ساياحاتتىق تۇتىنۋدى جەبەۋ سىندى ”ۇلكەن سيدى“ ويداعىداي قابىلدايىق
□ شين شىجيان
2024 ـ جىلعى اۆتونوميالى رايوننىڭ ساياحاتتى دامىتۋ جينالىسىندا، شينجياڭ ٴبىر ”ۇلكەن سي“ قابىلدادى، مادەنيەت جانە ساياحات مينيسترلىگى ”شينجياڭ جاقسى جەر“ شينجياڭنىڭ ساياحاتتىق تۇتىنۋى ارناۋلى ارەكەت جوسپارىن جاريالادى. 2024 ـ جىلدان 2026 ـ جىلعا دەيىن، ساياحاتشى قاينارى، نىسانالى جەر، ونىممەن قامداۋ، قاتىناس بويىنشا قىزمەت كورسەتۋ، ۇگىتتەۋ ـ جالپىلاستىرۋ سىندى 5 جاقتى توڭىرەكتەي وتىرىپ، شينجياڭعا قارجى ۇسىنىلىمىن جانە بايلىقتى بەيىمدەۋ سەرپىنىن ارتتىرىپ، شينجياڭنىڭ ساياحاتتىق تۇتىنۋىنىڭ جوعارى ساپالى دامۋىن ىلگەرىلەتۋ جوسپارلاندى.
بۇل مادەنيەت جانە ساياحات مينيسترلىگىنىڭ تۇڭعىش رەت ولكە، اۆتونوميالى رايون، توتە قاراستى قالالارعا ساياحاتتىق تۇتىنۋ ارناۋلى قىزمەتىن اتقارۋى. ناقتىلاپ ايتقاندا، ساياحاتشى قاينارى ساۋداسىن ورىستەتۋ جاعىندا، ۇيىرمەگە ىلەسىپ ساياحاتتاۋ، ۇلكەن قاتىناس، قوناق ٴۇي سياقتىلاردا تيىمدىلىك ۇسىنىلادى؛ نىسانالى جەردىڭ تيىمدىلىكتەرىن كەڭەيتۋ جاعىندا، ”تاماقتانۋ، قونالقى، ٴجۇرىس ـ تۇرىس، ساياحاتتاۋ، زات ساتىپ الۋ، كوڭىل اشۋ“ سياقتىلاردى قامتىعان تيىمدىلىك شارالارى ۇسىنىلادى؛ ونىمدەرمەن قامداۋدى بايىتۋ جاعىندا، ساياحاتشىلاردىڭ كوپ نەگىزدەنگەن قاجەتى ونان ارى قاناعاتتاندىرىلادى؛ قاتىناس بويىنشا قىزمەت وتەۋدى كەمەلدەندىرۋ جاعىندا، ساياحاتشىلاردىڭ ٴجۇرىس ـ تۇرىس سەزىنۋى ساپالىلاندىرىلادى؛ ۇگىتتەۋ ـ جالپىلاستىرۋدى كۇشەيتۋ جاعىندا، شينجياڭ ساياحاتىنىڭ التىن ٴارىپتى ماڭدايشالىعى تۇلعالانادى. بيىل ”شينجياڭ جاقسى جەر“ شينجياڭنىڭ ساياحاتتىق تۇتىنۋى ارناۋلى ارەكەت جوسپارىنداعى ٴارقايسى قاتىناسۋشى ورىن ارناۋلى قاراجات مەجە ەسەبى قولداۋى بويىنشا جيىنى 178 ميلليون يۋان قارجى قوسادى، 2025 ـ جىلى، 2026 ـ جىلى ۇزدىكسىز قارجى قوسىپ قولداۋ كورسەتەدى. بۇدان وسى ”ۇلكەن سيلىقتىڭ“ شىنايى، ناقتى ەكەنىن، پارتيا مەن مەملەكەتتىڭ شينجياڭنىڭ ساياحات كاسىبىنىڭ دامۋىنا دەگەن شىنايى قامقورلىعى مەن زور كۇشپەن قولداۋىن تولىق ايگىلەگەندىگىن بايقاۋ قيىن ەمەس، بۇل، ٴسوز جوق، شينجياڭنىڭ ساياحات كاسىبىن جوعارى ساپالى دامىتۋ سەنىمىن جانە جىگەرىن بارىنشا سەرپىلتەدى.
