شي جينپيڭ شاندۇڭدا قىزمەت تەكسەرگەندە بىلاي دەپ باسا دارىپتەدى
رەفورمانى اناعۇرلىم جاپپاي تەرەڭدەتۋدى قوزعاۋشى كۇش ەتىپ، جۇڭگو ۇلگىسىندەگى وسىزامانداندىرۋدىڭ شاندۇڭ تاراۋىن قۇلشىنا جازۋ كەرەك
ساي چي قىزمەت تەكسەرۋدە بىرگە بولدى
5 ـ ايدىڭ 22 ـ كۇنىنەن 24 ـ كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ شاندۇڭدا قىزمەت تەكسەردى. سۋرەتتە: 5 ـ ايدىڭ 22 ـ كۇنى تۇستەن كەيىن شي جينپيڭ رىجاۋ پورتىندا پورتتاعى عىلىم ـ تەحنيكا قىزمەتكەرلەرىنەن، جۇمىس جۇرگىزۋشىلەردەن، تەڭىز تاسىمالى قىزمەتكەرلەرىنەن ىقىلاسپەن حال سۇراۋدا.
□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن
5 ـ ايدىڭ 22 ـ كۇنىنەن 24 ـ كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ شاندۇڭدا قىزمەت تەكسەردى. سۋرەتتە: 5 ـ ايدىڭ 22 ـ كۇنى تۇستەن كەيىن شي جينپيڭ رىجاۋ قالاسىنىڭ ياڭگۋاڭ تەڭىز جاعاسى جاسىل جولىندا قالا تۇرعىندارىمەن جانە ساياحاتشىلارمەن ىقىلاسپەن اڭگىمەلەسۋدە.
□ سۋرەتتى شينحۋا اگەنتتىگىنىڭ ٴتىلشىسى شيە حۋانچى تۇسىرگەن
شينحۋا اگەنتتىگىنىڭ 5 ـ ايدىڭ 24 ـ كۇنى جيناننان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ جۋىقتا شاندۇڭدا قىزمەت تەكسەرگەندە بىلاي دەپ باسا دارىپتەدى: شاندۇڭ بۇكىل ەلدىڭ دامۋ كەلەلى جاعدايىندا ورنىن ويداعىداي تۇراقتاندىرىپ، اۋىر مىندەت ارقالاپ، جاڭا دامۋ ۇستانىمىن تولىق، دالمە ـ ٴدال، جاپپاي دايەكتىلەندىرىپ، رەفورمانى اناعۇرلىم جاپپاي تەرەڭدەتۋدى قوزعاۋشى كۇش ەتىپ، جاڭا دامۋ ارناسىنا قىزمەت ەتۋ جانە توعىسۋ جاعىندا ۇزدىكسىز الدا ٴجۇرىپ، ەكونوميكالىق، قوعامدىق دامۋداعى جاڭالىق اشۋ كۇشىن نىعايتۋ جاعىندا الدا ٴجۇرىپ، حۋاڭحى الابىنىڭ ەكولوگياسىن قورعاۋ مەن جوعارى ساپالى دامۋىن ىلگەرىلەتۋ جاعىندا الدا ٴجۇرىپ، جاسىل، تومەن كومىر قىشقىل گازدى جوعارى ساپالى دامۋدى الدىمەن اتقارۋ رايونىن جەدەل قۇرىپ، جوعارى دەڭگەيدە سىرتقا ەسىك اشۋدىڭ جاڭا بيىگىن تۇلعالاپ، جۇڭگو ۇلگىسىندەگى وسىزامانداندىرۋدىڭ شاندۇڭ تاراۋىن قۇلشىنا جازۋى كەرەك.
5 ـ ايدىڭ 22 ـ كۇنىنەن 24 ـ كۇنىنە دەيىن شي جينپيڭ شاندۇڭ ولكەلىك پارتكومنىڭ شۋجيى لين ۋدىڭ جانە ولكە باستىعى جوۋ نايشياڭنىڭ سەرىك بولۋىندا ىلگەرىندى ـ كەيىندى رىجاۋ، جينان سياقتى جەرلەرگە كەلىپ تەكسەرۋ ـ زەرتتەۋ جۇرگىزدى.
