_ 2023 ـ جىلعى اۆتونوميالى رايوندىق حالىق قۇرىلتايى تۇراقتى كوميتەتىنىڭ قىزمەتىنە جالپى شولۋ
انار بۇلت \ شينجياڭ گازەتىنىڭ ٴتىلشىسى جاڭ لەي
2023 ـ جىل _ پارتيا 20 ـ قۇرىلتايىنىڭ رۋحىن جاپپاي دايەكتىلەندىرۋدىڭ، تياناقتاندىرۋدىڭ باستاما جىلى، سونداي ـ اق اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ زاڭ بويىنشا مىندەت وتەۋگە قادام باسقان جىلى. جاڭا تاريحي باستالۋ تۇيىنىندە اۆتونوميالى رايوندىق حالىق قۇرىلتايى تۇراقتى كوميتەتى جاڭا جاعدايعا، جاڭا مىندەتكە ىرىقتىلىقپەن سايكەسىپ، جاڭا داۋىردەگى حالىق قۇرىلتايى قىزمەتىنىڭ جوعارى ساپالى دامۋىن جاپپاي ىلگەرىلەتتى.
پارتكومنىڭ شەشىمدەرى، ورنالاستىرۋلارى قايدا بولسا، حالىق قۇرىلتايى قىزمەتى سول جەرگە دەيىن جەتتى، فۋنكتسيالىق رولىن سول جەرگە دەيىن ساۋلەلەندىردى. ٴبىر جىلدان بەرى اۆتونوميالى رايوندىق حالىق قۇرىلتايى تۇراقتى كوميتەتى حالىق قۇرىلتايى قىزمەتىنىڭ دۇرىس ساياسي بەتالىسىن مىقتاپ يگەرىپ، اۆتونوميالى رايوندىق پارتكومنىڭ باسشىلىعىندا، مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىن كوزدەپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋگە شوعىرلاندىرىپ، حالىق قۇرىلتايىنىڭ زاڭ بويىنشا مىندەت وتەۋدەگى كىرىسۋ ٴتۇيىنىن جانە كۇش سالۋ ٴتۇيىنىن دالمە ـ ٴدال، ناقتى تاۋىپ، تاماشا زاڭ ەرەجە شىعارۋ، باقىلاۋدى كۇشەيتۋ، جۇرت تىلەگىن ۇيىستىرۋ رولىن بەلسەنە ساۋلەلەندىرىپ، زاڭ بويىنشا مىندەت وتەپ، جاۋاپكەرشىلىكتى ادا ەتۋدىڭ، جالپى بارىستىق حالىق دەموكراتياسىن ۇزدىكسىز دامىتۋدىڭ ٴداۋىر جاۋاپناماسىن تاپسىردى.
ەكونوميكانىڭ، قوعامنىڭ جوعارى ساپالى دامۋىن زاڭ ەرەجە شىعارىپ قورعادى
قازىر شينجياڭدى جاپپاي زاڭ بويىنشا باسقارۋ ىشكەرىلەي ىلگەرىلەتىلىپ، جەرگىلىكتى ورىننىڭ زاڭ ەرەجە شىعارۋ رولى اناعۇرلىم كورنەكتىلەندى. اۆتونوميالى رايوندىق حالىق قۇرىلتايىنىڭ تۇراقتى كوميتەتى جاڭا داۋىردەگى پارتيانىڭ زاڭ شىعارۋ قىزمەتى جونىندەگى جاڭا تالابىنا ۇيلەسىپ، زاڭ ەرەجەنى عىلمي شىعارۋدى، زاڭ ەرەجەنى دەموكراتيالىق جولمەن شىعارۋدى، زاڭ بويىنشا زاڭ ەرەجە شىعارۋدى ىشكەرىلەي ىلگەرىلەتىپ، جوعارى ساپامەن زاڭ ەرەجە شىعارۋ ارقىلى جوعارى ساپالى دامۋدى قامتاماسىز ەتتى، قوعامدى جوعارى ونىمدىلىكپەن باسقارۋعا دەم بەردى، بۇقارانىڭ جوعارى ساپالى تۇرمىسىن ساقتادى.
