ماجىلىستەن بۇرىن مىعىم دايىندالدى، جوعارى ٴنومىرلى جاۋاپناما تاپسىردى
_ شينجياڭنان كەلگەن مەملەكەتتىك حالىق قۇرىلتايىنىڭ ۋاكىلدەرى تاعى دا سىندارلى ۇسىنىس ـ پىكىر بەرۋگە تىڭعىلىقتى دايىندالدى
انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي
استانا كوكتەم شۋاعىنا شومدى، ”كوكتەمگى ۋاعداعا“ بىرگە اتتاندى. 3 ـ ايدىڭ 3 ـ كۇنى مەملەكەتتىك حالىق قۇرىلتايى ۋاكىلدەرىنىڭ ىركەس ـ تىركەس بەيجيڭگە جەتۋىمەن جىلىنا ٴبىر رەت وتكىزىلەتىن ”ەكى ٴماجىلىس ۋاقىتى“ ٴدال ۋاعىندا كەلىپ جەتتى.
ٴبىر جىل تىڭعىلىقتى قىزمەت ىستەۋ ارقىلى شينجياڭنان كەلگەن مەملەكەتتىك حالىق قۇرىلتايى ۋاكىلدەرى سونى ويلارىن، تولعامدارىن الىپ، كوكىرەك تولى سەنىممەن تۇراتىن جەرلەرىنە جەتتى. ماجىلىستە لەبىز بىلدىرۋگە، مەديالاردىڭ تىلشىلىگىن قابىلداۋعا، ۇسىنىس ـ پىكىرلەرىن كەمەلدەندىرۋگە دايىندالدى... ٴماجىلىس الدىنداعى قاربالاس تا ٴماندى قىزمەت بارىسىندا ولار مىندەت وتەۋ جاۋاپناماسىن ٴتىپتى دە باي مازمۇندى، ٴتىپتى دە جارامدى ەتىپ جازۋعا قۇلشىندى.
3 ـ ايدىڭ 3 ـ كۇنى تۇستەن كەيىن جالپى ۇيىرمەنىڭ ماجىلىسىنە قاتىناسىپ بولمەگە قايتىسىمەن، مەملەكەتتىك حالىق قۇرىلتايىنىڭ ۋاكىلى ۋ ۋىنشيۋ جىڭ اۋدانى چۇنپين ماقتا وڭدەۋ شەكتى سەرىكتەستىگىنىڭ جاۋاپتىسى شۇي باۋچۇنگە تەلەفون جالعاپ، ونىمەن پىكىرلەسۋ ارقىلى وسىدان بۇرىن جيناعان كاسىپورىننىڭ ۇسىنىسىن كەمەلدەندىردى.
بەيجيڭگە بارۋدان بۇرىن، ۋ ۋىنشيۋ ارنايى توڭىرەكتەگى ٴشيت ايىرۋ زاۆودى، سۋلياۋ جارعاقتاردى جيناپ الۋ كاسىپورنى سياقتىلارعا بارىپ تەكسەرۋ ـ زەرتتەۋ جۇرگىزىپ، اۋىل ـ قالاشىق كاسىپورىندارىنىڭ قازىرگى دامۋ جاعدايىن جانە قيىنشىلىق، تالاپ ـ تىلەكتەرىن ۇعىستى. ”كاسىپورىن قارجى قۇراۋ جاعىندا اناعۇرلىم كوپ قولايلىلىقتارعا قول جەتكىزۋدى، قارىز اقشانىڭ وزىندىك قۇنىن تومەندەتۋدى ٴۇمىت ەتەدى“، ـ دەدى ۋ ۋىنشيۋ، نەگىزگى ساتىداعى قىستاق كادرى رەتىندە، ونىڭ ەڭ كوڭىل بولەتىنى شارۋالاردىڭ كىرىسىن ارتتىرۋ ٴىسى ەدى. ”ماقتا وڭدەۋ كاسىپورىندارىنىڭ اينالىم وزىندىك قۇنى تومەندەۋ، ونىمدىلىگى ٴسال جاقسىراق بولسا بولعانى، قىستاقتاعى ماقتاشىلاردىڭ الاتىن پايداسى دا كوبىرەك بولادى“، ـ دەدى ۋ ۋىنشيۋ، ول تۇرعان قىستاق ماقتا ەگۋدى نەگىز ەتەدى، سۋلياۋ جارعاقتى كوبىرەك پايدالانادى، بيىل مەملەكەتتىك ەكى ماجىلىستە ول جاراقسىز سۋلياۋ جارعاقتاردى جيناپ الىپ جان ـ جاقتى پايدالانۋدى جەبەۋ جونىندە ناقتى ۇسىنىستار قويماق.
