شينجياڭ فيلوسوفيا-قوعامدىق عىلىمدار تورابى
2024 ـ جىلعى (13 ـ كەزەكتى) وزبەكستان _ جۇڭگو شينجياڭ تاۋار كورمەسى اشىلدى
   ۋاقىتى:2024-04-01   |  كەلۋ قاينارى: شينجياڭ گازەتى

  اريپوۆ، ەركىن تۇنياز اشىلۋ سالتىنا قاتىناستى

  انار بۇلت \ شينجياڭ گازەتىنىڭ تىلشىلەرى حي حۇڭۋي، لي ياڭ 3 ـ ايدىڭ 30 ـ كۇنى تاشكەنتتەن حابارلايدى. 3 ـ ايدىڭ 30 ـ كۇنى 2024 (13 ـ كەزەكتى) وزبەكستان _ جۇڭگو شينجياڭ تاۋار كورمەسى وزبەكستاننىڭ استاناسى تاشكەنتتە اشىلدى. وزبەكستاننىڭ زۇڭليى اريپوۆ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز اشىلۋ سالتىنا قاتىناستى ٴارى ارناۋ ٴسوز سويلەدى.

  اريپوۆ ارناۋ سوزىندە بىلاي دەدى: جۇڭگو _ وزبەكستاننىڭ نەگىزگى ەكونوميكا ـ ساۋدا سەلبەستىك سەرىگىنىڭ ٴبىرى، وزبەكستان جاق جۇڭگومەن ستراتەگيالىق سەلبەستىك قارىم ـ قاتىناستى كۇشەيتۋگە ايرىقشا ٴمان بەرەدى. ەكى ەلدىڭ مەملەكەت باسشىلارىنىڭ ستراتەگيالىق جەتەكشىلىگىندە، ەكى جاقتىڭ دوستىق قارىم ـ قاتىناسى ٴوزارا پايدا جەتكىزۋ، ٴوزارا تيىمدىلىك جاساۋ، سەلبەسىپ تەڭ يگىلىككە كەنەلۋ نەگىزىندە ۇزدىكسىز قارىشتاپ دامىدى، ەكى جاقتىڭ قارىم ـ قاتىناسى كۇن سايىن تولىسىپ، ورنىعىپ كەلەدى. ەكى جاق ساۋداسى تەز قارقىنمەن ارتۋدا.

  اريپوۆ مىنالاردى ٴبىلدىردى: جىبەك جولى ەكونوميكالىق بەلدەۋى وزەكتى رايونى رەتىندە جۇڭگونىڭ شينجياڭى وزبەكستان _ جۇڭگو ەكى ەلدىڭ ەكونوميكا ـ ساۋدا سەلبەستىگىندە ماڭىزدى رول اتقارىپ، وزبەكستان جاقتىڭ جۇڭگونىڭ شينجياڭىمەن سەلبەستىگى تىڭ دەڭگەيگە كوتەرىلدى. ەكى جاقتىڭ ”ٴبىر بەلدەۋ، ٴبىر جولدى“ بىرگە قۇرۋدى ارقاۋ ەتە وتىرىپ، ٴار سالاداعى ٴوزارا پايدا جەتكىزىپ سەلبەستىك جاساۋدى اناعۇرلىم تەرەڭدەتۋىن ٴۇمىت ەتەمىن. وزبەكستان _ جۇڭگو شينجياڭ تاۋار كورمەسى 12 كەزەك ٴساتتى وتكىزىلىپ، ەكى ەل كاسىپورىنشىلارىنىڭ كەڭ كولەمدە مويىنداۋىنا جانە جاقسى باعاسىنا يە بولدى. جۇڭگو كاسىپورىنشىلارىنىڭ وسى رەتكى كورمەدەن پايدالانىپ، ٴتىپتى دە كوپ ٴوزارا تيىمدىلىك جاساۋ نىساندارىنا قارجى قوسۋ، تياناقتاندىرۋ جونىندە كەلىسىمگە كەلۋىن ٴۇمىت ەتەمىن، وزبەكستان جاق جۇڭگو كاسىپورىندارىنىڭ وزبەكستاندا دامۋىنا بارلىق قاجەتتى قولداۋ كورسەتەدى. سونىمەن بىرگە، وزبەكستان جاق جۇڭگو شينجياڭ كاسىپورىندارىنىڭ وزبەكستانعا كەلىپ قارجى قوسۋىن، دامۋىن، وزبەكستان _ جۇڭگو دوستىق سەلبەستىك قارىم ـ قاتىناسىن تىڭ دەڭگەيگە جوعارىلاتۋعا ورتاق كۇش قوسۋىن قىزۋ قارسى الادى.