_ زاڭ شىعارۋ جوباسىن عىلمي جاسادى. جەرگىلىكتى زاڭ ەرەجەلەر جۇيەسىن اقاۋسىزداندىرۋدى، كەمەلدەندىرۋدى كوزدە ۇستاپ، زاڭ ەرەجە شىعارۋ نىسانى جونىندەگى ۇسىنىستاردى كەڭىنەن جيناپ، وڭتۇستىك شينجياڭ، سولتۇستىك شينجياڭ، ٴۇرىمجى _ قارامايلى _ سانجى اۋماعى زاڭ ەرەجە شىعارۋ جوباسىن قۇراستىرۋ قىزمەتى اڭگىمە ٴماجىلىسىن اشىپ، مەملەكەتتىك حالىق قۇرىلتايى تۇراقتى كوميتەتىنىڭ زاڭ ەرەجە شىعارۋ جوباسىمەن ٴتۇيىلىستىرىپ، 5 جىلدىق زاڭ ەرەجە شىعارۋ جوباسىن قۇراستىرىپ، 126 زاڭ ەرەجە شىعارۋ نىسانىن تۇراقتاندىردى.
_ ٴتۇيىندى سالالاردا زاڭ ەرەجە شىعارۋدى كۇشەيتتى. «شينجياڭ ۇيعۇر اۆتونوميالى رايونىنىڭ الەۋمەتتىك كىتاپحانا ەرەجەسى»، «شينجياڭ ۇيعۇر اۆتونوميالى رايونىنىڭ ولشەمدەندىرۋ ەرەجەسى»، «شينجياڭ ۇيعۇر اۆتونوميالى رايونىنىڭ اۋا رايى اپاتىنان ساقتانۋ ەرەجەسى» سياقتى زاڭ ەرەجەلەردى جاساپ، شينجياڭدى مادەنيەتپەن نارلەندىرۋ، قوعامدىق باسقارۋدى وسىزامانداندىرۋ، ەكونوميكانىڭ جوعارى ساپالى دامۋى، ەكولوگيالىق ورتانى قورعاۋ سياقتى سالالاردى قامتىپ، شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن بەلسەنە قورعادى.
_ زاڭ ەرەجە شىعارۋعا جۇرتتى قاتىناستىرىپ، دەموكراتيالىق جولمەن زاڭ ەرەجە شىعاردى. زاڭ ەرەجە شىعارۋ قىزمەت ارناسىن اقاۋسىزداندىرىپ، كەمەلدەندىرىپ، نەگىزگى ساتى زاڭ ەرەجە شىعارۋ بايلانىس جاساۋ ٴتۇيىنىنىڭ ساپاسىن جوعارىلاتۋدى، كولەمىن كەڭەيتۋدى ىلگەرىلەتىپ، زاڭ ەرەجە شىعارۋ بويىنشا كەڭەس الۋ ماماندار قويماسىن كەمەلدەندىرىپ، زاڭ ەرەجە شىعارۋ بويىنشا كەڭەس الۋ بازاسىن قۇرىپ، ەڭ جوعارى شەكتە حالىق تىلەگىنە قۇلاق ٴتۇرۋ، حالىق اقىل ـ پاراساتىن توپتاپ، ورتاق تانىم ۇيىستىرىپ، زاڭ ەرەجە شىعارۋدىڭ باعىتتامالىلىعىن، قولدانىلمالىلىعىن، يكەمدىلىگىن ۇزدىكسىز كۇشەيتتى.