5 ـ ايدىڭ 22 ـ كۇنى تۇستەن كەيىن شي جينپيڭ الدىمەن رىجاۋ پورتىنا كەلىپ قىزمەت تەكسەردى. رىجاۋ پورتى _ ماڭىزدى ەنەرگيا جانە كوپ قولدانىلاتىن شيكىزات ـ ماتەريالداردى وتكەرمەلەۋ بازاسى، تاياۋ جىلداردان بەرى زەردەلىلەندىرۋ، جاسىلداندىرۋ قۇرىلىسىن ىلگەرىلەتىپ، جاعا بويلاعان اشىق ۇلگىدەگى بۇكىلدەي اۆتوماتتاندىرىلعان كونتەينەرلىك كەمەتۇراق قۇرىپ شىقتى. شي جينپيڭ شاندۇڭ ولكەسىنىڭ پورتتى دامىتۋ قۇرىلىسى جانە رىجاۋ پورتىنىڭ جوبا ـ ورنالاسىمى سياقتى جاعدايلاردان بەرىلگەن مالىمەتتى تىڭدادى، سونداي ـ اق بۇكىلدەي اۆتوماتتاندىرىلعان كونتينەرلى كەمەتۇراقتىڭ جۇمىس جاعدايىن تەكسەرىپ كوردى. ول بىلاي دەدى: رىجاۋ پورتى _ رەفورما جاساپ، ەسىك اشقاننان كەيىن جاڭادان قۇرىلعان پورت، تاياۋ جىلداردان بەرى عىلىم ـ تەحنيكادا جاڭالىق اشۋدى ىلگەرىلەتىپ، ٴداستۇرلى پورتتى جاڭالاپ، وسىزاماندانعان پورت دەڭگەيىنە كوتەردى، زات قابىلداۋ ـ جونەلتۋ مولشەرى بۇكىل ەلدىڭ الدىڭعى قاتارىنا ٴوتىپ عانا قويماي، تاعى ٴداستۇرلى كاسىپ سالاسىن جاڭالاپ دارەجەسىن كوتەرۋ ارقىلى جاڭاشا وندىرگىش كۇشتەردى دامىتۋ تاجىريبەسىن توپتادى، مۇنى تۇراقتاندىرۋعا تاتيدى. شي جينپيڭ پورتتاعى عىلىم ـ تەحنيكا قىزمەتكەرلەرىنەن، جۇمىس جۇرگىزۋشىلەردەن، تەڭىز تاسىمالى قىزمەتكەرلەرىنەن ىقىلاسپەن حال سۇراپ، كوپشىلىكتەن كۇش ۇستىنە كۇش قوسىپ، ۇزدىكسىز كۇرەس جاساپ، رىجاۋ پورتىنىڭ باسقارۋدا، جۇمىس جۇرگىزۋدە تاعى دا تىڭ تابىسقا جەتۋىن ىلگەرىلەتۋدى ٴۇمىت ەتتى.
وسىدان سوڭ شي جينپيڭ رىجاۋ قالاسىنىڭ ياڭگۋاڭ تەڭىز جاعالاۋى جاسىل جولىندا قىزمەت تەكسەردى. تاياۋ جىلداردان بەرى رىجاۋ قالاسى تەڭىز جاعالاۋىنداعى اشىق الاڭدارعا، سونداي ـ اق جاعالاۋداعى بۇلىنگەن ورىندارعا ەكولوگيالىق قالپىنا كەلتىرۋ جۇمىسىن جۇرگىزىپ، شامامەن 28 كيلومەتر كەلەتىن ياڭگۋاڭ تەڭىز جاعالاۋى جاسىل جولىن قۇرىپ شىعىپ، قالا تۇرعىندارى مەن ساياحاتشىلارعا سپورتتىق سەيىل ـ سەرۋەن قۇراتىن تاماشا ورىن ازىرلەدى. شي جينپيڭ جاسىل جولدىڭ تۇتاس تۇلعالق قۇرىلىس جاعدايى جونىندەگى تانىستىرۋدى تىڭداپ، قالپىنا كەلتىرىپ، وڭالعاننان كەيىنگى تەڭىز جاعالاۋىنىڭ ەكولوگيالىق ورتاسىن تەكسەرىپ كورىپ، جەرگىلىكتى ورىننىڭ مادەنيەت ـ ساياحات كاسىپ سالاسىنىڭ دارەجەسىن كوتەرۋدەگى، حالىقتىڭ تۇرمىس ساپاسىن جوعارىلاتۋداعى ادىستەرى مەن ناتيجەلەرىن ۇعىستى، سونداي ـ اق قالا تۇرعىندارىمەن جانە ساياحاتشىلارمەن ٴالسىن ـ ٴالسىن ىقىلاسپەن اڭگىمەلەستى. ول بىلاي دەپ اتاپ كورسەتتى: جاسىل جول سالۋ قالا تۇرعىندارىنىڭ قاجەتىنە ساي كەلۋى كەرەك، بۇل حالىق كوڭىلىنەن شىعاتىن ٴىس. جۇڭگو ۇلگىسىندەگى وسىزامانداندىرۋدى ىلگەرىلەتۋدە حالىق بۇقاراسىنىڭ تۇرمىسىن بارعان سايىن جاقسارتۋ كەرەك. ەكولوگيالىق ورتا جاقسارسا، بۇقارانىڭ ناعىز باقىت سەزىمى ارتادى. كوپشىلىك بىرگە قيمىلداپ، كورىكتى مەكەندى بىرگە قۇرۋى جانە قورعاۋى كەرەك.
