شينحۋا اگەنتتىگىنىڭ 2 ـ ايدىڭ 2 ـ كۇنى بەيجيڭنەن بەرگەن حابارى. 2 ـ ايدىڭ 2 ـ كۇنى جۇڭگو _ ۆيەتنام ەكى ەل حالقى بىرگە قۇتتىقتايتىن ۇلۋ جىلعى كوكتەم مەرەكەسى كەلۋ قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى شي جينپيڭ ۆيەتنام كوممۋنيستىك پارتياسى ورتالىق كوميتەتىنىڭ باس شۋجيى رۋان فۋجۇڭمەن ٴوزارا كوكتەم مەرەكەسىن قۇتتىقتاۋ حاتىن جولدادى.

　　شي جينپيڭ قۇتتىقتاۋ حاتىندا جۇڭگو پارتياسى، ۇكىمەتى، حالقى اتىنان رۋان فۋجۇڭعا جانە ۆيەتنام پارتياسىنا، ۇكىمەتىنە، حالقىنا شىن ىقىلاستى كوكتەم مەرەكەسىندىك قۇتتىقتاۋ جانە ىزگى تىلەك جولدادى.

　　شي جينپيڭ مىنالاردى ٴبىلدىردى: 2023 ـ جىل _ جۇڭگو _ ۆيەتنام قارىم ـ قاتىناسى تاريحىنداعى ٴداۋىر بولگىشتىك مانگە يە ٴبىر جىل. ەكى جاقتىڭ جوعارى جىكتەگىلەرىنىڭ بارىس ـ كەلىسى ٴجيى، دۋماندى بولىپ، ساياسي ٴوزارا سەنىمدىلىگى بارعان سايىن بەكەمدەلىپ، دامۋ ستراتەگياسى جەدەل ٴتۇيىلىسىپ، جان ـ جاقتى سەلبەستىك قۋاتى كۇشەيىپ، گۋمانيتارلىق اۋىس ـ كۇيىسى جاندى دا جالىندى بولىپ، ٴداستۇرلى دوستىعى ۋاقىت وتكەن سايىن بەكەمدەلە ٴتۇستى. ەكى ەلدىڭ جان ـ جاقتى ستراتەگيالىق سەلبەستىك سەرىكتەستىك قارىم ـ قاتىناس ورناتقاندىعىنىڭ 15 جىلدىعىن ەسكە ٴتۇسىرۋ دوستىق رايىندا، مەن ۋادە بويىنشا ۆيەتنامعا ساپارلاي بارىپ، جاڭا داۋىردەن بەرى باس شۋجي جولداسپەن 3 ـ رەت ٴوزارا ساپاردا بولدىم. مەن باس شۋجي جولداسپەن بىرگە ستراتەگيالىق مانگە يە جۇڭگو _ ۆيەتنام تاعدىرلاس ورتاق تۇلعاسىن قۇرۋدى بىرگە جاريالاپ، ەكى پارتيانىڭ، ەكى ەلدىڭ قارىم ـ قاتىناسىن دامىتۋدىڭ جاڭا ساپارىن، جاڭا تاراۋىن اشىپ، جۇڭگو مەن ۆيەتنامنىڭ ىنتىماقتاسا سەلبەسەتىن، ۇدەرە العا تارتاتىن بەرىك ەركى مەن بەكىمىن ايگىلەدىك.

　　شي جينپيڭ مىنالاردى اتاپ كورسەتتى: جىلدار رەتىمەن اۋناپ، تابىستار كۇن سايىن جاڭالانۋدا. 2024 ـ جىلعا كوز جىبەرسەك، مەن باس شۋجي رۋان فۋجۇڭ جولداسپەن تىعىز بايلانىستى ساقتاپ، ەكى جاق كوزدەگەن ەكى جاقتى قارىم ـ قاتىناستىڭ جاڭا ورنىن تۇراقتاندىرۋعا جەتەكشىلىك ەتىپ، ٴبىر نيەتپەن سەلبەسىپ، تاباندىلىقپەن ىستەپ، ناقتى ىستەپ، ٴتۇرلى ارنالارداعى، ٴارقايسى جىكتەگى، ٴار سالاداعى اۋىس ـ كۇيىستىڭ، سەلبەستىكتىڭ جوعارى دەڭگەيدەگى اينالىمىن، جوعارى ساپالى دامۋىن ىلگەرىلەتىپ، ٴبىر ـ بىرلەگەن جاندى اماليات، ٴبىر ـ بىرلەگەن ناقتى ىستەر جەتىستىگى ارقىلى جۇڭگو _ ۆيەتنام تاعدىرلاس ورتاق تۇلعاسىنىڭ تامىر تارتىپ تياناقتانۋىن، گۇل اشىپ، جەمىس بەرۋىن ىلگەرىلەتىپ، ەكى ەلدىڭ وسىزامانداندىرۋ ىستەرىنە تىڭ قوزعاۋشى كۇش قوسىپ، ازيا _ تىنىق مۇحيت ٴوڭىرىنىڭ گۇلدەنىپ ـ كوركەيۋىنە، دامۋىنا وڭ ەنەرگيا ازىرلەپ، ادامزاتتىڭ بەيبىتشىلىگى مەن العا باسۋ ىستەرىنە اناعۇرلىم زور ۇلەس قوسۋدى قالايمىن.

