يوۋ لياڭيىڭ: از ۇلت باۋىرلاستاردىڭ بىرگە اۋقاتتانۋىنا مۇمكىندىك جاسايمىن.

كەلۋ قاينارى: شينجياڭ گازەتى   |   جولدانعان ۋاقىتى:2016 - 11 - 20 15:33

«باۋىرىم مامەتتۇرىپ ەكەۋىمىز جىل باسىندا باقباق شارۋالار ساياجايىن اشۋدى جوسپارلاعان ەدىك، ساياجاي قازىر اشىلۋ الدىندا تۇر»، - دەدى يوۋ لياڭيىڭ 17 - قازاندا تەلەفوندا تىلشىگە. ونىڭ داۋىسىنان ايرىقشا شاتتانىپ تۇرعانى ءبىلىندى.

11 جىلدىڭ الدىندا حوتان ايماعى گۇما اۋدانى موكويلا اۋىلى دارىع قىستاعىنىڭ تۇرعىنى، ۇيعۇر ەگىنشى مامەتتۇرىپ مىرساق بيڭتۋان 1 - ديۆيزياسى 13 - پولكى 11 - روتاسىندا ماقتا تەرىپ ءجۇرىپ، 11 - روتانىڭ قىزمەتشىسى يوۋ لياڭيىڭ وتباسىمەن تانىسقان ەدى. 11 جىلدا ەكى وتباسى ۇلت دەمەي، بيڭتۋان، جەرگىلىكتى ورىن دەمەي، ءوڭىر، ۋاقىت دەمەي، ءوزارا كومەكتەسۋدىڭ اسەرلى اڭگىمەسىن جازدى. يوۋ لياڭيىڭ مامەتتۇرىپتىڭ ايەلى سالماقتى ناۋقاسقا شالدىعىپ، شۇعىل قۇتقارۋ كەرەك بولعاندا، شىن ىقىلاسپەن كومەك كورسەتتى، سونداي - اق مامەتتۇرىپقا ماقتا، شىلان جانە جەر جاڭعاعىن ەگۋ تەحنيكاسىن ۇيرەتىپ، 200 مىڭ يۋانعا جۋىق قارىز بەرىپ، ونىڭ جەمىس ورمانى ەگىنشىلىگىن دامىتۋىنا كومەكتەستى.

بىلتىر 30 - قىركۇيەكتە نەگىزگى ساتىداعى ۇلتتار ىنتىماعىنىڭ ۇزدىك ۋاكىلى رەتىندە يوۋ لياڭيىڭ مەن مامەتتۇرىپ باس شۋجي شي جينپيڭنىڭ قابىلداۋىندا بولدى.

بيىل جىل باسىندا، 13 - پولك سۇيەمەلدەۋ ساياساتىن شىعارىپ، قىزمەتشىلەردى «جابال شارۋاشىلىق قۇرۋعا، جالپى قاۋىم جاڭالىق اشۋعا» ىنتالاندىردى. يوۋ لياڭيىڭ بۇدان شابىت الدى: ارال قالاسىندا 300 مىڭعا جۋىق حالىق بار، توڭىرەكتەگى 16 پولك الاڭىندا مۇسىلمانشا اسحانا وتە از، ال مامەتتۇرىپ ۇيعۇر حالقىنىڭ اس - سۋىن دايىنداۋعا، تونار كاۋاپ، كاۋاپ پىسىرۋ، پالاۋ باسۋ، لاعمان سوزۋدىڭ بارىنە شەبەر. ەندەشە، نە ءۇشىن ونىڭ ەرەكشەلىگىنەن پايدالانىپ شارۋالار ساياجايىن اشپاسقا؟! اقىلداسا كەلە، ەكەۋىنىڭ ويى ءبىر جەردەن شىقتى.

ناۋرىز ايىندا يوۋ لياڭيىڭ پولككە شارۋالار ساياجايىن اشۋعا كەرەك جەر الۋعا ءوتىنىش بەرىپ، پولك ۇجىمىنىڭ پارمەندى قولداۋىن الدى، كوپ ۇزاماي ولارعا 40 مۋ جەر بەرىلدى. يوۋ لياڭيىڭنىڭ جوسپارى بويىنشا، قارجىنى ول شىعارىپ، از ۇلتتاردىڭ، حانزۋ حالقىنىڭ اس - سۋى، سەيىل - سەرۋەن، بالىق اۋلاۋ، جەمىس ءۇزۋ سياقتىلاردى قامتىعان ەرەكشەلىگى بار شارۋالار ساياجايىن اشتى، ساياجاي اشىلعان سوڭ مامەتتۇرىپ مۇسىلمانشا اسحانانى جۇرگىزەتىن بولىپ كەلىستى. بۇل، ءبىر جاعىنان، جۇرتقا ۇلتتىق دامدەگى ەرەكشە اس - سۋلار ۇسىنىپ، از ۇلت مادەنيەتى مەن حانزۋ مادەنيەتىنىڭ اۋىس - كۇيىن جەبەسە، ەندى ءبىر جاعىنان، مامەتتۇرىپ وتباسىنىڭ كىرىسىن ارتتىراتىن شارا ەدى.

