اۆتونوميالى رايون 5 - كەزەكتى جۇڭگو − ازيا - ەۆروپا كورمەسىن قورىتىندىلاۋ جينالىسىن وتكىزدى.

كەلۋ قاينارى: : شينجياڭ گازەتى   |   جولدانعان ۋاقىتى:2016 - 11 - 20 15:29

كورمە تەكشەسىنەن ويداعىداي پايدالانىپ، سىرتقا ەسىك اشۋ دەڭگەيىن جوعارىلاتايىق

18 - قازاندا اۆتونوميالى رايون 5 - كەزەكتى جۇڭگو − ازيا - ەۆروپا كورمەسىن قورىتىندىلاۋ جينالىسىن وتكىزدى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قورىتىندىلاۋ جينالىسىندا مىنانى اتاپ كورسەتتى: «31 - بەسجىلدىق» جوبا كەزىندە، ءبىز باستى نىسانانى مىقتاپ ارقاۋ ەتىپ، باستى نىسانانى تياناقتاندىرىپ، باستى نىسانا ءۇشىن قىزمەت ەتىپ، «ءبىر بەلدەۋ، ءبىر جول» قۇرىلىسىنىڭ ماڭىزدى ورايىن مىقتاپ يگەرىپ، جۇڭگو − ازيا - ەۆروپا كورمەسى سىندى دانەكەر مەن تەكشەدەن تولىق پايدالانىپ، سىرتقا ەسىك اشۋ مازمۇنىن ۇزدىكسىز بايىتىپ، سىرتقا ەسىك اشۋ دەڭگەيىن جوعارىلاتۋىمىز كەرەك.

5 - كەزەكتى جۇڭگو − ازيا - ەۆروپا كورمەسى تالقى مىنبەرىنىڭ مازمۇنى باي، ءونىمى جوعارى بولدى، جينالىستىڭ قۇنتتى، ءتارتىپتى ورنالاستىرىلۋى، حاۋىپسىزدىككە كەپىلدىك ەتۋ قىزمەتىنىڭ قاتاڭ، ۇيلەسىمدى، اقپاراتتىق ۇگىتتىڭ دابىرالى، ارتقى شەپ قامتاماسىزداندىرۋ قىزمەتىنىڭ جان - جاقتى، سەنىمدى بولۋى حالىقارالىق قوعامنىڭ «ءبىر بەلدەۋ، ءبىر جول» قۇرىلىسىنا دەگەن وسكەلەڭ تانىمىن كۇشەيتىپ، جىبەك جولى ەكونوميكالىق بەلدەۋ قۇرىلىسىندا ماڭىزدى جەتىستىكتەرگە جەتۋگە تۇرتكى بولىپ، جىبەك جولى ەكونوميكالىق بەلدەۋى بويىنداعى ەلدەردىڭ كوپ سالادا سەلبەستىك، اۋىس - كۇيىس جاساۋىن جەبەپ، شينجياڭنىڭ تاماشا وبرازىن اناعۇرلىم تىكتەدى.

شوكىرات زاكىر مىنانى اتاپ كورسەتتى: شينجياڭ جىبەك جولى ەكونوميكالىق بەلدەۋىندەگى وزكتى رايون تۇرعىسىنان، مەملەكەتتىڭ «ءبىر بەلدەۋ، ءبىر جول» ستراتەگياسىمەن بەلسەنە توعىسىپ، جۇڭگو − ازيا - ەۆروپا كورمەسى سىندى تەكشەنى اناعۇرلىم جاقسى قۇرىپ، جۇڭگو − ازيا - ەۆروپا كورمەسىنىڭ دارەجەسى مەن دەڭگەيىن ۇزدىكسىز جوعارىلاتىپ، جىبەك جولى ەكونوميكالىق بەلدەۋى قۇرىلىسىنا وڭ ەنەرگيا، تىڭ ومىرشەڭدىك كۇش باعىشتاۋى كەرەك. شينجياڭ قىزمەتىنىڭ باستى نىساناسىن مىقتاپ ارقاۋ ەتىپ، جۇڭگو − ازيا - ەۆروپا كورمەسىن جوبالاپ، بولاشاققا كوز تاستاپ، ەسىك اشۋ، باۋىرمال بولۋ، بىرگە اقىلداسىپ، بىرگە قۇرۋ، ءوزارا تيىمدىلىك جاساپ تابىسقا بىرگە جەتۋ يدەياسىنا تاباندى بولىپ، جۇڭگو − ازيا - ەۆروپا كورمەسىن حالىقارالىق وزىق دەڭگەيدەگى، دۇنيە جۇزىنە ايگىلى حالىقارالىق سالتاناتتى جينالىسقا اينالدىرۋ جولىندا تىنباي قۇلشىنۋ كەرەك.

شوكىرات زاكىر مىنانى باسا دارىپتەدى: رەفورما جاساۋدان، جاڭالىق اشۋدان جازباي، وي ءورىستى كەڭەيتىپ، مەحانيزمدى جاڭالاپ، بازارلاندىرۋ، رەفورمالاۋ، جاڭالاۋ جولىمەن مىزعىماي ءجۇرىپ، جۇڭگو − ازيا - ەۆروپا كورمەسىنىڭ قاشاندا جالىندى ومىرشەڭدىك كۇشكە يە بولۋىنا، باياندى، اقاۋسىز دامۋىنا شىنايى كەپىلدىك ەتۋ كەرەك. ەسەپتى تەز ارادا رەتتەپ، سوڭىنا ءتۇسىپ تياناقتاندىرۋدى مىقتى يگەرىپ، وسى كەزەكتى ازيا - ەۆروپا كورمەسىندە كەلىسكەن كەلەلى نىسانداردىڭ، سەلبەستىك كەلىسىمدەرىنىڭ ەرتە تياناقتاندىرىلىپ، ەرتە بىتۋىنە شىنايى كەپىلدىك ەتۋ كەرەك. «ءبىر مىنبەر، ءبىر كورمە» تىڭ ۇلگىسىن قالىپتاستىرىپ، 2017 - جىلعى ازيا - ەۆروپا تاۋار ساۋدا كورمەسى مەن 6 - كەزەكتى جۇڭگو − ازيا - ەۆروپا كورمەسىن جوبالاۋعا ەرتە كىرىسۋ كەرەك. مەملەكەتتىڭ قاتىستى تاراۋلارىنىڭ، كوميتەتتەرىنىڭ جانە وعان مۇشە ورىنداردىڭ ماڭىزدى رولىن تولىق ساۋلەلەندىرىپ، سايكەسۋدى، سەلبەسۋدى كۇشەيتىپ، ءتۇرلى دايىندىق قىزمەتتەردى بىرگە تىڭعىلىقتى ىستەۋ كەرەك.

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

ءبىزدىڭ ورتاق وتباسىمىز _ جۇڭگو

اق كورپەسىن جامىلحان اققايىڭ

ءۇرىمجى كوكتەمى

ارقارلار قىسقى مەكەنىنە ورالدى

ءبي مەكەنى شيىنجاڭ

كورمەدەگى قازاقى بۇيىمدار

تۇلپارلار

مۇحتار اۋەزۆ мухтар ауэзов

مۇقاعالي ماقاتايەۆ

اكادەميا سىر شەرتەدى

كەلپىن قاراكول تابيعي قورىق رايونى

تۇرپان سور اراسان كورىنىستەرى