انار بۇلت \ شينجياڭ گازەتىنىڭ ٴتىلشىسى چىن چياڭۋي 2 ـ ايدىڭ 6 ـ كۇنى ۇرىمجىدەن حابارلايدى. ٴۇرىمجى كەدەنىنەن ۇعىسۋىمىزشا، 2023 ـ جىلى شينجياڭنىڭ شەكارا وتكەلدەرىنەن ەكسپورت ەتىلگەن تاۋار اۆتوكولىك 568 مىڭعا جەتىپ، سايكەس مەزگىلدەگىدەن %407.6 ارتقان. شينجياڭنىڭ شەكارا وتكەلدەرىنەن ەكسپورت ەتىلگەن ەلىمىزدە وندىرىلگەن اۆتوكولىكتەردىڭ سانى مەن باعاسى بىردەي ارتىپ، ”ٴبىر بەلدەۋ، ٴبىر جولدى“ بىرگە قۇراتىن ەلدەردە ٴۇرتىس ٴوتىمدى ساتىلدى.
تاياۋ جىلداردان بەرى، كاسىپ سالاسى تىزبەگى باسىمدىعىنىڭ ارقاسىندا، ەلىمىزدىڭ اۆتوكولىك ەكسپورتىندا قارىشتاپ ارتۋ كۇيى جارىققا شىقتى، وسى سەبەپتى، شينجياڭنىڭ شەكارا وتكەلدەرىندە تاۋار اۆتوكولىك ەكسپورتى قاۋىرت ارتقان جاعداي جارىققا شىعىپ، ەكسپورت ەتىلگەن تاۋار اۆتوكولىكتەرى بييادي، چاڭ ـ ان، چيرۇي، يۇيتۇڭ، جيكى سياقتى 29 ماركانى قامتىپ، نەگىزىنەن رەسەي، وزبەكستان، قازاقستان سياقتى ەلدەرگە ساتىلدى.
2023 ـ جىلى قورعاس، الاتاۋ ساعاسى، ەركەشتام شەكارا وتكەلدەرى شينجياڭنىڭ شەكارا وتكەلدەرى اراسىندا ەكسپورت ەتىلگەن تاۋار اۆتوكولىك سانىندا الدىڭعى 3 ورىندى يەلەگەن شەكارا وتكەلدەرى بولدى. مۇنىڭ ىشىندە قورعاس شەكارا وتكەلىنەن ەكسپورت ەتىلگەن تاۋار اۆتوكولىك 304 مىڭ بولىپ، سايكەس مەزگىلدەگىدەن %307.5 ارتىپ، شينجياڭنىڭ شەكارا وتكەلدەرىنەن ەكسپورت ەتىلگەن تاۋار اۆتوكولىك جالپى سانىنىڭ %50ىنەن استامىن ۇستاپ، ەلىمىزدەگى ەڭ ۇلكەن اۆتوكولىك ەكسپورتى قۇرلىقتىق جول شەكارا وتكەلىنە اينالدى. بۇل شەكارا وتكەلىنەن ٴبىر كۇندە، ەڭ كوپ بولعاندا، 1394 تاۋار اۆتوكولىك ەكسپورت ەتىلدى.
2023 ـ جىلى الاتاۋ ساعاسى شەكارا وتكەلىنەن ەكسپورت ەتىلگەن تاۋار اۆتوكولىكتىڭ %90ىنەن استامى تەمىر جول شەكارا وتكەلى ارقىلى ەكسپورت ەتىلدى. الاتاۋ ساعاسى تەمىر جول شەكارا وتكەلىنەن ەكسپورت ەتىلگەن اۆتوكولىك 124 مىڭ بولىپ، سايكەس مەزگىلدەگىدەن %450.1 ارتتى.
كەزەكتە شينجياڭنىڭ كەشەندى قورعامالى باجى اۋماعىندا اۆتوكولىك ەكسپورت ەتۋ كاسىبى قارىشتاپ دامۋدا، الاتاۋ ساعاسى، قورعاس، قاشقار، ٴۇرىمجى سىندى 4 كەشەندى قورعامالى باجى اۋماعى تۇگەلدەي اۆتوكولىك ەكسپورت ەتۋ كاسىبىن ورىستەتتى. كەشەندى قورعامالى باجى اۋماعىنداعى اۆتوكولىك ەكسپورت ەتەتىن كاسىپورىندار الدىن الا باجى قايتارۋ، قويمادا ساقتاۋ اقىسىن كەشىرىم ەتۋ سياقتى ٴتيىمدى ساياساتتاردان يگىلىكتەندى، بۇل اۆتوكولىك كاسىپورىندارىنىڭ كەشەندى قورعامالى باجى اۋماعىنا ىرگە تەبۋ تىلەگىن اناعۇرلىم كۇشەيتتى.
كەزەكتە شينجياڭداعى ٴارقايسى شەكارا وتكەلدەرىنەن ەكسپورت ەتىلەتىن اۆتوكولىكتەر، باستىسى، ادەتتەگى ساۋدا ٴتاسىلى جانە قورعامالى باجى زات اينالىمى ٴتاسىلىن نەگىز ەتەدى. ٴۇرىمجى كەدەنى بيىل باقىلاۋ ـ باسقارۋ تاسىلىندە اناعۇرلىم جاڭالىق اشىپ، اناعۇرلىم كەڭ كولەم، اناعۇرلىم كوپ ساتىلى دارالانعان باقىلاۋ ـ باسقارۋ ٴتاسىلىن كەڭەيتىپ، شەكارا وتكەلدەرىنىڭ شارۋاشىلىق ـ ساۋدا ورتاسىن ۇزدىكسىز ساپالىلاندىرىپ، ەلىمىزدە وندىرىلگەن اۆتوكولىكتەردىڭ ”سىرتقا شىعارىلۋىنا“ ۇزدىكسىز قولداۋ كورسەتتى.