قازاقستان پرەزيدەنتى: گەوساياسي قاقتىعىس حالىقارالىق لاڭكەستىككە قارسى سوعىستى كۇردەلەستىرەدى

كەلۋ قاينارى: حالىق تورابى   |   جولدانعان ۋاقىتى:2016 - 11 - 17 09:41

حالىق تورابى، 15 – قاراشا، بەيجيڭ. شينحۋا اگەنتتىگىنىڭ 14 – قاراشا استانادان بەرگەن حابارى، قازاقستاننىڭ پرەزيدەنتى نۇرسۇلتان نازاربايەۆ 14 – قاراشا كۇنى بىلاي دەدى: ەل مەن ەل اراسىنداعى گەوساياسي باسەكە حالىقارالىق لاڭكەستىككە قارسى سوعىستى كۇردەلەستىرەدى، دۇنيە جۇزىندەگى ٵرقايسى ەل بىرلىكتە قۇلشىنعاندا عانا تەرروريزمگە قارسى جەڭىسكە قول جەتكىزۋگە بولادى.

  نازاربايەۆ سول كۇنى استانادا اشىلعان ەۆرازيانىڭ گەوساياسي جانە ەكونوميكالىق دامۋى جونىندەگى حالىقارالىق تالقىدا ءسوز سويلەپ، بىلاي دەدى: قازىر ەل مەن ەل اراسىنداعى گەوساياسي باسەكە بارعان سايىن كۇشەيۋدە، بۇل ەل ارالىق سەنىمدىلىكتى السىرەتتى، سونداي – اق حالىقارالىق جانە وڭىرلىك حاۋىپسىزدىككە كوپتەگەن ورنىقسىزدىق اكەلۋدە. تەرروريزم ٵرقايسى ەل ءدوپ كەلىپ وتىرعان ورتاق ماسەلە جانە ورتاق سىن، ٴارقايسى ەلدەر قول ۇستاسىپ ورتاق قۇلشىنعاندا عانا توتەپ بەرۋگە بولادى.

  نازاربايەۆتىڭ قاراۋىنشا، پىكىرلەسۋ جانە كەلىسسوز ارقىلى، دۇنيە جۇزىندەگى ٵرقايسى ەل ماسەلەنى شەشۋدىڭ جولىن تابۋىنا جانە 21 – عاسىرداعى ٵرقايسى ەلدىڭ ورتاق دامۋ ستراتەگياسىن جاساۋعا بولادى. ول سيتات كەلتىرىپ بىلاي دەدى: يراننىڭ يادرو ماسەلەسى توتەنشە كۇردەلى بولعانىمەن، ٵرقايسى ەلدىڭ ورتاق قۇلشىنۋىندا ماسەلەنى شەشۋدىڭ امالى تابىلدى. رەسەي مەن تۇركيا وتكەندە ءبىر مەزگىل كۇرەڭ قاباق بولعانىمەن، سوڭىندا ەكى جاق راقايلاسىپ قول الىستى.

  نازاربايەۆ بىلاي دەدى: قازاقستان ورتا ازيانى شىعىس پەن باتىس ەلدەرىنىڭ ءتىل تابىسۋ كوپىرى، سەلبەستىك جاساۋ مىنبەسىنە اينالدىرۋعا بار كۇشىن سالادى.

  استانا كلوبى وتكىزگەن ەۆرازيانىڭ گەوساياسي جانە ەكونوميكالىق دامۋى جونىندەگى حالىقارالىق تالقى 14 – قاراشا استانادا اشىلدى. جۇڭگو، قازاقستان، رەسەي، ا ق ش، جاپونيا قاتارلى 21 مەملەكەتتىڭ بىلىكتى ماماندارى ەۆرازيانىڭ گەوساياسي جاعدايى، ەۆرازيانىڭ ەكونوميكالىق دامۋى جانە قاتىناس نەگىزدىك قۇرىلعىلار قۇرىلىسى قاتارلى ماسەلە جونىندە تالقى وتكىزدى.

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

رال مادريد فۋتبول كلۋبى

فۋتبول پاتشاسى ــــ كريستينانو  لوناردو

ٴشول دالاعا ساياحات

الۋان فورماداعى دۇنيە قاريتاسى

سۇلۋ تابيعات

عىلىم-تەحنيكا ـــــ ۇلى كۇش

تۇلپارلار

مۇحتار اۋەزۆ мухтар ауэзов

مۇقاعالي ماقاتايەۆ

اكادەميا سىر شەرتەدى

كەلپىن قاراكول تابيعي قورىق رايونى

تۇرپان سور اراسان كورىنىستەرى