ما شيڭرۇي، ەركىن تۇنياز، ٴزۇمىرات وبۇل، لي يفي، حى جۇڭيوۋ، جاڭ جۋ قاتىناستى

　　نۇرلان ٴابىلماجىن باسقاردى ٴارى ٴسوز سويلەدى　

　　2-ايدىڭ 1-كۇنى جۇڭگو حالىق ساياسي ءماسليحات كەڭەسى شينجياڭ ۇيعۇر اۆتونوميالى رايوندىق 13-كەزەكتى كوميتەتىنىڭ 2-ءماجىلىسى شينجياڭ حالىق سارايىندا جابىلدى. سۋرەتتە ءماجىلىس الاڭى.

　　سۋرەتتى انار بۇلت \ شينجياڭ گازەتىنىڭ ءتىلشىسى ساي زىڭلي تۇسىرگەن

　　انار بۇلت \ شينجياڭ گازەتىنىڭ تىلشىلەرى لي ياڭ، جاڭ يۇنمەي 2 ـ ايدىڭ 1 ـ كۇنى ۇرىمجىدەن حابارلايدى. اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ٴماجىلىسى ٴتۇرلى كەڭەستىك تارتىپتەرىن تولىق ورىنداپ بولعان سوڭ، 2 ـ ايدىڭ 1 ـ كۇنى تۇستەن بۇرىن شينجياڭ حالىق سارايىندا جابىلدى. ٴماجىلىس تۇتاس رايونداعى ٴار دارەجەلى ساياسي كەڭەستەردى، ساياسي كەڭەسكە قاتىناسۋشى ورىنداردى جانە ٴار ۇلت، ٴار سالا مۇشەلەرىن شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۆتونوميالى رايوندىق پارتكومنىڭ باسشىلىعىندا، ىنتىماق ارقىلى كۇش ـ قۋاتتى ۇيىستىرىپ، كۇرەس ارقىلى ۇلى ٴىس تىندىرىپ، جۇڭگو ۇلگىسىندەگى وسىزامانداندىرۋ ۇردىسىندە ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ٴومىر، شات ـ شادىمان تىرشىلىك كەشىرگەن، ەكولوگياسى تاماشا كورىكتى شينجياڭدى اناعۇرلىم ويداعىداي قۇرۋ ٴۇشىن ىنتىماقتاسا كۇرەس جۇرگىزۋگە ۇندەدى.

　　ما شيڭرۇي، ەركىن تۇنياز، ٴزۇمىرات وبۇل، لي يفي، حى جۇڭيوۋ، جاڭ جۋ، تيان شياڭلي، چىن ۋيجۇن، ۋاڭ ميڭشان، ۋاڭ جيانشين، ٴيۇسۇپجان مامەت، ەلزات احمەتجان، قادەن كابەن ٴتوراعالار مىنبەسىنەن ورىن الدى.

　　اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن ٴماجىلىستى باسقاردى ٴارى ٴسوز سويلەدى. اۆتونوميالى رايوندىق ساياسي كەڭەستىڭ ورىنباسار ٴتوراعالارى جاروللا يسامدين، كۇڭ شيڭلۇڭ، دوۋ ۋانگۇي، ياڭ يۇڭ، ابدۇرىقىپ ٴتومۇرنياز، نۇرىم سىمايىلقان، ازەز مۇسا، ليۋ حۇيجۇن، ليۋ جيانميڭ، پۋ شۋەمەي، شۇي شيان ـ ي، اسەنجان احمەت، جين جىجىن، باس حاتشى گاۋ جياڭحۋاي ٴتوراعالار مىنبەسىنىڭ الدىڭعى قاتارىنان ورىن الدى.

　　اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ماجىلىسىنە قاتىناسۋعا ٴتيىستى مۇشە 527 ادام، ناق قاتىناسقانى 492 ادام، بۇل بەلگىلەمەدەگى ادام سانىنا ۇيلەسەدى.

　　ٴماجىلىس «ساياسي كەڭەس شينجياڭ ۇيعۇر اۆتونوميالى رايوندىق 13 ـ كەزەكتى كوميتەتى 2 ـ ٴماجىلىسىنىڭ سايلاۋ ٴادىسىن» جانە باس بەلەت باقىلاۋشىنىڭ، بەلەت باقىلاۋشىلاردىڭ ەسىمدىگىن ماقۇلدادى.

