شي جينپيڭ حات جولداپ جۇڭگو ينجەنەريا اكادەمياسى قۇرىلعاندىعىنىڭ 30 جىلدىعىن قۇتتىقتاپ بىلاي دەپ باسا دارىپتەدى
مەملەكەتتىڭ ستراتەگيالىق عىلىم ـ تەحنيكا كۇشى بولۋ رولىن ساۋلەلەندىرىپ، جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنىپ، ٴوزىن الۋەتتەندىرۋدى جۇزەگە اسىرۋعا، دۇنيە جۇزىندەگى عىلىم ـ تەحنيكادا قۋاتتى ەل قۇرۋعا تىڭ دا اناعۇرلىم زور ۇلەس قوسۋ كەرەك
ديڭ شۋەشياڭ اكادەميكتەر اڭگىمە ماجىلىسىنە قاتىناستى ٴارى ٴسوز سويلەدى
قۇتتىقتاۋ حاتى
جۇڭگو ينجەنەريا اكادەمياسى قۇرىلعاندىعىنىڭ 30 جىلدىعى ساتىندە، مەن پارتيا ورتالىق كوميتەتى اتىنان سىزدەردى قىزۋ قۇتتىقتايمىن! بۇكىل اكادەمياداعى اكادميكتەرگە جانە قالىڭ ينجەنەريالىق عىلىم ـ تەحنيكا قىزمەتكەرلەرىنە شىن ىقىلاسپەن سالەم جولدايمىن!
30 جىلدان بەرى، پارتيانىڭ پارمەندى باسشىلىعىندا جۇڭگو ينجەنەريا اكادەمياسى اكادەميكتەردى جانە قالىڭ ينجەنەريالىق عىلىم ـ تەحنيكا قىزمەتكەرلەرىن ىنتىماقتاستىرىپ، ۇيىستىرىپ، ينجەنەريا عىلىم ـ تەحنيكاسىنىڭ دامۋىن زور كۇشپەن ىلگەرىلەتىپ، عىلىم ـ تەحنيكا قيىن وتكەلدەرىنەن ۇزدىكسىز قامال الىپ، ٴىرى ەل ينجەنەريالارىن قۇرىپ، مەملەكەتتىڭ ماڭىزدى قارۋلارىن سومداپ، ەلىمىزدىڭ ينجەنەريا عىلىم ـ تەحنيكاسىنىڭ جاڭالىق اشۋ ارقىلى العا باسۋىن ىلگەرىلەتۋگە، ەكونوميكانىڭ، قوعامنىڭ جوعارى ساپالى دامۋىن جەبەۋگە ماڭىزدى ۇلەس قوستى.
ينجەنەريا عىلىم ـ تەحنيكاسى _ ادامزات قوعامىنىڭ دامۋىن ىلگەرىلەتەتىن ماڭىزدى قوزعالتقىش. جۇڭگو ينجەنەريا اكادەمياسىنىڭ جاڭا باستالۋ تۇيىنىندە مەملەكەتتىڭ ستراتەگيالىق عىلىم ـ تەحنيكا كۇشى بولۋ رولىن ساۋلەلەندىرىپ، عالىمدار رۋحىن اسقاقتاتىپ، ينجەنەريا عىلىم ـ تەحنيكاسىندا جاڭالىق اشۋعا جەتەكشىلىك ەتىپ، شەشۋشى، وزەكتى تەحنيكالاردا جەدەل سەرپىلىس جاساپ، مەملەكەتتىڭ جوعارى دەڭگەيلى اقىل ـ پاراسات قامباسى بولۋ فۋنكتسياسىن كۇشەيتىپ، جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنىپ، ٴوزىن الۋەتتەندىرۋدى جۇزەگە اسىرۋعا، دۇنيە جۇزىندەگى عىلىم ـ تەحنيكادا قۋاتتى ەل قۇرۋعا تىڭ دا اناعۇرلىم زور ۇلەس قوسۋىن ٴۇمىت ەتەمىن.
شي جينپيڭ
2024 ـ جىلى 6 ـ ايدىڭ 3 ـ كۇنى
(شينحۋا اگەنتتىگىنىڭ 6 ـ ايدىڭ 3 ـ كۇنى بەيجيڭنەن بەرگەن حابارى)
شينحۋا اگەنتتىگىنىڭ 6 ـ ايدىڭ 3 ـ كۇنى بەيجيڭنەن بەرگەن حابارى. جۇڭگو ينجەنەريا اكادەمياسى قۇرىلعاندىعىنىڭ 30 جىلدىعى ساتىندە، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ قۇتتىقتاۋ حاتىن جولداپ، پارتيا ورتالىق كوميتەتى اتىنان قىزۋ قۇتتىقتادى، بۇكىل اكادەمياداعى اكادەميكتەرگە جانە قالىڭ ينجەنەريالىق عىلىم ـ تەحنيكا قىزمەتكەرلەرىنە شىن ىقىلاسپەن سالەم جولدادى.
