لي حۇڭجۇڭ شينجياڭدا تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى
ۇلت ىستەرىن زاڭمەن باسقارۋعا تاباندى بولىپ، جۇڭحۋا ۇلتى ورتاق تۇلعا تانىمىن بەرىك ورناتۋ كەرەك
شينحۋا اگەنتتىگىنىڭ 3 ـ ايدىڭ 20 ـ كۇنى ۇرىمجىدەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى لي حۇڭجۇڭ 3 ـ ايدىڭ 18 ـ كۇنىنەن 20 ـ كۇنىنە دەيىن شينجياڭدا تەكسەرۋ ـ زەرتتەۋ جۇرگىزدى. ول بىلاي دەپ باسا دارىپتەدى: شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، شي جينپيڭ زاڭمەن باسقارۋ يدەياسىن، باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، جۇڭحۋا ۇلتى ورتاق تۇلعا تانىمىن بەرىك ورناتۋ سىندى نەگىزگى جەلىنى ارقاۋ ەتىپ، ۇلت قىزمەتىنىڭ زاڭ، زاڭ ەرەجە جۇيەسىن اقاۋسىزداندىرىپ، زاڭمەن باسقارۋدىڭ نەگىزدى بەكەمدەۋ، مەجەنى ورنىقتىرۋ، ۇزاق بولاشاققا ٴتيىمدى بولۋ رولىن اناعۇرلىم ويداعىداي ساۋلەلەندىرۋ كەرەك.
لي حۇڭجۇڭ ىلگەرىندى ـ كەيىندى ٴۇرىمجى قالاسىنا، قىزىلسۋ قىرعىز اۆتونوميالى وبلىسىنا، قاشقار ايماعىنا بارىپ، الەۋمەتتىك اۋماقتاردى، اۋىل ـ قىستاقتاردى ارالاپ، ۇلتتار ىنتىماعىن، قوعام ورنىقتىلىعىن جەبەۋدىڭ تابىستارىنا، تاجىريبەلەرىنە تەكسەرۋ ـ زەرتتەۋ جۇرگىزدى؛ ۇلكەن بازارداعى ساۋدا دۇكەندەرىن، حالىقتىق تۇسەلحانا تيجاراتشىلارىن، اۋىل شارۋاشىلىعى سەرىكتەستىگىن ارالاپ، ٴار ۇلتتىڭ بىرگە تيجارات جۇرگىزۋ، ٴار ۇلت بۇقاراسىنىڭ جۇمىستانۋ قىزمەت جاعدايىن ەگجەي ـ تەگجەيلى ۇعىستى؛ قاشقار داشۋەسىنە بارىپ جۇڭحۋا ۇلتى ورتاق تۇلعا تانىمىن بەرىك ورناتۋ يدەيا ـ ساياسي ساباعىنا تەكسەرۋ ـ زەرتتەۋ جۇرگىزدى، اۋىل ـ قىستاق سەنترلى باستاۋىش مەكتەبىندە مەملەكەتتە ٴبىر تۇتاس قولدانىلاتىن ٴتىل ـ جازۋ تاربيەسىن ىلگەرىلەتۋ اياق الىسىنا تەكسەرۋ جۇرگىزىپ، ٴدىني قايراتكەرلەرمەن ٴدىن جاراسىمدىلىعىن جەبەۋ جونىندە پىكىر اۋىستىردى. لي حۇڭجۇڭ بىلاي دەپ اتاپ كورسەتتى: پارتيا 18 ـ قۇرىلتايىنان بەرى، باس شۋجي شي جينپيڭ پارتيا مەن مەملەكەت ىستەرى جالپى جاعدايى بيىگىنەن جاڭا داۋىردەگى پارتيانىڭ شينجياڭدى باسقارۋ جالپى جوباسىن العا قويدى، شينجياڭنىڭ ەكونوميكالىق، قوعامدىق دامۋى، ۇلتتار ىنتىماعى، العاباسارلىعى سىندى ٴتۇرلى ىستەردە بۇرىن بولىپ كورىلمەگەن تابىستارعا قول جەتۋ باس شۋجي شي جينپيڭنىڭ رول ۇستاپ، جول باستاۋىنىڭ ارقاسى، شي جينپيڭ جاڭا ٴداۋىر جۇڭگوشا سوتسياليزم يدەياسىنىڭ عىلمي جەتەكشىلىگىنىڭ ارقاسى.
لي حۇڭجۇڭ ۇرىمجىدە اڭگىمە ماجىلىسىنە قاتىناسىپ، ۇلت ىستەرىنە قاتىستى زاڭ زەرتتەۋ قىزمەتى جونىندەگى ۇسىنىس ـ پىكىرلەردى تىڭدادى. ول بىلاي دەپ باسا دارىپتەدى: باس شۋجي شي جينپيڭنىڭ ۇلت قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسى _ ”ەكىنى ۇشتاستىرۋدى“ قولدانۋعا تاباندى بولىپ ۇلت ماسەلەسىن شەشۋدىڭ جۇڭگوشا دۇرىس جولىن بەكەمدەۋدە جانە كەڭەيتۋدە قول جەتكىزگەن كەلەلى نازاريالىق جەتىستىك، امالياتتىق جەتىستىك بولىپ، ماركسيزم ۇلت نازارياسىنىڭ جۇڭگوشالانۋىنىڭ، زامانالانۋىنىڭ جاڭا ٴورىسىن اشتى. ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ ماڭىزدى يدەياسىن ىشكەرىلەي دايەكتىلەندىرىپ، تياناقتاندىرىپ، ساياسي تۇجىرىمداۋ قابىلەتىن، ساياسي ٴتۇسىنۋ قابىلەتىن، ساياسي اتقارۋ قابىلەتىن ۇزدىكسىز كۇشەيتىپ، ۇلت ىستەرىن زاڭمەن باسقارۋعا تاباندى بولىپ، پارتيانىڭ ۇلت قىزمەتىنىڭ جوعارى ساپالى دامۋىن ىلگەرىلەتۋ كەرەك. پارتيا ورتالىق كوميتەتىنىڭ ورتالىقتانعان ٴبىر تۇتاس باسشىلىعىندا ۇلت ىستەرىنە ساياتىن زاڭ، زاڭ ەرەجە جۇيەسى قۇرىلىسىن تىڭعىلىقتى ىلگەرىلەتىپ، جۇڭحۋا ۇلتىنىڭ ورتاقتىق سيپاتىن كۇشەيتۋدى، جۇڭحۋا ۇلتى ورتاق تۇلعا تانىمىن نىعايتۋدى ماڭداي الدى ورىنعا قويىپ ويلاستىرىپ، ۇلتتار ىنتىماعىن قورعاۋداعى مەملەكەت ەركىن، حالىق ەركىن ايگىلەپ، ٴار ۇلتتىڭ بىرگە ىنتىماقتاسا كۇرەس جاساپ جۇڭگو ۇلگىسىندەگى وسىزامانداندىرۋدى ىلگەرىلەتۋىنە بەرىك قامتاماسىزدىق ازىرلەۋ كەرەك.