شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

كەلۋ قاينارى: شينجياڭ گازەتىنەن   |   جولدانعان ۋاقىتى:2017 - 08 - 01 20:14

سۋرەتتە: شي جينپيڭ ارنايى كولىكپەن اسكەري ءبولىمدى كوزدەن كەشىرۋدە. شينحۋا اگەنتتىگىنىڭ ءتىلشىسى لي گاڭ فوتوسى

30-شىلدە تۇستەن بۇرىن جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋعا ارنالعان اسكەري پارات زۇركى بىرلەسكەن جاتتىعۋ بازاسىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى.

شينحۋا اگەنتتىگىنىڭ 30-شىلدە دە ىشكى موڭعۇلدىڭ زۇركىسىنەن بەرگەن حابارى. داڭقتى تاريحتى ەستە بەرىك ساقتاپ، مەملەكەتتىڭ، ارميانىڭ قۇدىرەتتەنۋىن ىلگەرىلەتەيىك. 30-شىلدە كۇنى تۇستەن بۇرىن جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋعا ارنالعان اسكەري پارات زۇركى بىرلەسكەن جاتتىعۋ بازاسىندا سالتاناتپەن وتكىزىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى.

جازعى دالانىڭ اسپانى جادىراپ، كۇنگە كۇيگەن قۇم بارحاندارى جورىق دابىلىن تارتتى. پارات مىنبەسىنىڭ الدىڭعى جاعىنداعى «1927-2017» دەگەن جازۋ ەرەكشە كوز تارتادى. اسكەري پاراتتان وتەتىن 12 مىڭ كوماندير–جاۋىنگەر، 600 دەن اسا كولىك ساپ تۇزەپ، قۇرىش قورعانداي قاسقايىپ تۇر. 100 دەن اسا اسكەري ۇشاق 6 اۋەجايدا ساقاداي سايلانىپ، ۇشۋعا ءازىر تۇر. بۇل جۇڭگو حالىق ازاتتىق ارمياسىنىڭ تۇڭعىش رەت ارميا مەرەكەسىنە ارناپ وتكىزگەن سالتاناتتى اسكەري پاراتى، دالالىق، جاۋىنگەرلىك مايداندىق پاراتى، حالىق ارمياسىنىڭ جالپىلىق، توڭكەرىستىك وزگەرىستەردەن كەيىنگى جاڭا جارقىن بەينەسى.

ساعات 9 دا اسكەري پارات باستالدى، بەس جۇلدىزدى قىزىلتۋ باياۋ كوتەرىلىپ، تۇتاس الاڭدى مەملەكەت ءانىنىڭ اۋەنى كەرنەدى. شي جينپيڭ ارنايى كولىكپەن اسكەري پارات جولىنا كەلدى. اسكەري پاراتتىڭ باس قولباسشىسى، ورتالىق ۇرىس رايونىنىڭ سىليڭيۋانى حان ۋيگو پاراتتان وتەتىن اسكەري ءبولىمنىڭ دايىن ەكەنىن مالىمدەگەننەن كەيىن شي جينپيڭ پاراتتى باستاۋعا بۇيرىق بەردى.

اسقاقتاعان اسكەري پارات مۋزىكاسىمەن، شي جينپيڭ ارناۋلى كولىكپەن تۋ قورعاۋشىلار شارشى توبىن، جاۋىنگەرلىك شارشى توپتى جانە جابدىقتار شارشى توبىن رەتىمەن كوزدەن كەشىردى. «جولداستار، سالەمەتسىڭدەر مە! جولداستار، جاپا شەكتىڭدەر!» دەپ شي جينپيڭ پاراتتىق اسكەري بولىمدەردەن شىنايى حال سۇرادى. «ءتوراعا، سالەمەتسىز بە! حالىق ءۇشىن قىزمەت ەتەمىز!» دەگەن كوماندير–جاۋىنگەرلەردىڭ جاۋابى جەر–كوكتى جاڭعىرىقتىردى. شي جينپيڭ ارناۋلى كولىكپەن پارات مىنبەرىنە ورالعاندا، كوماندير–جاۋىنگەرلەر ءور داۋىسپەن «پارتيانىڭ قولباسشىلىعىنا بويسۇنىپ، جەڭىستى شايقاس جۇرگىزىپ، تاڭداۋلى ستيلدى ساقتايمىز» دەپ ۇراندادى. قۇرىش ساپ تاۋداي ايباتتانىپ، قۋاتتى ۇران تولقىنداي لاپ بەردى.