ادامدار شوعىرىنىڭ مول بولۋى ساياحاتتىق تۇتىنۋدىڭ ماڭىزدى تىرەگى. ساياحاتتىڭ تەز قارقىنمەن دامۋىنا ىلەسە، بۇقارالىق ساياحاتتا دا ۇزدىكسىز جاڭا بەتالىس جارىققا شىقتى، مىسالى، ساياحاتتىق تۇتىنۋ كورىنىس تۇيىندەرىن تاماشالاۋدان سەيىل ـ سەرۋەن قۇرۋعا، دەمالۋعا، تەرەڭ سەزىنۋگە بۇرىلىس جاساپ، ساياحاتشىلاردى باۋراۋدا تەك ”كوركەم كورىنىسكە“ عانا سۇيەنۋ جەتكىلىكتى ەمەس، ٴسوز جوق، ساياحات ورتاسىن ساپالىلاندىرىپ، ساياحاتتى باسقارۋ جانە قىزمەت وتەۋ دەڭگەيىن جوعارىلاتىپ، ساياحاتتىق تۇتىنۋدىڭ سەزىنۋىن جاقسارتىپ، تۇتىنۋشىلاردىڭ تاماشا ورتادا جوعارى ساپالى قىزمەت وتەۋدەن يگىلىكتەنۋىنە وراي جاراتۋ كەرەك؛ تاعى ٴبىر مىسال، تاعى كوپتەگەن كومەسكى ساياحاتشىلارعا ناقتى تيىمدىلىك جاساۋ سياقتى شارالار ارقىلى دەم بەرگەندە عانا، بىردەن اتتاناتىن ساياحاتشىعا اينالادى، تەك ساياحاتشىلاردىڭ ساياحاتتىق تۇتىنۋ قاجەتىن اناعۇرلىم ويداعىداي قاناعاتتاندىرىپ، ساياحاتشىلاردىڭ جاڭا سۇرانىسىنا ۇيلەسەتىن جاڭا ونىمدەردى شىعارعاندا عانا، ٴتىپتى دە كوپ ساياحاتشىلاردىڭ قارسى الۋىنا يە بولۋعا بولادى. الايدا، مەيلى ”ساياحاتشىلاردى رازى ەتۋدە“ بولسىن، الدە ”ساياحاتشى باۋراۋدا“ بولسىن، ٴبارى دە بەلگىلى قىزمەت وتەۋ قابىلەتى مەن ناقتى قۋاتتىڭ تىرەك بولۋىن قاجەت ەتەدى. قازىر شينجياڭدا وسى جاقتاردا ٴالى دە كەيبىر ولقىلىقتار ورىن تەۋىپ وتىر، ونى، ٴسوز جوق، تولىقتاۋ كەرەك. وسى تۇرعىدان الىپ ايتقاندا، مادەنيەت جانە ساياحات مينيسترلىگىنىڭ شينجياڭعا ۇسىنعان ”ۇلكەن سيلىعى” “دەر كەزىندە جاۋعان جاڭبىر“ سانالادى، بۇل رايونىمىزدىڭ ساياحات كاسىبىندەگى ولقىلىقتاردى تولىقتاپ، ٴالسىز تۇستاردى كۇشەيتىپ، شينجياڭنىڭ بيىلعى” 300 ميلليون ساياحاتشى (رەت) قابىلداۋعا كۇش سالۋ“ نىساناسىن جۇزەگە اسىرۋىنا دەم بەرىپ، تۇتاس تۇلعالىق ساياحاتتىق تۇتىنۋ دەڭگەيىن جوعارىلاتىپ، ەكونوميكانىڭ ورنىقتىلىق بارىسىندا جاقسارۋىن ىلگەرىلەتۋدە ماڭىزدى رولعا يە.
