شينجياڭنىڭ عىلىم ـ تەحنيكا بويىنشا سيلاۋ ٴادىسى جاريالاندى
ەڭ جوعارى عىلىم ـ تەحنيكا سيلىعى تاعايىندالدى
انار بۇلت \ شينجياڭ گازەتىنىڭ ٴتىلشىسى شيە حۇيبيان 3 ـ ايدىڭ 20 ـ كۇنى ۇرىمجىدەن حابارلايدى. تاياۋدا اۆتونوميالى رايوندىق حالىق ۇكىمەتى «شينجياڭ ۇيعۇر اۆتونوميالى رايونىنىڭ عىلىم ـ تەحنيكا بويىنشا سيلاۋ ٴادىسىن» جاريالاپ، اۆتونوميالى رايوندىق حالىق ۇكىمەتىنىڭ اۆتونوميالى رايوندىق عىلىم ـ تەحنيكا سيلىعىن تاعايىنداعاندىعىن ايقىندادى ٴارى قوعامداعى كۇشتەردى اۆتونوميالى رايوندا عىلىم ـ تەحنيكا سيلىعىن تاعايىنداۋعا شابىتتاندىردى.
«ادىستە» سيلىق تۇرلەرىنىڭ تاعايىندالۋىنا رەتتەۋ جۇرگىزىلىپ، اۆتونوميالى رايوندىق ەڭ جوعارى عىلىم ـ تەحنيكا سيلىعى، اۆتونوميالى رايوندىق كورنەكتى ۇلەس سيلىعى، اۆتونوميالى رايوندىق جاراتىلىستىق عىلىم سيلىعى، اۆتونوميالى رايوندىق تەحنيكا تاپقىرلىق سيلىعى، اۆتونوميالى رايوندىق عىلىم ـ تەحنيكا العاباسارلىعى سيلىعى تاعايىندالدى.
اۆتونوميالى رايوندىق ەڭ جوعارى عىلىم ـ تەحنيكا سيلىعى مەن اۆتونوميالى رايوندىق كورنەكتى ۇلەس سيلىعى ٴار 2 جىلدا ٴبىر رەت باعالانادى، سيلىق دارەجەگە بولىنبەيدى. اۆتونوميالى رايوندىق ەڭ جوعارى عىلىم ـ تەحنيكا سيلىعى بەرىلەتىن ادام سانى ٴار رەتتە 2 ادامنان اسپاۋى كەرەك، اۆتونوميالى رايوندىق كورنەكتى ۇلەس سيلىعى بەرىلەتىن ادام سانى ٴار رەتتە 5 ادامنان اسپاۋى كەرەك، بوس قالسا دا بولادى.
اۆتونوميالى رايوندىق جاراتىلىستىق عىلىم سيلىعى، اۆتونوميالى رايوندىق تەحنيكا تاپقىرلىق سيلىعى، اۆتونوميالى رايوندىق عىلىم ـ تەحنيكا العاباسارلىعى سيلىعى جىلىنا ٴبىر رەت باعالانادى، ول 1 ـ دارەجەلى، 2 ـ دارەجەلى، 3 ـ دارەجەلى سيلىق بولىپ بولىنەدى، سيلىق بەرىلگەن جەتىستىكتەردىڭ جالپى سانى 150 تۇردەن اسپايدى. مۇنىڭ ىشىندە 1 ـ دارەجەلى سيلىق 30 تۇردەن، 2 ـ دارەجەلى سيلىق 55 تۇردەن، 3 ـ دارەجەلى سيلىق 65 تۇردەن اسىرىلمايدى.
«ادىستە» مىنالار اتاپ كورسەتىلدى: اۆتونوميالى رايوندىق عىلىم ـ تەحنيكا سيلىعى جونىندە كانديدات كورسەتۋ ٴتۇزىمى اتقارىلادى، ٴوزىن ـ ٴوزى كورسەتۋگە بولمايدى. كانديدات كورسەتۋشىلەر وبلىستىق، قالالىق (ايماقتىق) حالىق ۇكىمەتتەرى (اكىمشىلىك مەكەمەلەر)؛ اۆتونوميالى رايوندىق حالىق ۇكىمەتى قۇرامىنداعى تاراۋلار، توتە قاراستى قۇرىلىمدار؛ ورتالىقتىڭ شينجياڭدا تۇراتىن قاتىستى ورىندارى؛ جۇڭگو عىلىم اكادەمياسىنىڭ اكادەميكتەرى، جۇڭگو ينجەنەريالىق عىلىمدار اكادەمياسىنىڭ اكادەميكتەرى، اۆتونوميالى رايوندىق ەڭ جوعارى عىلىم ـ تەحنيكا سيلىعىنا جانە اۆتونوميالى رايوندىق كورنەكتى ۇلەس سيلىعىنا يە بولعاندار قاتارلىلاردى قامتيدى.
كانديدات كورسەتۋشى كورسەتكەن ماتەريالدارىنىڭ شىندىعى جانە دۇرىستىعىنا جاۋاپتى بولادى، سونداي ـ اق كانديدات كورسەتۋدە، باعالاۋدا جانە باسقاشا پىكىردى ٴبىر جاقتى ەتۋدە سايكەستى جاۋاپكەرشىلىك ارقالايدى. كانديدات كورسەتۋشىنىڭ ورىن نەمەسە جەكە بولۋىنا بولادى، ٴبىراق، ٴبارى دە قانىق بىلەتىن عىلىم سالاسى كولەمىندە جۇرگىزىلۋى كەرەك.
«ادىستە» مىنالار ايقىن بەلگىلەندى: اۆتونوميالى رايوندىق عىلىم ـ تەحنيكا سيلىعىنىڭ ٴارقايسى سيلىق سوماسى اۆتونوميالى رايوننىڭ ەكونوميكالىق، قوعامدىق دامۋ جاعدايىنا قاراي لايىقتى رەتتەلەدى، ناقتى سوماسى جونىندە اۆتونوميالى رايوندىق حالىق ۇكىمەتىنىڭ عىلىم ـ تەحنيكا اكىمشىلىك تاراۋى قازىنا تاراۋلارىمەن بىرگە جوبا ۇسىنىپ، اۆتونوميالى رايوندىق حالىق ۇكىمەتىنە مالىمدەپ، بەكىتىلگەننەن كەيىن ۇيىمداستىرىپ اتقارىلادى.