انار بۇلت \ شينجياڭ گازەتىنىڭ ٴتىلشىسى لي ياڭ 6 ـ ايدىڭ 3 ـ كۇنى ۇرىمجىدەن حابارلايدى. 6 ـ ايدىڭ 3 ـ كۇنى اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوننىڭ قاتىستى تاراۋلارىنداعى جاۋاپتى جولداستاردى باستاپ، اۆتونوميالى رايوندىق اكىمشىلىك قىزمەت وتەۋ زالىندا ۇستىندە جۇمىس جۇرگىزىپ، ”ٴاربىر ٴىستى جوعارى ونىمدىلىكپەن تىندىرۋ“ جاعدايىن ىلگەرىلەتۋ جانە شارۋاشىلىق ـ ساۋدا ورتاسىن ساپالىلاندىرۋ قىزمەتىن سول جەردىڭ وزىندە ۇعىسىپ، قاتىستى ماسەلەلەردى سايكەستىرىپ شەشىپ، كەلەسى قادامداعى قىزمەتتەردى ورنالاستىردى. سوڭىنان ەركىن تۇنياز اۆتونوميالى رايوندىق وقۋ ـ اعارتۋ ەمتيحان ورنىنا بارىپ، 2024 ـ جىلعى جوعارى مەكتەپ ەمتيحانىنىڭ دايىندىق قىزمەتىن سول جەردىڭ وزىندە تەكسەردى.
اۆتونوميالى رايوندىق پارتكومنىڭ ورىنباسار شۋجيى، ٴۇرىمجى قالالىق پارتكومنىڭ شۋجيى حى جۇڭيوۋ قاتىستى قيمىلدارعا قاتىناستى.
”كۇنىنە قانشا بۇقارا جۇمىس بىتىرۋگە كەلەدى“؟ ”جالپى بارىستى ينتەرنەتتە بىتىرۋگە بولاتىن ىستەن نەشەسى بار“؟ ەركىن تۇنياز جۇمىس ٴبىتىرۋ زالىنا كەلىپ، كۇندەلىكتى جۇمىس اينالىمى، كاسىپ ٴبىتىرۋ جانە ەرەكشەلىككە يە فۋنكتسيالىق اۋماققا ٴبولۋ سياقتى جاعدايلاردى ۇعىستى، سونداي ـ اق مادەنيەت، ساياحات، قوعام حاۋىپسىزدىگى، قاتىناس ـ تاسىمال، قوعامدىق قامتاماسىزداندىرۋ سياقتى تەرەزەلەردەگى قىزمەتكەرلەرمەن ىشكەرىلەي پىكىر اۋىستىرىپ، جۇمىس ٴبىتىرۋ ٴتارتىبى جانە بۇقاراعا قولايلىلىق جاساۋ دارەجەسى سياقتىلاردى ۇعىستى. ول جانە جۇمىس بىتىرەتىن بۇقارامەن بەتپە ـ بەت اڭگمەلەسىپ، بۇقارانىڭ تالاپ ـ تىلەكتەرىن جانە ۇسىنسىن تىڭدادى. ول بىلاي دەپ باسا دارىپتەدى: سيفرلى قۋات ۇستەۋگە تاباندى بولىپ، ۇلكەن ساندى مالىمەتتەن، زەردەلىلەنگەن تەحنيكادان تولىق پايدالانىپ ”ٴبىر جەلىدە ٴبىر تۇتاس باسقارۋ“، ”ٴبىر جەلىدە ٴبىر تۇتاس ٴبىتىرۋ“ دەڭگەيىن جوعارىلاتىپ، جوعارى ساپالى دامۋعا قىزمەت وتەۋ بارىسىندا ۇزدىكسىز جاڭا ونىمدىلىككە قول جەتكىزۋ كەرەك. حالىقتى وزەك ەتۋگە تاباندى بولىپ، نازاردى جۇمىس ٴبىتىرۋ سۇرانىسىنا شوعىرلاندىرىپ، دەن قويا، سۇيىسپەنشىلىكپەن، كۇش سالا ويداعىداي قىزمەت وتەپ، كاسىپورىندار مەن بۇقارانىڭ تابىس سەزىمىن، رازى بولۋ دارەجەسىن شىن مانىندە جوعارىلاتۋ كەرەك.