5 ـ ايدىڭ 24 ـ كۇنى تۇستەن بۇرىن شي جينپيڭ جينان قالاسىندا شاندۇڭ ولكەلىك پارتكوم مەن ولكەلىك ۇكىمەتتىڭ قىزمەت مالىمەتىن تىڭداپ، شاندۇڭنىڭ ٴتۇرلى قىزمەتتەردە قول جەتكىزگەن ناتيجەلەرىن تۇراقتاندىردى.
شي جينپيڭ بىلاي دەپ اتاپ كورسەتتى: شاندۇڭ عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ تەرەڭ توعىسۋىن ىلگەرىلەتۋ، جاڭاشا وندىرگىش كۇشتەردى دامىتۋ، وسىزاماندانعان كاسىپ سالاسى جۇيەسىن كەمەلدەندىرۋ جاعىندا ٴىرى ىستەر تىندىرا الادى. مەملەكەتتىڭ ستراتەگيالىق قاجەتىن كوزدە ۇستاپ، ٴداستۇرلى كاسىپ سالاسىن جاڭالاپ دارەجەسىن كوتەرۋدى، جاڭادان گۇلدەنگەن كاسىپ سالالارىن جەتىلدىرۋدى، زورايتۋدى، بولاشاق كاسىپ سالاسىن العا ٴوتىپ ورنالاستىرۋدى ٴبىر تۇتاس جوسپارلاپ ىلگەرىلەتىپ، ناقتى تۇلعالىق ەكونوميكا مەن سيفرلى ەكونوميكانىڭ توعىسۋ ونىمدىلىگىن جاپپاي جارىققا شىعارىپ، جاڭاشا وندىرگىش كۇشتەردى جەرگىلىكتى جاعدايعا قاراي دامىتۋ كەرەك. دامۋ ٴتاسىلىنىڭ جاسىل، تومەن كومىر قىشقىل گازدى تيپ جاڭالاۋىن بار كۇشپەن ىلگەرىلەتىپ، جاسىل، ورتانى قورعاۋ عىلىم ـ تەحنيكاسىندا جاڭالىق اشۋ مەن كاسىپ سالاسىنىڭ دامۋىن ىلگەرىلەتۋ كەرەك. وڭىرلەردىڭ سايكەستى دامۋ ستراتەگياسىن تەرەڭ ٴتۇيىلىستىرىپ، سولتۇستىك وڭىردەگى ەكونوميكانىڭ ماڭىزدى ارتۋ ۇيەگىنە اينالۋعا قۇلشىنۋ كەرەك. تەڭىز ـ مۇحيت بايلىعى مول بولۋداي ايرىقشا باسىمدىقتى ساۋلەلەندىرىپ، تەڭىز ـ مۇحيتتى مەڭگەرىپ، تەڭىزدى بەتكە الىپ قۇدىرەتتەنۋگە ۇمتىلىپ، الەمدىك دەڭگەيدەگى تەڭىز ـ مۇحيت پورت شوعىرىن تۇلعالاۋ، وسى زامانعى تەڭىز ـ مۇحيت ەكونوميكاسىنىڭ دامۋ بيىگىن تۇلعالاۋ كەرەك.
