اۆتونوميالى رايوندىق حالىق ۇكىمەتىنىڭ ۇنەمىلىك ىستەر ٴماجىلىسى زاڭمەن باسقارۋ ارناۋلى تاقىرىپتىق لەكسياسىن وتكىزدى
ارىز ـ ارمان قىزمەتىن زاڭمەن باسقارۋ دەڭگەيىن شىن مانىندە جوعارىلاتۋ كەرەك
انار بۇلت \ شينجياڭ گازەتىنىڭ ٴتىلشىسى لي ياڭ 4 ـ ايدىڭ 13 ـ كۇنى ۇرىمجىدەن حابارلايدى. 4 ـ ايدىڭ 12 ـ كۇنى تۇستەن كەيىن اۆتونوميالى رايوندىق حالىق ۇكىمەتىنىڭ ۇنەمىلىك ىستەر ٴماجىلىسى زاڭمەن باسقارۋ ارناۋلى تاقىرىپتىق لەكسياسىن وتكىزىپ، باس شۋجي شي جينپيڭنىڭ حالىق ارىز ـ ارمان قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن ىشكەرىلەي دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ارىز ـ ارمان قىزمەتى جونىندەگى تالاپتارىن تياناقتاندىرىپ، «ارىز ـ ارمان قىزمەتى ەرەجەسىنىڭ» (تومەندە قىسقارتىلىپ «ەرەجە» دەلىنەدى) ناقتىلانۋىن، تياناقتانۋىن ونان ارى ىلگەرىلەتتى. اۆتونوميالى رايوننىڭ ٴتوراعاسى ەركىن تۇنياز باسقاردى.
مەملەكەتتىك ارىز ـ ارمان مەكەمەسى زەرتتەۋ كەڭسەسىنىڭ ورىنباسار مەڭگەرۋشىسى شى سۇڭيۇي ”«ەرەجەنى» ىشكەرىلەي ۇيرەنىپ، دايەكتىلەندىرىپ، ارىز ـ ارمان قىزمەتىن زاڭمەن باسقارۋدى جاپپاي ىلگەرىلەتەيىك“ دەگەندى نەگىزگى تاقىرىپ ەتە وتىرىپ، ەرەجەنى شىعارۋدىڭ ارتقى كورىنىسى جانە كەلەلى ٴمانى، «ەرەجەنىڭ» نەگىزگى مازمۇنىن جاپپاي، دالمە ـ ٴدال ٴتۇسىنۋ، يگەرۋ، پارتيا ورتالىق كوميتەتىنىڭ ارىز ـ ارمان قىزمەتىن زاڭمەن باسقارۋدى ىلگەرىلەتۋ جونىندەگى كەلەلى شەشىمدەرىن، ورنالاستىرۋلارىن باتىل دايەكتىلەندىرۋ، تياناقتاندىرۋ سياقتى جاقتاردان «ەرەجەنى» تياناقتاندىرۋدا يگەرۋگە ٴتيىستى رۋحاني ٴمان جانە وزەكتى ٴتۇيىن جونىندە تەرەڭ تۇسىنىك جاسادى.
ٴماجىلىس مىنالاردى اتاپ كورسەتتى: جاڭا داۋىردەگى ارىز ـ ارمان قىزمەتىن ويداعىداي ىستەۋدە، ٴسوز جوق، پارتيانىڭ جالپى بەتتىك باسشىلىعىنا تاباندى بولۋ جانە ونى كۇشەيتۋ، جەر ـ جەر، تاراۋلار باستان ـ اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاۋى كەرەك. حالىقتىڭ قيىنشىلىعىن شەشىپ، پارتيانىڭ قامىن ويلاۋ قىزمەت جاۋاپكەرشىلىگىن، بورىشىن ەستە بەرىك ساقتاپ، ارىز ـ ارمان قىزمەتىنىڭ ”بارومەترلىك“ ساياسي فۋنكتسياسىن جانە ماڭىزدى رولىن ونان ارى ويداعىداي ساۋلەلەندىرىپ، نەگىزگى تاقىرىپتىق تاربيەنىڭ جەتىستىكتەرىن ۇزدىكسىز بەكەمدەپ جانە كەڭەيتىپ، بۇقارانىڭ ويلاعان، ارمانداعان، ۋايىمداعان، اڭساعان ىستەرىن دەر كەزىندە ۇعىسىپ جانە يگەرىپ، بۇقارانىڭ ورىندى ارىز ـ ارمانىن زاڭ بويىنشا دەر كەزىندە، سول جەردىڭ وزىندە شەشىپ، بۇقارانىڭ زاڭدى ۇقىق ـ مۇددەسىن ويداعىداي قورعاپ، بۇقاراعا پارتيا مەن ۇكىمەتتىڭ قامقورلىعىن سەزىندىرىپ، الدىعا كەلگەن بۇقارالىق قىزمەتتى ناقتى، ەگجەي ـ تەگجەيلى، ويداعىداي ىستەۋ كەرەك.