_ زاڭ ەرەجەلەردى بەكىتۋگە جولداۋ جانە ەستەلىككە الۋ، تەكسەرۋ قىزمەتىن ويداعىداي ىستەدى. ەستەلىككە الۋ، تەكسەرۋ قىزمەتىن زاڭ بويىنشا ورىستەتىپ، زاڭ ەرەجەلەردى بەكىتۋگە جولداۋ قىزمەتىنىڭ ساپاسىن جوعارىلاتىپ، تۇتاس جىلدا مەملەكەتتىك حالىق قۇرىلتايى تۇراقتى كوميتەتىنە جانە مەملەكەتتىك كەڭەسكە 47 زاڭ ەرەجەنى ەستەلىككە الدىرىپ، ٴوز دارەجەسىندەگى 42 ولشەمدى حۇجاتتى تەكسەرىپ، زاڭ ەرەجەلەر، ەرەجە ٴتارتىپ، ولشەمدى حۇجاتتار ساندى مالىمەت قويماسى قۇرىلىسىن جەدەل ىلگەرىلەتىپ، زاڭ شىعارۋ، وزگەرىس ەنگىزۋ، كۇشىنەن قالدىرۋ، ٴتۇسىندىرۋدى قاتار جۇرگىزۋگە تاباندى بولىپ، كوللەكتيۆ توقتام ەرەجەسى سياقتى 7 زاڭ ەرەجەنى دەر كەزىندە كۇشىنەن قالدىردى.
باقىلاۋدىڭ بەرىكتىگى مەن ناقتى ونىمدىلىگىن ۇزدىكسىز كۇشەيتتى
اۆتونوميالى رايوندىق حالىق قۇرىلتايى تۇراقتى كوميتەتى دۇرىس باقىلاۋعا، ٴونىمدى باقىلاۋعا، زاڭ بويىنشا باقىلاۋعا تاباندى بولىپ، باقىلاۋ ٴتۇيىنىن جوعارى ساپامەن بەلگىلەۋ، باقىلاۋ ٴتاسىلىن جاقسارتۋ، باقىلاۋدىڭ ناقتى ونىمدىلىگىن كۇشەيتۋ جاعىنا كۇش سالىپ، نەگىزگى زاڭنىڭ جانە زاڭداردىڭ، زاڭ ەرەجەلەردىڭ ٴونىمدى اتقارىلۋىنا شىنايى كەپىلدىك ەتتى، اكىمشىلىك ۇقىقتىڭ، باقىلاۋ ـ تەكسەرۋ ۇقىعىنىڭ، سوت ۇقىعىنىڭ، پروكۋراتۋرا ۇقىعىنىڭ زاڭ بويىنشا دۇرىس جۇرگىزىلۋىنە شىنايى كەپىلدىك ەتىپ، جوعارى ساپالى باقىلاۋ ارقىلى جوعارى ساپالى دامۋعا جانە جوعارى دەڭگەيدەگى حاۋىپسىزدىككە قىزمەت وتەدى.