شي جينپيڭ قۇتتىقتاۋ حاتىندا بىلاي دەپ اتاپ كورسەتتى: 30 جىلدان بەرى، پارتيانىڭ پارمەندى باسشىلىعىندا جۇڭگو ينجەنەريا اكادەمياسى اكادەميكتەردى جانە قالىڭ ينجەنەريالىق عىلىم ـ تەحنيكا قىزمەتكەرلەرىن ىنتىماقتاستىرىپ، ۇيىستىرىپ، ينجەنەريا عىلىم ـ تەحنيكاسىنىڭ دامۋىن زور كۇشپەن ىلگەرىلەتىپ، عىلىم ـ تەحنيكا قيىن وتكەلدەرىنەن ۇزدىكسىز قامال الىپ، ٴىرى ەل ينجەنەريالارىن قۇرىپ، مەملەكەتتىڭ ماڭىزدى قارۋلارىن سومداپ، ەلىمىزدىڭ ينجەنەريا عىلىم ـ تەحنيكاسىنىڭ جاڭالىق اشۋ ارقىلى العا باسۋىن ىلگەرىلەتۋگە، ەكونوميكانىڭ، قوعامنىڭ جوعارى ساپالى دامۋىن جەبەۋگە ماڭىزدى ۇلەس قوستى.
شي جينپيڭ بىلاي دەپ باسا دارىپتەدى: ينجەنەريا عىلىم ـ تەحنيكاسى _ ادامزات قوعامىنىڭ دامۋىن ىلگەرىلەتەتىن ماڭىزدى قوزعالتقىش. جۇڭگو ينجەنەريا اكادەمياسىنىڭ جاڭا باستالۋ تۇيىنىندە مەملەكەتتىڭ ستراتەگيالىق عىلىم ـ تەحنيكا كۇشى بولۋ رولىن ساۋلەلەندىرىپ، عالىمدار رۋحىن اسقاقتاتىپ، ينجەنەريا عىلىم ـ تەحنيكاسىندا جاڭالىق اشۋعا جەتەكشىلىك ەتىپ، شەشۋشى، وزەكتى تەحنيكالاردا جەدەل سەرپىلىس جاساپ، مەملەكەتتىڭ جوعارى دەڭگەيلى اقىل ـ پاراسات قامباسى بولۋ رولىن كۇشەيتىپ، جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنىپ، ٴوزىن الۋەتتەندىرۋدى جۇزەگە اسىرۋعا، دۇنيە جۇزىندەگى عىلىم ـ تەحنيكادا قۋاتتى ەل قۇرۋعا تىڭ دا اناعۇرلىم زور ۇلەس قوسۋىن ٴۇمىت ەتەمىن.
6 ـ ايدىڭ 3 ـ كۇنى تۇستەن بۇرىن جۇڭگو ينجەنەريا اكادەمياسى بەيجيڭدە ”ينجەنەريا عىلىم ـ تەحنيكاسى بورىشىن امالياتتا ايگىلەپ، عىلىم ـ تەحنيكادا قۋاتتى ەل قۇرىلىسىن ىلگەرىلەتۋ“ اكادەميكتەر اڭگىمە ٴماجىلىسىن وتكىزدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى ديڭ شۋەشياڭ ماجىلىسكە قاتىناسىپ، شي جينپيڭنىڭ قۇتتىقتاۋ حاتىن وقىدى ٴارى ٴسوز سويلەدى.
ديڭ شۋەشياڭ سوزىندە بىلاي دەپ اتاپ كورسەتتى: جۇڭگو ينجەنەريا اكادەمياسى قۇرىلعان 30 جىلدان بەرى پارتيا ورتالىق كوميتەتىنىڭ جانە مەملەكەتتىك كەڭەستىڭ شەشىمدەرىن، ورنالاستىرۋلارىن باتىل دايەكتىلەندىرىپ، ينجەنەريا عىلىم ـ تەحنيكاسىنىڭ دامۋىن زور كۇشپەن ىلگەرىلەتىپ، بىرەگەي جاسامپاز دارىندىلاردى توپتاپ، بىرەگەي عىلىم ـ تەحنيكا جەتىستىكتەرىن شىعارىپ، بىرەگەي كەڭەس ـ ۇسىنىستار بەرىپ، بىرەگەي عىلىم تۇعىرلارىن تۇلعالاپ، مەملەكەتتىڭ دامۋىندا، العا باسۋىندا ماڭىزدى رولىن ساۋلەلەندىردى.
