مەشىتتەردىڭ جاعدايى بارعان سايىن جاقسارىپ كەلەدى
− قاشقاردان كورگەن - بىلگەندەرىمىز (2)

كەلۋ قاينارى: شينجياڭ گازەتىنەن   |   جولدانعان ۋاقىتى:2017 - 07 - 01 21:18

 21 - ماۋسىم كۇنى ساعات 14تەن 30 مينۋتتاي وتكەندە، قاشقار قالاسى شامالباع قالاشىعى پاحتاكلىك قىستاعىنىڭ تۇرعىنى ميجيت ارىم تاياۋ ماڭداعى ءدوڭمالى مەشىتىنە نامازعا باردى. ول مەشىتتىڭ جوندەۋدەن وتكىزىلگەن شىت جاڭا دارەت الۋ ۇيىندە بەتىن، قولىن، اياعىن تازالاپ جۋعاننان كەيىن، مەشىتكە كىرىپ، بەسىن نامازىن وتەۋگە كىرىستى. بيىل ول مەشىتتىڭ جاعدايىنا وتە رازى ەكەن. «مەشىتتە ءبارى تولىق، نامازعا كەلسەك، كوڭىلىمىز كوتەرىلىپ قالادى»، - دەدى ميجيت ارىم جۇزىنەن قۋانىشتىڭ لەبى ەسىپ.

  وتكەن جىلى اۆتونوميالى رايوندىق پارتكوم مەشىتتەر مەن ءدىني قيمىل ورىندارىنىڭ شارت - جاعدايىن جاقسارتۋدى كۇشەيتىپ، مەشىتتەرگە سۋ، ەلەكتر، جول، جىلۋ، بايلانىس قۇرىلعىلارىن جانە راديو - تەلەۆيزور مەن كىتاپ ۇيلەرىن ەنگىزۋ، جۇما مەشىتتەرىندە دارەت الۋ ۇيلەرى مەن سۋمەن شايىلاتىن دارەتحانا بولۋ نىساناسىن ىلگەرىلەتتى. ءدوڭمالى مەشىتى وسى توڭىرەكتەگى ەداۋىر ۇلكەن جۇما مەشىتتەرىنىڭ ءبىرى، بيىل مەشىتتىڭ الدى تەگىستەلىپ، جول كەڭەيتىلدى، مەشىتتىڭ بەينەسى دە ايتارلىقتاي وزگەرىپ، دىنگە سەنەتىن بۇقاراعا ۇلكەن جەڭىلدىكتەر تۋدىردى.

  دىنگە سەنەتىن بۇقاراعا ءتىپتى جاقسى قىزمەت كورسەتۋ ءۇشىن، بيىل اۆتونوميالى رايون «جەتىنى ەنگىزۋ، ەكى بولۋ» نەگىزىندە، ۇسىنىلىمدى ارتتىرىپ، مەشىتتى ۇگىت تاقتاسى، شاي، ۇستەل - ورىندىق، ءورت ءسوندىرۋ جابدىقتارى، ىشكاپ، گيگيەنالىق اسپاپتار سياقتىلارمەن جابدىقتاپ، ءدىني قايراتكەرلەر مەن دىنگە سەنەتىن بۇقارادان القاۋ الدى.

  ميجيت ارىم تىلشىگە: بۇرىن كەيبىر جاماعاتتىڭ ءۇيى مەشىتتەن الىس بولعاندىقتان، نامازعا كەلگەندە دارەت الۋى اجەپتاۋىر قيىندىق تۋدىراتىن. بۇرىن قايداعى قوقىر - سوقىر ءۇيىلىپ تۇراتىن جەر قازىر دارەت الۋ ۇيىنە اينالعان، بارلىعى دا جاقسى! - دەدى.

  ميجيت ارىم سەكىلدى ابدىرەيىم ياحۇپ تا مەشىتتىڭ جاعدايى بۇرىنعىدان كوپ جاقسارعانىن ايتادى. ول قازىر مەشىتكە نامازعا كەلسە، الدىمەن كىتاپ ۇيىنە بارىپ ازىراق ايالدايدى ەكەن. شاعىن عانا كىتاپ ۇيىنە اگروتەحنيكا، باقتاشىلىق، داقىل باپتاۋ، ءبىلىم بەرۋ سياقتى ءار ءتۇرلى مازمۇنداعى كىتاپتار مەن جۋرنالدار قويىلىپتى. ول وسىندا كىتاپ وقىسا كوڭىلى كوتەرىلىپ، جانى جاي تاۋىپ قالادى ەكەن. ابدىرەيىم: بيىل كۇن ەرەكشە ىسىعاندىقتان، مەشىتكە كونديتسيونەر(اۋا رەتتەگىش) ورناتىلدى. بۇرىن قىس كۇندەرى مەشىتكە كومىر جاققانمەن، جىلىمايتىن، نامازعا كەلىپ تۇماۋراتىپ قايتاتىندار دا بولۋشى ەدى، ەندى كونديتسيونەر بار، بيىل قىستا توڭبايمىز! - دەدى.