　　رۋان فۋجۇڭ قۇتتىقتاۋ حاتىندا مىنالاردى ٴبىلدىردى: 2022 ـ جىلى 10 ـ ايدا مەن جۇڭگو كوممۋنيستىك پارتياسى 20 ـ قۇرىلتايى جابىلعاننان كەيىن جۇڭگودا رەسمي ساپاردا بولعاننان بەرى، ۆيەتنام _ جۇڭگو قارىم ـ قاتىناسىندا بەلسەندى دامۋ جاعدايى جارىققا شىعىپ، ماڭىزدى ىلگەرىلەۋشىلىككە قول جەتتى. 2023 ـ جىلى 12 ـ ايدا باس شۋجي شي جينپيڭ جولداستىڭ ۆيەتنامدا ٴساتتى مەملەكەتتىك ساپاردا بولۋى جۇڭگو پارتياسى، مەملەكەتى جانە باس شۋجي شي جينپيڭ جولداستىڭ ۆيەتنامنىڭ سوتسياليستىك قۇرىلىس ىستەرىنە جانە ۆيەتنام _ جۇڭگو قارىم ـ قاتىناسىنا ايرىقشا ٴمان بەرگەندىگىن ايگىلەدى. ساپار كەزىندە، ەكى جاق ”ۆيەتنام مەن جۇڭگونىڭ دوستىعى تەرەڭ، جولداس ۇستىنە باۋىرلاس بولۋ“ رۋحىن ۇستانىپ، جان ـ جاقتى، ىشكەرىلەي اۋىس ـ كۇيىس جاساپ، «جان ـ جاقتى ستراتەگيالىق سەلبەستىك سەرىكتەستىك قارىم ـ قاتىناستى ونان ارى تەرەڭدەتۋ جانە جوعارىلاتۋ، ستراتەگيالىق مانگە يە ۆيەتنام _ جۇڭگو تاعدىرلاس ورتاق تۇلعاسىن قۇرۋ جونىندەگى بىرلەسكەن مالىمدەمەسىن» جاريالاپ، ماڭىزدى تاريحي مانگە يە نەشە ونداعان سەلبەستىك حۇجاتىنا قول قويدى. وسى سۇبەلى تابىستار ەكى پارتيا، ەكى ەل قارىم ـ قاتىناسىنىڭ اناعۇرلىم اقاۋسىز، ناقتى، مول ٴونىمدى جاڭا دامۋ كەزەڭىنە قادام تاستاۋىنا، ۇزاق ۋاقىت ورنىقتى جاقسارۋ جاعدايىن ساقتاۋىنا بەرىك نەگىز قالاپ، ستراتەگيالىق جەتەكشىلىك ازىرلەدى.

　　رۋان فۋجۇڭ مىنالاردى ٴبىلدىردى: مەن باس شۋجي شي جينپيڭ جولداسپەن اۋىس ـ كۇيىستى، بارىس ـ كەلىستى ساقتاۋعا باستان ـ اياق ٴمان بەرەمىن ٴارى ونى قالايمىن، ەكى جاقتىڭ ٴارقايسى تاراۋلارىنىڭ، ٴارقايسى جىكتەگىلەرىنىڭ، ٴارقايسى جەرگىلىكتى ورىندارىنىڭ باس شۋجي شي جينپيڭ جولداستىڭ ۆيەتنامعا ساپارى كەزىندە ەكى جاقتىڭ جوعارى جىكتەگىلەرى كەلىسكەن ماڭىزدى ورتاق تانىمدار مەن كەلىسىمدەردى ويداعىداي دايەكتىلەندىرۋىنە، تياناقتاندىرۋىنا ۇزدىكسىز كوڭىل ٴبولىپ، جەتەكشىلىك ەتەمىن. بۇل ەكى پارتيا، ەكى ەل قارىم ـ قاتىناسىنىڭ دامۋىنا ٴتيىمدى، ەكى ەل حالقىنىڭ مۇددەسىنە ۇيلەسەدى، ٴوز وڭىرلەرىنىڭ جانە دۇنيە ٴجۇزىنىڭ بەيبىتشىلىگىنە، ورنىقتىلىعىنا، سەلبەستىگىنە، دامۋىنا ۇلەس قوسادى. جۇڭگو كوممۋنيستىك پارتياسىنىڭ ۇزدىكسىز دامىپ زورايۋىن، جۇڭحۋا حالىق رەسپۋبليكاسىنىڭ گۇلدەنىپ ـ كوركەيۋىن، باۋىرلاس جۇڭگو حالقىنىڭ جاڭا جىلدا باقىتتى، امان ـ ەسەن بولۋىن تىلەيمىن!

جالعانىم