قازىنالىق كىرىس حالىقتان الىنىپ، حالىققا جۇمسالدى. اۆتونوميالى رايوندىق حالىق قۇرىلتايى تۇراقتى كوميتەتى جوسپاردى، مەجە ەسەپتى باقىلاۋدى بارىنشا كۇشەيتىپ، ”14 ـ بەسجىلدىق“ جوبا باعدارلاماسىن اتقارۋدىڭ ورتا مەرزىمدىك باعالاۋ مالىمەتى جانە رەتتەۋ جوباسى سياقتىلاردى تىڭداپ، قاراپ، ەكونوميكانىڭ جوعارى ساپالى دامۋىنا قىزمەت وتەدى. قازىنالىق باقىلاۋدا بايقالعان ماسەلەلەردى رەتتەۋ ـ تۇزەتۋ احۋالىن قاداعالاپ باقىلاۋدى كۇش سالا نىعايتىپ، رەتتەۋ ـ تۇزەتۋ ماسەلەسىنىڭ تياناقتانۋىن قۋزاپ جەبەيدى. ۇكىمەت قارىز ىستەرىن باقىلاۋدى بارىنشا كۇشەيتىپ، ۇكىمەت قارىز ىستەرىن تەكسەرۋدى، باقىلاۋدى كۇشەيتۋ جونىندە قاۋلى شىعارىپ، ارناۋلى تاقىرىپتا تەكسەرۋ ـ زەرتتەۋ جۇرگىزىپ، ارناۋلى قىزمەت بايانداماسىن تۇڭعىش رەت تىڭداپ جانە قاراپ، جۇيەلىك حاۋىپ ـ قاتەردىڭ تۋىلماۋ تومەنگى شەگىن ساقتادى. مەملەكەت مەنشىگىندەگى مال ـ مۇلىكتى باسقارۋ ـ باقىلاۋدى بارىنشا كۇشەيتىپ، مەملەكەت مەنشىگىندەگى مال ـ مۇلىكتى باسقارۋ احۋالىن باقىلاۋ قىزمەتىنىڭ بەس جىلدىق جوسپارىن جاساپ جانە اتقارىپ، مەملەكەت مەنشىگىندەگى مال ـ مۇلىكتى باسقارۋدىڭ عىلميلانۋىن، جۇيەلىلەنۋىن ىلگەرىلەتتى.
سانسىز ٴىستىڭ ىشىندە حالىق تۇرمىسى بارىنەن ماڭىزدى. اۆتونوميالى رايوندىق حالىق قۇرىلتايى تۇراقتى كوميتەتى قوعام ٴجىتى قاداعالاپ وتىرعان ماسەلەلەرگە جاۋاپ قايتارۋ بارىسىندا حالىق ٴۇشىن قىزمەت ىستەۋ بورىشىن ارقالاپ، حالىق بۇقاراسىنىڭ شۇعىل، قيىن، ۋايىمداعان، ٴزارۋ ماسەلەلەرىن شەشۋدى ىلگەرىلەتىپ، شارۋاشىلىق ـ ساۋدا ورتاسىن ساپالىلاندىرۋ ەرەجەسى، مىندەتتى وقۋ ـ اعارتۋ زاڭى، ٴورت ٴسوندىرۋ، ورتتەن ساقتانۋ زاڭى جانە اۆتونوميالى رايوننىڭ ٴورت ٴسوندىرۋ، ورتتەن ساقتانۋ ەرەجەسى سياقتى زاڭنىڭ اتقارىلۋىن تەكسەرۋدى ورىستەتىپ، شارۋاشىلىق ـ ساۋدا ورتاسىن جاقسارتۋ، عىلىم ـ تەحنيكادا جاڭالىق اشۋعا شابىتتاندىرۋ، اۋىل ـ قىستاقتى گۇلدەندىرۋگە دەم بەرۋ ارقىلى تاماشا ورتا ازىرلەۋ ٴۇشىن ٴار ۇلت بۇقاراسىنىڭ زاڭدى ۇقىق ـ مۇددەسىن زاڭ بويىنشا قورعاپ، ٴار ۇلت بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىن قورعادى.
تۇنىق سۋ، جاسىل تاۋ _ باعالى بايلىق. اۆتونوميالى رايوندىق حالىق قۇرىلتايى تۇراقتى كوميتەتى نازاردى ەكولوگيالىق وركەنيەت قۇرىلىسىنا شوعىرلاندىرىپ، تۇڭعىش رەتكى مەملەكەتتىك ەكولوگيا كۇنى ۇگىت قيمىلىن ورىستەتىپ، سازدى جەرلەردى قورعاۋ زاڭىنىڭ اتقارىلۋ جاعدايىن نەگىزگى مازمۇن ەتكەن تيانشان قورشاعان ورتانى قورعاۋ ساپارى بويىنشا زاڭ اتقارۋدى تەكسەرۋدى ۇيىمداستىرىپ، ورىستەتىپ، زاڭمەن باسقارۋ كۇشى ارقىلى تۇنىق سۋ، جاسىل تاۋدى قورعادى.