”ٴماجىلىس اشىلۋدان ىلگەرگى ۋاقىتتان پايدالانىپ، الا كەلگەن 5 ۇسىنىستى تاعى دا كەمەلدەندىرەمىن“، ـ دەدى سانجى حۇيزۋ اۆتونوميالى وبلىسىنان كەلگەن مەملەكەتتىك حالىق قۇرىلتايىنىڭ ۋاكىلى ما يانان، ول بيىل دا شينجياڭنىڭ مال شارۋاشىلىعىنىڭ دامۋىنا باسا نازار اۋداردى. بىلتىر سانجى وبلىسى ”10 مىڭ سيىردى سانجىعا كىرگىزۋ“ ينجەنەرياسىن جاپپاي ىلگەرىلەتىپ، ” 2 جىلدا 3 تولدەتىپ 6 قوزى الۋ“ ارقىلى سويىس قويىن جوعارى جيىلىكتە ٴوسىرۋ، كوپ ٴتولدى ٴوسىرۋ تەحنيكاسىن بەلسەنە جالپىلاستىرىپ، وسى زامانعى مال شارۋاشىلىعىنىڭ ولشەمدەنۋ، كولەمدەنۋ، شوعىرلانۋ دەڭگەيىن كورنەكتى جوعارىلاتتى. ”بيىلعى مەملەكەتتىك ەكى ٴماجىلىس ارقىلى شينجياڭنىڭ مال شارۋاشىلىعىن گۇلدەندىرۋدى ىلگەرىلەتۋگە، مەملەكەتتىك ساپالى ەگىن، مال شارۋاشىلىعى ونىمدەرىمەن ماڭىزدى قامداۋ بازاسىن قۇرۋعا تيەسەلى ۇلەس قوسۋدى ٴۇمىت ەتەمىن“، ـ دەدى ما يانان.
3 ـ ايدىڭ 3 ـ كۇنى تۇستەن كەيىن ماجىلىستەن كەيىنگى بوس ۋاقىتتى مىقتى يگەرگەن مەملەكەتتىك حالىق قۇرىلتايىنىڭ ۋاكىلى ابدۇمامەت وبۇل نەگىزگى ساتىداعى مەملەكەتتىك حالىق قۇرىلتايىنىڭ بىرنەشە ۋاكىلىن شاقىرىپ، كوپشىلىك اۋىل ـ قىستاقتى گۇلدەندىرۋدى ىلگەرىلەتۋ، شارۋالاردىڭ كىرىسىن ارتتىرۋدى جەبەۋ سياقتى تاقىرىپتار توڭىرەگىندە بىرگە تالقى ورىستەتتى. جۇزدەسكەن جەردەن ابدۇمامەت وبۇل قىستاقتاعى جاڭا وزگەرىستەردى قۋانا ٴبولىستى: ”بىلتىر قىستاعىمىزداعى تۇرعىنداردىڭ كىرىسى تىڭنان ارتتى، كوپتەگەن قىستاق تۇرعىنى جاقىن ماڭداعى كاسىپ سالاسى مەن قالا توعىسقان باقشاعا بارىپ جۇمىس ىستەدى، ٴبىر جىلدان بەرى قىستاق تۇرعىندارىنىڭ جان باسىندىق قولداعى تابىسى سايكەس مەزگىلدەگىدەن %8تەن استام ارتتى“.
