جىبەك جولى الەمدىك مۇرالار تىزىمدىگىنە ەندى

كەلۋ قاينارى: ءتاڭىرتاۋ تورابى   |   جولدانعان ۋاقىتى:2014 - 07 - 07 05:50

جۇڭگو، قازاقستان، قىرعىزستان سياقتى 3 ەل بىرلەسىپ ءوتىنىش ەتتى، مۇنىڭ قاتارىندا شينجياڭداعى 6 جۇرت بار

اۆتونوميالى رايوندىق مادەني مۇرالار مەكەمەسىنەن ۇعىسۋعا قاراعاندا، كاتاردىڭ دوحا قالاسىندا اشىلعان 38 - كەزەكتى الەمدىك مۇرالار ءماجىلىسى «جىبەك جولى: باستالعان بولەگى مەن تيانشان تاۋى بولەگىندەگى جول تورابىن» الەمدىك مۇرالار تىزىمدىگىنە ەنگىزۋ ءوتىنىشى جونىندەگى باياندامانى ماقۇلداعان، جۇڭگو، قىرعىزستان، قازاقستان ەلدەرى بىرگە جولداعان وسى مادەني مۇرا نىسانى الەمدىك مۇرالار تىزىمدىگىنە رەسمي ەنگىزىلگەن.

 «جىبەك جولى: باستالعان بولەگى مەن تيانشان تاۋى بولەگىندەگى جول تورابى» ەل ارالىق جەلىلەس مادەني مۇرا، مادەني جەلى تۇرىنە جاتادى، جەلىنىڭ ۇزىندىعى 5000 كيلومەترگە تاياۋ، وزەكتى قالا - قالاشىق جۇرتى، ساۋدا قالاسى، قاتىناس جۇرتى، ءدىن جۇرتى جانە بايلانىس جۇرتى سياقتى 5 ءتۇر بويىنشا ۋاكىلدىك سيپاتقا يە جيىنى 33 جۇرت بار، ءوتىنىش ەتىلگەن جالپى جەر اۋدانى 42 مىڭ 680 گەكتار، مۇرا ءوڭىرى مەن ارالىق ءوڭىردىڭ جالپى جەر اۋدانى 234 مىڭ 464 گەكتار. جۇڭگونىڭ تەرريتورياسىندا ەكولوگيالىق جۇرت، بايىرعى قۇرىلىس سياقتى 22 جۇرت بار، بۇل حىنان ولكەسىندەگى 4 جۇرتتى، شانشي ولكەسىندەگى 7 جۇرتتى، گانسۋ ولكەسىندەگى 5 جۇرتتى، شينجياڭ ۇيعۇر اۆتونوميالى رايونىنداعى 6 جۇرتتى قامتيدى، مۇرا ءوڭىرىنىڭ جالپى جەر اۋدانى 28 مىڭ 421 گەكتار، مۇرا ءوڭىرى مەن ارالىق ءوڭىردىڭ جالپى جەر اۋدانى 204 مىڭ 11 گەكتار. قازاقستان مەن قىرعىزستان تەرريتورياسىندا جەكە - جەكە 8 جانە 3 جۇرت بار. مۇندا شينجياڭداعى ەدىقۇت بايىرعى قالاسى، يارعول بايىرعى قالاسى، قىزىلقارعا ورتەڭى، قىزىل مىڭ ءۇي، سۋباس بۇتحاناسى، بەسبالىق بايىرعى قالاسى سياقتى 6 جۇرت ورىن الدى.

