مادەنيەت سەنىمىن بەكەمدەۋ، مادەنيەتتىڭ نەگىزگى تۇلعالىق سيپاتىن بەكەمدەۋ كەرەك
_ شي جينپيڭ مادەنيەت يدەياسىن ىشكەرىلەي ۇيرەنۋ، دايەكتىلەندىرۋ جونىندەگى جەلىلەس شولۋ (5)
□ شينحۋا اگەنتتىگىنىڭ تىلشىلەرى پان جيە، يۇي چيۇڭيۋان، يان فۋجيڭ
مادەنيەت سەنىمى بار ۇلت قانا ەڭسە كوتەرە الادى، ورنىقتى تۇرا الادى، ۇزاققا جەتە الادى.
باس شۋجي شي جينپيڭ ۇگىت، يدەيا، مادەنيەت قىزمەتى جونىندە ماڭىزدى نۇسقاۋ بەرىپ، بىلاي دەپ باسا دارىپتەدى: ”مادەنيەت سەنىمىن بەكەمدەپ، اشىق، سيىسىمدى بولۋدى ۇستانىپ، تۋراشىلدىقتان اينىماي جاڭالىق اشۋعا تاباندى بولۋ كەرەك“. جاڭا داۋىردەگى جاڭا جورىقتا ٴبىز شي جينپيڭ مادەنيەت يدەياسىن جەتەكشى ەتىپ، مادەنيەت جاعىندا وزىنە سەنۋدى، ٴوزىن الۋەتتەندىرۋدى ىلگەرىلەتىپ، مادەنيەتتىڭ نەگىزگى تۇلعالىق سيپاتىن بەكەمدەپ، سوتسياليستىك مادەنيەتتىڭ جاڭا شۇعىلاسىن سومداپ، مەملەكەتتى قۇدىرەتتەندىرۋ قۇرىلىسى، ۇلتتى گۇلدەندىرۋ ٴۇشىن تەلەگەي رۋحاني ۇلى كۇش ۇيىستىرۋىمىز كەرەك.
”تۇپتەپ كەلگەندە، مادەنيەت سەنىمىن بەكەمدەۋ كەرەك“
2023 ـ جىلى 10 ـ ايدا مەملەكەتتىك ۇگىت، يدەيا، مادەنيەت قىزمەتى ٴماجىلىسىنىڭ شي جينپيڭ مادەنيەت يدەياسىن رەسمي العا قويۋى پارتيامىزدىڭ جۇڭگوشا سوتسياليستىك مادەنيەت قۇرىلىسىنىڭ زاڭدىلىعى جونىندەگى تانىمىنىڭ تىڭ دەڭگەيگە كوتەرىلگەندىگىنىڭ بەلگىسى، پارتيامىزدىڭ تاريح سەنىمىنىڭ، مادەنيەت سەنىمىنىڭ جاڭا بيىككە كوتەرىلگەندىگىن بەينەلەيدى.
”جۇڭگوشا سوتسياليزم جولى سەنىمىن، نازارياسى سەنىمىن، ٴتۇزىمى سەنىمىن بەكەمدەۋ، تۇپتەپ كەلگەندە، مادەنيەت سەنىمىن بەكەمدەۋ، مادەنيەت سەنىمى _ اناعۇرلىم ٴتۇبىرلى، اناعۇرلىم تەرەڭ، اناعۇرلىم باياندى كۇش“.
پارتيا 18 ـ قۇرىلتايىنان بەرى باس شۋجي شي جينپيڭ مادەنيەت قۇرىلىسىنا ايرىقشا ٴمان بەرىپ، مادەنيەت سەنىمىن جول سەنىمىمەن، نازاريا سەنىمىمەن، ٴتۇزىم سەنىمىمەن بىرگە جۇڭگوشا سوتسياليزمنىڭ ”ٴتورت سەنىمى“ قاتارىنا ەنگىزدى.
مادەنيەت سەنىمىن بەكەمدەۋگە ٴبىزدىڭ جەتكىلىكتى سەنىمىمىز جانە تولىق سەبەبىمىز بار.