دەسەدە بىرنەشە ايدىڭ الدىندا مامەتتۇرىپ يوۋ لياڭيىڭگە تەلەفون بەرىپ، بيىلعى كەزەك اۋىستىرىپ سايلاۋ بارىسىندا ءوزىنىڭ قىستاق تۇرعىندارى جاعىنان قىستاق تۇرعىندار كوميتەتىنىڭ مەڭگەرۋشىلىگىنە كورسەتىلگەنىن، يوۋ لياڭيىڭنىڭ مۇسىلمانشا اسحاناسىنا كومەكتەسە المايتىنىن ايتقان. يوۋ لياڭيىڭ اپەكەلى - باۋىر ەكەۋىنىڭ بىرگە شارۋاشىلىق قۇرا المايتىنىنا وكىنسەدە، مامەتتۇرىپ ءۇشىن قۋاندى. ءبىر ءتاۋىرى وسى 2 جىلدا مامەتتۇرىپتىڭ ۇلى ياسىن مامەتتۇرىپ يوۋ لياڭيىڭگە كومەكتەسىپ كەلگەن، شارۋالار ساياجايى اشىلعاننان كەيىن يوۋ لياڭيىڭنىڭ مۇسىلمانشا اسحاناسىنىڭ تيجاراتىنا كومەكتەسەدى.

قازىر يوۋ لياڭيىڭنىڭ شارۋالار ساياجايى، نەگىزىنەن، سالىنىپ بولدى، مەجەمەن 28 - قازاندا جۇمىس باستايدى. ول شارۋالار ساياجايىنا «توزعاناق شارۋالار ساياجايى» دەپ ات قويدى، مۇنداعى ءمانىسى ۇلتتار ىنتىماعىنىڭ تۇقىمى توزعاناقتاي توڭىرەككە توگىلىپ، دارقان دالاعا شاشىلۋىن تىلەگەنى ەدى.

«ۇلتتار ىنتىماعىنا قاتىستى ىستەردى ۇزبەي ىستەيمىن!»، - دەدى يوۋ لياڭيىڭ.

ماۋسىم ايىندا يوۋ لياڭيىڭ 1 - ديۆيزيا 1 - پولك 21 - روتاسىندا لەكسيا جاساعاندا، سول روتاداعى ۇيعۇر جۇمىسشى سانيام مامۇتپەن تانىسادى. ارالاسا كەلە ەكەۋى ۇلتتار ىنتىماعىنىڭ جۇبىن قۇرايدى. سانيام ۇلتتىق قولونەر توقىما بۇيىمدارىن جاساۋعا شەبەر بولاتىن، يوۋ لياڭيىڭ ءار جولى سىرت جەرلەرگە بايانداما جاساۋعا بارعاندا سانيام جاساعان بۇيىمداردان ءبىرازىن الا بارىپ، قوناقتارعا تارتۋ ەتەتىن. ول تاعى شارۋالار ساياجايى اشىلعاننان كەيىن وسى بۇيىمداردى شارۋالار ساياجايىنا كورمەگە قويۋدى ويلاسۋدا ەكەن.

«ەلىمىزدىڭ جەر - جەرىندەگى وزات ۇلگىلەردىڭ باس قوساتىن ورايى كوبەيدى، سوندا بارىپ ءوزىم ىستەگەن ىستەردىڭ سونشاما ماردىمسىز ەكەنىن بايقادىم، قوعامعا قوسقان ۇلەسىم ازعانتاي ەكەن»، - دەدى يوۋ لياڭيىڭ. 26 - ناۋرىزدا يۋو لياڭيىڭ ارال شەكارا قىزىل جەمىس شارۋالار سەلبەستىك كووپەراتيۆىن قۇرىپ، ورگانيكالى شىلان ەگىمشىلىگىنە، وڭدەۋ، ساتۋ جۇمىستارىنا دەم بەردى. ول بىلاي دەدى: سەلبەستىگىمىز مىناداي ءبىر ەرەكشە «قاعيدا» ورناتتى: ماۋسىمدىق جۇمىسكەر قابىلداۋ بارىسىندا مۇمكىندىكتىڭ بارىنشا از ۇلت شارۋالارىن جالداپ، ولارعا وزىق ءوندىرىس باسقارۋ تەحنيكاسىن ۇيرەتەمىز. يوۋ لياڭيىڭ تاعى بىلاي دەدى: ەگىمشىلىك تەحنيكاسىن ۇيرەتىپ قانا قويماي، وڭدەۋ تەحنيكاسىن دا ۇيرەتىپ، از ۇلت باۋىرلاستاردىڭ بىرگە اۋقاتتانۋىنا مۇمكىندىك جاسايمىز.

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

ءبىزدىڭ ورتاق وتباسىمىز _ جۇڭگو

اق كورپەسىن جامىلحان اققايىڭ

ءۇرىمجى كوكتەمى

ارقارلار قىسقى مەكەنىنە ورالدى

ءبي مەكەنى شيىنجاڭ

كورمەدەگى قازاقى بۇيىمدار

تۇلپارلار

مۇحتار اۋەزۆ мухтар ауэзов

مۇقاعالي ماقاتايەۆ

اكادەميا سىر شەرتەدى

كەلپىن قاراكول تابيعي قورىق رايونى

تۇرپان سور اراسان كورىنىستەرى