2023 ـ جىلدىڭ سوڭىندا شينجياڭنىڭ جارناسى بازارعا شىعارىلعان سەرىكتەستىكتەرىنىڭ جالپى جارنا كاپيتالى، جالپى مال ـ مۇلكى، تازا مال ـ مۇلكى تۇگەلدەي الدىڭعى جىلداعىدان ارتتى _
شينجياڭ بولىگىنىڭ كورسەتكىشى نەنىڭ ارقاسىندا قۇندى قاعاز ساۋداسى جالپى جاعدايىندا الدا بولدى
انار بۇلت \ شينجياڭ گازەتىنىڭ ٴتىلشىسى ۋاڭ يۇڭفي
اقشا بۇلت، كوگىلدىر اسپان اياسىندا، ۇشى ـ قيىرسىز ٴشول دالادا، قاتار ـ قاتار بولىپ رەتتى تىزىلگەن فوتوۆولت بولشەكتەرىنىڭ ول شەتى مەن بۇل شەتىنە كوز جەتپەيدى.
بۇل ارا ليشين ەنەرگيا جەمسارى فوتوۆولت الاڭ ـ پۋنكتى. 5 ـ ايدىڭ 9 ـ كۇنى شىنجىن اكتسيا ساۋدا بازارى قارجى قوسۋشىلاردى وسى جەردى ەكسكۋرسيالاۋعا ۇيىمداستىردى. ال 3 ـ ايداعى ٴبىر رەتكى تەكسەرۋ ـ زەرتتەۋ بارىسىندا، ٴتىپتى حۋايۋان اكتسياسى، يفاڭدا قورى، گوحاي فرانكلين قورى، تيانحۇڭ قورى سياقتى ”الپاۋىتتار“ جينالعان ەدى.
بەرتىنگى ٴبىر جىلدا، ليشين ەنەرگياسى 23 قۇرىلىمنىڭ 10 رەت تەكسەرۋ ـ زەرتتەۋ جۇرگىزۋىن قابىلدادى. ليشين ەنەرگياسى سياقتى قارجى قوسۋشىلاردى تەكسەرۋ ـ زەرتتەۋ جۇرگىزۋگە قايتا ـ قايتا باۋراپ جاتقان شينجياڭنىڭ جارناسى بازارعا شىعارىلعان سەرىكتەستىكتەرىنەن ٴبىرتالايى بار. 2 ـ دارەجەلى بازاردا، 2023 ـ جىلى شينجياڭ بولىگىنىڭ كورسەتكىشى %3.65 جوعارىلاپ، قۇندى قاعازدار ساۋداسىنىڭ جالپى جاعدايىندا ٴۇرتىس بىرنەشە جىل الدا ٴجۇردى.
قۇرىلىمدار ٴجيى ـ ٴجيى كەلىپ جاعداي ۇعىسىپ، قارجى قوسۋشىلار ٴجيى ـ ٴجيى تەكسەرۋ ـ زەرتتەۋ جۇرگىزىپ، 2 ـ دارەجەلى بازاردىڭ بەينەسى جالپى جاقتان ورنىقتى، اقاۋسىز بولۋىنىڭ استارىندا، قارجى قوسۋشىلاردىڭ شينجياڭ ەكونوميكاسى مەن جارناسى بازارعا شىعارىلعان سەرىكتەستىكتەرىنىڭ دامۋ بولاشاعىنا دەگەن تاماشا مەجەسى ايگىلەندى.
مال ـ مۇلىك كولەمى ورنىقتى ارتتى
5 ـ ايداعى وسى رەتكى تەكسەرۋ ـ زەرتتەۋگە قاتىناسقانداردىڭ كوبى ورتا، شاعىن قارجى قوسۋشىلار. فوتوۆولت ارقىلى ەلەكتر تاراتۋمەن اينالىساتىن شينجياڭداعى مەملەكەت مەنشىگىندەگى كاسىپورىن رەتىندە، ليشين ەنەرگياسىنىڭ تاماشا دامۋ بولاشاعى قارجى قوسۋشىلاردىڭ قىزىعۋشىلىعىن ارتتىردى. اڭگىمە ٴماجىلىسى جانە سول جەردىڭ ٴوزىن ەكسكۋرسيالاۋ بۋىنىندا، كوپشىلىك تۇس ـ تۇستان سۇراۋ قويىپ، ەرەكشە قىزۋ بەينەگە شومدى.