ارميا تۋى پارتيا تۋىنا ىلەسىپ، مەملەكەت تۋىن قاۋمالاي العا جىلجىدى. تۋ قورعاۋشىلار شارشى توبى باياۋ قادام تاستاپ، سالتاناتتى پاراتتان ءوتۋ سالتىنىڭ بەتاشارىن اشتى. نارتتاي قىزىل جۇڭگو كوممۋنيستىك پارتياسىنىڭ پارتيا تۋى، جۇڭحۋا حالىق رەسپۋبليكاسىنىڭ مەملەكەت تۋى، جۇڭگو حالىق ازاتتىق ارمياسىنىڭ ارميا تۋى 200 دەن اسا كوماندير–جاۋىنگەردىڭ قورعاۋىمەن جەلگە جەلبىرەپ، كوز تارتتى.

گۇرىلدەگەن زور داۋىس الىستان بىرتە–بىرتە تاياي ءتۇستى، 41 ۇشاقتان قۇرالعان «八一» بەلگىسى مەن «90» دەگەن جازۋ پارات مىنبەرىنىڭ توبەسىنەن ۇشىپ ءوتتى، بۇل حالىق ارمياسىنىڭ 90 جىلدىق شۇعىلالى تاريحي ساپارىنىڭ كۋاسى ەدى.

تەمىر جاراق جارق-جۇرق ەتىپ، اسكەري ۇشاقتار ايبات شەكتى. 34 جەر ءۇستى شارشى توبى مەن اۋە ەشەلونى قۇرلىقتىق جاۋىنگەرلىك توپ، اقپاراتتىق جاۋىنگەرلىك توپ، ەرەكشە جاۋىنگەرلىك توپ، اۋە جانە زىمىران شابۋىلىنا قارسى جاۋىنگەرلىك توپ، تەڭىز بەتىندەگى جاۋىنگەرلىك توپ، اۋە جاۋىنگەرلىك توبى، كەشەندى جابدىقتاۋ توبى، لاڭكەستىككە قارسى تۇرىپ، ورنىقتىلىقتى قورعاۋ توبى، ستراتەگيالىق شابۋىل توبى سياقتى 9 جاۋىنگەرلىك توپ قۇراپ، جاۋىنگەرلىك قۇرام بويىنشا پاراتتان ءوتتى. وسى رەتكى پاراتتا كورسەتىلگەن قارۋ-جاراقتاردىڭ جارتىسىنا جۋىعى العاش رەت جۇرت نازارىنا ۇسىنىلىپ، ەلىمىزدىڭ قورعانىس جانە ارميانى وسىزامانداندىرۋ قۇرىلىستارىنىڭ ەڭ جاڭا جەتىستىكتەرىن ايگى ەتتى.

ءتورتىنشى ءبولىم «ارميانى قۇدىرەتتەندىرۋ . ۇلى گۇلدەنۋگە قادام تاستاۋداعى» «گۋتياننان قايتا اتتاندىق»، «دۇنيە ءجۇزى بويىنشا تاڭداۋلى ارميا بولۋعا قادام تاستاۋ»، «1-تامىز ارميا بايراعى»، «گۇلدەنۋ ۇندەۋى»، «ساعان ايتقىم كەلەدى» سياقتى ويىن نومىرلەرىندە مۋزىكا مەن سەزىم توعىسىپ، پارتيانىڭ 18-قۇرىلتايىنان بەرگى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا حالىق ارمياسىنىڭ ارميانى قۇدىرەتتەندىرۋدىڭ جۇڭگوشا جولىندا العا قاراي ارشىندى، نىق قادام تاستاعاندىعىن بەينەلەدى. جۇڭگو حالىق ازاتتىق ارمياسى ءۇش ارمياسىنىڭ قۇرمەت قاراۋىلى قاتىناسقان حور «ارميانى قۇدىرەتتەندىرۋ جورىق ءانى» كونسەرتتى ەڭ جوعارى ورلەۋگە كوتەرىپ، حالىق ارمياسىنىڭ پارتيانىڭ باسشىلىعىندا، ارميانى قۇدىرەتتەندىرۋ نىساناسىن جۇزەگە اسىرۋ، حالىق ارمياسىن دۇنيە ءجۇزى بويىنشا تاڭداۋلى ارميا ەتىپ قۇرىپ شىعۋ، «قوس ءجۇز جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قۇلشىنا كۇرەس جۇرگىزۋ جونىندەگى بەرىك بەكىمىن اڭعارتتى.