　　ٴماجىلىس تولىق اقىلداسۋ، دەموكراتيالىق كەڭەسۋ ارقىلى ات جازباي بەلەت تاستاۋ ٴتاسىلىن قولدانىپ باتۋدى ساياسي كەڭەس شينجياڭ ۇيعۇر اۆتونوميالى رايوندىق 13 ـ كەزەكتى كوميتەتىنىڭ ورىنباسار ٴتوراعالىعىنا، سۋ شياڭدۇڭدى ساياسي كەڭەس شينجياڭ ۇيعۇر اۆتونوميالى رايوندىق 13 ـ كەزەكتى كوميتەتىنىڭ تۇراقتى مۇشەلىگىنە تولىقتاپ سايلادى.

　　ءماجىلىس اۆتونوميالى رايوندىق ساياسي كەڭەس 13 ـ كەزەكتى كوميتەتى 2 ـ ٴماجىلىسىنىڭ تۇراقتى كوميتەتتىڭ قىزمەت بايانداماسى جونىندەگى قارارىن، اۆتونوميالى رايوندىق ساياسي كەڭەس 13 ـ كەزەكتى كوميتەتى 2 ـ ٴماجىلىسىنىڭ اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 1 ـ ماجىلىسىنەن بەرگى ۇسىنىس جوبا قىزمەتى جاعدايى بايانداماسى جونىندەگى قارارىن، اۆتونوميالى رايوندىق ساياسي كەڭەس 13 ـ كەزەكتى كوميتەتى ۇسىنىس جوبا كوميتەتىنىڭ اۆتونوميالى رايوندىق ساياسي كەڭەس 13 ـ كەزەكتى كوميتەتى 2 ـ ٴماجىلىسىنىڭ ۇسىنىس جوبالاردى تەكسەرۋ جاعدايى جونىندەگى بايانداماسىن، اۆتونوميالى رايوندىق ساياسي كەڭەس 13 ـ كەزەكتى كوميتەتى 2 ـ ٴماجىلىسىنىڭ ساياسي قارارىن ماقۇلدادى.

　　نۇرلان ٴابىلماجىن بىلاي دەدى: اۆتونوميالى رايوندىق ساياسي كەڭەس 13 ـ كەزەكتى كوميتەتىنىڭ 2 ـ ٴماجىلىسى اۆتونوميالى رايوندىق پارتكومنىڭ دۇرىس باسشىلىعىندا، بارلىق مۇشەلەر مەن ماجىلىسكە قاتىناسقان جولداستاردىڭ ورتاق قۇلشىنىسى ارقىلى ٴتۇرلى كەڭەستىك تارتىپتەرىن تابىستى ورىندادى. بارلىق مۇشەلەر وسكەلەڭ ساياسي سانالىلىق، كۇشتى بورىش، جاۋاپكەرشىلىك ارقالاپ جانە ناقتى قىزمەت ستيلىمەن ٴتۇرلى باياندامالاردى، قارارلاردى مۇقيات قاراپ جانە تالقىلاپ، بەلسەنە اقىل ـ كەڭەس بەرىپ، ورتاق تانىمدى كەڭىنەن ۇيىستىردى. بۇل ٴبىر رەتكى تۋدى بيىك ۇستاعان، دەموكراتيانى ساۋلەلەندىرگەن، زەيىن ـ زەردەنى ۇيىستىرىپ، كۇش ـ قۋات توپتاعان، ىنتىماقتاسىپ ەكپىندەي ىلگەرىلەگەن ٴماجىلىس بولدى.

