_ باس شۋجي شي جينپيڭنىڭ جۇڭگو ينجەنەريا اكادەمياسى قۇرىلعاندىعىنىڭ 30 جىلدىعىنا جولداعان قۇتتىقتاۋ حاتى قالىڭ ينجەنەريالىق عىلىم ـ تەحنيكا قىزمەتكەرلەرىن عىلىم ـ تەحنيكادا قۋاتتى ەل قۇرىلىسىنا ونان ارى ات سالىسۋعا شابىتتاندىردى
شينحۋا اگەنتتىگىنىڭ تىلشىلەرى دۇڭ رۇيفىڭ، جاڭ چۋان، ۋىن جيڭحۋا
6 ـ ايدىڭ 3 ـ كۇنى جۇڭگو ينجەنەريا اكادەمياسى قۇرىلعاندىعىنىڭ 30 جىلدىعى قارساڭىندا، باس شۋجي شي جينپيڭ قۇتتىقتاۋ حاتىن جولداپ، بۇكىل اكادەمياداعى اكادەميكتەرگە جانە قالىڭ ينجەنەريالىق عىلىم ـ تەحنيكا قىزمەتكەرلەرىنە ىقىلاستى سالەم جولداپ، جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنۋ، ٴوزىن الۋەتتەندىرۋدى جۇزەگە اسىرۋعا، دۇنيە جۇزىندەگى عىلىم ـ تەحنيكادا قۋاتتى ەل قۇرۋعا تىڭ دا اناعۇرلىم زور ۇلەس قوسۋ كەرەكتىگىن باسا دارىپتەدى.
قۇتتىقتاۋ حاتىندا ىقىلاستى قامقورلىق پەن شىنايى ٴۇمىت قامتىلىپ، قالىڭ ينجەنەريالىق عىلىم ـ تەحنيكا قىزمەتكەرلەرى اراسىندا قىزۋ اڭىس قوزعادى.
”باس شۋجي شي جينپيڭ قۇتتىقتاۋ حاتىندا بيىك تۇرعىدان ينجەنەريا عىلىم ـ تەحنيكاسى _ ادامزات قوعامىنىڭ دامۋىن ىلگەرىلەتەتىن ماڭىزدى قوزعالتقىش دەپ اتاپ كورسەتتى، بۇل قالىڭ ينجەنەريالىق عىلىم ـ تەحنيكا قىزمەتكەرلەرىن ماراپاتتاۋ جانە ىنتالاندىرۋ سانالادى“. جۇڭگو ينجەنەريا اكادەمياسىنىڭ بۇرىنعى ورىنباسار باستىعى ۋ حىچۋان اكادەميك بىلاي دەدى: 30 جىلدان بەرى، پارتيانىڭ پارمەندى باسشىلىعىندا جۇڭگو ينجەنەريا اكادەمياسى اكادەميكتەردى جانە قالىڭ ينجەنەريالىق عىلىم ـ تەحنيكا قىزمەتكەرلەرىن ىنتىماقتاستىرىپ، ۇيىستىرىپ، ينجەنەريا عىلىم ـ تەحنيكاسىنىڭ دامۋىن زور كۇشپەن ىلگەرىلەتىپ، عىلىم ـ تەحنيكا قيىن وتكەلدەرىنەن ۇزدىكسىز قامال الدى، جاڭالىق اشۋ جەتىستىكتەرى دۇنيە ٴجۇزىن جالت قاراتتى.
ۇزدىك جاڭالىق اشۋشى دارىندىلاردى توپتاپ، وزىق عىلىم ـ تەحنيكا جەتىستىكتەرىن جاراتىپ، بىرەگەي كەڭەس، ۇسىنىستار بەرىپ، بىرەگەي عىلىم تۇعىرلارىن قالىپتاستىردى، قالىڭ ينجەنەريا اكادەمياسىنىڭ اكادەميكتەرى مەن ينجەنەريالىق عىلىم ـ تەحنيكا قىزمەتكەرلەرى جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنىپ، ٴوزىن الۋەتتەندىرۋ كۇرەس جۇرگىزۋ ۇردىسىندە اتويشى بولۋعا ۇمتىلدى.