  ەركىن تۇنياز ارناۋ سوزىندە بىلاي دەدى: جۇڭگو _ وزبەكستان دوستىعى ۇزاق تاريحقا يە، بيىل ەكى ەل مەملەكەت باسشىلارى جاڭا داۋىردەگى جالپى جاعدايدا بىردەي جان ـ جاقتى ستراتەگيالىق سەرىكتەستىك قارىم ـ قاتىناستى دامىتىپ، اناعۇرلىم بيىك باستامادان جۇڭگو _ وزبەكستان تاعىرلاس ورتاق تۇلعاسىن قۇرۋدى ىلگەرىلەتۋدى ۇيعارعاندىعىن بىرگە جاريالادى. ەكى ەل مەملەكەت باسشىلارىنىڭ ستراتەگيالىق جەتەكشىلىگىندە، وزبەكستان مەن جۇڭگو شينجياڭىنىڭ جەرگىلىكتى ورىندار اراسىنداعى اۋىس ـ كۇيىسى، سەلبەستىگى كۇن سايىن جيىلەدى.

  ەركىن تۇنياز مىنالاردى ٴبىلدىردى: جۇڭگونىڭ شينجياڭى جاڭا داۋىردەگى جۇڭگو كوممۋنيستىك پارتياسىنىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، ”ٴبىر بەلدەۋ، ٴبىر جولدى“ بىرگە قۇرۋ كەلەلى تاريحي ورايىن مىقتاپ يگەرىپ، جۇڭگو (شينجياڭ) ەركىن ساۋدا سىناق رايونىن جەدەل قۇرىپ، جوعارى دەڭگەيدە سىرتقا ەسىك اشۋدى ۇزدىكسىز كەڭەيتىپ، ”ٴبىر بەلدەۋ، ٴبىر جولدى“ بىرگە قۇراتىن ەلدەرمەن، اسىرەسە، ورتا ازياداعى 5 ەلمەن سەلبەستىكتى ۇزدىكسىز تەرەڭدەتىپ، كەڭەيتىپ، تاماشا دامۋ ارىنىن جارىققا شىعاردى. وسى رەتكى كورمە ارقىلى ەكى ەلدىڭ مەملەكەت باسشىلارىنىڭ ماڭىزدى ورتاق تانىمىن اناعۇرلىم تياناقتاندىرىپ، جۇڭگو شينجياڭىنىڭ وزبەكستاننىڭ جەرگىلىكتى ورىندارىمەن دوستىق بارىس ـ كەلىسىن ۇزدىكسىز كەڭەيتىپ، ەرەكشە اۋىل شارۋاشىلىعى، ەنەرگيا بايلىعى، جابدىق جاساۋ، قاتىناس، زات اينالىمى، مادەنيەت، ساياحات، وقۋ ـ اعارتۋ، ەمدەۋ سياقتى سالالارداعى سەلبەستىكتى جاپپاي تەرەڭدەتۋدى ٴۇمىت ەتەمىن. وزبەكستان كاسىپورىندارىنىڭ جۇڭگونىڭ شينجياڭىنا بارىپ قارجى قوسىپ، كاسىپتەرىن گۇلدەندىرۋىن قارسى الامىز، ٴبىز بازارلانعان، زاڭمەن باسقارىلاتىن، حالىقارالانعان شارۋاشىلىق ـ ساۋدا ورتاسىن كۇش سالا قالىپتاستىرىپ، كاسىپورىندارعا ٴتىپتى دە ساپالى قىزمەت وتەيمىز.

  وزبەكستان ۇكىمەتى، وزبەكستان مەملەكەتتىك ساۋدا ـ ونەركاسىپشىلەر قوعامى سياقتى قۇرىلىمداردىڭ ۋاكىلدەرى، قاتىستى ديپلوماتيا قىزمەتكەرلەرى، وزبەكستان جاقتىڭ قاتىستى كاسىپورىندارىنىڭ، كاسىپتىك قوعامدارىنىڭ جاۋاپتىلارى قاتارلىلار اشىلۋ سالتىنا قاتىناستى.

  جۇڭگونىڭ وزبەكستانداعى ەلشىحاناسىنىڭ جاۋاپتىلارى، اۆتونوميالى رايوننىڭ قاتىستى ورىندارىنىڭ جاۋاپتىلارى، كاسىپورىن ۋاكىلدەرى قاتارلىلار اشىلۋ سالتىنا قاتىناستى.

  بۇل رەتكى كورمە ۋاقىتى 3 كۇن، شينجياڭ ساۋدانى جەبەۋ كوميتەتى ۇيىمداستىرعان، جۇڭگو حالىقارالىق ساۋدا قوعامى شينجياڭ ساۋدا قوعامى مىندەتىنە الىپ وتكىزگەن. جۇڭگونىڭ شينجياڭ، جىجياڭ، سىچۋان، گۋاڭدۇڭ سياقتى جەرلەرىندەگى 106 كاسىپورىن جانە وزبەكستاننان 13 جەرگىلىكتى كاسىپورىن كورمەگە قاتىناستى. كورمە كەزىندە تاعى جۇڭگو شينجياڭ _ وزبەكستان كاسىپورىندارىنىڭ ەكونوميكا ـ ساۋدا اۋىس ـ كۇيىس ٴماجىلىسى سياقتى قيمىلدار وتكىزىلدى.

جالعانىم


جاۋاپتى رەداكتورى: 沙衣力克·达拉力汉