كاكەش قايىرجان ۇلىمەن سۇحبات

كەلۋ قاينارى:   |   جولدانعان ۋاقىتى:2016 - 11 - 17 12:07

 

كۇندەلىكتى تۇرمىستا دا ايماقتىق اتاۋلار، ءتىلدىڭ تازالىعى تۋرالى ءسوزتالاستاردى وڭاي كەزدەستىرەمىز. پىكىر - تالاسقا تۇسكەندەردىڭ ءبارى وزدەرىنىىڭ ايتقانىن ءجون ساناپ، ءتۇرلى ءباتۋا ايتادى. ءتىل شۇبارلىعى، قازاق ءسوزىنىڭ ماعىناسىن بۇرمالاپ قولدانۋ، اۋدارما سالاسىندا وزگە ءتىلدىڭ ءتىل قولدانۋ ادەتىنىڭ جالبىزبالاپ كىرۋى دە ءتىلدىڭ قۇتىن قاشىرىپ، قادىرىن كەتىرىپ جۇرگەن جايى بار. وزگە تىلدەن ءسوز قابىلداۋ مەن جاڭا اتاۋلارعا قازاق تىلىنەن بالاما ىزدەۋ نەمەسە جاڭا اتاۋ جاساۋ تۋرالى دا پىكىر - تارتىستار كوپ. وسى تۇيتكىلدەر تۋرالى ايگىلى اۋدارماشى، ءتىل مامانى كاكەش قايىرجان ۇلىمەن سۇحبات وتكىزدىك. نازارلارىڭىزعا سول سۇحباتتى ۇسنامىز.

سۇحبات مازمۇنى

نۇرعيسا قۇرمانجان ۇلىءارجەردە بولاتىن ازدى-كوپتى ايماقتىق سوزدەر قالاي تۋىنداعان؟ وعان قالاي قاراۋىمىز كەرەك؟كاكەش قايىرجان ۇلىجاۋاپ : ايماقتىق سوزدەر دەگەنىمىز ــ ادەبي تىلدە قولدانىلمايتىن، بەلگىلى ءبىر ايماق تۇرعىندارى تىلىندە عانا قولدانىلاتىن سوزدەر نەمەسە ديالەكتيزمدەر. ولاردىڭ كونەدەن قالىپتاسقاندارى دا، كەيىنگى كەزدە پايدا بولعانى دا بار. زەرتتەۋشىلەردىڭ پىكىرىنە جۇگىنسەك، ايماقتىق سوزدەردىڭ پايدا بولۋى مەن ونىڭ تۇرلەرى تۋرالى مىناداي وي قورتۋعا بولادى.

  ءبىرىنشى، ايماقتىق سوزدەر ــ سويلەۋ تىلىندە ساقتالىپ قالعان ەرتەدەگى تايپالىق تىلدەردىڭ قالدىقتارى؛ ەكىنشى، قازاق حالقىنىڭ ءار داۋىردە ىرگەلەس، كورشى جاتقان حالىقتارمەن قارىم-قاتىناسىن كورسەتەتىن كىرمە بىرلىكتەر؛ ءۇشىنشى، ءبىر ۇلتتىڭ بىرنەشە مەملەكەتتىڭ قاراستىلىعىندا بولۋىنا بايلانىستى جەرى كەسىلىپ، جولى ءۇزىلىپ، اراداعى قاتىناس توقتاپ وقشاۋلانۋدان پايدا بولعان نەمەسە زامان ىڭعايىنىڭ، ءتىل ساياساتىنىڭ كورىنىسى رەتىندەگى كىرمەلەر جانە وزگە دە ءتىل ەلەمەنتتەرى. ءتورتىنشى، بەلگىلى ايماقتاعى ۇلت وكىلدەرىنىڭ شۇعىلدانعان شارۋاشىلىعىنىڭ، كۇنكورىس كوزىنىڭ جالپى حالىقتىق سيپات الماۋى سەبەبىنەن سول ايماققا عانا ءتان بولىپ قالعان جەكەلەگەن كاسىبي سوزدەر.

  جالپى العاندا، ايماقتىق سوزدەردىڭ قاي-قاي ءتۇرى بولسىن ۇلت ءتىلىنىڭ بايلىعى، ءتىل سالاسىنداعى عىلمي زەرتتەۋدىڭ وبيەكتىسى. ولارعا ادەبي ءتىلدى تولىقتىرۋدىڭ، مولىقتىرۋدىڭ قۇندى كوزدەرىنىڭ ءبىرى رەتىندە قارايمىز. وندا تاريحتىڭ ىزدەرى، سول تاريح بويىنا ساناسىنا سىڭگەن سول ۇلتتىڭ ادەت-عۇرىپ بەلگىلەرى، ۇعىم-نانىمى جانە دۇنيەتانىم تۇيسىگى ءبارى-ءبارى قامتىلعان.

 

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

رال مادريد فۋتبول كلۋبى

فۋتبول پاتشاسى ــــ كريستينانو  لوناردو

ٴشول دالاعا ساياحات

الۋان فورماداعى دۇنيە قاريتاسى

سۇلۋ تابيعات

عىلىم-تەحنيكا ـــــ ۇلى كۇش

تۇلپارلار

مۇحتار اۋەزۆ мухтар ауэзов

مۇقاعالي ماقاتايەۆ

اكادەميا سىر شەرتەدى

كەلپىن قاراكول تابيعي قورىق رايونى

تۇرپان سور اراسان كورىنىستەرى