.اۋانىڭ لاستانۋىنان جىل سايىن 6,5 ميلليون ادام اجال قۇشۋدا.

كەلۋ قاينارى: قازاقپارات   |   جولدانعان ۋاقىتى:2016 - 11 - 18 07:27

 

جەر بەتىندەگى حالىقتىڭ 92 پايىزى دۇنيەجۇزىلىك دەنساۋلىق ساقتاۋ ۇيىمىنىڭ ساپا ستاندارتتارىنا جاۋاپ بەرمەيتىن اۋامەن تىنىستاۋدا.

وسىنىڭ سالدارىنان جىل سايىن 6 جارىم ميلليون ادام اجال قۇشادى. دۇنيەجۇزىلىك دەنساۋلىق ساقتاۋ ۇيىمىنىڭ جاڭا ەسەبىندە وسىنداي مالىمەت جاريالاندى.

«جەر بەتىندەگى ءاربىر ونىنشى تۇرعىن عانا اۋا ساپاسى دۇنيەجۇزىلىك دەنساۋلىق ساقتاۋ ۇيىمىنىڭ تالاپتارىنا سايكەس كەلەتىن اۋدانداردا تۇرادى. ەۋروپا مەن سولتۇستىك امەريكادا اۋانى تازارتۋ ءۇشىن كوپ كۇش- جىگەر جۇمساۋدا. ءبىراق بۇل ارەكەتتەردىڭ ءوزى ماردىمسىز. اسىرەسە ازيا، افريكا مەن جەرورتا تەڭىزىنىڭ وڭتۇستىگىندە ءومىر سۇرەتىن ادامدار ۇلكەن زارداپ شەگۋدە.

اتالعان مالىمەتتەر سپۋتنيكتىك مونيتورينگ، حيميالىق ساراپتامالار جانە باسقا ءادىس- تاسىلدەردىڭ كومەگىمەن الىنعان. اۋاسى قاتتى لاستانعان تۇرعىنداردا ينسۋلت، جۇرەك جانە ونكولوگيالىق اۋرۋلار ءجيى ۇشىراسادى. كەيبىر ازيالىق ەلدەردىڭ بيلىگى ەكولوگيالىق پروبلەمالارمەن كۇرەسۋگە كۇش سالۋدا. بەيجىڭدە 2020 -جىلعا قاراي كومىر ءوندىرۋ كولەمىن 20 پايىزعا ازايتىپ، وندىرىستىك قالدىقتار سانىن 50 پايىزعا قىسقارتۋ جوسپارلانىپ وتىر. ال وڭتۇستىك كورەيا 2019 -جىلعا دەيىن ەسكى كولىكتەر مەن ديزەلدى وتىنمەن جۇرەتىن اۆتوبۋستاردان ءبىرجولا باس تارتپاق»، - دەيدى د د ۇ ەكولوگيالىق باقىلاۋ دەپارتامەنتىنىڭ باسشىسى ماريا نەيرا.

 

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

رال مادريد فۋتبول كلۋبى

فۋتبول پاتشاسى ــــ كريستينانو  لوناردو

ٴشول دالاعا ساياحات

الۋان فورماداعى دۇنيە قاريتاسى

سۇلۋ تابيعات

عىلىم-تەحنيكا ـــــ ۇلى كۇش

تۇلپارلار

مۇحتار اۋەزۆ мухтар ауэзов

مۇقاعالي ماقاتايەۆ

اكادەميا سىر شەرتەدى

كەلپىن قاراكول تابيعي قورىق رايونى

تۇرپان سور اراسان كورىنىستەرى