”اۆياتسيالىق موتور _ مەملەكەتتىڭ ماڭىزدى قارۋى، مەملەكەتتىڭ عىلىم ـ تەحنيكالىق قۋاتى مەن جاڭالىق اشۋ قابىلەتىنىڭ ماڭىزدى بەينەسى، دەربەس زەرتتەپ جاساۋدى جەدەلدەتۋ _ ينجەنەريالىق عىلىم ـ تەحنيكا قىزمەتكەرلەرىنىڭ بورىشى، جاۋاپكەرشىلىگى“. باس شۋجيدىڭ قۇتتىقتاۋ حاتى جۇڭگو اۆياتسيالىق موتور توبى شەكتى سەرىكتەستىگىنىڭ ورىنباسار باس ديرەكتورى شياڭ چياۋ اكادەميكتى ايرىقشا ماقتانىش سەزىندىردى، سوڭعى جىلدارى اۆياتسيالىق موتور زەرتتەپ جاساۋ شەبىندەگى ينجەنەريالىق عىلىم ـ تەحنيكا قىزمەتكەرلەرى باس شۋجيدىڭ تاپسىرماسىن ەستە بەرىك ساقتاپ، شەشۋشى، وزەكتى تەحنيكالاردا جەدەل سەرپىلىس جاساپ، العاشقى قادامدا دەربەس جاڭالىق اشا دامۋدىڭ جاڭا جولىن قاراستىرىپ، جۇڭگو ۇشاعىنا ٴتىپتى دە قۋاتتى بولعان ”جۇڭگو جۇرەگىن“ پايدالانۋعا قۇلشىندى.
”دۇنيە ٴجۇزىنىڭ وزىق دەڭگەيىنە تۋرالانا وتىرىپ، ’جۇڭگو ينجەنەرياسى‘ الدەقاشان دۇنيە ٴجۇزى ساحناسىنا كوتەرىلدى، ايتسەدە، ينجەنەريا عىلىم ـ تەحنيكاسىندا جاڭالىق اشۋدىڭ شەگى جوق“. بەيجيڭ وليمپيادا سپورت جارىسىنىڭ، قىسقى وليمپيادا سپورت جارىسىنىڭ نەگىزگى الاڭ سارايىن جوبالاۋدى باسقارعان لي شيڭگاڭ اكادەميك مەملەكەتتىڭ ٴبىر قىدىرۋ ماڭىزدى ينجەنەريالىق قۇرىلىستارىن ٴوز باسىنان كەشىردى، قازىر ٴتىپتى دە جاسىل، تومەن كومىر قىشقىل گازدى، زەردەلى، حاۋىپسىز ”بولاشاق باسپانا“ قۇرىلىسىن باس بولىپ زەرتتەپ جوبالاۋدا، ”ٴبىز باس شۋجي نۇسقاعان بەتالىس بويىنشا، حالىقتىڭ كۇن سايىن ارتىپ وتىرعان تاماشا تۇرمىس قاجەتىن ۇزدىكسىز قاناعاتتاندىرىپ، ەكونوميكانىڭ، قوعامنىڭ جوعارى ساپالى دامۋى ٴۇشىن جاڭا قوزعاۋشى قۋاتتى قۇلشىنا جەتىلدىرەمىز“.
بيولوگيالىق چيپ بەيجيڭ مەملەكەتتىك ينجەنەريا زەرتتەۋ ورتالىعىندا تاجىريبەحانا ٴىشى قاربالاستىققا شومدى. مەملەكەتتىڭ كەلەلى ارناۋلى نىساندارىن تياناق ەتە وتىرىپ، وسى ورتالىقتىڭ مەڭگەرۋشىسى، چيڭحۋا داشۋەسى بيولوگيالىق مەديتسينا ينجەنەرياسى شۋەيۋانىنىڭ لەكسيا پروفەسسورى چىڭ جيڭ اكادەميك ۇجىم باستاپ، دۇنيە ٴجۇزى بويىنشا تۇقىم قۋالاۋ سيپاتتى ساڭىراۋلىق گەن تەكسەرۋ تۇڭعىش چيپىن زەرتتەپ جاساپ، تۋما كەمىستىكتەن ساقتانۋدى اناعۇرلىم كوپ ”عىلىم ـ تەحنيكالىق قارپىمدى قارۋعا“ يە ەتتى.
