شينجياڭ فيلوسوفيا-قوعامدىق عىلىمدار تورابى
8 ـ كەزەكتى جۇڭگو _ ازيا _ ەۆروپا كورمەسىنىڭ ”جۇڭگو _ شەتەل مادەنيەت كورمە اپتالىعى“ باستالدى
   ۋاقىتى:2024-06-27   |  كەلۋ قاينارى: شينجياڭ گازەتى

  انار بۇلت \ شينجياڭ گازەتىنىڭ ٴتىلشىسى ليۋ مىڭمىڭ 6 ـ ايدىڭ 25 ـ كۇنى ۇرىمجىدەن حابارلايدى. 6 ـ ايدىڭ 25 ـ كۇنى 8 ـ كەزەكتى جۇڭگو _ ازيا _ ەۆروپا كورمەسى ”جۇڭگو _ شەتەل مادەنيەت كورمە اپتالىعىنىڭ“ باستالۋ سالتى ٴۇرىمجى مادەنيەت ورتالىعىنىڭ كورمە سارايىندا وتكىزىلدى.

  وسى كەزەكتى ”جۇڭگو _ شەتەل مادەنيەت كورمە اپتالىعىنىڭ“ نەگىزگى تاقىرىبى _ ”كوركەمونەر ارقىلى جىبەك جولى كوركەم كورىنىسىن كەستەلەپ، مادەنيەت ارقىلى اۋىس ـ كۇيىستى، ٴوزارا ۇلگى الۋدى جەبەۋ“، بۇل تاڭداۋلى تەاتر قويىلىمى، تاڭداۋلى اسەمونەر كورمەسى، مادەني ەسكەرتكىش تاڭداۋلى كورمەسى جانە ەرەكشە ساياحات قويىلىمى سياقتى 3 ۇلكەن بولىكتەگى 10 نەگىزگى تاقىرىپتىق قيمىلدى قامتيدى، مادەنيەت ـ كوركەمونەردىڭ كومەسكى كۇشىن تولىق اشۋدى تياناق ەتەدى، جىبەك جولى رۋحىن جالعاستىرىپ، كوركەمونەر ارقىلى جىبەك جولىنىڭ كوركەم كورىنىسىن كەستەلەپ، دۇنيە جۇزىنە ”ۇلتتار بەرەكەلى، كوركەمونەر گۇلدەنگەن، مادەنيەتى اشىق“ شينجياڭ وبرازىن ايگىلەپ جانە جەتكىزىپ، ”ٴبىر بەلدەۋ، ٴبىر جول“ وركەنيەتتەر اۋىس ـ كۇيىس، بايلانىسىنىڭ كوركەم كارتيناسىن كەستەلەپ، جۇڭگو ۇلگىسىندەگى وسىزامانداندىرۋدىڭ شينجياڭ جاڭا تاراۋىن جازادى.

  تاڭداۋلى تەاتر نومىرلەرى قويىلىمى جىجياڭ ٴان ـ ٴبي تەاترحاناسىنىڭ مۋزيكالى تەاترى «نانكۇڭ»، «سەن ٴۇشىن ٴان سالامىن _ داي يۇيچياڭنىڭ بولاشاق ”وپەرا“ جۇلدىزدارىن باستاعان مۋزيكا كەشىن»، شينجياڭنىڭ سارا تەاترى «جەلەگىڭدى اش _ شينجياڭ جاقسى جەردى»، «تيانشان الابىندا» اتتى مۋزيكا كەشىن قامتيدى؛ سارا اسەمونەر كورمەسى «جىبەك جولى سۋرەت ٴتىلى ’ٴبىر بەلدەۋ، ٴبىر جولدى‘ بىرگە كەسكىندەۋ ماي بوياۋلى سۋرەت تۋىندىلارى كورمەسى»، «كلاسسيكاعا قۇرمەت ـ سالۆادور داليننىڭ‹حيكىمەتتى كۇي> سارا تۋىندىلار كورمەسىن» قامتيدى؛ مادەني مۇرالار سارا تۋىندىلارى كورمەسى «ايناداعى ۇزاق مەزگىل _ جۇڭگونىڭ ەرتە زامانعى مىس اينا مادەنيەت كورمەسى»، «جاقۇتتاي جارقىراعان نۇر_ گۋگۇڭ مۇراجايىندا ساقتالعان وردا كىرەۋكەسى سارا تۋىندىلارى كورمەسىن» قامتيدى؛ بۇدان سىرت، «جىبەك جولى· مىڭ جىلدىق اسەر»، ”باتىس وڭىرگە قايتۋ“ سياقتى ەرەكشە ساياحات كونسەرتتەرى دە تارتىمدى بولادى.