مادەنيەت _ ٴبىر مەملەكەتتىڭ، ٴبىر ۇلتتىڭ جانى. تاريح پەن اماليات مىنانى اڭعارتتى: ٴوزىنىڭ تاريحي مادەنيەتىنەن باز كەشكەن نەمەسە بەت بۇرعان ۇلتتىڭ دامۋى مۇمكىن ەمەس، ونىڭ ۇستىنە تاريحي تراگەدياعا تاپ بولۋى ابدەن مۇمكىن.
تاريحقا قايىرىلا قاراساق، جۇڭحۋا وركەنيەتى نەشە مىڭ جىلدى وتكەرىپ ۇزىلمەي جالعاسىپ، سان تاۋقىمەتتى باستان كەشسە دە السىرەمەي كەلەدى، بۇل _ ادامزات وركەنيەتىندەگى كەرەمەت ٴارى ٴبىزدىڭ سەنىمىمىزدىڭ تياناعى.
5000 جىلدان استام ۋاقىت مادەنيەت ٴنارىن قابىلداپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ باستاۋىندا، ىلگەرىلەتۋىندە، جاڭا داۋىردەگى جۇڭحۋا مادەنيەتىنىڭ كوركى كوز ٴسۇرىندىرىپ، بۇكىل پارتيانىڭ، بۇكىل ەلدەگى ٴار ۇلت حالقىنىڭ مادەنيەت سەنىمى كورنەكتى كۇشەيدى.
”ماميانچۇن“ كيىپ، بامبۋكتان جاسالعان ۇستەل شامدى جاعىپ، جۇڭحۋانىڭ ايتۋلى ماركالى ونىمدەرىنەن ٴبىراز ساتىپ اكەلدى... ٴبىر كەزدەرى زاماناۋي سانمەن ەش قاتىسى جوق ٴداستۇرلى مادەنيەت ەلەمەنتتەرى بۇگىنگى تاڭدا جاستار قاتتى قىزىعاتىن مەملەكەت ستيلى جاڭا اعىمىنا اينالدى.
«چاڭ ـ انداعى 30 مىڭ شاقىرىم»، «چاڭجين كولى» سياقتى كينولاردى كورەرمەندەر ۇناتىپ كوردى؛ «گۇلدەنۋ جازبالار قامباسى»، ”جۇڭگونىڭ تاريحتاعى كەسكىندەمەلەرىنىڭ جالپى جۇيەسى“ قۇراستىرىلىپ، باسپادان شىقتى... جۇڭحۋا مادەنيەتىنىڭ ”شالقار ايدىنى“ جاندانىپ، جۇڭگو حالقىنىڭ وزىندىك سەنىمى مەن ماقتانىش سەزىمى تۋىندادى.
بەرىك مادەنيەت سەنىمىنىڭ ارقاسىندا، بۇكىل پارتيا، بۇكىل ەلدەگى ٴار ۇلت حالقىنىڭ اناعۇرلىم ىرىقتى رۋحاني كۇش ـ قۋاتى قاۋلادى.
كەدەيلىكتەن ارىلتۋدان قامال الۋ رۋحىنان، ىندەتكە قارسى اتتانۋ رۋحىنان جاڭا داۋىردەگى بەيدۋ رۋحىنا، جىبەك جولى رۋحىنا دەيىن... پارتيا 18 ـ قۇرىلتايىنان بەرى جۇڭحۋانىڭ تاڭداۋلى ٴداستۇرلى مادەنيەتى، توڭكەرىستىك مادەنيەت، سوتسياليستىك وزىق مادەنيەت جاڭا داۋىردە ٴبىر ـ بىرىمەن توعىسىپ، تىڭ تىنىس قاۋلاتىپ، مايەكتى دە ۇزاقتان جالعاسقان جۇڭحۋا وركەنيەتى ٴوزىن دامىتاتىن، سىن ـ سايىستارعا توتەپ بەرەتىن، جاڭا جاعداي اشاتىن قۇدىرەتتى تاسقىنداعان ومىرشەڭدىگىن قاۋلاتتى.