  ۇعىسۋىمىزشا، دىنگە سەنەتىن بۇقارانىڭ قالىپتى ءدىني قيمىلدارىنىڭ ءتارتىپتى، ورنىقتى جۇرگىزىلۋىن قامتاماسىز ەتۋ ءۇشىن، جەر - جەردەگى قاتىستى تاراۋلاردىڭ باسشىلارى ءار جاقتان ىسكە كىرىسىپ، دىنگە سەنەتىن بۇقاراعا جاراسىمدى، تىنىش ورتا ازىرلەۋمەن قاتار، مەشىتتەردىڭ قۇرىلىسى مەن ەلەكتر تىزبەگى، ءورت ءسوندىرۋ سياقتى جابدىقتارىنىڭ حاۋىپسىزدىگىن تەكسەرىپ، قاجەت بولسا جوندەۋدەن وتكىزگەن. بيىل قاشقار قالاسى ادام كوپ جينالاتىن، كولىك اعىنى ءجيى مەشىتتەر جونىندە ادامداردى تاراتۋ، كولىك قاتىناسىن جونگە سالۋ، توتەنشە جاعدايعا توتەپ بەرۋ جوبالارىن الدىن الا دايىنداعان جانە دىنگە سەنەتىن بۇقاراعا ءتىپتى جاقسى قىزمەت كورسەتۋ ءۇشىن، قاتىستى كادرلاردىڭ جۇمىس ۋاقىتىن رەتتەپ، دىنگە سەنەتىن بۇقارانىڭ ۋاقىت كەستەسىنە ۇيلەستىرگەن.

  ءدوڭمالى مەشىتىنىڭ حاتيبى ۇرايىمجان قازى بىلاي دەدى: بۇگىنگىدەي تىنىش، باقىتتى ومىرگە قولىمىز جەتىپ، مىناداي تاماشا جاعدايدا ءدىني قيمىلدارمەن شۇعىلدانۋىمىز پارتيانىڭ جاقسى ساياساتتارىنىڭ ارقاسى، ءبىز، ءسوز جوق، پارتيانىڭ مەيىرىنە العىس ايتا بىلەتىن وتانشىل ءدىني قايراتكەر بولىپ، ۋاعىز ايتۋ، تاپسىرلەۋ جۇمىستارىن جاقسى ىستەپ، دىنگە سەنەتىن بۇقاراعا دا پارتيانىڭ مەيىرىن تۇسىندىرەمىز.

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

«تۇلپار مەكەنىندە» نەشە ون مىڭداعان جىلقى كەڭ جايلاۋدىڭ توسىندە.

ايدىنداعى اسەم ءبي

قارۋلى ساقشى اترەتى اۆتوكولىكتى اسكەرلەرىنىڭ جاتتىعۋ ەستەلىگى

جۇڭگو قۇراماسى جارىس الدىندا جاتتىعۋ جاسادى

قۇلىنىم، سەنىڭ ٴومىرىڭدى قۇرساۋلاعىم كەلمەيدى

شينجياڭ التاي قالاسى پويەز قاتىنامايتىن تاريحقا حوش ايتتى.جاريالانعان

قۇربان تۇلىم ەسكەرتكىشىن ەكسكۋرسسيالاۋ

استانا الەمدىك كورمەسىندەگى جۇڭگو سارايى

شينجياڭ توقىماشىلىق، كيىم - كەشەك سالاسىنا قارىز بەرۋ قاتەرىنە ارنالعان 200 ميلليون يۋاندىق تولىقتاما قاراجات قورىن قۇرادى
كاسىپورىنداردىڭ ەڭ كوپ بولعاندا 5 ميلليون يۋانعا دەيىن قارىز اقشا الۋىنا بولادى

ابىلەلىم ابىلەز 2016 – جىلعى «جۇڭگونى اسەرلەندىرگەن» تۇلعا بولىپ باعالاندى

رەال مادريد كومانداسى اعا جۇلدەگەرلىگىن تويلادى

نيەت - كۇشتى شوعىرلاندىرىپ، بولاشاقتى بەتكە الىپ، تاريحي جاۋاپكەرشىلىك ارقالاپ تىڭ جورىققا اتتاندى