  ”وسى كەزەكتى ’جۇڭگو _ شەتەل مادەنيەت كورمە اپتالىعى‘ 6 ـ ايدىڭ 30 ـ كۇنىنە دەيىن جالعاسادى، ەل ٴىشى ـ سىرتىنا ’ٴبىر بەلدەۋ، ٴبىر جولدى‘ بىرگە قۇراتىن ەلدەردىڭ وپەرا، ٴبي تەاترى، اسەمونەر، كوركەمونەر عىلىم ـ تەحنيكاسى سياقتى مادەنيەت سارا تۋىندىلارىن كورسەتىپ، مادەنيەت ـ كوركەمونەر ارقىلى 8 ـ كەزەكتى جۇڭگو _ ازيا _ ەۆروپا كورمەسىنە سالتاناتتى ٴسان قوسۋدى ٴۇمىت ەتەمىز“، ـ دەدى اۆتونوميالى رايوندىق مادەنيەت جانە ساياحات مەڭگەرمەسى كوركەمونەر باسقارماسىنىڭ باستىعى ياۋ تاۋ.

  اۆتونوميالى رايوندىق مادەنيەت جانە ساياحات مەڭگەرمەسى پارتيا باسشىلىق گرۋپپاسىنىڭ شۋجيى شۇي رۇيجۇن مىنالاردى ٴبىلدىردى: ”جۇڭگو _ شەتەل مادەنيەت كورمە اپتالىعى“ بۇرىنعى كەزەكتەردەگى جۇڭگو _ ازيا _ ەۆروپا كورمەسىمەن ٴبىر ۋاقىتتا ٴجۇرىلىپ، 8 كەزەك كورمەنى باستان وتكەردى، قازىر شينجياڭنىڭ سىرتقا باعىتتالعان مادەنيەت اۋىس ـ كۇيىسى كورمەسىنىڭ ماڭىزدى تۇعىرىنا جانە باۋراۋ قۋاتىنا، پارىقتاۋ قۋاتىنا يە ”التىن تانىسقىسىنا“ اينالدى. ”ٴبىز ’جۇڭگو _ شەتەل مادەنيەت كورمە اپتالىعىن‘ وتكىزۋدى وراي ەتىپ، كوركەمونەر ارقىلى جىبەك جولىنىڭ كوركەم كورىنىسىن كەستەلەپ، جۇڭحۋانىڭ تاڭداۋلى مادەنيەتىن سىرتقا شىعارىپ، دۇنيە ٴجۇزىنىڭ باي مازمۇندى مادەنيەتىن ەنگىزىپ، اركىم ٴوز كوركەمدىگىن ايگىلەپ، كوركەمدىدىكتەن ورتاق يگىلىكتەنىپ، مادەنيەت جانە ساياحات اۋىس ـ كۇيىسى مەن سەلبەستىگىنىڭ تەرەڭدەۋىن، ناقتىلانۋىن ىلگەرىلەتەمىز“. حالىق تىلەگىن توعىستىرۋدىڭ سەنترلەس شەڭبەرىن بىرگە سىزىپ، وركەنيەتتەردىڭ ٴبىر ـ بىرىنەن ۇلگى الۋ سيمفونياسىن بىرگە ورىنداپ، جۇڭگو شينجياڭىنىڭ حيكايالارىن جاندى تۇردە ويداعىداي بايانداپ، ٴىس جۇزىندىك ارەكەتىمىز ارقىلى ازيا _ ەۆروپا التىن ارناسىن جانە باتىسقا ەسىك اشۋدىڭ الدىڭعى شەبىن تۇلعالاۋعا ٴسان قوسامىز“.

جالعانىم


جاۋاپتى رەداكتورى: 沙衣力克·达拉力汉