شي جينپيڭ بىلاي دەپ باسا دارىپتەدى: شاندۇڭ رەفورمانى اناعۇرلىم جاپپاي تەرەڭدەتۋ، جوعارى دەڭگەيدە سىرتقا ەسىك اشۋدى ىلگەرىلەتۋ جاعىندا جۇرەكتىلىكپەن الدا ٴجۇرۋى كەرەك. نازاردى جۇڭگو ۇلگىسىندەگى وسىزامانداندىرۋدى ىلگەرىلەتۋگە شوعىرلاندىرىپ، جوعارى ساپالى دامۋعا تۇساۋ بولىپ وتىرعان كورنەكتى قايشىلىقتاردى شەشۋ جاعىندا كۇش سالىپ، ٴتۇزىمدى كەمەلدەندىرۋ، مەحانيزمدى اقاۋسىزداندىرۋ، ومىرشەڭدىك كۇشتى قاۋلاتۋ، قوزعاۋشى كۇشتى ارتتىرۋ جاعىندا ناقتى كۇش سالۋ كەرەك. حالىقارالىق زات اينالىمى ۇلكەن ارناسىن بەلسەنە قۇرىپ، ەركىن ساۋدا رايوندارىنىڭ بىرلەسىپ ارەكەتتەنىپ جاڭالىق اشۋىن بار كۇشپەن ىلگەرىلەتىپ، تۇزىمدىك اشىق ۇستاۋ ۇلگى كورسەتۋ رايونىن ويداعىداي قۇرىپ، ”ٴبىر بەلدەۋ، ٴبىر جولدى“ جوعارى ساپالى بىرگە قۇرۋمەن تەرەڭ توعىسىپ، كەلەلى حالىقارالىق اۋىس ـ كۇيىستىڭ، سەلبەستىكتىڭ جوعارى يقۋاتتى تۇعىرىن دەن قويا تۇلعالاپ، ەل ٴىشى، حالىقارا سىندى قوس اينالىمدى ىركىلىسسىزدەندىرۋدىڭ ماڭىزدى تۇيىنىنە اينالۋعا قۇلشىنۋ كەرەك.
شي جينپيڭ بىلاي دەپ اتاپ كورسەتتى: شاندۇڭ _ اۋىل شارۋاشىلىعىنداعى ٴىرى ولكە، استىق ەگەتىن ٴىرى ولكە، مەملەكەتتىڭ استىق حاۋىپسىزدىگىن قامتاماسىز ەتۋ جاعىندا جاۋاپكەرشىلىگى اۋىر. قالا مەن اۋىلدىڭ توعىسا دامۋىن تەرەڭدەتىپ، اۋىل ـ قىستاقتى گۇلدەندىرۋدى جاپپاي ىلگەرىلەتىپ، قىستاق جوباسىن جاساۋ ساپاسى مەن ناقتى ونىمدىلىگىن جوعارىلاتىپ، وسى زامانعى اۋىل شارۋاشىلىعىن بار كۇشپەن دامىتىپ، اۋىل ـ قىستاقتىڭ ەرەكشە كاسىپ سالاسى مەن اۋىل شارۋاشىلىق ونىمدەرىن وڭدەۋ كاسىبىن بەلسەنە دامىتىپ، كاسىپ سالاسى تىزبەگىن ۇزارتىپ، قۇن تىزبەگىن جوعارىلاتۋ كەرەك. جوعارى ولشەمدى ەگىنجاي قۇرىلىسىن ىلگەرىلەتىپ، استىقتىڭ ٴونىمىن ارتتىرىپ، ساپاسىن جوعارىلاتۋدى ىلگەرىلەتىپ، اناعۇرلىم جوعارى دەڭگەيدەگى ”شاندۇڭ استىق قامباسىن“ قۇرۋ كەرەك. كەدەيلىكتەن ارىلتۋدان قامال الۋ جەتىستىگىن بەكەمدەپ، كەڭەيتىپ، بىرگە بايۋ جولىن كەڭەيتىپ، اۋىل شارۋاشىلىعىندا ونىمدىلىكتى ارتتىرۋدى، شارۋالاردىڭ كىرىستى ارتتىرۋىن، اۋىل ـ قىستاقتىڭ ومىرشەڭدىك كۇشتى ارتتىرۋىن ىلگەرىلەتۋ كەرەك. جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، پارتيا قۇرىلىسى ارقىلى نەگىزگى ساتىنى باسقارۋعا جەتەكشىلىك ەتۋگە تاباندى بولىپ، نەگىزگى ساتى پارتيا ۇيىمدارىنىڭ نەگىزگى ساتىنى باسقارۋعا باسشىلىق ەتۋ قابىلەتىن جوعارىلاتىپ، اۋىل ـ قىستاقتىڭ الەۋمەتتىك قىزمەت وتەۋ دەڭگەيىن كوتەرىپ، اۋىل ـ قىستاق جاراسىمدى، ورنىقتى بولعان، بۇقارا تىنىش ٴومىر، شات ـ شادىمان تىرشىلىك كەشىرگەن تاماشا جاعدايدى بەكەمدەۋ كەرەك.