ليشين ەنەرگياسىنىڭ القا باستىعى فان بيڭ بىلاي دەپ تانىستىردى: 2023 ـ جىلى ليشين ەنەرگياسىنىڭ شارۋاشىلىق كىرىسى 990 ميلليون يۋان بولىپ، سايكەس مەزگىلدەگىدەن %12.25 ارتتى؛ جالپى مال ـ مۇلكى 9 ميلليارد 632 ميلليون يۋانعا جەتىپ، سايكەس مەزگىلدەگىدەن %5.18 ارتىپ، 2014 ـ جىلدىڭ سوڭىمەن سالىستىرعاندا 22.16 ەسە ارتتى.
2023 ـ جىلدىڭ سوڭىنا دەيىن، ليشين ەنەرگياسى جالپى جەلىگە قوسقان گەنەراتور اگراگاتتارىنىڭ سيىمدىلىعى ٴبىر ميلليون 540 مىڭ كيلوۆات بولىپ، جەلىگە قوسىلعان ەلەكتر مولشەرى 2 ميلليارد 355 ميلليون كيلوۆات ساعاتقا جەتىپ، سايكەس مەزگىلدەگىدەن %22.02 ارتتى. ” ’14 ـ بەسجىلدىقتىڭ‘ سوڭىندا، ليشين ەنەرگياسىنىڭ گەنەراتور اگراگاتتارىنىڭ سيىمدىلىعى 5GWدان اسىپ، وڭىردە بىرەگەي، ەل ىشىندە وزىق بولعان تۋىندايتىن ەنەرگيادان جان ـ جاقتى پايدالاناتىن، قىزمەت وتەيتىن كاسىپورىنعا اينالادى“، ـ دەدى فان بيڭ.
جۋىقتا جاريالانىپ اياقتالعان جىلدىق ساندى ـ مالىمەتكە قاراعاندا، شينجياڭنىڭ جارناسى بازارعا شىعارىلعان سەرىكتەستىكتەرىنىڭ جالپى جارنا كاپيتالى، جالپى مال ـ مۇلكى، ساپ مال ـ مۇلكى ٴۇرتىس بىرنەشە جىل ورنىقتى جوعارىلاۋ اۋقىمىن ايگىلەگەن. 2023 ـ جىلدىڭ سوڭىندا شينجياڭنىڭ جارناسى بازارعا شىعارىلعان سەرىكتەستىكتەرىنىڭ جالپى جارنا كاپيتالى 116 ميلليارد 985 ميلليون جارنا بولىپ، الدىڭعى جىلدىڭ سوڭىمەن سالىستىرعاندا %2.22 ارتقان؛ جالپى مال ـ مۇلكى 3 تريلليون 295 ميلليارد 49 ميلليون يۋانعا جەتىپ، الدىڭعى جىلدىڭ سوڭىمەن سالىستىرعاندا %3.55 ارتقان؛ ساپ مال ـ مۇلكى 872 ميلليارد 496 ميلليون يۋان بولىپ، الدىڭعى جىلدىڭ سوڭىمەن سالىستىرعاندا %4.34 ارتقان.