جۇڭحۋا وركەنيەتى جوڭكىلە العا ىلگەرىلەپ، جۇڭحۋا ۇلتى ودان ارى وركەندەۋدە. بەرىك مادەنيەت سەنىمىن نەگىز ەتكەن جۇڭگو رۋحى، جۇڭگو قۇندىلىعى، جۇڭگو كۇش ـ قۋاتى اسقاق ايبىن ايگىلەپ، جۇڭگو حالقىنىڭ جىگەرى، نامىسى، قايراتى ۇزدىكسىز ارتىپ، جۇڭحۋا ۇلتى رۋحىنىڭ الىپ عيماراتى جاڭا داۋىردە قاسقايا بوي سوزىپ تۇر.
”مادەنيەت سەنىمى ٴبىزدىڭ مادەنيەتىمىزدىڭ نەگىزگى تۇلعالىق سيپاتىنان كەلەدى“
2023 ـ جىلى 6 ـ ايدا مادەنيەتتى جالعاستىرۋ، دامىتۋ اڭگىمە ماجىلىسىندە باس شۋجي شي جينپيڭ ”مادەنيەتتىڭ نەگىزگى تۇلعالىق سيپاتى“ سىندى كەلەلى تۇجىرىمدى ايقىن العا قويىپ، ”مادەنيەت سەنىمى ٴبىزدىڭ مادەنيەتىمىزدىڭ نەگىزگى تۇلعالىق سيپاتىنان كەلەدى“ دەپ اتاپ كورسەتتى.
مادەنيەتتىڭ نەگىزگى تۇلعالىق سيپاتى مادەنيەت سەنىمىنىڭ ٴتۇبىرلى سۇيەنىشى. مادەنيەتتىڭ نەگىزگى تۇلعالىق سيپاتى بولعاندىقتان عانا، جۇڭحۋا ۇلتى رۋحاني جاقتا دەربەس، ٴوز ـ وزىنە قوجايىن بولدى.
قاينارى باي سۋ الىسقا جەتەدى، تامىرى تەرەڭ اعاش ماۋەلەپ وسەدى.
وسى ٴبىر نەگىزگى تۇلعالىق سيپاتتى جۇڭگو كوممۋنيستىك پارتياسى جۇڭگو حالقىن باستاپ، جۇڭگونىڭ بايتاق دالاسىندا قۇرعان؛ جۇڭحۋانىڭ تاڭداۋلى ٴداستۇرلى مادەنيەتىن جاسامپازدىقپەن كادەگە جاراتىپ، جاڭالىق اشا دامىتىپ، توڭكەرىستىك مادەنيەتكە مۇراگەرلىك ەتىپ، سوتسياليستىك وزىق مادەنيەتتى دامىتۋ نەگىزىندە، ادامزاتتىڭ بارلىق تاڭداۋلى وركەنيەت جەتىستىكتەرىنەن تاجىريبە الۋ، قابىلداۋ نەگىزىندە قۇرعان؛ ماركسيزمنىڭ نەگىزگى قاعيدالارىن جۇڭگونىڭ ناقتى ٴىس جۇزىندىگىمەن، جۇڭحۋانىڭ تاڭداۋلى ٴداستۇرلى مادەنيەتىمەن ٴوزارا ۇشتاستىرۋ ارقىلى قۇرعان.
ۋاقىتتىڭ سالقار كوشىندە دەربەس، ٴوز ـ وزىنە قوجايىن بولۋ سىندى جۇڭحۋا ۇلتىنىڭ رۋحاني جانىن سەزىنگەندە عانا، مادەنيەتتىڭ نەگىزگى تۇلعالىق سيپاتىنىڭ قايدان كەلگەندىگىن تەرەڭ تۇسىنە الامىز _
مىڭ جىلدىق وقۋ ورداسى، يۋەلۋ مەكتەبى. مەكتەپ ساباقحاناسىنا بيىك ىلىنگەن ”شىندىقتى ٴىس جۇزىنەن ىزدەۋ“ دەگەن ماڭدايشالىق جۇڭحۋانىڭ تاڭداۋلى ٴداستۇرلى مادەنيەتىنىڭ ارىدان جالعاسىپ كەلە جاتقان، بۇرىنعى مەن بۇگىنگىگە ساۋلە شاشقان يدەيا نۇرىن ەستەلىككە الىپ تۇر.
