ەگىلگەن جازدىق ٴبيداي 300 مىڭ مۋدان استى
انار بۇلت \ شينجياڭ گازەتىنىڭ ٴتىلشىسى ليۋ ي 3 ـ ايدىڭ 24 ـ كۇنى ۇرىمجىدەن حابارلايدى. اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسىنەن ۇعىسۋىمىزشا، اۋا تەمپەراتۋراسىنىڭ بىرتىندەپ جوعارىلاۋىنا ىلەسە، شينجياڭنىڭ كوكتەمگى ەگىس جۇمىسى وڭتۇستىكتەن سولتۇستىككە قاراي ىركەس ـ تىركەس ورىستەتىلگەن، بيىل قازىرگە دەيىن تۇتاس رايون 304 مىڭ 200 مۋ جەرگە جازدىق ٴبيداي ەككەن، جەر ـ جەر ەگىس ۋاقىتىن مىقتاپ يگەرىپ، كوكتەمگى ەگىس، كوكتەمگى باپتاۋ قىزمەتتەرىن تىڭعىلىقتى ىلگەرىلەتىپ، تۇتاس جىلداعى اۋىل شارۋاشىلىعى ٴوندىرىسىنىڭ ”ٴبىرىنشى شايقاسىن“ دابىرالى باستاعان.
تاياۋدا اقسۋ ايماعىندا كوكتەمگى ەگىس داقىلدارى ىركەس ـ تىركەس ەگىلە باستاعان، جەرگىلىكتى ورىن قالىڭ ەگىنشىلەردى ۇيىمداستىرىپ، جازعى ٴبيداي، زيرە، بەديان، جۇگەرى جانە جەر جاڭعاعى سياقتى ەگىس داقىلدارىن ەگىپ، ”قۇرعاق ەگىپ، تامشىلاتىپ سۋارۋ“ سياقتى تەحنيكالاردى جالپىلاستىرىپ، كوكتەمگى ەگىستىڭ ساپاسى مەن ونىمدىلىگىن جوعارىلاتىپ، تۇتاس جىلدىق اۋىل شارۋاشىلىعى وندىرىسىندە جاقسى باستاما اشۋعا شىنايى كەپىلدىك ەتتى.
سولتۇستىك شينجياڭداعى شيحۋ قالاسىندا جەرگىلىكتى ورىن اۋىل شارۋاشىلىعى تەحنيكتەرىن ۇيىمداستىرىپ، اتىز باسىنا ىشكەرىلەي بارىپ، تەكسەرىپ، رەتسەپ ۇسىنىپ، ەگىنشىلەردىڭ كوكتەم مەزگىلىندە اتىز باپتاۋ جۇمىسىن ويداعىداي ىستەۋىنە جەتەكشىلىك ەتىپ، ٴونىم مولشەرىن جوعارىلاتۋعا، كىرىستى ارتتىرۋعا بەرىك نەگىز قالادى.
”بيىلعى 3 ـ ايدىڭ ورتاشا اۋا تەمپەراتۋراسى وتكەن جىلمەن سالىستىرعاندا تومەندەۋ، كوكتەمگى ەگىستى باستاۋ ۋاقىتى وتكەن جىلدان ٴسال جاي بولدى“. اۆتونوميالى رايوندىق اۋىل شارۋاشىلىعى، اۋىل ـ قىستاق مەڭگەرمەسى ەگىمشىلىك كاسىبىن باسقارۋ مەكەمەسىنىڭ باستىعى تاڭ ي ـ ۋ بىلاي دەپ تانىستىردى: جۋىقتا ٴار دارەجەلى اۋىل شارۋاشىلىعى، اۋىل ـ قىستاق تاراۋلارى اۋا تەمپەراتۋراسىنىڭ وزگەرىسىنە قاراي قىزمەت ٴتۇيىنىن دەر كەزىندە رەتتەپ، استىق ٴوندىرىس نىسانا ـ مىندەتىن تياناقتاندىرىپ، ەگىمشىلىك جوسپارىن ناقتى اتىزداردا تياناقتاندىردى. سونداي ـ اق قاتىناس، بازاردى باقىلاۋ ـ باسقارۋ سياقتى تاراۋلارمەن بىرگە، جالعان ەگىس ماتەريالدارىنا سوققى بەرۋ، قامداۋدى قامتاماسىز ەتۋ، باعانى ورنىقتىرۋ قىزمەتىن كۇش سالا ويداعىداي ىستەپ، كوكتەمگى ەگىس ٴوندىرىسىن ٴساتتى ورىستەتۋگە شىنايى كەپىلدىك ەتتى.
قازىرگە دەيىن تۇتاس رايوندا كوكتەمگى ەگىس ماتەريالدارى زاپاس قورىن تياناقتاندىرۋ سالىستىرماسى %80تەن اسىپ، ٴتۇرلى ەگىس ماتەريالدارىنىڭ زاپاس قورى تولىق، باعاسى ورنىقتى بولىپ، كوكتەم مەزگىلىندەگى اۋىل شارۋاشىلىق ٴوندىرىسىنىڭ قاجەتىن قاناعاتتاندىرادى.
كوكتەمگى ەگىس ىركەس ـ تىركەس باستالۋمەن بىرگە، تۇتاس شينجياڭداعى دۇمبە ٴبيداي دا ىركەس ـ تىركەس قايتا كوكتەۋ مەزگىلىنە ٴوتتى. ٴار دارەجەلى اۋىل شارۋاشىلىعى، اۋىل ـ قىستاق تاراۋلارى اۋىل شارۋاشىلىق تەحنيكتەرىن ۇيىمداستىرىپ، مايسا جاعدايىنا قاراي شارا اتقارىپ، دۇمبە ٴبيدايدىڭ قىستان ٴوتۋىن باپتاۋدى كۇشەيتىپ، اپاتتان ساقتانۋ، اپات شىعىنىن ازايتۋعا قاتىستى شارالاردى تياناقتاندىرىپ، جازعى استىقتان تاعى دا مول ٴونىم الۋعا كۇش سالدى.
بيىل شينجياڭ استىق ٴوندىرىس قۋاتىن جوعارىلاتۋ ارەكەتىن جالعاستى اتقارىپ، ەگىس قۇرىلىمىن رەتتەۋ، ەگىس اۋدانىن ارتتىرۋ سياقتى تاسىلدەر ارقىلى استىق ەگىلەتىن جەر اۋدانىنىڭ كولەمىن كەڭەيتەدى. استىق وندىرەتىن 35 ٴىرى اۋداننىڭ ٴوندىرىس قۋاتىن جوعارىلاتۋداعى شەشۋشى رولىن ساۋلەلەندىرىپ، كاسىپ سالاسى تەحنيكا جۇيەسىنە، اۋىل شارۋاشىلىق تەحنيكاسىن جالپىلاستىرۋ جۇيەسىنە جانە قوعامدىق قىزمەت وتەۋ جۇيەسىنە سۇيەنىپ، ”100 مۋدان قامال الۋ، 1000 مۋ قۇرۋ، 10 مىڭ مۋدان ۇلگى كورسەتۋدى“ اتقارىپ، ٴوندىرىس رايوندارىنىڭ استىق ٴونىمىن كەڭ كولەمدە بىركەلكى ارتتىرۋعا ىقپال كورسەتىپ، باستاماشىلدىق ەتىپ، استىق ٴونىم مولشەرىن تاعى دا ٴبىر ميلليون توننا ارتتىرۋعا كۇش سالادى.