جارنا 2 ـ دارەجەلى بازار دا جارناسى بازارعا شىعارىلعان سەرىكتەستىكتەردىڭ بەينەسىن باقىلاۋداعى ٴبىر ماڭىزدى كورۋ بۇرىشى. دۇڭفاڭ سايفۋدىڭ ساناعىنا قاراعاندا، 2022 ـ جىلى 12 ـ ايدىڭ 30 ـ كۇنىنەن 2023 ـ جىلى 12 ـ ايدىڭ 29 ـ كۇنىنە دەيىن، شاڭحاي اكتسيا ساۋدا بازارىنىڭ ۋنيۆەرسال جارنا كورسەتكىشى مەن شىنجىن اكتسيا ساۋدا بازارىنىڭ نەگىزگى جارنا كورسەتكىشىنىڭ تومەندەۋ مولشەرى جەكە ـ جەكە %3.21 جانە %13.38 بولعان، ال شينجياڭ بولىگىنىڭ كورسەتكىشى %3.65 ارتقان.
”شينجياڭ بولىگى كورسەتكىشىنىڭ قۇندى قاعازدار ساۋداسىنىڭ جالپى جاعدايىنىڭ الدىندا ٴجۇرۋى شينجياڭنىڭ جارناسى بازارعا شىعارىلعان سەرىكتەستىكتەرىنىڭ ٴبىرشاما كۇشتى سەرپىمدىلىك كورسەتىپ، قارجى قوسۋشىلاردىڭ ۇناتۋىنا يە بولعاندىعىن تۇسىندىرەدى، ـ دەدى شينجياڭ قازىنا ـ ەكونوميكا داشۋەسى فينانس شۋەيۋانىنىڭ بۇرىنعى دوتسەنتى سۋ نيڭ.
قارجى قوسۋشىلاردىڭ شينجياڭنىڭ جارناسى بازارعا شىعارىلعان سەرىكتەستىكتەرىنە ٴجيى ـ ٴجيى تەكسەرۋ ـ زەرتتەۋ جۇرگىزۋى جانە شينجياڭنىڭ جارناسى بازارعا شىعارىلعان سەرىكتەستىكتەرىنىڭ كاپيتال بازارىندا قارجى قۇراۋ جاعدايى وسىنى انىق ٴتۇسىندىرىپ وتىر. 2023 ـ جىلى شينجياڭنىڭ جارناسى بازارعا شىعارىلعان سەرىكتەستىكتەرى تۇڭعىش رەت تاراتۋ، ارتتىرىپ تاراتۋ، جارنا سايكەستىرۋ، زايوم تاراتۋ سياقى تاسىلدەر ارقىلى كاپيتال بازارىندا جيىنى 14 ميلليارد 678 ميلليون يۋان قارجى قۇراۋدى جۇزەگە اسىردى.
جالپى ”تۇلعاسى“ كۇن سايىن الۋەتتەندى
جىلدىق ساندى ـ مالىمەتتە كورسەتىلۋىنشە، 2023 ـ جىلى شينجياڭنىڭ جارناسى بازارعا شىعارىلعان 35 سەرىكتەستىگىنىڭ باس سەرىكتەستىككە تاۋەلدى ساپ پايداسىندا ارتۋ جۇزەگە اسىرىلعان، 16 سەرىكتەستىكتىڭ باس سەرىكتەستىككە تاۋەلدى ساپ پايداسىنىڭ ارتۋ مولشەرى %100تەن اسقان؛ 44 سەرىكتەستىكتىڭ باس سەرىكتەستىككە تاۋەلدى ساپ پايداسى وڭ ارتۋدى ساقتاپ، پايدا تاپقان سەرىكتەستىك الدىڭعى جىلمەن سالىستىرعاندا 6 سەرىكتەستىك ارتقان، زيان تارتقان سەرىكتەستىك الدىڭعى جىلمەن سالىستىرعاندا 5 سەرىكتەستىك ازايعان.