ناقتى ونىمدىلىك _ باقىلاۋ قىزمەتىنىڭ ومىرشەڭدىك قۋاتىنىڭ قاينارى. اۆتونوميالى رايوندىق حالىق قۇرىلتايى تۇراقتى كوميتەتى باقىلاۋ قىزمەتى ٴتاسىلىن جاقسارتىپ، ”زاڭنىڭ اتقارىلۋىن تەكسەرۋ + ارناۋلى تاقىرىپتا كەڭەس الۋ“، ”مەجە ەسەپتى تەكسەرۋ + ينتەرنەتتە باقىلاۋ“، ”قاداعالاپ باقىلاۋ + ۇزدىكسىز ونىمدىلىگىن قۋزاستىرۋ“ سياقتى ۇلگىلەردەن جان ـ جاقتى پايدالانىپ، باقىلاۋدى تەرەڭدەتىپ، ۇلگى الىپ، جاسىرىن تەكسەرۋ، سۇراۋ قاعازىمەن تەكسەرۋ، تاپسىرىسپەن تەكسەرۋ سياقتى ادىستەردى قولدانىپ، باقىلاۋدىڭ بيڭتۋان مەن جەرگىلىكتى ورىنداردى تولىق قامتۋىن جۇزەگە اسىرىپ، باقىلاۋ بارىسىندا بايقالعان كورنەكتى ماسەلەلەر بويىنشا قاداعالاپ باقىلاۋدى، ۇزدىكسىز باقىلاۋدى كۇشەيتىپ، قاداعالاپ جىبەرمەي، سوڭىنا دەيىن مىقتى يگەرىپ، رەفورما، دامۋ، ورنىقتىلىق كەلەلى جاعدايىنا ساياتىن جانە حالىق بۇقاراسى جاپپاي نازار اۋدارىپ وتىرعان ٴبىر توپ قولامتالى، قيىن ماسەلەلەردىڭ شەشىلۋىن ىلگەرىلەتىپ، حالىق قۇرىلتايى باقىلاۋىنىڭ بەرىكتىگى مەن ناقتى ونىمدىلىگىن اناعۇرلىم كۇشەيتتى.
ۋاكىلدەر زاڭ بويىنشا مىندەت اتقارىپ، حالىق تىلەگىن، حالىق كۇشىن كەڭىنەن توپتادى
اۆتونوميالى رايوندىق حالىق قۇرىلتايى تۇراقتى كوميتەتى ۋاكىلدەردىڭ تۇلعالىق ورنىن قۇرمەتتەۋگە تاباندى بولىپ، ٴبىر تۇتاس جوسپارلاپ جوبالاۋدى كۇشەيتىپ، قىزمەت مەحانيزمىن كەمەلدەندىرىپ، ۋاكىلدەردىڭ قىزمەتتەگى جالپى تۇلعالىق قابىلەتىن جوعارىلاتىپ، ۋاكىلدەردىڭ زاڭ بويىنشا مىندەت اتقارۋى، رولىن اناعۇرلىم ويداعىداي ساۋلەلەندىرۋى ٴۇشىن جوعارى ساپالى قىزمەت وتەۋ جانە قامتاماسىزدىق ازىرلەۋگە قۇلشىنىپ، جوعارى ساپالى ۋاكىلدەر قىزمەتى ارقىلى العىس ايتىپ ەكپىندەي ىلگەرىلەيتىن تەلەگەي كۇش ۇيىستىردى.