”حالىقتىڭ ٴومىرى مەن سالاماتتىعىن بەتكە العاندا، تەك قولدان وتكەن، اۋەلى، كەنجە قالعان عىلىم ـ تەحنيكاعا سۇيەنۋگە بولمايدى، ٴسوز جوق، عىلىم ـ تەحنيكا ٴتول جاسامپازدىعىندا جاڭالىق اشۋدى كۇشەيتىپ، شەشۋشى، وزەكتى تەحنيكالاردى ٴوز قولىمىزدا مىقتاپ يگەرۋىمىز كەرەك“. بولاشاققا كوز جىبەرگەندە، چىڭ جيڭ نىق سەنىممەن بىلاي دەدى: ”حالىقتىڭ سالاماتتىعىن ويداعىداي قورعاۋدا، عىلىم ـ تەحنيكادا جاڭالىق اشۋ مەن كاسىپ سالاسىندا جاڭالىق اشۋدىڭ ىشكەرىلەي توعىسۋىن كۇشەيتىپ، اناعۇرلىم كوپ جاڭا تەحنيكانىڭ، جاقسى تەحنيكانىڭ دەر كەزىندە پايدالانىلۋىنا مۇمكىندىك جاساۋ كەرەك“.
”مەملەكەتتىڭ ستراتەگيالىق عىلىم ـ تەحنيكا كۇشىنىڭ رولىن ساۋلەلەندىرۋ“، ”مەملەكەتتىڭ جوعارى دەڭگەيلى اقىل ـ پاراسات قامباسى بولۋ فۋنكتسياسىن كۇشەيتۋ كەرەك“... باس شۋجي شي جينپيڭنىڭ قۇتتىقتاۋ حاتىندا العا قويعان ٴۇمىتى جۇڭگو ينجەنەريا عىلىم ـ تەحنيكاسىنىڭ دامۋىنا ايقىن بەتالىس كورسەتىپ، ٴتۇبىرلى بويسۇنۋ ولشەمىن ازىرلەدى.
”مەملەكەت ٴۇشىن تاقىرىپ تاڭداۋعا، مەملەكەت ٴۇشىن نىسان بەكىتۋگە، مەملەكەت ٴۇشىن قامال الۋعا تاباندى بولامىز، ٴبىز دۇنيە ٴجۇزى عىلىم ـ تەحنيكاسىنىڭ دامۋ ۇلكەن اۋقىمىن يگەرىپ، نازاردى مەملەكەتتىڭ ستراتەگيالىق قاجەتىنە شوعىرلاندىرىپ، عىلىم ـ تەحنيكا جاعىندا ستراتەگيالىق كەڭەس بەرۋ نىساندارىن ۇزدىكسىز جۇيەلى، باعىتتامالى ورنالاستىرىپ، عىلىم ـ تەحنيكالىق ساراپتاۋ مەن دالەلدەۋدى مۇقيات ۇيىمداستىرىپ ورىستەتىپ، دۇنيە ٴجۇزى بويىنشا بىرەگەي عىلىم ـ تەحنيكا اقىل ـ پاراسات قامباسىن قۇرۋعا قۇلشىنامىز“، ـ دەدى جۇڭگو ينجەنەريا اكادەمياسى 2 ـ مەكەمەسىنىڭ باستىعى ۋاڭ جىنحاي.
جاڭا باستامادا قالىڭ ينجەنەريالىق عىلىم ـ تەحنيكا قىزمەتكەرلەرى بيىك شىڭعا ەرلىكپەن ورلەۋدە.
تاياۋدا جۇڭگو كەمە جاساۋ ونەركاسىپ توبى حۋدۇڭ جۇڭحۋا LNG تەحنيكا زەرتتەۋ ورنىنىڭ باستىعى ۋاڭ لەي ۇجىم باستاپ زەرتتەپ جاساعان جۇڭگو 5 ـ بۋىن ٴىرى تۇرپاتتى LNG تاسىمال كەمەسى نىسانىندا تۇڭعىش جاسالعان ”لۇينىڭيىڭ“ ٴنومىرلى كەمە ٴساتتى تاپسىرىلىپ، تەحنيكالىق قۋات كورسەتكىشى دۇنيە ٴجۇزى بويىنشا الدىڭعى ورىندى يەلەدى.