　　نۇرلان ٴابىلماجىن بىلاي دەپ باسا دارىپتەدى: بيىل جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى، ”14 ـ بەسجىلدىق“ جوباداعى نىسانا ـ مىندەتتەردى جۇزەگە اسىرۋداعى شەشۋشى جىل. ”بەس ۇلكەن ستراتەگيالىق ورىننىڭ“ بورىشى، ماڭىزدى تاپسىرماسى، ساياسات قاباتتاسۋ اسەرىنىڭ ۇزدىكسىز جارىققا شىعۋى، جۇڭگو (شينجياڭ) ەركىن ساۋدا سىناق رايونى قۇرىلىسىنىڭ جاپپاي باستالۋى، ”ٴبىر بەلدەۋ، ٴبىر جول“ وزەكتى رايونىنىڭ جەدەل قۇرىلۋى، حالىق تۇرمىسىنا تىعىز جاناسىپ، جۇرت تىلەگىن ۇيىستىرىپ شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتۋدى اتقارۋ جوباسىنىڭ ٴونىمدى تياناقتانۋى جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە ٴتيىمدى شارت ـ جاعداي ازىرلەدى. وسى ۇلى تاريحي ۇردىستە تۇرعاندا، ٴسوز جوق، ايرىقشا قۇلشىنىپ، قايراتتانا ٴىس تىندىرىپ، ۇلەس قوسۋ ارقىلى اۋەلگى ماقساتتى امالياتتا ايگىلەۋ، ناقتى ىستەۋ ارقىلى جاۋاپكەرشىلىك ارقالاۋدى ايگىلەۋ كەرەك. العىس ايتا ەكپىندەي ىلگەرىلەپ، شي جينپيڭ جاڭا ٴداۋىر جۇڭگوشا سوتسياليزم يدەياسىن باستان ـ اياق ساياسي كەڭەس قىزمەتىن ٴبىر تۇتاس مەڭگەرۋدىڭ جالپى باعدارلاماسى ەتۋگە تاباندى بولىپ، پارتيانىڭ ساياسي كەڭەس قىزمەتىنە جاپپاي باسشىلىعىنا تاباندى بولىپ جانە ونى كۇشەيتىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، ۇلگىگە، ولشەمگە تۋرالانۋ بارىسىندا ادالدىق رۋحىن بەرىك ورناتۋ؛ جاڭا جاۋاپكەرشىلىك ارقالاۋمەن، جاڭا بەينەمەن ۇدەرە العا تارتىپ، باس شۋجي شي جينپيڭنىڭ، جۇڭگو كوممۋنيستىك پارتياسى ورتالىق كوميتەتىنىڭ شينجياڭعا قامقورلىعىن، قويۋ سۇيىسپەنشىلىگىن جانە كەلەلى جوسپارىن تەرەڭ ٴتۇسىنىپ، ٴتۇرلى مىندەت اتقارۋ قىزمەتىنىڭ ٴبارىن جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدى جانە اۆتونوميالى رايوندىق پارتكومنىڭ وزەكتى قىزمەتىن تىعىز ارقاۋ ەتە وتىرىپ جوسپارلاپ، ىلگەرىلەتىپ، نازاردى جۇڭحۋا ۇلتى ورتاق تۇلعا تانىمىن بەرىك ورناتۋ سىندى وسى نەگىزگى جەلىگە شوعىرلاندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا قىزمەت وتەۋ بارىسىندا ساياسي كەڭەس كۇش ـ قۋاتىن ارناۋ؛ ۇلى ىنتىماق، ۇلى بىرلىك سىندى تاماشا ٴداستۇردى جالعاستىرىپ، بىرلىكساپ فۋنكتسياسىن كۇشەيتىپ، ٴار سالاداعى بۇقارامەن كەڭىنەن بايلانىس جاساپ، كوپ پارتيا سەلبەستىگى ىستەرىن تەرەڭدەتىپ، سىرتقا قاراتىلعان بىرلەسكەن دوستىقتى، دوستاسۋدى كۇشەيتىپ، ىنتماقتاسىپ كۇرەس جۇرگىزۋ بارىسىندا ساياسي كەڭەستىڭ جاۋاپكەرشىلىك ارقالاۋىن ايگىلەۋ كەرەك.

　　اۆتونوميالى رايوندىق حالىق قۇرىلتايىنداعى، ۇكىمەتتەگى، بيڭتۋانداعى باسشى جولداستار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، مەملەكەتتىك حالىق قۇرىلتايىندا، مەملەكەتتىك ساياسي كەڭەستە مىندەت وتەپ جاتقان باسشى جولداستار، شەتەلدەگى چياۋباۋلار جانە شياڭگاڭ، اۋمىن قايراتكەرلەرى قاتارلىلار جابىلۋ ماجىلىسىنە سىرتتاي قاتىناستى.

　　ٴماجىلىس ايبىندى مەملەكەت ٴانى ىشىندە جابىلدى.

جالعانىم