ٴماجىلىس مىنالاردى اتاپ كورسەتتى: «ەرەجە» _ جاڭا داۋىردەگى ارىز ـ ارمان ٴتۇزىمى رەفورماسىنىڭ بەلگى سيپاتتى جەتىستىگى، «ەرەجەنى» ۇيرەنۋدى، ۇگىتتەۋدى، دايەكتىلەندىرۋدى ماڭىزدى ساياسي مىندەت ەتىپ، «ەرەجەنى» ۇيرەنۋ ـ باۋلۋ جۇرگىزۋ، ۇگىتتەۋ ـ ٴتۇسىندىرۋدى جانە تياناقتاندىرۋ، قۇزاۋ، تەكسەرۋدى تىڭعىلىقتى تۇردە ويداعىداي ىستەپ، تۇتاس قوعامدا ٴىس بىتىرۋدە زاڭعا نەگىزدەلەتىن، ماسەلەگە جولىققاندا زاڭعا جۇگىنەتىن، ماسەلەنى شەشۋدە زاڭدى قولداناتىن، قايشىلىقتى جويۋدا زاڭعا سۇيەنەتىن تاماشا ورتا قالىپتاستىرۋ كەرەك.
ٴماجىلىس مىنالاردى باسا دارىپتەدى: زاڭمەن باسقارۋ وي جەلىسىنەن جانە زاڭمەن باسقارۋ تاسىلىنەن پايدالانىپ ماسەلەلەردى شەشۋگە، قايشىلىقتاردى جويۋعا، حاۋىپ ـ قاتەرلەردەن ساقتانۋعا تاباندى بولىپ، ارىز ـ ارمان قىزمەتىنىڭ الدىن الا ساقتانۋ، قابىلداۋ، ٴبىتىرۋ، باقىلاۋ، جاۋاپكەرشىلىكتى قۋزاۋ، ٴتارتىپتى قورعاۋ سىندى ”بەس زاڭمەن باسقارۋ“ تالابىن جاپپاي تياناقتاندىرىپ، ”ۇقىق پەن جاۋاپكەرشىلىگى ايقىن بولۋ، جاي ـ جاپسارى انىق بولۋ، زاڭ بويىنشا ٴبىتىرۋ، ٴتارتىبى جاقسى بولۋ، بۇقارا رازى بولۋ“ سىندى نىسانانى شىن مانىندە ناقتى تياناقتاندىرىپ، ارىز ـ ارمان قىزمەتىن زاڭمەن باسقارۋ دەڭگەيىن جوعارىلاتۋ كەرەك. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، ”پۋجياڭ تاجىريبەسىن“ ۇيرەنىپ، جالپىلاستىرىپ، ”ٴتورتتى نەگىزگى ساتىعا جەتكىزۋ“ قىزمەت تالابىن تياناقتاندىرىپ، باسشىلاردىڭ ارىز ـ ارماندى قابىلداۋ، تومەننىڭ حال ـ جاعدايىن ۇعىسۋ، دەلونى بىتىرۋگە تاپسىرۋ مەحانيزمىن كەمەلدەندىرىپ، بۇقارانىڭ تالاپ ـ تىلەگىن ٴبىلدىرۋ، ۇقىق ـ مۇددەسىن سايكەستىرۋ، ۇقىق ـ مۇددەسىن قامتاماسىز ەتۋ ارناسىن ىركىلىسسىزدەندىرىپ جانە ارناعا ٴتۇسىرىپ، تۋ باستان جونگە سالۋدى جانە باسىلىپ قالعان دەلولاردى شەشۋدى ۇزدىكسىز كۇشەيتىپ، تالاپ ـ تىلەكتەردى ٴتارتىپتى ٴبىتىرىپ، قىزمەتتى جىكسىز ۇشتاستىرىپ، ماسەلەنى جوعارى ٴونىمدى شەشىپ، بۇقارانىڭ زاڭدى ۇقىق ـ مۇددەسىن شىن مانىندە قورعاۋ كەرەك. ٴار دارەجەلى پارتكومداردىڭ، ۇكىمەتتەردىڭ ارىز ـ ارمان قىزمەتى نەگىزگى تۇلعالىق جاۋاپكەشىلىگىن قاتايتىپ، ناقتىلاندىرىپ، ارىز ـ ارمان حاۋىپ ـ قاتەرلەرىن، كومەسكى كىناراتتارىن دەر كەزىندە سول جەردىڭ وزىندە شەشۋدى ىلگەرىلەتىپ، بۇقارانىڭ ارىز ـ ارمان ىستەرىنىڭ اۋدان كولەمىندە، سونداي ـ اق ودان تومەن ورىنداردا لايىقتى شەشىلۋىن ەڭ جوعارى شەكتە ىلگەرىلەتىپ، قايشىلىقتىڭ شيەلەنىسۋىنەن، ارىز ـ ارماننىڭ جوعارىعا جولدانۋىنان ساقتانۋ كەرەك.
اۆتونوميالى رايوندىق ۇكىمەت پارتيا باسشىلىق گرۋپپاسىنىڭ مۇشەلەرى، ۇكىمەتتىڭ ٴارقايسى قاتىستى تاراۋلارىنداعى جاۋاپتى جولداستار ارناۋلى تاقىرىپتىق لەكسياعا قاتىناستى، ٴارقايسى ايماق، وبلىس، قالالاردىڭ، اۋدان، قالا، رايونداردىڭ ۇكىمەتتەرىندەگى (ٴۋالي مەكەمەسى) قاتىستى جاۋاپتى جولداستار بەينە ەكران تاسىلىندە ماجىلىسكە قاتىناستى. اۆتونوميالى رايوندىق پارتكوم قوعامدىق قىزمەت بولىمىندەگى قاتىستى جاۋاپتى جولداستار ماجىلىسكە سىرتتاي قاتىناستى.