LNG ”تاسىمال كەمەسى كەمە جاساۋ كاسىبىندە ’تاجىدەگى مەرۋەرت‘ دەپ اتالادى، بولاشاقتا ٴبىز تاعى عىلمي زەرتتەۋدە قامال الۋدى ۇزدىكسىز ورىستەتىپ، كەمە جاساۋ ونەركاسىبىنىڭ جوعارى دەڭگەيگە قاراي دامۋىن پارمەندى ىلگەرىلەتىپ، ەلىمىزدىڭ كەمە جاسايتىن ٴىرى ەلدەن كەمە جاسايتىن قۋاتتى ەلگە اينالۋىن جەدەل جۇزەگە اسىرامىز“، ـ دەدى ۋاڭ لەي.
ساعاتتىق جىلدامدىعى 400 كيلومەتر كەلەتىن CR450 موتورلى ۆاگون قۇراماسىنىڭ ۇلگىسى مەجەمەن بيىل جاسالىپ بولادى، سايكەستى جوعارى قارقىندى تەمىر جول جەلىسى، كوپىر، تۋنەل سياقتىلاردا دا تەحنيكالىق جاڭالىق اشىپ، ”جۇڭگو قارقىنىن“ اناعۇرلىم تەزدەتۋدى بىرگە ارقالايدى.
”ۋاقىت كۇتىپ تۇرمايدى، ورايدى يگەرىپ، جۇڭگو ينجەنەرياسىنىڭ حالىقارالىق تەمىر جول سالاسىندا ۇزدىكسىز الدا جۇرۋىنە مۇمكىندىك جاساۋ كەرەك“. بيىل جىل باسىندا ”مەملەكەتتىڭ ەرەن ينجەنەرى“ اتاعىنا يە بولعان جۇڭگو تەمىر جول عىلمي زەرتتەۋ اكادەمياسى توبى شەكتى سەرىكتەستىگىنىڭ باس زەرتتەۋشىسى لي پيڭ ۇجىم باستاپ، تاسىمال قارقىنى اناعۇرلىم تەز، زەردەلىلەنۋ دەڭگەيى اناعۇرلىم جوعارى جاڭا بۋىن زەردەلى جوعارى قارقىندى تەمىر جول سالىپ، دۇنيە ٴجۇزى تەمىر جولىنىڭ زەردەلىلەنىپ دامۋىنا جۇڭگو جوباسىن ازىرلەۋدە.
عىلمي تابىستار رۋحاني تىرەكتەن ايرىلا المايدى. باس شۋجي شي جينپيڭ قۇتتىقتاۋ حاتىندا عالىمدار رۋحىن ساۋلەلەندىرۋدى ەرەكشە اۋىزعا الىپ، ينجەنەريالىق عىلىم ـ تەحنيكا قىزمەتكەرلەرىن جوعارى دەڭگەيدەگى عىلىم ـ تەحنيكادا ٴوز كۇشىنە سۇيەنىپ، ٴوزىن الۋەتتەندىرۋدى جۇزەگە اسىرۋ ٴۇشىن ۇزدىكسىز كۇرەس جۇرگىزۋگە ىنتالاندىردى.
”حالىق قاھارمانى“ مەملەكەتتىك داڭق اتاعىنىڭ يەگەرى جاڭ بولي اكادەميك بورىشتىڭ داڭقتى ەكەنىن تەرەڭ سەزىندى: ”جاڭا تاريحي باستامادا ٴبىز تاريحي جاۋاپكەرشىلىكتى ارقالاپ، مەملەكەتتىڭ قاجەتىن كوزدەپ، عالىمدار رۋحىن اناعۇرلىم ويداعىداي ساۋلەلەندىرىپ، اناعۇرلىم تاسقىنداعان ىنتامەن، اناعۇرلىم اسقاق جىگەرمەن، اناعۇرلىم ناقتى ىستەۋ ستيلىمەن مەملەكەتتىڭ عىلىم ـ تەحنيكادا جاڭالىق اشۋ ىستەرىنە ات سالىسىپ، ديسسەرتاتسيانى وتاننىڭ بايتاق دالاسىنا جازۋىمىز كەرەك“.
(شينحۋا اگەنتتىگىنىڭ 6 ـ ايدىڭ 3 ـ كۇنى بەيجيڭنەن بەرگەن حابارى)