2023 ـ جىلى اۆتونوميالى رايوندىق حالىق قۇرىلتايى تۇراقتى كوميتەتى مەملەكەتتىك جانە اۆتونوميالى رايوندىق حالىق قۇرىلتايىنىڭ 101 ۋاكىلىن تۇراقتى كوميتەت ماجىلىسىنە سىرتتاي قاتىناسۋعا ۇسىنىس ەتىپ، 5 رەت ۋاكىلدەر اڭگىمە ٴماجىلىسىن اشىپ، حالىق قۇرىلتايى ۋاكىلدەرىن 120 نەشە ادام ـ رەت تۇراقتى كوميتەتتىڭ ”ٴۇشتى تەكسەرۋ (بايقاۋ)“ قيمىلىنا قاتىناسۋعا ۇسىنىس ەتىپ، ۋاكىلدەردىڭ تۇراقتى كوميتەت قىزمەتىنە ات سالىسۋ كەڭدىگى مەن تەرەڭدىگىن ارتتىردى.
ۋاكىلدەردىڭ كەڭەستىك جوبالارى مەن ۇسىنىستارىن ٴبىتىرۋ _ ۋاكىلدەردىڭ ۇقىعى مەن حالىق ۇقىعىنا قۇرمەت ەتۋدىڭ ناقتى بەينەسى. كەزەكتە اۆتونوميالى رايوندىق 14 ـ كەزەكتى حالىق قۇرىلتايى 1 ـ ماجىلىسىندەگى قۇرىلتايدىڭ ٴتوراعالار القاسى تاپسىرعان ۋاكىلدەردىڭ 16 كەڭەستىك جوباسى تۇگەلدەي قارالىپ بولدى، ونىڭ ىشىندەگى 14ى زاڭ شىعارۋ جوباسىنا ەنگىزىلدى؛ ۋاكىلدەر ورتاعا قويعان 407 ۇسىنىس تۇگەلدەي ٴبىتىرىلدى، ونىڭ ىشىندەگى اۆتونوميالى رايوندىق پارتكوم مەن ۇكىمەت باسشىلارى بىتىرۋگە باستاماشىلدىقپەن قۋزاۋشىلىق ەتكەن 19 ۇسىنىس، تۇراقتى كوميتەت تۇراقتاندىرعان بىتىرۋگە قۋزاۋشىلىق ەتكەن 15 ٴتۇيىندى ۇسىنىس تۇگەلدەي ٴبىتىرىلدى.
وسى ٴبىر جىلدا اۆتونوميالى رايوندىق حالىق قۇرىلتايى تۇراقتى كوميتەتى جاڭا داۋىردەگى پارتيانىڭ شينجياڭدى باسقارۋ جالپى جوباسى جونىندەگى ۋاكىلدەردىڭ كولەمدى ۇگىت لەكسياسىن جاسامپازدىقپەن ورىستەتىپ، ”10 مىڭ ۋاكىل 10 مىڭ وتباسىنا بارۋ“ نەگىزگى تاقىرىپتىق امالياتتىق قيمىلىن ۇزدىكسىز ورىستەتىپ، جيىنى 270 مىڭ الاڭ ـ رەتتەن استام ۇگىت لەكسيا ورىستەتىپ، قاتىناسقاندار 3 ميلليون ادام ـ رەتتەن استى. بۇدان سىرت، ٴار دارەجەلى حالىق قۇرىلتايى ۋاكىلدەرى ۋاكىلدەردىڭ ”وتاۋ، كەڭسە، پۋنكتتەرىنە“ كىرىپ، 2 ميلليون 400 مىڭ ادام ـ رەتتەن استام بۇقارامەن بايلانىس جاساپ، قابىلداپ، بۇقارانىڭ پىكىر ـ ۇسىنىستارىنان 68 مىڭنان استامىن تىڭداپ جانە اڭىس ەتىپ، نەگىزگى ساتىمەن سەلبەسىپ قايشىلىق، داۋ ـ شارلاردان 84 مىڭنان استامىن شەشىم ەتىپ، بۇقارا ٴۇشىن 28 مىڭنان استام ناقتى ٴىس، جاقسى ٴىس ٴبىتىرىپ، ٴار دارەجەلى حالىق قۇرىلتايى ۋاكىلدەرىنىڭ پارتياعا ادال بولىپ، پارتيانىڭ قامىن جەپ، ادالدىقپەن حالىق ٴۇشىن مىندەت اتقاراتىن ٴداۋىر كەلبەتىن تولىق ايگىلەدى.