تۇتىنۋدىڭ ەكونوميكانىڭ ارتۋىن جەبەيتىن ٴبىرىنشى قوزعاۋشى كۇش ەكەندىگى كوپكە ٴمالىم، ال مادەنيەت، ساياحات كاسىبىنىڭ قامتۋ كولەمى كەڭ، جالپىلىق سيپاتى كۇشتى، ”تاماقتانۋ، قونالقى، ٴجۇرىس ـ تۇرىس، ساياحاتتاۋ، زات ساتىپ الۋ، كوڭىل اشۋ“ تۇتىنۋ تۇرمىسىنىڭ ٴارقايسى بۋىندارىنا سايادى. ساياحاتتىق تۇتىنۋدى كۇش سالا جەبەۋ ساياحات كاسىبىنىڭ جوعارى ساپالى دامۋىن ىلگەرىلەتۋدىڭ تابيعي تالابى ٴارى تۇتىنۋدىڭ گۇلدەنۋىن جەبەيتىن ماڭىزدى قوزعاۋشى كۇش. قازىر ”ۇلكەن سيلىقتى“ ويداعىداي وتكىزىپ الۋ ٴارى جاڭا ٴبىر كەزەڭدىك تۇتىنۋدىڭ جوعارى ورلەۋىنە اينالدىرۋ كەزەكتەگى شۇعىل مىندەت، ٴسوز جوق، رايونىمىز ساياحاتىنىڭ دامۋىنداعى سىزداۋ تۇيىندەردى، قيىن تۇيىندەردى ارقاۋ ەتىپ كۇش سالۋ كەرەك. شينجياڭنىڭ جەرى كەڭ، وڭىرلىك دامۋ پارقى ٴبىرشاما زور، ادەت ـ عۇرپى، سالت ـ ساناسى دا ۇقسامايدى، گۋمانيتارلىق، جاعراپيالىق جاقتا ٴار الۋان، ساياسات ـ شارالاردى اتقارۋدا، ٴسوز جوق، دالمە ـ ٴدال، ناقتى بولۋ كەرەك. جەر ـ جەر تۇلعالىق تانىمدى كۇشەيتىپ، ىرىقتىلىقپەن ٴتۇيىلىستىرىپ، بەلسەنە جوبالاپ، ”ۇلكەن سيلىقتىڭ“ تەز ارادا تياناقتانۋىنا شارت ـ جاعداي ازىرلەپ، ويداعىداي قىزمەت وتەۋ كەرەك. ساياحاتتىڭ دامۋ بەتالىسىن يگەرىپ، باسىمدىقتان پايدالانىپ، ”تياناقتانۋ ٴتۇيىنىن“ ٴدال تاۋىپ، اناعۇرلىم كوپ ”ماگنيتتىك قۋاتقا“ يە ساياحات ونىمدەرىن كۇش سالا تۇلعالاپ، ساياحاتشىلاردىڭ كوپ تۇرلىلەنگەن، دارالىق ەرەكشەلىككە يە، سەزىنۋ سيپاتتى سۇرانىسىن قاناعاتتاندىرىپ، ”ۇلكەن سيلىقتىڭ“ تياناقتانۋ ونىمدىلىگىن بارىنشا ارتتىرۋعا مۇمكىندىك جاساۋ كەرەك.
سۋبيەكتيۆ بەلسەندىلىكتى تولىق ساۋلەلەندىرىپ، شينجياڭنىڭ ساياحاتتىق تۇتىنۋىن جەبەيتىن وسى ”ۇلكەن سيلىقتى“ ويداعىداي وتكىزىپ الىپ، ساياحاتتىڭ قامداۋ ۇلگىسىن جاڭالاپ، ساپاسىن جوعارىلاتىپ، ساياحاتشىلاردىڭ ”ۇلكەن سيلىقتىڭ“ پايداسىنان بارىنشا يگىلىكتەنۋىنە مۇمكىندىك جاساساق، وندا ٴتىپتى دە كوپ ساياحاتشى شينجياڭعا كەلىپ ”ارمان القابىن“ ىزدەيتىن بولادى، شينجياڭنىڭ جەر ـ جەرىنىڭ ساياحات كاسىبىن دامىتۋداعى ىشكى قوزعاۋشى كۇشى دە اناعۇرلىم كۇشەيەدى، وسىنداي ٴتيىمدى ىقپالداستىق بولسا، رايونىمىزدىڭ ساياحات كاسىبى، ٴسوز جوق، جوعارى ساپالى دامۋدىڭ تىڭ ساتىسىنا كوتەرىلىپ، تاماشا تۇرمىسقا اناعۇرلىم ويداعىداي قىزمەت كورسەتەتىن بولادى.