 الەمدىك مۇرالار كوميتەتى بىلاي دەپ قارادى: جىبەك جولى شىعىس پەن باتىستىڭ توعىسۋ، اۋىس - كۇيىس جاساسۋ جانە تىلدەسۋ جولى. بەرتىنگى 2000 جىلدان بەرى ادامزاتتىڭ بىرگە گۇلدەنىپ - كوركەيۋىنە ماڭىزدى ۇلەس قوسقان. جىبەك جولىنىڭ بۇل جولى ءوتىنىش ەتىلگەن بولەگى جىبەك جولىنىڭ قاتىناس جانە اۋىس - كۇيىس جۇيەسىندەگى ەڭ كورنەكتى ەرەكشەلىكتەردى ازىرلەگەن. ول جاڭا ەرادان بۇرىنعى 2 - عاسىردا قالىپتاسىپ، 6 - 14 - عاسىرلاردا دامىپ شىرقاۋ شەگىنە كوتەرىلگەن، 16 - عاسىرعا دەيىن پايدالانىلعان، بۇگىنگى جۇڭگو، قازاقستان جانە قىرعىزستان جەرىندە. جىبەك جولى جاڭا ەرادان بۇرىنعى 2 - عاسىردان جاڭا ەرانىڭ 16 - عاسىرىنا دەيىنگى ارالىقتاعى ازيا - ەۆروپا ۇلى قۇرلىعىنىڭ ەكونوميكا، مادەنيەت، قوعامدىق دامۋ بارىسىنداعى اۋىس - كۇيىسىنىڭ كۋاسى، وتە - موتە، كوشپەندى مال شارۋاشىلىعى مەن وتىرىقتى وركەنيەت اراسىنداعى اۋىس - كۇيىستىڭ ايعاعى؛ ول ۇزاق ارالىقتى ساۋدانىڭ ءىرى قالا - قالاشىقتاردىڭ دامۋىن جەبەۋ، سۋ يگىلىگىن باسقارۋ جۇيەسىنىڭ قاتىناس، ساۋداعا تىرەك بولۋى سياقتى جاقتارداعى ءساتتى ۇلگى؛ جاڭ چياننىڭ باتىس وڭىرگە ەلشىلىككە كەلۋى سياقتى كەلەلى تاريحي وقيعالارمەن تىكە بايلانىستى، ول بۇددا ءدىنى، مانيحەي ءدىنى، مەجۇسى ءدىنى، زورو استير ءدىنى سياقتى دىندەر مەن قالالاردىڭ جوبا يدەياسى سياقتىلاردىڭ ەرتە زامانعى جۇڭگو مەن ورتا ازيا سياقتى وڭىرلەردە تارالۋىن ەگجەي - تەگجەيلى ايگىلەدى.

 اۆتونوميالى رايوندىق مادەني مۇرالار مەكەمەسىنىڭ ورىنباسار باستىعى، كۇسان زەرتتەۋ ورنى پارتكومىنىڭ شۋجيى جاڭ گوليڭ: جىبەك جولى نىسانىن مۇرا رەتىندە ءوتىنىش ەتۋدىڭ ءساتتى بولۋى شينجياڭداعى مادەني مۇرا جۇيەسىندەگىلەردى قامتىعان جۇڭگوداعى مادەني مۇرا قىزمەتكەرلەرى مەن مادەنيەت قىزمەتكەرلەرىنىڭ تالاي جىلعى ارمانىن جۇزەگە اسىردى. بۇل حالىقارالىق قوعامنىڭ جىبەك جولى مادەنيەتى مەن جۇڭحۋا وركەنيەتىن مويىنداعانى، شينجياڭداعى ءار ۇلت حالقىنىڭ بىرگە تىرشىلىك ەتۋ بارىسىندا قالىپتاستىرعان ءار الۋان مادەنيەتى مەن وركەنيەتىنىڭ بىرگە ءومىر ءسۇرۋىنىڭ تاريحي ايعاعى، مادەنيەتتى قورعاۋ مەن جالعاۋعا جۇرەك قانىن سارقا جۇمساعان نەشە ۇرپاق مادەني مۇرا قىزمەتكەرلەرىنە دەگەن اسا زور شابىت جانە پارمەندى قولداۋ، - دەدى. «شينجياڭ گازەتى»

كەلۋ قاينارى : ءتاڭىرتاۋ تورابى

جاۋاپتى رەداكتورى: سەرىك

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى