇشتى جىگەرگە تاباندى بولۋ كەرەك _

　　”چۇڭلۇڭ شاڭيۇي“ حۇڭشان ەسكى جۇرتى، ”وركەنيەتتىڭ قاسيەتتى جەرى“ لياڭجۋ ەسكى جۇرتى ... 2023 ـ جىلى 5 ـ ايدا ”وركەنيەت دەگەن نە _ جۇڭحۋا وركەنيەتىنىڭ توركىنىن ىزدەۋ ينجەنەرياسى جەتىستىكتەرىنىڭ سيفرلى كوركەمونەر كورمەسى“ ينتەرنەت جەلىسىنە شىعارىلدى. بايىرعى وركەنيەت كورىنىسى تىڭ ومىرشەڭدىك كۇشكە يە بولدى.

　　تۋراشىلدىقتان اينىماعاندا عانا، باعداردان اداسپاۋعا، اۋدارىپ تاستاۋ سيپاتتى قاتەلىك وتكىزبەۋگە بولادى، جاڭالىق اشقاندا عانا، ٴداۋىردى يگەرۋگە، داۋىرگە جەتەكشىلىك ەتۋگە بولادى. جاڭا ٴداۋىردىڭ جاڭا جورىعىندا تەك تۋراشىلدىقتان اينىماي، جاڭالىق اشىپ، مۇراگەرلىك ەتۋ بارىسىندا كادەگە جاراتىپ، ۇيرەنۋ بارىسىندا اسىپ تۇسكەندە عانا، دارقان دا شۇرايلى جۇڭحۋا وركەنيەتىنىڭ اناعۇرلىم تارتىمدى شۇعىلا شاشۋىن ىلگەرىلەتىپ، جۇڭحۋا مادەنيەتىنىڭ تىڭ شۇعىلاسىن ۇزدىكسىز سومداۋعا بولادى.

　　شي جينپيڭ مادەنيەت يدەياسىن جەتەكشى ەتۋگە تاباندى بولىپ، ادەبيەت ـ كوركەمونەر ارقىلى كاسىپتى وركەندەتسەك، ادەبيەت ـ كوركەمونەر ارقىلى نەگىزدى جەتىلدىرسەك، ادەبيەت ـ كوركەمونەر ارقىلى سەنىم ورناتساق، ادەبيەت ـ كوركەمونەر ارقىلى رۋح سومداساق، ٴبىز، ٴسوز جوق، جاڭا مادەنيەت بورىشىن اناعۇرلىم ويداعىداي ارقالاپ، مادەنيەتتىڭ گۇلدەنىپ ـ كوركەيۋى بارىسىندا جۇڭحۋا ۇلتىنىڭ ۇلى گۇلدەنۋىن جۇزەگە اسىرا الامىز.

　　(شينحۋا اگەنتتىگىنىڭ 1 ـ ايدىڭ 25 ـ كۇنى بەيجيڭنەن بەرگەن حابارى)

جالعانىم