ديڭ شۋەشياڭ بىلاي دەپ باسا دارىپتەدى: جاڭا داۋىردەگى جاڭا جورىقتا جۇڭگو ينجەنەريا اكادەمياسى اكادەميا قۇرۋداعى اۋەلگى ماقساتتى ەستە بەرىك ساقتاپ، داڭقتى ٴداستۇردى جالعاستىرىپ، باس شۋجي شي جينپيڭنىڭ ماڭىزدى نۇسقاۋىنىڭ رۋحىن ۇيرەنۋ، دايەكتىلەندىرۋ، جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنىپ، ٴوزىن الۋەتتەندىرۋ جولىندا كۇرەس جاساۋ ۇردىسىندە اتويشى بولۋى كەرەك. مەملەكەتتىڭ ستراتەگيالىق عىلىم ـ تەحنيكا كۇشىنىڭ اتويشىسى بولىپ، جاڭا كەزەكتى عىلىم ـ تەحنيكا توڭكەرىسىنىڭ جانە كاسىپ سالاسى وزگەرىسىنىڭ ستراتەگيالىق ورايىن مىقتى يگەرىپ، عىلىم ـ تەحنيكانىڭ بيىك بەلەسىن قۇلشىنا يەلەۋ كەرەك. ينجەنەريا عىلىم ـ تەحنيكاسىندا جاڭالىق اشۋدىڭ اتويشىسى بولىپ، كەلەلى ينجەنەريا عىلىم ـ تەحنيكا ماسەلەلەرىن ويداعىداي شەشىپ، عىلىم ـ تەحنيكادا جاڭالىق اشۋ جەتىستىكتەرىن كاسىپ سالالاندىرىپ قولدانۋدى ىلگەرىلەتىپ، جاڭاشا وندىرگىش كۇشتەردىڭ دامۋىنا اناعۇرلىم ويداعىداي قىزمەت كورسەتۋ كەرەك. شەشۋشى، وزەكتى تەحنيكالاردا سەرپىلىس جاساۋدىڭ اتويشىسى بولىپ، مەملەكەتتىڭ كوكەي تەستى قاجەتى مەن ۇزاق بولاشاقتىق قاجەتىنەن باستاپ كىرىسىپ، ”القىمداعان“ تەحنيكالاردان قامال الۋدى كۇشەيتىپ، ماڭىزدى سالالاردا اناعۇرلىم كوپ ٴتول جاسامپازدىق سەرپىلىسكە قول جەتكىزۋ ٴۇشىن قۇلشىنۋ كەرەك. مەملەكەتتىڭ جوعارى دەڭگەيلى اقىل ـ پاراسات قامباسى قۇرىلىسىنىڭ اتويشىسى بولىپ، ستراتەگيالىق، بەتالىستىق، جالپى جاعدايلىق كەلەلى ماسەلەلەردى تىعىز ارقاۋ ەتىپ، بولجامپازدىق، باعىتتامالىلىق، زاپاستىق سيپاتتى ستراتەگيالىق زەرتتەۋلەردى كۇشەيتىپ، پارتيا مەن مەملەكەتتىڭ شەشىم جاساۋىنا تىرەك بولۋ كەرەك. ديڭ شۋەشياڭ ينجەنەريا اكادەمياسىنداعى قالىڭ اكادەميكتەردىڭ باستاماشىلدىقپەن عالىمدار رۋحىن زور كۇشپەن اسقاقتاتىپ، ومىرلىك مۇراتتارىن مەملەكەت جانە ۇلت ىستەرىمەن توعىستىرىپ، وتانشىلدىق سۇيىسپەنشىلىكتى كوكەيدە تەرەڭ ساقتاپ، وتان ٴۇمىتىن اقتاۋ جىگەرىنەن جازباي، عىلىم ـ تەحنيكانىڭ بيىك شىڭىنا ەرلىكپەن شىعىپ، پارتيا مەن حالىقتىڭ ىقىلاستى ٴۇمىتىن اقتاۋىن ٴۇمىت ەتتى.
اڭگىمە ماجىلىسىندە جۇڭگو ينجەنەريا اكادەمياسىنىڭ جاۋاپتىلارى جانە اكادەميكتەردىڭ ۋاكىلدەرى لەبىز ٴبىلدىردى.
جۇڭگو ينجەنەريا اكادەمياسى 1994 ـ جىلى 6 ـ ايدىڭ 3 ـ كۇنى قۇرىلعان. 30 جىلدان بەرى جۇڭگو ينجەنەريا اكادەمياسى جۇڭگو ينجەنەريا عىلىم ـ تەحنيكاسى سالاسىنىڭ ەڭ جوعارى عىلمي قۇرىلىمى قىزمەت جاۋاپكەرشىلىگىن، بورىشىن ەستە بەرىك ساقتاپ، عىلىم ـ تەحنيكادا جاڭالىق اشۋعا كۇش توپتاپ، جەتەكشى دارىندىلاردىڭ باسىن قوسىپ، جوعارى دەڭگەيلى اقىل ـ پاراسات قامباسىن قۇرىپ، عىلىمعا جەتەكشىلىك ەتۋگە تاباندى بولىپ، ٴبىر قىدىرۋ كەلەلى جەتىستىكتەرگە قول جەتكىزدى.