«گۇل كۇنەستە ناۋرىز» اتتى ساۋىق كەش دۋماندى وتكىزىلدى

كەلۋ قاينارى:  حالىق تورابى   |   جولدانعان ۋاقىتى:2017 - 06 - 22 23:29

 سامارحاننىڭ كوك تاسى ەرىپ، تامىلجىعان تاعى ءبىر كوكتەم كەلۋى بايلانىسىمەن وتكىزىلگەن كۇنەس اۋدانىنىڭ تاۋىق جىلعى «گۇل كۇنەستە ناۋرىز» اتتى تەلەۆيزيالىق ساۋىق كەشى 22 - ناۋرىز كۇنى كۇنەس اۋدانىنىڭ كينو - تەاتر مادەنيەت ورتالىعىندا سالتاناتتى وتكىزىلدى.

  ساۋىق كەشتە ءتورت تۇلىگى ساي، حالقى باي، ۇجىماقتاي كوركىمەن كوز تارتقان «گۇلدى مەكەن» كۇنەستەگى ءار ۇلت حالقىنىڭ باقىتتى تۇرمىسى، دامۋعا بەت العان ورنىقتى دا بەرەكەلى قوعامنىڭ ءسان- سالتاناتى، ءار ۇلت كادرلارى مەن حالىقتىڭ قۇددى «اناردىڭ دانىندەي تىعىز ۇيىسىپ»، بەرەكەمەن العا باسىپ، ورنىقتى دا كوركەيگەن قوعام قۇرۋعا ات سالىسىپ وتىرعانى ايقىن بەينەلەندى.

  ساۋىق كەشتى ىلە تەلەۆيزياسى مەن ىلە حالىق راديو ستانسياسى الداعى كۇندەردە تەلەديدار كورەرمەندەرىنە جانە راديو تىڭدارماندارىنا جەتكىزەدى.

  دالا مەن قالانى دا دۋمانعا بولەگەن ءاز ناۋرىز 2009 - جىلى بىرىككەن مەملەكەتتەر ۇيىمىنىڭ وقۋ- اعارتۋ، عىلىم - تەحنيكا، مادەنيەت ۇيىمى جاعىنان «حالىقارالىق بەيزاتتىق مادەني مۇرالار» تىزىمىنە ەنگىزىلگەن بولاتىن. پارتيا مەن مەملەكەت ءار جىلى اسقاق ءان، اجارلى بيىمەن قارسى الاتىن وسى ءداستۇر – سالتىمىزدى جاڭعىرتۋعا، دامىتۋعا وڭتايلى وراي جاراتىپ وتىرعاندىقتان، «ۇلىستىڭ ۇلى كۇنىن» ءار جەر سالتاناتتى تويلاپ، تارتىمدى ساۋىق كەشتەر جانە وزگەدە قۇتتىقتاۋ قيمىلدارىن وتكىزەدى.

  كۇنەس اۋدانىنىڭ ءتورت باسشىلىق القاسىنداعى باسشىلار جانە زەينەتكە، دەمالىسقا شىققان قارتتاردىڭ ۋاكىلدەرى مەن ءار ۇلت كادر – جۇرتشىلىعى بولىپ مىڭنان ارتىق ادام مەرەيلى مەرەكەدە باس قوسىپ، «گۇل كۇنەستە ناۋرىز» اتتى تەلەۆيزيالىق ساۋىق كەشتى تاماشالادى. «بىتەر ىستىڭ باسىنا، جاقسى كەلەر قاسىنا» دەگەندەي، كۇنەس اۋدانىندا قىزمەت تەكسەرىپ جۇرگەن ىلە قازاق اۆتونوميالى وبلىستىق ساياسي ءماسليحات كەڭەسىنىڭ ءتوراعاسى سەرجان ۇعىباي ۇلى ۇسىنىس بويىنشا سەرىكتەرىمەن بىرگە ساۋىق كەشتى تاماشالاپ، كۇنەستەگى ناۋرىز دۋمانىنا جيىلعان جۇرتشىلىققا «ۇلىىس وڭ بولسىن، اق مول بولسىن» ايتىپ، ساۋىق كەشتىڭ مەرەيىن اسىردى.

  كولەمدى ءان- ءبي «ناۋرىز شاتتىعى»، قارت ونەرپازداردىڭ «كۇنەسىم باقىت بەسىگى» تاعى باسقا ءان - ءبي نومىرلەرى مەن جاستاردىڭ توپتىق ءبىيى «كەربەز كەرىم» جانە «ابىز» توبىنىڭ ۇلتتىق اسپاپتارمەن ءداستۇرلى كۇركىرەمە فورماسىندا ورىنداعان «ۇلتتى ءداستۇر ساقتايدى» ءانى حالىقتىق كوركەمونەردىڭ زامانا مادەنيەتىمەن ۇشتاسقان كەمەلدى ورەسىن بايقاتتى.

  ساۋىق كەشتى تاماشالاعان قاۋىم وسى ساۋىق كەشتىڭ ۇزىن ىرعاسىنان كۇنەستەگى ءار ۇلت حالقىنىڭ «قوعام ورنىقتىلىعىن ساقتاپ، باياندى دامۋ» باس نىساناسىن جۇزەگە اسىرۋعا كەپىلدىك ەتۋ جولىندا ىنتىماقتاسا ات سالىسىپ جاتقان رۋحاني بەينەسىن ايقىن اڭعارىپ، پارتيا مەن ۇكىمەتتىڭ ءداستۇرلى بۇقارالىق مادەنيەتتى وركەندەتۋگە ءمان بەرىپ، حالىق تۇرمىسى قۇرىلىسىن جاقسارتۋدى نەگىز ەتكەن ۇلى نىسانداردى ورىنداۋعا قۇلشىنىپ وتىرعان ابزال ساياساتىن تولىق سەزىندى.

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

«تۇلپار مەكەنىندە» نەشە ون مىڭداعان جىلقى كەڭ جايلاۋدىڭ توسىندە.

ايدىنداعى اسەم ءبي

قارۋلى ساقشى اترەتى اۆتوكولىكتى اسكەرلەرىنىڭ جاتتىعۋ ەستەلىگى

جۇڭگو قۇراماسى جارىس الدىندا جاتتىعۋ جاسادى

قۇلىنىم، سەنىڭ ٴومىرىڭدى قۇرساۋلاعىم كەلمەيدى

شينجياڭ التاي قالاسى پويەز قاتىنامايتىن تاريحقا حوش ايتتى.جاريالانعان

قۇربان تۇلىم ەسكەرتكىشىن ەكسكۋرسسيالاۋ

استانا الەمدىك كورمەسىندەگى جۇڭگو سارايى

شينجياڭ توقىماشىلىق، كيىم - كەشەك سالاسىنا قارىز بەرۋ قاتەرىنە ارنالعان 200 ميلليون يۋاندىق تولىقتاما قاراجات قورىن قۇرادى
كاسىپورىنداردىڭ ەڭ كوپ بولعاندا 5 ميلليون يۋانعا دەيىن قارىز اقشا الۋىنا بولادى

ابىلەلىم ابىلەز 2016 – جىلعى «جۇڭگونى اسەرلەندىرگەن» تۇلعا بولىپ باعالاندى

رەال مادريد كومانداسى اعا جۇلدەگەرلىگىن تويلادى

نيەت - كۇشتى شوعىرلاندىرىپ، بولاشاقتى بەتكە الىپ، تاريحي جاۋاپكەرشىلىك ارقالاپ تىڭ جورىققا اتتاندى