انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 4 ـ ايدىڭ 14 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوننىڭ ٴتوراعاسى ەركىن تۇنياز 4 ـ ايدىڭ 14 ـ كۇنى تۇستەن كەيىن ۇرىمجىدە جىبەك جولى ەكونوميكالىق بەلدەۋىن بىرگە قۇراتىن ەلدەر مەديا جاۋاپتىلارى زەرتتەۋ ـ تالقى كۋرسىنىڭ مۇشەلەرىمەن كەزدەستى.
ما شيڭرۇي جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتى جانە اۆتونوميالى رايوندىق حالىق ۇكىمەتى اتىنان زەرتتەۋ ـ تالقى كۋرسى مۇشەلەرىنىڭ شينجياڭعا كەلىپ زەرتتەۋ ـ تالقى جۇرگىزىپ، پىكىر اۋىستىرۋىن قارسى الدى. ول بىلاي دەدى: كوپشىلىكتىڭ جۇڭگونىڭ شينجياڭىنا كەلىپ ناقتى تەكسەرۋ جۇرگىزۋى، شىنايى سەزىنۋى شينجياڭ جونىندەگى تۇسىنىكتى ارتتىرۋ، ٴار ەلدىڭ جۇڭگومەن اۋىس ـ كۇيىس جاساسۋىن جەبەۋ جونىنەن توتەنشە ماڭىزدى. وسى بىرنەشە كۇندە كوپشىلىك شينجياڭنىڭ ٴىشىنارا ايماق، وبلىس، قالالارىنا بارىپ ەكسكۋرسيادا، ساپاردا بولىپ، شينجياڭنىڭ جاعدايىن بەلگىلى دارەجەدە ۇعىستى. كوپشىلىك كورگەندەي، جۇڭگونىڭ شينجياڭى قول جەتكىزگەن كورنەكتى دامۋ تابىستارى، تۇپتەپ كەلگەندە، شي جينپيڭ جولداستى ۇيتقى ەتكەن جۇڭگو كوممۋنيستىك پارتياسى ورتالىق كوميتەتىنىڭ پارمەندى باسشىلىعىنىڭ جانە زور كۇشپەن قولداۋىنىڭ ناتيجەسى. شينجياڭنىڭ دامۋى جۇڭگو كوممۋنيستىك پارتياسىنىڭ حالىقتى وزەك ەتكەن دامۋ يدەياسىن تولىق بەينەلەدى، جۇڭگو سوتسياليستىك ٴتۇزىمىنىڭ ابزالدىلىعىن تولىق ايگىلەدى، جۇڭحۋا ۇلتى ورتاق تۇلعا تانىمىن بەرىك ورناتۋ سىندى نەگىزگى جەلىنى امالياتتا تولىق ايگىلەدى. ٴبىز جاڭا داۋىردەگى جۇڭگو كوممۋنيستىك پارتياسىنىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، دامۋ مەن حاۋىپسىزدىكتى، ەسىك اشۋ مەن ورنىقتىلىقتى ٴبىر تۇتاس جوسپارلاپ، ازيا _ ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن قۇرۋ سياقتى ستراتەگيالىق ورنىمىزدى ارقاۋ ەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن بار كۇشپەن ىلگەرىلەتتىك. ٴبىز قوعام ورنىقتىلىعىن باتىل قورعاپ، زورلىقتى كۇش لاڭكەستىك قيمىلدارىنا زاڭ بويىنشا سوققى بەرىپ، حالىقتىڭ ٴومىر ٴسۇرۋ ۇقىعى مەن دامۋ ۇقىعىنىڭ سۇعاناقتىققا ۇشىراماۋىنا ەڭ جوعارى شەكتە شىنايى كەپىلدىك ەتتىك، بۇل ەڭ ۇلكەن ادامدىق ۇقىق. قازىرگى شينجياڭدا قوعام تىنىش، بەرەكەلى، ەكونوميكا قارىشتاپ دامىعان، ءار ۇلت حالقى الاڭسىز، شات ـ شادىمان تىرشىلىك كەشكەن، دامۋدىڭ ماڭىزدى ستراتەگيالىق وراي مەزگىلىندە تۇر، جۇڭگو ۇلگىسىندەگى وسىزامانداندىرۋ قۇرىلىسىندا بولاشاعى نۇرلى. شينجياڭ اشىق شينجياڭ، سەنىمدى شينجياڭ، قاقپامىز بارعان سايىن ايقارا اشىلادى، ٴادىل، وبيەكتيۆ پوزيتسيا ۇستانعان ۇيىمدار مەن جەكەلەردىڭ ٴبارىنىڭ جۇڭگونىڭ شينجياڭىنا كەلىپ ەكسكۋرسيادا، ساپاردا بولۋىنا بولادى، سونداي ـ اق كوپشىلىكتىڭ، وراي بولسا، شينجياڭعا تاعى كەلۋىن ٴۇمىت ەتەمىن.