كاسىپكە ايىرىپ قاراعاندا، شينجياڭنىڭ جارناسى بازارعا شىعارىلعان سەرىكتەستىكتەرىنىڭ 14 كاسىبىنىڭ ىشىندە (اكتسيا باقىلاۋ ـ باسقارۋ كوميتەتىنىڭ كاسىپتەردى تۇرگە ايىرۋى)، 11 كاسىپتىڭ قالىپتى كەزدەردەگىدەن تىس زياندى شىعارىپ تاستاعانداعى باس سەرىكتەستىككە تاۋەلدى ساپ پايداسى ازداپ جوعارىلاعان، جالعا بەرۋ جانە ساۋدا ىستەرىنە قىزمەت وتەۋ كاسىبى، توپ تاراتۋ جانە بولشەك ساتۋ كاسىبى، سۋ ىستەرى قورعاشان ورتاسى جانە الەۋمەتتىك قۇرىلعىلاردى باسقارۋ كاسىبى، عىلمي زەرتتەۋ جانە تەحنيكالىق قىزمەت وتەۋ كاسىبىنىڭ ارتۋ مولشەرى %100تەن اسقان.
نازار اۋدارۋعا تاتيتىنى، شينجياڭنىڭ جارناسى بازارعا شىعارىلعان سەرىكتەستىكتەرىنىڭ مال ـ مۇلكىنىڭ قارىزدانۋ سالىستىرماسى %73.52 بولىپ، ٴۇرتىس 4 جىل تومەندەپ، قازىنالىق سۇيمەن ۇزدىكسىز جاقسارعان. 2023 ـ جىلى شينجياڭنىڭ جارناسى بازارعا شىعارىلعان سەرىكتەستىكتەرىنىڭ شارۋاشىلىق قيمىلىنداعى ناق اقشا اينالىمىنىڭ ساپ سوماسى ٴۇرتىس 3 جىل جوعارىلاپ، 218 ميلليارد 622 ميلليون يۋانعا جەتىپ، 2020 ـ جىلدىڭ سوڭىمەن سالىستىرعاندا %1200 جوعارىلاعان.
”كاسىپورىننىڭ شارۋاشىلىق جاعدايىنىڭ جاقسى نە، جاقسى ەمەس ەكەندىگىن، ناق اقشامەن قارىز قايتاراتىن جانە مال ـ مۇلكىن ناق اقشاعا ايىرباستاي الاتىن جەتكىلىكتى قابىلەتىنىڭ بار، نە جوق ەكەندىگىن تارازىلاۋدا، ناق اقشا اينالىم مولشەرى وتە ماڭىزدى كورسەتكىش بولماق. قارىزدانۋ سالىستىرماسىنىڭ تومەندەپ، ناق اقشا اينالىم مولشەرىنىڭ ارتۋى شينجياڭنىڭ جارناسى بازارعا شىعارىلعان سەرىكتەستىكتەرىنىڭ جالپى ”تۇلعاسىنىڭ“ كۇن سايىن الۋەتتەنگەنىن تۇسىندىرەدى“، ـ دەدى سۋ نيڭ.
تاماشا كاسىپ ناتيجەسى جارناسى بازارعا شىعارىلعان سەرىكتەستىكتەردىڭ قوعامدىق جاۋاپكەرشىلىكتى اتقارۋىنا نەگىز قالادى.
شينجياڭدا جارناسى بازارعا شىعارىلعان 30 سەرىكتەستىك 2023 ـ جىلعى ناق اقشا پايدا ٴبولىس جوباسىن جاريالاپ، پايدا تاپقان جارناسى بازارعا شىعارىلعان 44 سەرىكتەستىكتىڭ جالپى سانىنىڭ %68.18ىن يەلەدى؛ پايدا ٴبولىسىنىڭ جالپى سوماسى مەجەمەن 16 ميلليارد 30 ميلليون يۋان بولىپ، پايدا ٴبولىس سوماسى 2023 ـ جىلعى ساپ پايدا سوماسىنىڭ %40.02ىن يەلەدى.