شي جينپيڭ بىلاي دەپ باسا دارىپتەدى: شاندۇڭ جاڭا داۋىردەگى مادەنيەت بورىشىن ارقالاپ، مادەنيەتتىڭ گۇلدەنۋىن ىلگەرىلەتۋ، مادەنيەتتە قۋاتتى ەل قۇرۋ، جۇڭحۋا ۇلتىنىڭ وسى زامانعى وركەنيەتىن كوركەيتۋ جاعىندا بەلسەنە ىسكەرلىك كورسەتۋى كەرەك. مادەنيەت سەنىمىن بەكەمدەپ، جۇڭحۋانىڭ تاڭداۋلى ٴداستۇرلى مادەنيەتىنىڭ مايەگىن ىشكەرىلەي اشىپ، جاسامپازدىقپەن كادەگە جاراتۋعا، جاسامپازدىقپەن دامىتۋعا تاباندى بولىپ، حالىقارالىق كۇڭزى مادەنيەت مەرەكەسى سياقتىلاردى دانەكەر ەتىپ، وركەنيەتتەردىڭ اۋىس ـ كۇيىسىن، ٴوزارا ۇلگى الۋىن تەرەڭدەتىپ، جۇڭحۋا مادەنيەتىنىڭ ىقپالىن جوعارىلاتۋ كەرەك. قىزىل بايلىقتى قورعاپ جانە ويداعىداي پايدالانىپ، يمىڭ رۋحىن بار كۇشپەن اسقاقتاتىپ، قىزىل گەننىڭ ۇرپاقتان ـ ۇرپاققا جالعاسۋىن ىلگەرىلەتۋ كەرەك. سوتسياليستىك وزەكتى قۇن كوزقاراسىن كەڭ كولەمدە امالياتتا ايگىلەپ، قالا، اۋىلداردىڭ رۋحاني وركەنيەت قۇرىلىسىن ٴۇرتىس تەرەڭدەتىپ، اۋىل ـ قىستاقتاردىڭ ەسكى سالت ـ سانانى وزگەرتۋىن ويداعىداي يگەرىپ، وسى زامانعى وركەنيەت ۇستانىمىن اۋىل ـ قىستاقتاردا تەرەڭ تامىر تارتتىرۋ كەرەك. مادەنيەت ىستەرى مەن مادەنيەت كاسىپ سالاسىن كوركەيتىپ، دامىتىپ، مادەنيەت جاعىندا حالىققا تيىمدىلىك جاساۋ ينجەنەرياسىن جاسامپازدىقپەن اتقارىپ، مادەنيەتتى سيفرلاندىرۋدى بار كۇشپەن ىلگەرىلەتىپ، سوتسياليستىك وزىق مادەنيەت ارقىلى ەكونوميكالىق دامۋدىڭ قوزعالىس قۋاتىن ارتتىرۋ، ونىمدىلىگىن ارتتىرۋ، ساياحات، سەيىل ـ سەرۋەننىڭ ىشكى مازمۇنىن ارتتىرۋ، باۋرامدىلىعىن ارتتىرۋ، قالا، اۋىل قوعامىندا دۇرىس سالتتى كۇشەيتۋ، ومىرشەڭدىك كۇشتى ارتتىرۋ كەرەك.