شۆەتسيا، قازاقستان، ساۋد ارابياسى، كانادا، اۆستراليا، جاپونيا، مالديۆ، پاكيستان، باحرەين، شۆەتساريا، شريلانكا، تايلاند، فيليپپين سياقتى ەلدەردەن كەلگەن 15 مەديا قايراتكەرى، جازۋشى جانە وقىمىستى ٴسوز سويلەپ، بىرنەشە كۇننەن بەرى جۇڭگونىڭ شينجياڭىندا ەكسكۋرسيادا، ساپاردا بولىپ اۋىس ـ كۇيىس جاساعانداعى شىنايى كورگەن ـ بىلگەندەرىن ورتاقتاسىپ، شينجياڭنىڭ دامۋى، العا باسۋى جونىندەگى ٴتول كەشىرمەلەرىن اڭگىمەلەدى. ولار مىنالاردى ٴبىلدىردى: باتىستاعى ٴىشىنارا مەديالار باستان ـ اياق شىندىقتى بۇرمالاۋ ارقىلى جۇڭگونىڭ شينجياڭىنا كۇيە جاعىپ كەلدى، وسى رەتكى اۋىس ـ كۇيىس، زەرتتەۋ ـ تالقى بارىسىندا شينجياڭنىڭ ەڭ شىنايى بەينەسىن كوردىك، ويىمىزداعىدان مۇلدە باسقاشا بولىپ قانا قويماي، ونان دا ماڭىزدىسى، باتىستاعى سول مەديالاردىڭ جۇڭگونىڭ شينجياڭى جونىندەگى حابارلارىنىڭ بۇكىلدەي قاتە ەكەندىگىن دالەلدەدى. شينجياڭنىڭ ەكونوميكاسى گۇلدەنىپ، نەگىزدىك قۇرىلعىلارى كەمەلدەنىپ، ٴار ۇلت بۇقاراسى بىرگە جاراسىمدى تۇرمىس كەشىرىپ، كوپ ٴتۇرلى ٴدىن تاتۋ، قاتار ٴومىر ٴسۇرىپ جاتىپتى، حالىقتىڭ جۇزىنەن كۇلكى ەسەدى، بۇل _ وسەك ـ اياڭ تاراتىپ، جالا جابۋعا بەرىلگەن ەڭ جاقسى جاۋاپ. جۇڭگونىڭ شينجياڭى لاڭكەستىك، ۇشقارىلىق، بولشەكتەۋشىلىك سياقتى سىن ـ سايىستارعا توتەپ بەرۋ جاعىندا وراسان زور تابىسقا قول جەتكىزدى، نەگىزدىك قۇرىلعى قۇرىلىسىن كەڭ كولەمدە ورىستەتۋ، جاڭاشا ونەركاسىپتەندىرۋدى ىلگەرىلەتۋ، كليمات سايىسىنا توتەپ بەرۋ سياقتى جاقتاردا ۇيرەنۋگە تاتيدى. مەديا قايراتكەرلەرى جونىنەن العاندا، ٴوز باسىنان كەشىرۋ جانە بەتپە ـ بەت اۋىس ـ كۇيىس جاساسۋ ارقىلى دۇنيەنى ٴتۇسىنۋ توتەنشە ماڭىزدى، ونان دا ماڭىزدىسى، ٴوزىنىڭ شىنايى كورگەن ـ بىلگەندەرىن باسقالارعا تانىستىرۋ جاۋاپكەرشىلىگى مەن بورىشى بار. وسى رەتكى قيمىل ارقىلى جۇڭگونىڭ شينجياڭى جونىندەگى تۇسىنىكتى ونان ارى كۇشەيتىپ، ٴتىپتى دە كوپ ادامنىڭ شىنايى جۇڭگونىڭ شينجياڭىن تانۋىنا مۇمكىندىك جاساۋدى ٴۇمىت ەتەمىز.
جىبەك جولى ەكونوميكالىق بەلدەۋىن بىرگە قۇراتىن ەلدەر مەديا جاۋاپتىلارىنىڭ زەرتتەۋ ـ تالقى كۋرسى 4 ـ ايدىڭ 8 ـ كۇنىنەن 16 ـ كۇنىنە دەيىن شينجياڭدا وتكىزىلەدى، 21 ەلدەن كەلگەن 26 مەديا قايراتكەرى قاتىناستى. بىرنەشە كۇننەن بەرى زەرتتەۋ ـ تالقى كۋرسىنىڭ مۇشەلەرى شينجياڭنىڭ ٴۇرىمجى، قاشقار، بايىنعولين سياقتى ايماق، وبلىس، قالالارىنا بارىپ، باي مازمۇندى ەكسكۋرسيا، تىلشىلىك، زەرتتەۋ ـ تالقى، اۋىس ـ كۇيىس قيمىلدارىن ورىستەتتى.
ۋاڭ جيانشين، ەلزات احمەتجان، ورتالىق كوميتەت ۇگىت ٴبولىمىنىڭ قاتىستى قىزمەتكەرلەرى، ورتالىقتىڭ شينجياڭدا تۇراتىن مەديالارىنىڭ، اۆتونوميالى رايوننىڭ قاتىستى تاراۋلارىنىڭ جانە ورىندارىنىڭ نەگىزگى جاۋاپتى جولداستارى كەزدەسۋگە قاتىناستى.