مىسالى، 5 ـ ايدىڭ 30 ـ كۇنى، داچۋان ەنەرگياسى 2023 ـ جىلعى جىلدىق ۇقىق ـ مۇددە جارناسى بويىنشا پايدا ٴبولىسىن اتقارۋ مالىمدەمەسىن جاريالاپ، ٴاربىر 10 جارنا بويىنشا ناق اقشا پايداسىنان 4.1804 يۋان (باجىنى قامتيدى) تاراتۋدى جوسپارلادى، جيىنى ۇقىق ـ مۇددە جارناسى بويىنشا ناق اقشا پايداسىنان 893 ميلليون يۋان تاراتادى.
”بۇل شينجياڭنىڭ جارناسى بازارعا شىعارىلعان سەرىكتەستىكتەرىنىڭ پايدانى ٴبولۋ دەڭگەيىنىڭ ۇزدىكسىز جوعارىلاپ، قارجى قوسۋشىلارعا ۇزدىكسىز كىرىس كىرگىزىپ جانە قارىمجى قايتارعانىن تۇسىندىرەدى“، ـ دەدى سۋ نيڭ.
پايدا بولۋدەن سىرت، شينجياڭنىڭ جارناسى بازارعا شىعارىلعان سەرىكتەستىكتەرى 2023 ـ جىلى تاعى ٴتۇرلى باجى سوماسىنان 50 ميلليارد 78 ميلليون يۋان تاپسىرىپ، 296 مىڭ 100 ادامدى جۇمىستانۋعا باستادى.
تولىق بولماعان ساناققا قاراعاندا، 2023 ـ جىلى قاراستى رايونداعى جارناسى بازارعا شىعارىلعان 32 سەرىكتەستىك ESG، باياندى دامۋ نەمەسە قوعامدىق جاۋاپكەرشىلىك مالىمەتىن جاريالاعان؛ جارناسى بازارعا شىعارىلعان 33 سەرىكتەستىك جىلۋ اتاۋ نەمەسە كەدەيلەردى سۇيەمەلدەۋ قىزمەتىنە بەلسەندى تۇردە ات سالىسىپ، جىلۋ اتاۋعا نەمەسە كەدەيلەردى سۇيەمەلدەۋگە 393 ميلليون يۋان قوسىپ، الدىڭعى جىلمەن سالىستىرعاندا %3.11 ارتقان؛ جارناسى بازارعا شىعارىلعان 35 سەرىكتەستىك قورشاعان ورتا مالىمەتىن جاريالاپ، قورشاعان ورتانى قورعاۋعا 6 ميلليارد 495 ميلليون يۋان قارجى قوسقان.
ورنىقتى، اقاۋسىز دامۋ بولاشاعىنان ٴۇمىت زور
جىلدىق ساندى ـ مالىمەتتە تاعى كورسەتىلۋىنشە، 2023 ـ جىلى شينجياڭنىڭ جارناسى بازارعا شىعارىلعان سەرىكتەستىكتەرى جالپى جۇزەگە اسىرعان تيجارات جالپى كىرىىسى 760 ميلليارد 178 ميلليون يۋان بولىپ، الدىڭعى جىلمەن سالىستىرعاندا %3.41 تومەندەگەن، تيجارات كىرىسى 10 ميلليارد يۋاننان جوعارى بولعان سەرىكتەستىك 15 بولعان، 100 ميلليارد يۋاننان اسقان سەرىكتەستىك بىرەۋ (تيانشان جارناسى)؛ باس سەرىكتەستىك جارناگەرىنە تاۋەلدى بولعان ساپ پايدا 40 ميلليارد 54 ميلليون يۋان بولىپ، الدىڭعى جىلمەن سالىستىرعاندا %38.17 تومەندەگەن، تاپقان پايداسى 10 ميلليارد يۋاننان اسقان سەرىكتەستىك بىرەۋ، الدىڭعى جىلمەن سالىستىرعاندا 2 سەرىكتەستىك ازايعان.