سوڭىنان ەركىن تۇنياز اۆتونوميالى رايوندىق 12345 اكىمشىلىك قىزمەت وتەۋ حالىققا قولايلى ىستىق لەنياسى تۇعىرىنا كەلدى. ”قايسى تۇردەگى تالاپ ـ تىلەكتەر ٴبىرشاما شوعىرلى؟ ىستىق لەنيانى قابىلداۋ سالىستىرماسى، رازى بولۋ سالىستىرماسى قانشا“؟ بۇقارانىڭ تالاپ ـ تىلەكتەرى، تالاپ ـ تىلەكتەردى بىتىرۋگە وتكىزىپ بەرۋ ٴتارتىبى سياقتى جاعدايلاردى ۇعىسقاننان كەيىن، بۇقارا اڭىس ەتكەن ناقتى تالاپ ـ تىلەكتەردى ۇستىندە قاتىستى تاراۋلاردىڭ قاداعالاپ ٴبىتىرۋدى قۋزاۋىن ورنالاستىردى. ەركىن تۇنياز بىلاي دەپ باسا دارىپتەدى: ىستىق لەنيادا قابىلداۋ، ٴبىتىرۋ ونىمدىلىگىن ۇزدىكسىز ارتتىرىپ، ارناۋلى قىزمەتكەرلەردى مەرزىمدى ۋاقىتتا كاسىپورىندارعا تيىمدىلىك جاساۋ، حالىققا پايدا جەتكىزۋ، قازىنا، باجى، فينانس، ەڭبەك زاڭ ەرەجەلەرى، تەكسەرىپ بەكىتۋگە قىزمەت وتەۋ، دارىندىلارعا قىزمەت وتەۋ سياقتى سالالارداعى ساياساتتاردى ۇيرەنۋگە ۇيىمداستىرىپ، بۇقارا مەن كاسىپورىندار كوڭىل بولەتىن قولامتالى ماسەلەلەردى دەر كەزىندە جوعارى ٴونىمدى ٴبىر جاقتى ەتىپ، پارتكوم، ۇكىمەت جانە بۇقارا اراسىندا ”تىلەكتەردى جالعاۋ كوپىرى“ بولۋ كەرەك. ٴبىر تۇتاس قابىلداپ ەستۋدىڭ، جاۋاپكەرشىلىك بويىنشا بىتىرۋگە وتكىزىپ بەرۋدىڭ، شەكتى ۋاقىتتا ٴبىتىرۋدىڭ، ٴبىر تۇتاس ٴبىتىرۋدى باقىلاۋدىڭ، ٴبىر تۇتاس باعالاۋدىڭ ىستىق لەنيا قىزمەتى جاۋاپكەرشىلىك جۇيەسىن ونان ارى اقاۋسىزداندىرۋ، كەمەلدەندىرۋ كەرەك. ىستىق لەنيا ساندى مالىمەتىن توپتاۋدى، تالداۋ جاساۋدى جانە ونى قولدانۋدى ونان ارى كۇشەيتىپ، ساندى مالىمەت قۇنىن ىشكەرىلەي اشىپ، عىلمي شەشىم جاساۋ قابىلەتىن جوعارىلاتۋ كەرەك. قاتىستى تاراۋلار جانە ورىندار دەر كەزىندە نازار اۋدارىپ، دەر كەزىندە اڭىس قايتارىپ، دەر كەزىندە ۇشتاستىرىپ، دەر كەزىندە ٴبىتىرىپ، الدىعا كەلگەن بۇقارا قىزمەتىن تىڭعىلىقتى ويداعىداي ىستەۋ كەرەك.
اۆتونوميالى رايوندىق وقۋ ـ اعارتۋ ەمتيحان ورنىندا ەركىن تۇنياز زەردەلىلەنگەن ەمتيحان قاعازىن قاداعالاۋ تۇعىرى ارقىلى بەينە ەكراندا ەمتيحان قاعازىنىڭ قۇپيالىعىن ساقتاۋ جانە جۇمىس جۇرگىزۋ جاعدايىن ورنالاستىرىپ، تۇتاس رايوننىڭ جوعارى مەكتەپ ەمتيحانىنىڭ دايىندىق قىزمەتى جاعدايى مالىمەتىن تىڭدادى. ول بىلاي دەپ اتاپ كورسەتتى: جوعارى مەكتەپ ەمتيحانى _ مەملەكەتكە دارىندى تاڭداۋ سىندى ماڭىزدى بورىش ارقالاعان، سونىمەن بىرگە سان مىڭداعان وتباسىلارىنا ساياتىن حالىق تۇرمىسى ٴىرى ٴىسى. جەر ـ جەر، تاراۋلار يدەيالىق تانىمدى جوعارىلاتىپ، جاۋاپكەرشىلىك ارقالاۋدى كۇشەيتىپ، قالىڭ ەمتيحان بەرەتىن وقۋشىلارعا تاماشا ەمتيحان ورتاسىن ازىرلەۋ كەرەك. ەمتيحانداعى ٴتۇرلى قىزمەتتەردى قاتاڭ ۇيىمداستىرىپ، ەمتيحان بەرەتىن وقۋشىلاردىڭ، ەمتيحان ىستەرى قىزمەتكەرلەرىنىڭ ٴتارتىپ تاربيەسىن قاتايتىپ، ەمتيحانعا ساياتىن قارالىق ىستەۋ سياقتى زاڭعا قايشى قىلمىستىق ارەكەتتەرگە قاتاڭ سوققى بەرۋ كەرەك. قاتىناس تارتىبىنە ٴجون سىلتەۋ، كۇن ٴوتىپ كەتۋدەن ساقتانۋ، سالقىنداتۋ، ازىق ـ تۇلىك، جاتاق تازالىعى، شۋىلدى جونگە سالۋ سياقتى جاقتارداعى جان ـ جاقتى قامتاماسىزداندىرۋ قىزمەتىن ىشكەرىلەي ۇقىپتىلىقپەن ويداعىداي ىستەپ، ىڭعايلى قىزمەت وتەۋ ارقىلى ەمتيحان بەرەتىن وقۋشىلارعا جانە اتا ـ انالارعا اناعۇرلىم كوپ قولايلىلىق ازىرلەۋ كەرەك. مۇلدەم حاۋىپسىزدىككە شىنايى كەپىلدىك ەتىپ، ەمتيحاننان كەيىنگى ەمتيحان قاعازىن تەكسەرۋ، تالاپ كەستەسىن تولتىرۋ، وقۋشى قابىلداۋ سياقتى ٴارقايسى بۋىندى باسقارۋدى كۇشەيتىپ، ينفورماتسيانى اشىق ۇستاۋدى نىعايتىپ، قوعام ٴجىتى نازار اۋدارىپ وتىرعان ماسەلەلەرگە بەلسەندىلىكپەن جاۋاپ قايتارىپ، ەمتيحاننىڭ ٴادىل، ٴتارتىبىنىڭ اشىق، ناتيجەنىڭ ادىلەتتى بولۋىنا شىنايى كەپىلدىك ەتۋ كەرەك.