2024 ـ جىلعى اۆتونوميالى رايوننىڭ جەرگىلىكتى زاڭ ەرەجە شىعارۋ قىزمەتى ٴماجىلىسى اشىلدى
جەرگىلىكتى زاڭ ەرەجە شىعارۋ قىزمەتىنىڭ جوعارى ساپالى دامۋىن ورنىقتىلىق بارىسىندا ىلگەرىلەتۋ كەرەك
انار بۇلت \ شينجياڭ گازەتىنىڭ ٴتىلشىسى جاڭ لەي 3 ـ ايدىڭ 25 ـ كۇنى ۇرىمجىدەن حابارلايدى. 3 ـ ايدىڭ 25 ـ كۇنى 2024 ـ جىلعى اۆتونوميالى رايوننىڭ جەرگىلىكتى زاڭ ەرەجە شىعارۋ قىزمەتى ٴماجىلىسى اشىلدى، ٴماجىلىس بىلتىرعى جەرگىلىكتى زاڭ ەرەجە شىعارۋ قىزمەتىن قورىتىندىلاپ، بيىلعى زاڭ ەرەجە شىعارۋ قىزمەت مىندەتتەرىن ورنالاستىردى، جاڭا داۋىردەگى جەرگىلىكتى زاڭ ەرەجە شىعارۋ قىزمەتىنىڭ جوعارى ساپالى دامۋىن ورنىقتىلىق بارىسىندا ىلگەرىلەتىپ، جۇڭگو ۇلگىسىندەگى وسىزامانداندىرۋ بارىسىندا كورىكتى شينجياڭدى اناعۇرلىم ويداعىداي قۇرۋعا زاڭمەن باسقارۋ كۇش ـ قۋاتىن ارنادى.
اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ماجىلىسكە قاتىناستى ٴارى ٴسوز سويلەدى.
ٴماجىلىس مىنالاردى اتاپ كورسەتتى: وتكەن ٴبىر جىلدا اۆتونوميالى رايوندىق پارتكومنىڭ باسشىلىعىندا، اۆتونوميالى رايوندىق حالىق قۇرىلتايى تۇراقتى كوميتەتى وزەكتى كەلەلى جاعدايمەن تىعىز بايلانىستىرىپ، زاڭمەن باسقارىلاتىن شينجياڭ قۇرىلىسىن جاپپاي تەرەڭدەتۋدى ارقاۋ ەتە وتىرىپ، نەگىزگى زاڭ، زاڭدار جۇكتەگەن زاڭ ەرەجە شىعارۋ قىزمەت ۇقىعىن مۇقيات اتقارىپ، دەموكراتيالى زاڭ ەرەجە شىعارۋ مەحانيزمىن ۇزدىكسىز كەمەلدەندىرىپ، بەس جىلدىق زاڭ ەرەجە شىعارۋ جوسپارىن عىلمي دايىنداپ جانە اتقارىپ، جىلدىق زاڭ ەرەجە شىعارۋ مىندەتىن جوعارى ساپامەن ورىنداپ، تۇتاس رايون قىزمەتىنىڭ جالپى جاعدايىنا بەلسەنە قىزمەت وتەپ، جاڭا ٴداۋىردىڭ جاڭا جورىعىنداعى جەرگىلىكتى زاڭ ەرەجە شىعارۋ قىزمەتىنىڭ جاڭا تاراۋىن قۇلشىنا جازدى.