شينجياڭنىڭ جارناسى بازارعا شىعارىلعان سەرىكتەستىكتەرىنىڭ ىشىندە، سانى ەڭ كوپ جاساۋ كاسىپورنىنىڭ قالىپتى كەزدەردەگىدەن تىس زياندى شىعارىپ تاستاعانداعى باس سەرىكتەستىككە تاۋەلدى ساپ پايداسىنىڭ تومەندەۋ مولشەرى %55.82كە جەتكەن، مۇندا حيميا شيكىزاتى مەن حيميالىق ونىمدەردى جاساۋ كاسىبىنىڭ تومەندەۋ مولشەرى %300كە جەتكەن.
اسىرەسە، بيىل ٴبىرىنشى ماۋسىمدا، شينجياڭنىڭ جارناسى بازارعا شىعارىلعان سەرىكتەستىكتەرىنىڭ تيجارات جالپى كىرىسى 150 ميلليارد 395 ميلليون يۋان بولىپ، بىلتىرعى سول تۇستاعىمەن سالىستىرعاندا %11.58 ازايعان؛ باس سەرىكتەستىككە تاۋەلدى ساپ پايدا 6 ميلليارد 749 ميلليون يۋان بولىپ، بىلتىرعى سول تۇستاعىمەن سالىستىرعاندا %59.04 ازايعان.
سۋ نيڭ بىلاي دەپ قارادى: شينجياڭنىڭ جارناسى بازارعا شىعارىلعان سەرىكتەستىكتەرى ٴداستۇرلى كاسىپ سالاسىن نەگىز ەتكەن، مۇندا جالپى مال ـ مۇلكى ارتقانمەن، پايداسى تومەندەگەن، بۇل شەك ونىمدىلىگىنىڭ بىرتىندەپ ازايعانىن تۇسىندىرەدى، جاڭاشا وندىرگىش كۇشتى بار كۇشپەن دامىتىپ، شارۋاشىلىق ونىمدىلىگىن جوعارىلاتۋ قاجەت. اسىرەسە، مەملەكەت مەنشىگىندەگى كاسىپورىندار جاڭا تەحنيكادان ٴتىپتى دە باس بولىپ پايدالانۋ كەرەك.
حۇڭيۋان حۇيجى قارجى قوسۋ شەكتى سەرىكتەستىگىنىڭ ورىنباسار باس ديرەكتورى تۇڭ لوشيڭ مىناداي ۇسىنىس بەردى: شينجياڭنىڭ جارناسى بازارعا شىعارىلعان سەرىكتەستىكتەرىن ساتىپ الىپ قايتا قۇرۋدى ۇيىمداستىرۋعا شابىتتاندىرۋ كەرەك، جارناسى بازارعا شىعارىلعان سەرىكتەستىكتەرگە ”بازارلانۋ ٴتاسىلى ارقىلى ساپالى مال ـ مۇلىك ۇستەپ، بىردەي كاسىپ سالاسىن جانە جوعارعى، تومەنگى بۋىنداعى بايلىق قاينارىن بىرىكتىرىپ، جارناسى بازارعا شىعارىلعان سەرىكتەستىكتەردىڭ ومىرشەڭدىك كۇشىن ۇزدىكسىز تاسقىنداتۋمەن بىرگە، تاعى جارناسى بازارعا شىعارىلعان سەرىكتەستىكتەردىڭ حاۋىپ ـ قاتەرىن جويىپ، جارناسى بازارعا شىعارىلعان سەرىكتەستىكتەردىڭ ورنىقتى، اقاۋسىز دامۋىن ىلگەرىلەتۋگە بولادى“.
2023 ـ جىلى شينجياڭدا جارناسى بازارعا شىعارىلعان جيىنى 4 سەرىكتەستىك كەلەلى بايلىقتاردى قايتا ۇيىمداستىرۋدى ورىنداپ، ساۋدا سوماسى جيىنى 3 ميلليارد 34 ميلليون يۋان بولدى.