مۇنى ەستىگەننەن كەيىن، بىرنەشە ۋاكىل وسى قىستاق پارتيا ياچەيكاسىنىڭ شۋجيىن القادى، ابدۇمامەت وبۇلدىڭ جۇزىنەن ٴسۇيىنىش لەبى ەستى. ول بىلاي دەدى: بيىلعى مەملەكەتتىك ەكى ماجىلىستە اۋىلداستاردىڭ تۇرمىسىن قايتكەندە بارعان سايىن جاقسارتۋعا بولادى دەگەنگە ايرىقشا نازار اۋداردىم، ”جاقىن ماڭدا، سول جەردە جۇمىستانۋدى ۇزدىكسىز جەبەۋدەن سىرت، مەن قىستاق تۇرعىندارىنىڭ ەمدەۋ قامسىزداندىرۋىنىڭ ەسەپتەن كوتەرۋ كولەمىن ونان ارى كەڭەيتىپ، بۇقارانى اناعۇرلىم كوپ ناقتى يگىلىككە كەنەلتۋدى ۇسىنىس ەتەمىن“.
”مەملەكەتتىك ەكى ماجىلىسكە قاتىناسۋ ٴۇشىن بار كۇشىمىزبەن دايىندالامىز، الايدا ٴوز قىزمەتىمىزدى دە اقساتۋعا بولمايدى“. كەدەن ىستەرىن اۋىزعا العاندا، وسىمدىك كارانتيندەۋ قىزمەتىمەن ۇزاق ۋاقىت شۇعىلدانعان مەملەكەتتىك حالىق قۇرىلتايىنىڭ ۋاكىلى لي لان ٴسوز تيەگىن اعىتتى. وسى ٴبىر مەزگىلدە ول قىشى تۇقىمىن يمپورت ەتۋ قىزمەتىن جاقسى ىستەۋگە ۇزدىكسىز سايكەسىپ كەلەدى. لي لان كومپيۋتەردە كەمەلدەندىرىپ جاتقان ۋاكىل ۇسىنىسىنا قاراپ بىلاي دەدى: ”وتكەن ٴبىر جىلدا كەدەن قىزمەتىندە تىڭ مىندەتتەر مەن جاڭا سىناقتارعا ۇزدىكسىز ٴدوپ كەلگەندە، شينجياڭنىڭ جوعارى دەڭگەيدە ەسىك اشۋدى كەڭەيتۋ، ’ٴبىر بەلدەۋ، ٴبىر جول‘ وزەكتى رايونىن قۇرۋ جونىندەگى تانىمىم اناعۇرلىم تەرەڭدەدى، ورتاعا قويعان ۇسىنىستارىم دا اناعۇرلىم سەنىمدى جانە باعىتتامالى بولدى“.
بيىل لي لاننىڭ نازارى ”ٴبىر بەلدەۋ، ٴبىر جول“ قۇرىلىسىنا ۇزدىكسىز شوعىرلاندى، شينجياڭ ەركىن ساۋدا سىناق رايونىن جەدەل قۇرۋعا، شەكارا وتكەلى ەكونوميكالىق بەلدەۋىنىڭ دامۋىن ىلگەرىلەتۋگە نازار اۋدارۋمەن بىرگە، بيولوگيالىق حاۋىپسىزدىكتى قورعاۋ جونىندە ۇسىنىس قويدى. ”بۇل ٴبىر جىلدان بەرى مەنىڭ ٴوز قىزمەتىممەن ۇشتاستىرىپ، مىندەتىمدى اتقارىپ، جاۋاپكەرشىلىگىمدى ادا ەتۋىمدەگى تىڭ جەتىستىك“، ـ دەدى. وسى ٴسوزدى ايتىپ بولىسىمەن ول تاعى دا قاربالاستىققا ٴتۇستى.