2020 ـ جىلى 9 ـ ايدا باس شۋجي شي جينپيڭ وسى جەردە قىزمەت تەكسەرگەندە وسى ماڭدايشالىققا كوز تاستاپ، ۇزاق ويعا شومدى: ”كوممۋنيستىك پارتيا قالاي تابىسقا جەتتى؟ سول جىلدارداعى شىكۋمىنداعى، نانحۋ كولىندەگى سول قايىقتاعى، سول 10 نەشە ادامنان بۇگىن مىنە وسى دەڭگەيگە جەتتىك. بۇل ارالىقتاعى جولدى، ٴسوز جوق، انىق ٴتۇسىنۋ، اقيقاتتى، ٴسوز جوق، جەرگىلىكتەندىرۋ كەرەك“.
تاياۋ زامانعى جۇڭگونىڭ ەڭ قىسىلتاياڭ شاعىندا جۇڭگو كوممۋنيستەرى وزدەرىنىڭ تاريحي ٴداستۇرى مەن مادەنيەت قورىن تياناق ەتىپ، جۇڭگونىڭ نەگىزگى مەملەكەت جاعدايىنان باستاپ كىرىسىپ، دەربەس، ٴوز ـ وزىنە قوجايىن بولا وتىرىپ وزدەرىنە ۇيلەسەتىن جولدى تاۋىپ، تالايدان بەرى شىرت ۇيقىدا جاتقان ۇلتتى وياتىپ، الماعايىپ كۇيگە تۇسكەن ۇلى وركەنيەتتى قاۋلاتتى.
جاڭا داۋىرگە قادام تاستاعاندا، باس شۋجي شي جينپيڭ ”ەكىنى ۇشتاستىرۋ“ سىندى كەلەلى تۇجىرىمدى جاسامپازدىقپەن العا قويىپ، ماركسيزمنىڭ نەگىزگى قاعيدالارىن جۇڭگونىڭ ناقتى ٴىس جۇزىندىگىمەن ٴوزارا ۇشتاستىرۋعا، جۇڭحۋانىڭ تاڭداۋلى ٴداستۇرلى مادەنيەتىمەن ٴوزارا ۇشتاستىرۋعا تاباندى بولىپ، جۇڭحۋا مادەنيەتى مەن جۇڭگو رۋحىنىڭ داۋىرلىك جاۋھارىن جەتىلدىرىپ، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا قارىشتاۋىن جۇزەگە اسىردى.
ساياسي ٴتۇزىم جاعىنداعى كوشىرىپ اكەلىپ قوندىرىلعان ”فيلايفىڭعا“ تۋى ايقىن تۇردە قارسى تۇرىپ، ”اياق كيىمنىڭ ٴدال كەلگەن ـ كەلمەگەندىگىن كيگەن ادام بىلەدى“، ’”ورىنسىز ەلىكتەپ، وزىندىك ەرەكشەلىگىنەن ايرىلۋعا‘ استە بولمايدى“ دەگەندەردى باسا دارىپتەدى؛ ”دۇنيە جۇزىندە مىقتىنىڭ ٴسوزىن عانا ەسەپكە الاتىن وسىزامانداندىرۋ ۇلگىسى دە، بار الەمگە باپ كەلەتىن وسىزامانداندىرۋ ولشەمى دە جوق“، ”ٴبىزدىڭ ىلگەرىلەتەتىن وسىزامانداندىرۋىمىزدا ٴار ەل وسىزامانداندىرۋىنىڭ ورتاق ەرەكشەلىگى بار، ونان دا ماڭىزدىسى، مەملەكەت جاعدايىنا نەگىزدەلگەن جۇڭگوشا ەرەكشەلىك بار“ دەگەندەردى اتاپ كورسەتتى...