شي جينپيڭ بىلاي دەپ اتاپ كورسەتتى: جۇڭگو ۇلگىسىندەگى وسىزامانداندىرۋدى ىلگەرىلەتۋدە، ٴسوز جوق، پارتيانىڭ باسشىلىعىنا تاباندى بولۋ، پارتيا قۇرىلىسىن ويداعىداي يگەرۋ كەرەك. قازىر بۇكىل پارتيادا ورىستەتىلىپ جاتقان پارتيا ٴتارتىبىن ۇيرەنۋ تاربيەسى _ بيىلعى پارتيا قۇرىلىسى قىزمەتىنىڭ ٴتۇيىندى مىندەتى، ٴار دارەجەلى پارتيا ۇيىمدارى دەن قويا ۇيىمداستىرۋى، تىڭعىلىقتى ىلگەرىلەتۋى، ناقتى ونىمدىلىككە تالپىنۋى كەرەك. ساقتاندىرۋ تاربيەسىن كۇشەيتىپ، دەلو ارقىلى ۇيرەنۋدى جەبەۋدى، دەلو ارقىلى ٴتارتىپتى ٴتۇسىندىرۋدى ويداعىداي يگەرىپ، كوڭىلدە يمەنۋ بولۋدى، ٴار دايىم ٴوزىن ساقتاندىرۋدى كۇندەلىكتى سانالىلىققا شىنايى اينالدىرۋ كەرەك. پارتيا مۇشەلەرىن، كادرلاردى پارتيا ٴتارتىبىن جاپپاي ٴتۇسىنىپ جانە اتقارىپ، قاعيداعا قۇرمەت ەتىپ، تارتىپكە بويسۇنۋ العى شارتىندا الاڭسىز قىزمەت ىستەپ، باتىل ٴىس تىندىرىپ، قايراتتانا العا ىلگەرىلەپ، بەلسەنە ىسكەرلىك كورسەتىپ، حالىقتىڭ ٴۇمىتىن اقتايتىن، ٴداۋىردىڭ ٴۇمىتىن اقتايتىن ناتيجە جاراتۋعا جەتەكتەۋ كەرەك. پارتيا ٴتارتىبىن ۇيرەنۋ تاربيەسىن وراي ەتىپ، فورماشىلدىقتى ۇزدىكسىز ىشكەرىلەي وڭاپ، نەگىزگى ساتىنىڭ اۋىرتپالىعىن جەڭىلدەتۋ، نەگىزگى ساتى كادرلارىنىڭ ٴىس تىندىرىپ، ناتيجە شىعارۋىنا تاماشا ورتا ازىرلەۋ كەرەك.
شي جينپيڭ بىلاي دەپ باسا دارىپتەدى: ٴار دارەجەلى پارتكومدار مەن ۇكىمەتتەر دامۋ مەن حاۋىپسىزدىكتى ٴبىر تۇتاس جوسپارلاپ، ورتا، شاعىن فينانس قۇرىلىمدارى، جەرگىلىكتى ۇكىمەت قارىزى، قورا ـ جاي كاسىبى سياقتى ٴتۇيىندى سالالارداعى حاۋىپ ـ قاتەردەن ساقتانۋ ـ تىزگىندەۋ جانە ونى جويۋ قىزمەتىن تىڭعىلىقتى ويداعىداي يگەرىپ، ٴوندىرىس حاۋىپسىزدىگى جاۋاپكەرشىلىگىن ەگجەي ـ تەگجەيلى، تىڭعىلىقتى تياناقتاندىرىپ، تۋىلۋ مۇمكىندىگى بار تاسقىن سياقتى اپاتتاردان ەرتەرەك الدىن الا ساقتانىپ، ٴتۇرلى سالالارداعى حاۋىپسىزدىك حاۋىپ ـ قاتەرلەرىن، كومەسكى كىناراتتاردى ٴبىر ـ بىردەن تەكسەرىپ، وڭاۋدى جاپپاي كۇشەيتىپ، شىن مانىندە الدىن الا ساقتانىپ، حاۋىپسىزدىك تومەنگى شەگىن مىقتاپ ساقتاۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.
لي گانجيە، حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.
5 ـ ايدىڭ 23 ـ كۇنى تۇستەن بۇرىن شي جينپيڭ جيناندا جيناندا تۇراتىن اسكەري بولىمدەردىڭ شاڭشياۋدان جوعارى باسشى كادرلارىن ىقىلاسپەن قابىلداپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان جيناندا تۇراتىن اسكەري بولىمدەردەگى بارلىق وفيتسەر ـ اسكەرلەرگە شىنايى سالەم جولدادى ٴارى كوپشىلىكپەن بىرگە ەستەلىك سۋرەتكە ٴتۇستى. جاڭ يوۋشيا قابىلداۋدا بىرگە بولدى.