ٴماجىلىس مىنالاردى باسا دارىپتەدى: شي جينپيڭ زاڭمەن باسقارۋ يدەياسىمەن زاڭ ەرەجە شىعارۋ قىزمەتىنە جەتەكشىلىك ەتۋگە تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىمەن زاڭ ەرەجە شىعارۋ قىزمەتىنە جەتەكشىلىك ەتىپ جانە تارازىلاپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن جەدەل ىلگەرىلەتۋدى زاڭمەن باسقارۋ جاعىنان پارمەندى قامتاماسىز ەتۋدىڭ ساياسي جاۋاپكەرشىلىگىن شىنايى بەرىك ارقالاۋ كەرەك. جەرگىلىكتى زاڭ ەرەجە شىعارۋ قىزمەتىن كۇشەيتۋ _ شينجياڭدى زاڭمەن جاپپاي باسقارۋدى ىلگەرىلەتۋدىڭ ماڭىزدى نەگىزى ەكەنىن تەرەك تانىپ جەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىعىز ارقاۋ ەتە وتىرىپ، شينجياڭنىڭ رەفورما، دامۋ، ورنىقتىلىق ٴىس جۇزىندىگىمەن تىعىز بايلانىستىرىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردەگى ٴالسىز بۋىنداردى ٴجىتى قاداعالاپ، زاڭ ەرەجە شىعارۋداعى ولقىلىقتاردى كۇش سالا تولىقتاپ، زاڭ ەرەجە شىعارۋ ساپاسىن جوعارىلاتۋ كەرەك. جەرگىلىكتى زاڭ ەرەجە شىعارۋ قىزمەتىندە، ٴسوز جوق، ۇلتتار وڭىرلەرى قىزمەتىنىڭ نەگىزگى جەلىسىن مىقتاپ يگەرۋدى تەرەڭ تانىپ جەتىپ، جۇڭحۋا ۇلتى ورتاق تۇلعا تانىمىن بەرىك ورناتىپ، ۇلتتار ىنتىماعىندا، العاباسارلىعىندا وزات ورىن قۇرۋ، مەملەكەتتە ٴبىر تۇتاس قولدانىلاتىن ٴتىل ـ جازۋدى جالپىلاستىرۋ، كەڭەيتۋ سياقتى قىزمەتتەردىڭ زاڭمەن باسقارۋ ارناسىندا ٴجۇرىلۋىن ىلگەرىلەتۋ كەرەك. جوعارى ساپالى دامۋدى جوعارى ساپالى زاڭ ەرەجە شىعارۋ ارقىلى قورعاۋ كەرەك ەكەندىگىن تەرەڭ تانىپ جەتىپ، جەرگىلىكتى زاڭ ەرەجە شىعارۋدىڭ اتقارۋ سيپاتتى، تولىقتاۋ سيپاتتى، ىزدەنىس سيپاتتى يقۋاتىن ويداعىداي ساۋلەلەندىرىپ، زاڭ ەرەجە شىعارۋ ۇيعارىمى مەن رەفورما ۇيعارىمىن بىرلىككە كەلتىرۋدى ىلگەرىلەتىپ، اۆتونوميالى رايوننىڭ جوعارى ساپالى دامۋىنا، اسىرەسە، ٴتۇرلى رەفورما شارالارىنىڭ تياناقتانۋىنا جەتەكشىلىك ەتۋ، جۇيەلىلەندىرۋ، ىلگەرىلەتۋ، قامتاماسىز ەتۋ كەرەك.
ٴماجىلىس مىنالاردى باسا دارىپتەدى: ٴتۇيىندى كورنەكتىلەندىرىپ، تەتىكتى يگەرىپ، ٴبىر تۇتاس جوسپارلاپ ىلگەرىلەتىپ، پارتيانىڭ باسشىلىعىن زاڭ ەرەجە شىعارۋ قىزمەتىنىڭ تۇتاس بارىسىنا، ٴارقايسى جاعىنا ساباقتاستىرىپ، حالىق قۇرىلتايىنىڭ جەتەكشىلىك ەتۋ جانە ۇكىمەتتىڭ سۇيەنىش بولۋ رولىن ساۋلەلەندىرىپ، زاڭ ەرەجە شىعارۋ قىزمەتىنىڭ سايكەستىلىگىن كۇشەيتىپ، زاڭ ەرەجە شىعارۋ ساپاسىن شىنايى جوعارىلاتىپ، زاڭ ەرەجەلەردى بەكىتۋگە جولداۋ جانە ەستەلىككە الۋ، تەكسەرۋ قىزمەتىن تىڭعىلىقتى ويداعىداي ىستەپ، زاڭ ەرەجە شىعارۋ قابىلەت قۇرىلىسىن كۇشەيتىپ، بيىلعى جىلعى زاڭ ەرەجە شىعارۋ مىندەتىن جاپپاي ورىنداپ، اۆتونوميالى رايون ەكونوميكاسىنىڭ، قوعامىنىڭ جوعارى ساپالى دامۋىن اناعۇرلىم ويداعىداي قامتاماسىز ەتۋ جانە جەبەۋ كەرەك.
ماجىلىستە اۆتونوميالى رايوننىڭ نەگىزگى ساتى زاڭ ەرەجە شىعارۋ بايلانىس تۇيىندەرىنە، زاڭ ەرەجە شىعارۋدى زەرتتەۋ، كەڭەس بەرۋ بازاسىنا ماڭدايشالىق ۇسىندى، زاڭ ەرەجە شىعارۋعا كەڭەس بەرەتىن ماماندارعا ۇسىنىس حاتىن تاراتتى. زاڭ ەرەجە شىعارۋ ۇقىعىنا يە وبلىس، قالا، اۋداندىق حالىق قۇرىلتايى تۇراقتى كوميتەتىنىڭ قاتىستى جاۋاپتىلارى بيىلىعى جىلعى زاڭ ەرەجەلەردى بەكىتۋگە جولداۋ قىزمەت جوسپارلارى جونىندە پىكىر الماستىرىپ، لەبىز ٴبىلدىردى.