شي جينپيڭ جاڭا ٴداۋىر جۇڭگوشا سوتسياليزم يدەياسىن جاراتۋ _ ٴدال مادەنيەتتىڭ نەگىزگى تۇلعالىق سيپاتىنىڭ ەڭ پارمەندى بەينەسى.
مادەنيەتتىڭ نەگىزگى تۇلعالىق سيپاتى بولعاندىقتان عانا، مادەنيەت مانىندەگى مىعىم وزىندىك دارالىق بولدى، مادەنيەت سەنىمىنىڭ ٴتۇبىرلى سۇيەنىشى بولدى، جۇڭگو كوممۋنيستىك پارتياسى داۋىرگە جەتەكشىلىك ەتەتىن قۇدىرەتتى مادەنيەت كۇش ـ قۋاتىنا يە بولدى، جۇڭحۋا ۇلتى مەن جۇڭگو حالقى مەملەكەتتى شىنايى مويىنداۋدىڭ بەرىك مادەنيەت نەگىزىنە يە بولدى، جۇڭحۋا وركەنيەتى دۇنيە جۇزىندەگى باسقا وركەنيەتتەرمەن اۋىس ـ كۇيىس جاساپ، ٴوزارا ۇلگى الاتىن ايقىن مادەنيەت ەرەكشەلىگىنە يە بولدى.
”مادەنيەت سەنىمىن جالپى ۇلتتىڭ رۋحاني مىنەز ـ قۇلقى مەن مادەنيەت قاسيەتىنە ٴسىڭىرۋ كەرەك“
”جۇڭگوشا فينانس مادەنيەتىن بەلسەنە جەتىلدىرۋ كەرەك“. تاياۋدا ولكە، مينيسترلىك دارەجەلى نەگىزگى باسشى كادرلاردىڭ فينانستىڭ جوعارى ساپالى دامۋىن ىلگەرىلەتۋ ارناۋلى تاقىرىپتىق زەرتتەۋ ـ تالقى كۋرسىنىڭ ساباق باستاۋ سالتىندا باس شۋجي شي جينپيڭ وسى ٴبىر كەلەلى تاقىرىپتى العا قويدى، مۇنىڭ مادەنيەت سەنىمىنىڭ نەگىزىن ونان ارى نىعايتىپ، ”ادال، سەنىمدى بولۋ“، ”ادىلدىكپەن پايداعا قول جەتكىزۋ“ سياقتى جۇڭحۋانىڭ تاڭداۋلى ٴداستۇرلى مادەنيەتىنىڭ تىڭ داۋىرلىك ساۋلە شاشۋىن ىلگەرىلەتەتىندىگى داۋسىز.
مادەنيەت سەنىمىن بەكەمدەۋدە ٴوز جولىمەن جۇرۋگە تاباندى بولۋ كەرەك.
تاريح مۇنارىن ٴتىلىپ وتكەن جۇڭحۋا وركەنيەتى نەشە مىڭداعان جىلعى بوران ـ شاشىندى باستان كەشىرگەنىمەن، ەشقاشان ۇزىلمەي بۇگىنگە دەيىن تۇتاسىپ، باستان ـ اياق ۇزىلمەي جالعاسىپ، ۋاقىت وتكەن سايىن جاڭاردى. باس شۋجي شي جينپيڭ بىلاي دەپ تەرەڭدەي اتاپ كورسەتتى: ”جۇڭحۋا وركەنيەتىنىڭ كورنەكتى ۇلاسپالىلىققا يە بولۋى، تۇبىرىنەن العاندا، جۇڭحۋا ۇلتىنىڭ، ٴسوزسىز، ٴوز جولىمەن ٴجۇرۋىن بەلگىلەگەن“.
ٴوز جولىمەن ٴجۇرۋ _ پارتيانىڭ بارلىق نازارياسى مەن امالياتىنىڭ تابان تىرەر تياناعى، ونان دا ماڭىزدىسى، پارتيانىڭ 100 جىلدىق كۇرەسىنەن شىعارىلعان تاريحي قورىتىندى.
شىنجىنداعى ليانحۋاشاندا بيىك تە بىتىك وسكەن تاۋ ٴىنجىرى جەلگە قارسى قاسقايىپ، جاڭا داۋىردەگى رەفورما جاساۋدىڭ، ەسىك اشۋدىڭ الۋان بەينەسىنە كۋا بولىپ تۇر.
باس شۋجي شي جينپيڭ بىلاي دەدى: ”ٴبىز، ارينە، رەفورما تۋىن بيىك ۇستايمىز، الايدا ٴبىزدىڭ رەفورمامىز جۇڭگوشا سوتسياليزم جولىمەن تىنباي العا ىلگەرىلەگەن رەفورما، تۇيىقتالعان قاتىپ ـ سەمگەن ەسكى سۇردەكپەن دە جۇرمەيدى، تۋ وزگەرتىپ، جالاۋ اۋىستىراتىن تەرىس جولعا دا تۇسپەيدى“.
ٴدال ٴوز جولىمەن جۇرۋگە تاباندى بولعاندىقتان، رەفورما جاساۋ، ەسىك اشۋ قازىرگى زامانعى جۇڭگونىڭ بولاشاعىن، تاعدىرىن بەلگىلەيتىن شەشۋشى شاراعا اينالىپ، جۇڭگو ارشىندى قاداممەن داۋىرگە ىلەستى.
ٴدال ٴوز جولىمەن جۇرۋگە تاباندى بولعاندىقتان، مەملەكەت پەن ۇلتتىڭ دامۋىندا ٴوز كۇش ـ قاۋقارىن تياناق ەتۋگە تاباندى بولعان جۇڭگو دامۋ، العا باسۋ تاعدىرىن ٴوز قولىندا مىقتاپ يگەردى.
مادەنيەت سەنىمىن بەكەمدەۋدە رۋحاني جاقتاعى دەربەس، ٴوز ـ وزىنە قوجايىن بولۋدى جۇزەگە اسىرۋ كەرەك.
ادامدا رۋح بولماسا، ەڭسە كوتەرىپ تۇرا المايدى، مەملەكەتتە رۋح بولماسا، قۇدىرەتتەنە المايدى. ەگەر ٴوزىنىڭ رۋحاني دەربەستىگى بولماسا، وندا ساياسات، يدەيا، مادەنيەت، ٴتۇزىم سياقتى جاقتارداعى دەربەستىك تياناعىنان ايرىلادى.
2023 ـ جىلى 6 ـ ايدىڭ 30 ـ كۇنى جۇڭگو كوممۋنيستىك پارتياسى ورتالىق كوميتەتى ساياسي بيۋروسى ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ٴورىسىن اشۋ جونىندە 6 ـ رەت توپتىق ۇيرەنۋ جۇرگىزدى، باس شۋجي شي جينپيڭ شىن ىقىلاسپەن بىلاي دەدى:
”ماركسيزمنىڭ جۇڭگوشالانۋى، زامانالانۋى سىندى كەلەلى تاقىرىپتىڭ ٴوزى ٴبىزدىڭ ماركسيزم سىندى رۋح تامىردان استە كەشۋىمىزگە، جۇڭحۋانىڭ تاڭداۋلى ٴداستۇرلى مادەنيەتى سىندى جان تامىردان استە كەشۋىمىزگە بولمايتىندىعىن بەلگىلەگەن. وسى رۋح پەن جانعا تاباندى بولۋ _ نازاريالىق جاسامپازدىقتىڭ نەگىزى جانە العى شارتى“.
جاڭا داۋىردەگى جۇڭگو كوممۋنيستەرى ماركسيزمنىڭ نەگىزگى قاعيدالارىن جۇڭحۋانىڭ تاڭداۋلى ٴداستۇرلى مادەنيەتىمەن ٴوزارا ۇشتاستىرۋدىڭ تىڭ ٴورىسىن اشىپ، مادەنيەتتىڭ نەگىزگى تۇلعالىق سيپاتىن بەكەمدەدى.