ٴتىلشىنىڭ ۇعىسۋىنشا، شينجياڭ اكتسيا باقىلاۋ ـ باسقارۋ مەكەمەسى شينجياڭنىڭ ٴىس جۇزىندىك جاعدايىن تياناق ەتىپ، كاپيتال بازارىنىڭ شينجياڭنىڭ جوعارى ساپالى دامۋىنا تىرەك بولاتىن ٴونىمدى جولى مەن ۇشتاستىرۋ ٴتۇيىنىن اناعۇرلىم ٴدال تاۋىپ، نازاردى اۆتونوميالى رايوننىڭ ”سەگىز ٴىرى كاسىپ سالاسى شوعىرىنا“ جانە ٴتۇيىندى نىساندارىنا شوعىرلاندىرىپ، كاسىپ سالاسى مەن فينانستىڭ سەلبەستىگىن تەرەڭدەتۋدى جەبەپ، جەرگىلىكتى ورىننىڭ زاپاس بايلىقتى جەتىلدىرۋىنە قولداۋ كورسەتىپ، ساپالى كاسىپورىنداردىڭ جارناسىن بازارعا شىعارۋىنا قولداۋ كورسەتەدى ەكەن.
جارنا بازارىنا شىعارىلاتىن زاپاس كاسىپورىنداردى جەتىلدىرۋ ونىمدىلىگىن ارتتىرۋ ٴۇشىن، 2021 ـ جىلى 8 ـ ايدا شينجياڭ «شينجياڭ ۇيعۇر اۆتونوميالى رايوننىڭ جارناسى بازارعا شىعارىلاتىن زاپاس كاسىپورىندار بايلىق قامباسىن باسقارۋ ادىسىنە» وزگەرىس ەنگىزىپ، شاڭحاي اكتسيا ساۋدا بازارىنىڭ عىلىم ـ تەحنيكادان جاڭالىق اشۋ بولىگىنىڭ، شىنجىن اكتسيا ساۋدا بازارىنىڭ جاڭالىق اشۋ بولىگىنىڭ ولشەمىنە تۋرالانىپ، شاڭحاي ـ شىنجىن نەگىزگى بولىگى، بەيجيڭ اكتسيا ساۋدا بازارى، جاڭا ٴۇش بولىك سياقتى كاپيتال بازارىنداعى تۇرلىشە بولىكتەردىڭ ورنىن تۇراقتاندىرىپ، جەكە ـ جەكە A، B، C ٴۇش ۇياشىق قۇرىپ، جارناسى بازارعا شىعارىلاتىن زاپاس كاسىپورىندار بايلىق قامباسىنا ەنگىزىلگەن كاسىپورىندارعا پارىقتاندىرىلعان باۋلۋ ورىستەتىپ، قامباعا ەنگىزىلگەن كاسىپورىندارعا يكەمدى باسقارۋ جۇرگىزدى.
سونىمەن قاتار، شاڭحاي، شىنجىن، بەيجيڭ اكتسيا ساۋدا بازارى جەكە ـ جەكە شينجياڭ بازاسىن قۇرىپ، مەرزىم سايىن شينجياڭعا كەلىپ تەكسەرۋ ـ زەرتتەۋ، جەتەكشىلىك ەتۋ جانە باۋلۋ ورىستەتتى. شينجياڭنىڭ جارنانى بازارعا شىعارۋعا باۋلۋ ورتاسى بارعان سايىن جاقساردى دەپ ايتۋعا بولادى. كەزەكتە، شينجياڭنان اكتسيا باقىلاۋ ـ باسقارۋ مەكەمەسىنە تىركەلۋدى كۇتىپ تۇرعان كاسىپورىننان بىرەۋى بار، شاڭحاي، شىنجىن، بەيجيڭ اكتسيا ساۋدا بازارى قاراپ تەكسەرىپ جاتقان كاسىپورىننان بەسەۋى بار، شينجياڭ اكتسيا باقىلاۋ ـ باسقارۋ مەكەمەسى جەتەكشىلىك ەتكەن جانە ارحيۆكە الدىرعان كاسىپورىننان جيىرماسى بار.