ءۇرىمجى قالالىق قوعام حاۋىپسىزدىك تاراۋلارى اسكەردەن بوساعانداردان ءىسورىن شتاتى بويىنشا شارلاۋشى جانە قورعاۋشى قىزمەتكەر قابىلداماق

كەلۋ قاينارى: حالىق تورابى   |   جولدانعان ۋاقىتى:2016 - 11 - 17 09:31

حالىق تورابى، 15 – قاراشا، بەيجيڭ. قوعامدىق شارلاۋ جانە قورعانۋ كۇشىن ىشكەرىلەي نىعايتۋمەن قاتار، اسكەردەن بوساعانداردى ورنالاستىرۋ ساياساتىن تياناقتاندىرۋ ءٴۇشىن، 14 – قاراشا كۇنى، 2016 – جىلعى ءۇرىمجى قالالىق قوعام حاۋىپسىزدىك تاراۋلارىنىڭ اسكەردەن بوساعانداردان اشىق تۇردە ءىسورىن شتاتى بويىنشا شارلاۋشى جانە قورعاۋشى قىزمەتكەر قابىلداۋ قىزمەتى باستالدى.

  ءتىلشىنىڭ ۇعىسۋىنشا، بۇل رەتكى جوسپاردا ءىسورىن شتاتىنا 1300 قىزمەتكەر قابىلدايتىن بولىپ، بۇل قىزمەتتى قالالىق حالىق ىستەر مەكەمەسى، قالالىق قوعام حاۋىپسىزدىك مەكەمەسى، قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى، قالالىق پارتكومنىڭ شتات باسقارۋ كەڭسەسى بىرلىكتە ۇيىمداستىرىپ اتقاراتىن بولعان. «قىزمەتكە قابىلداۋ قىسقاشا ەرەجەسى» ءۇرىمجى قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ تورابىندا(http://wlmq.xjrs.gov.cn)، ءۇرىمجى قالالىق كادرلار قىزمەتى ەمتيحان تورابىندا(www.wlmqrsks.com)جاريالانىپ، 14 – قاراشا ساعات 12دەن 20 – قاراشا ساعات 18گە دەيىن توراپتا تىزىمدەلۋىنە بولادى، جازباشا ەمتيحان 26 – قاراشا تۇستەن بۇرىن ءۇرىمجى قالاسىندا الىنادى، ەمتيحان الاتىن ساباق ٴتۇرى «اكىمشىلىك كاسىپتىك قابىلەتىن سىناۋ».

  ەمتيحانعا تىزىمدەلۋشىلەر ءۇرىمجى قالالىق كادرلار قىزمەتى ەمتيحان تورابى جاريالاعان قىزمەتكەر قابىلداۋ ينفورماتسياسى مەن ورنالاستىرۋىنا نازار اۋدارىڭىزدار، «قىزمەتكە قابىلداۋ قىسقاشا ەرەجەسىن» مۇقيات وقىپ، ءوزىڭىزدىڭ شارت – جاعدايىڭىز بەن قىزمەت ورىننىڭ تالابىنا قاراي ەمتيحانعا شىنايى تىزىمدەلىپ، تىزىمدەلۋ ينفورماتسياڭىزدىڭ شىنايى دا، كۇشكە يە بولۋىنا كەپىلدىك ەتىڭىز. ەمتيحانعا تىزىمدەلۋشىلەر ۋاقىتتى مىقتى ۇستاپ تىزىمدەلۋىن، تىزىمدەلۋشىلەردىڭ ءبىر ۋاقىتتا شوعىرلى تىزىمدەلىپ، تىزىمدەلۋ اقىسىن تاپسىرۋ بارىسىندا توراپتىڭ بايالاۋ جاعدايىنان ساقتانۋىن ەسكەرتەمىز. بۇل رەتكى قىزمەتكە قابىلداۋ ەمتيحانىندا بەلگىلەنگەن ارناۋلى وقۋلىق جوق، ەشقانداي فورماداعى تاربيەلەۋ كۋرسىسى اشىلمايدى، ەمتيحانعا قاتىناسۋشىلاردىڭ قىراعىلىقتى ارتتىرىپ، الدانىپ قالماۋىن ەسكەرتەمىز.

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

رال مادريد فۋتبول كلۋبى

فۋتبول پاتشاسى ــــ كريستينانو  لوناردو

ٴشول دالاعا ساياحات

الۋان فورماداعى دۇنيە قاريتاسى

سۇلۋ تابيعات

عىلىم-تەحنيكا ـــــ ۇلى كۇش

تۇلپارلار

مۇحتار اۋەزۆ мухтар ауэзов

مۇقاعالي ماقاتايەۆ

اكادەميا سىر شەرتەدى

كەلپىن قاراكول تابيعي قورىق رايونى

تۇرپان سور اراسان كورىنىستەرى