ۋاكىلدەردىڭ مىندەت اتقارۋ قابىلەتىن جوعارىلاتۋ ٴۇشىن، اۆتونوميالى رايوندىق حالىق قۇرىلتايى تۇراقتى كوميتەتى ۋاكىلدەردىڭ ۇيرەنۋ، باۋلىنۋىن كۇشەيتۋدى كورنەكتى ورىنعا قويىپ، جيىنى 4 كەزەك ۋاكىلدەردى باۋلۋ كۋرسىن، 4 كەزەك ۋاكىلدەر ۇلكەن ساباقحاناسىن اشىپ، 665 ادام ـ رەت ۋاكىل باۋلىپ، 181 ۋاكىلدى ارناۋلى تاقىرىپتىق تەكسەرۋ ـ زەرتتەۋگە قاتىناسۋعا ۇيىمداستىرىپ، 28 تەكسەرۋ ـ زەرتتەۋ بايانداماسن قالىپتاستىرىپ، 150دەن استام قىزمەت ۇسىنىسىن ورتاعا قويىپ، شينجياڭدا تۇراتىن مەملەكەتتىك حالىق قۇرىلتايى ۋاكىلدەرىنەن 137 ادام ـ رەت ٴتۇرلى قيمىل ورىستەتۋگە ۇيىمداستىرىپ، جوعارى ساپالى دامۋعا اقىل ـ پاراسات پەن كۇش ـ قۋات ۇيىستىردى. ٴبىر جىلدان بەرى اۆتونوميالى رايوندىق حالىق قۇرىلتايى تۇراقتى كوميتەتى وزىندىك قۇرىلىستى كۇشەيتۋدى كورنەكتى ورىنعا قويۋعا تاباندى بولىپ، ”4 ورگان“ نىسانا ورنىن تىعىز ارقاۋ ەتىپ، ساياسي قۇرىلىستى ٴبىر تۇتاس باسشىلىققا الىپ، يدەيالىق قۇرىلىستى، ۇيىمدىق قۇرىلىستى، ستيل قۇرىلىسىن، ٴتارتىپ قۇرىلىسىن، ٴتۇزىم قۇرىلىسىن جاپپاي كۇشەيتىپ، ناقتى ونىمدىلىككە ٴمان بەرىپ، ناقتى ىستەۋدى كۇشەيتىپ، تياناقتاندىرۋدى يگەرىپ، حالىق قۇرىلتايى ٴتۇزىمىنىڭ ارتىقشىلىعىن ساياسي ارتىقشىلىققا، دامۋ ارتىقشىلىعىنا، باسقارۋ ارتىقشىلىعىنا اناعۇرلىم ويداعىداي اينالدىردى.
قايراتتانا ەكپىندەي ىلگەرىلەپ، جاڭا جورىق اشادى. 2024 ـ جىلى اۆتونوميالى رايوندىق حالىق قۇرىلتايى تۇراقتى كوميتەتى اۆتونوميالى رايوندىق پارتكومنىڭ باسشىلىعىندا، اۆتونوميالى رايوندىق پارتكومنىڭ قىزمەت ورنالاستىرۋىن دايەكتىلەندىرىپ، تياناقتاندىرىپ، وزەكتى ارقاۋ ەتۋگە، جالپى جاعدايعا قىزمەت وتەۋگە تاباندى بولىپ، حالىق قۇرىلتايى قىزمەتىنىڭ جوعارى ساپالى دامۋىن ورنىقتىلىق بارىسىندا العا باسا ىلگەرىلەتىپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرۋعا حالىق قۇرىلتايىنىڭ ۇلەسىن قوساتىن بولادى.