باس شۋجي شي جينپيڭ بىلاي دەپ اتاپ كورسەتتى: مادەنيەت سەنىمىن بەكەمدەۋدىڭ ماڭداي الدى مىندەتى _ جۇڭحۋا ۇلتىنىڭ ۇلى تاريحي امالياتى مەن قازىرگى زامانعى امالياتىن تياناق ەتىپ، جۇڭگو قاعيداسىن قولدانىپ، جۇڭگو تاجىريبەسىن ويداعىداي قورىتىندىلاپ، جۇڭگو تاجىريبەسىن جۇڭگو نازارياسى دەڭگەيىنە كوتەرىپ، ٴارى كورسوقىرلىقپەن ٴار ٴتۇرلى دوگمالارعا ىلەسپەي، ٴارى شەتەلدىڭ نازاريالارىن قالپىن قۇراتپاي كوشىرمەي، رۋحاني جاقتاعى دەربەس، ٴوز ـ وزىنە قوجايىن بولۋدى جۇزەگە اسىرۋ.
مادەنيەت سەنىمىن بەكەمدەۋدە مىنا دۇنيەگە ٴتۇزۋ قاراۋ كەرەك.
”جۇڭگونى ٴتۇسىنۋ“، ”قۋانىشتى كوكتەم مەرەكەسى“، ”كوكتەم مەرەكەسىن بار الاپ بىرگە تويلاۋ“ سياقتى ماركالى قيمىلدار دۇنيە جۇزىنە بەت الىپ، جۇڭحۋا مادەنيەتىنىڭ تارتىمدىلىعى ورلەۋىن كوتەردى؛ بەيجيڭ قىسقى وليمپيادا سپورت جارىسى، حاڭجوۋ ازيا سپورت جارىسى، چىڭدۋ دۇنيە ٴجۇزى جوعارى مەكتەپ وقۋشىلارى جازعى سپورت جارىسى شار تاراپتى تاڭ قالدىرىپ، جۇڭحۋا مادەنيەتىنىڭ دارقان، سيىسىمدى ماڭعاز بەينەسىن ايگىلەدى؛ جۇڭگو _ افريكا سەلبەستىك تالقى مىنبەرى، شاڭحاي جۇڭگو حالىقارالىق يمپورت كورمەسى، ازيا وركەنيەتتەر تىلدەسۋ جينالىسى سياقتى ٴبىر قىدىرۋ اسابالىق ديپلوماتيا جۇڭگو حيكاياسىن بايانداپ، جۇڭگو تاجىريبەسىن تانىستىردى... جۇڭگو ٴدال اشىق تا سيىسىمدى پەيىلمەن دۇنيە ٴجۇزى الدىندا ايگىلەندى.
ٴدال باس شۋجي شي جينپيڭ مادەنيەتتى جالعاستىرۋ، دامىتۋ اڭگىمە ماجىلىسىندە اتاپ كورسەتكەندەي: ”مادەنيەت سەنىمىن جالپى ۇلتتىڭ رۋحاني مىنەز ـ قۇلقى مەن مادەنيەت قاسيەتىنە ٴسىڭىرىپ، اسقاق بەينەمەن العا ۇمتىلاتىن كەسكىن ـ كەلبەت پەن اقىلدى دا سابىرلى كوڭىل كۇيگە داعدىلانۋ كەرەك“.
حالىقتا سەنىم بولسا، ۇلتتا ٴۇمىت، مەملەكەتتە كۇش ـ قۋات بولادى.
مادەنيەت سەنىمىنىڭ نەگىزىن ۇزدىكسىز نىعايتىپ، مادەنيەتتىڭ نەگىزگى تۇلعالىق سيپاتىن ۇزدىكسىز بەكەمدەپ، ٴجۇز ميلليونداعان جۇڭحۋا ۇلاندارى وزىنە سەنىپ، ٴوزىن الۋەتتەندىرىپ، اسقاق سەزىممەن مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ ۇلى جورىعىندا كوكىرەك كەرىپ، ارشىندى قادام تاستاۋدا.
(شينحۋا اگەنتتىگىنىڭ 1 ـ ايدىڭ 26 ـ كۇنى بەيجيڭنەن بەرگەن حابارى)