كونسەرت ايبىندى ءارى سالتاناتتى وتكىزىلدى، كوركەمونەرلىك تاسىلدەن جان-جاقتى پايدالانىپ، حالىق ارمياسىنىڭ توڭكەرىستىڭ اساۋ تاسقىنىندا دۇنيەگە كەلىپ، توسقاۋىلداردى تاس-تالقان ەتكەن، قابىرعادان قان كەشكەن، داڭققا بولەنگەن تاريحي ەلەۋلى ەڭبەگىن، حالىق ارمياسىنىڭ اۋەلگى ماقساتتى ۇمىتپاي، بورىشتى ەستە بەرىك ساقتاعاندىعىن ىستىق ىقىلاسپەن جىرعا قوسىپ، پارتيا تۋىنىڭ جەتەكشىلىگىندە تىڭ دا داڭقتى تۇلعالاعان اسقاق جىگەردى جاندى تۇردە بەينەلەدى. كونسەرت دۇركىن-دۇركىن جوعارى ورلەۋگە كوتەرىلگەندە الاڭ ءالسىن-ءالى قىزۋ مەرەيگە بولەنىپ وتىردى.

ج ك پ ورتالىق كوميتەتى ساياسي بيۋروسىنىڭ بەيجيڭدەگى مۇشەلەرى، ورتالىق كوميتەت شۋجيچۋىنىڭ بەيجيڭدەگى شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، مەملەكەتتىك ساياسي كەڭەستىڭ ورىنباسار ءتوراعالارى، سونداي-اق ورتالىق اسكەري ىستەر كوميتەتىنىڭ مۇشەلەرى كونسەرتتى تاماشالادى.

كونسەرتكە سونىمەن بىرگە، قارت جاۋىنگەرلەردىڭ، قۇربانداردىڭ بالا-شاعاسىنىڭ، قارت جولداستاردىڭ، ۇكىمەتتىڭ ورنالاستىرۋىنا وتكىزىلىپ بەرىلگەن، ارميادان زەينەتكە، دەمالىسقا شىققان كادرلاردىڭ، قارت حالىق جاساقتارىنىڭ جانە ارمياداعى قاھارمان ۇلگىلەردىڭ، مەملەكەتتىك قوس قولداۋ وزاتتارىنىڭ، ارميادان وزگە سالاعا كاسىپ اۋىستىرعان، مەملەكەتتىك وزات كادرلاردىڭ ۋاكىلدەرى، ورتالىقتاعى پارتيا، ۇكىمەت، ارميا، بۇقارالىق تاراۋلاردىڭ جانە بەيجيڭ قالاسىنىڭ نەگىزگى جاۋاپتى جولداستارى، دەموكراتيالىق پارتيا-توپتاردىڭ ورتالىق كوميتەتتەرىنىڭ، مەملەكەتتىك ساۋدا-ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، استانانىڭ ءار سالاسىنداعى بۇقارانىڭ ۋاكىلدەرى، ازاتتىق ارميانىڭ، قارۋلى ساقشى قوسىندارىنىڭ كوماندير-جاۋىنگەرلەرىنىڭ ۋاكىلدەرى دە كەلىپ، كونسەرتتى تاماشالادى.

(«شينجياڭ گازەتىنەن»)

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى

مەملەكەتتىك ساياسي كەڭەس موڭعۇلكۇرەدە ۇسىنىس جوبالاردى ءبىر جاقتى ەتۋ – اقىلداسۋ ناق مايدان ءماجىلىسىن وتكىزدى

اقىسىز دەنساۋلىق تەكسەرتۋ جونىندەگى ۇيىمداستىرۋ، ۇگىت قىزمەتى جاقسى ىستەلدى

الەۋمەتتىك اۋماقتاعى پارتيا مۇشەلەرى سەرت بەرۋ قيمىلىنا قاتىناستى

ون مىڭ ادام پارتياعا كىرۋ سەرتىن قايتا بەرۋ قيمىلىن قانات جايدىردى

پارتيالى كادرلار پارتيا تۋى الدىندا سەرت بەرىپ، سەنىمدەرىن بەكەمدەدى

چاڭ ۋانچۋان شاڭحاي سەلبەستىك ۇيىمى مۇشە مەملەكەتتەرىنىڭ 14 – كەزەكتى قورعانىس مينيسترلەر ماجىلىسىنە قاتىناستى

اماندىق قورعاۋ قىزمەتكەرلەرى مەكتەپ اۋلاسىندا حاۋىپسىزدىك بىلىمدەرىنەن ساباق بەردى

«تۇلپار مەكەنىندە» نەشە ون مىڭداعان جىلقى كەڭ جايلاۋدىڭ توسىندە.

ايدىنداعى اسەم ءبي

قارۋلى ساقشى اترەتى اۆتوكولىكتى اسكەرلەرىنىڭ جاتتىعۋ ەستەلىگى