جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

كەلۋ قاينارى: ىلە گازەتى   |   جولدانعان ۋاقىتى:2017 - 08 - 02 14:32

سۋرەتتە: وبلىستىق پارتكومنىڭ شۋجيى زىڭ سۇن قوسىنداعى وفيتسەر ـ جاۋىنگەرلەردەن شىنايى حال سۇراۋدا.

لي شين - ان فوتوسى

تىلشىلەرىمىز لي شين – ان، سۇن ۋيشيا، كاميلا حالمۇرات، شى شۋەحۇڭ، ما شىڭلۋ، حى رۇڭ حابارلايدى. بيىلعى 1 – تامىز كۇنى _ جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى. ىلەدە تۇراتىن اسكەري بولىمدەردىڭ ۇزاق ۋاقىتتان بەرى ىلەنىڭ ورنىقتىلىعى مەن دامۋى ءۇشىن قوسقان ۇلەسىنە العىس ايتۋ ءۇشىن وبلىستىڭ ءتورت باسشىلىق القاسىنىڭ باسشىلارى التى گرۋپپاعا ءبولىنىپ، اسكەري بولىمدەرگە بارىپ، ازاتتىق ارميا كوماندير – جاۋىنگەرلەرىنەن، قارۋلى ساقشى وفيتسەر – جاۋىنگەرلەرىنەن جانە حالىق جاساعىنىڭ زاپاس قوسىنىنداعىلاردان حال سۇراپ، «1 – تامىز» ارميا قۇرىلۋ مەرەكەسىن بىرلىكتە قۇتتىقتاپ، ارميا مەن ۇكىمەتتىڭ، ارميا مەن حالىقتىڭ ەتەنە بايلانىسى جونىندە اقتارىلا اڭگىمەلەستى.

سۋرەتتە: وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى قوعام حاۋىپسىزدىگى ورتتەن ساقتانۋ قوسىنىنىڭ وفيتسەر ـ جاۋىنگەرلەرىمەن اڭگىمەلەسۋدە. سۇن ۋەيشيا فوتوسى

شىلدەنىڭ 29 – كۇنى وبلىستىق پارتكومنىڭ شۋجيى، ىلە بولىمشە اسكەري رايونى پارتكومىنىڭ 1 – شۋجيى زىڭ سۇن، وبلىستىق ساياسي كەڭەستىڭ ءتوراعاسى سەرجان ۇعىباي ۇلى، وبلىستىق پارتكومنىڭ تۇراقتى مۇشەسى، وبلىستىڭ ۇنەمىلىك ىستەرگە جاۋاپتى ورىنباسار باستىعى ليۋ جيانگو، وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى سۇن پىڭ قاتىناسقان حال سۇراۋ 1 – گرۋپپاسى ىلە بولىمشە اسكەري رايونىنا، وبلىستىق قوعام حاۋىپسىزدىگى مەكەمەسى شەكارا قورعانىسى تارماق اترەتىنە بارىپ، بارشا وفيتسەر – جاۋىنگەرلەردەن حال سۇرادى.

زىڭ سۇن حال سۇراۋ بارىسىندا وبلىستىڭ ءتورت باسشىلىق القاسى مەن وبلىستاعى ءار ۇلت حالقى اتىنان ىلەنىڭ ورنىقتىلىعى مەن دامۋىن قولداپ – قۋاتتاپ كەلە جاتقان اسكەري بولىمدەگى بارشا وفيتسەر – جاۋىنگەرلەرگە ىقىلاستى العىسىن ءبىلدىردى، بارلىق كوماندير – جاۋىنگەرلەردىڭ، قارۋلى ساقشى وفيتسەر – جاۋىنگەرلەرىنىڭ جانە حالىق جاساعى زاپاس قوسىنىنداعىلاردىڭ مەرەكەلەرىن قۇتتىقتادى ءارى ولار ارقىلى ولاردىڭ وتباسىنداعىلارعا، كاسىپ اۋىستىرعان، ارميادان، قوسىننان شەگىنگەن اسكەريلەرگە، مۇگەدەك اسكەرلەر مەن قۇربان بولعانداردىڭ وتباسىنداعىلارعا ىقىلاستى سالەم جولدادى.

ىلە بولىمشە اسكەري رايونىندا زىڭ سۇن ىلە بولىمشە اسكەري رايونىنداعى وفيتسەر – جاۋىنگەرلەرمەن اڭگىمە ءماجىلىسىن وتكىزىپ، تەلە كەسكىن ارقىلى نەگىزگى ساتىنىڭ الدىڭعى شەبىندەگى وفيتسەر – جاۋىنگەرلەردەن حال سۇرادى. زىڭ سۇن بىلاي دەدى: ىلە بولىمشە اسكەري رايونى قوسىنى _ داڭقتى تاريح پەن تاماشا داستۇرگە يە قوسىن. اسكەي ءبولىم - ۇزاق ۋاقىتتان بەرى شي جينپيڭ ءتوراعانىڭ جەلىلەس ماڭىزدى سوزدەرىنىڭ رۋحىن ءتۇبىرلى تياناق ەتۋگە باستان – اياق تاباندى بولىپ، جوعارىنىڭ شەشىم – ورنالاستىرۋلارىن باتىل دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەپ، اۆتونوميالى رايوندىق پارتكومنىڭ ۇستىنەن جانە تۇبىرىنەن وڭاۋ «كەشەندى شاراسى» مەن وبلىستىق پارتكومنىڭ قىزمەت ورنالاستىرۋىن جاپپاي تياناقتاندىرىپ، «قورعاندىق» رولدى جان – جاقتى ساۋلەلەندىرىپ، جاۋاپكەرلىك پەن بورىشتى ادا ەتۋمەن بىرگە، قالىڭ وفيتسەر – جاۋىنگەرلەر جەرگىلىكتى ورىننىڭ ەكونوميكا، مادەنيەت، قوعامدىق ىستەر قۇرىلىسىنا جانە ەكولوگيالىق وركەنيەت قۇرىلىسىنا بەلسەنە قاتىناستى. «ۇلتتار ىنتىماعىنىڭ بەرەكەلى شاڭىراعى» قيمىلىن، كەدەيلىكتەن قۇتىلدىرۋدان قامال الۋدى، وقۋ – اعارتۋعا كومەك بەرۋدى بەلسەنە ورىستەتتى، اسىرەسە، اپاتتان قۇتقارۋ سياقتى شۇعىل، اۋىر، قاتەرلى مىندەت الدىندا ۇلگى بولىپ، كەۋدە كەرە العا شىعىپ، اۋىر مىندەتتى ارقالاپ، حالىق جۇرتشىلىعى ەڭ قاجەت ەتەتىن شەشۋشى ساتتە كۇشتى قوسىندىق، اتويشىلدىق رولىن ساۋلەلەندىرىپ، ىلەنىڭ ەكونوميكاسى مەن قوعامىنىڭ دامۋى ءۇشىن كورنەكتى ۇلەس قوستى.

زىڭ سۇن مىنانى ءۇمىت ەتتى: بولىمشە رايونداعى اسكەري بولىمدەر مەن قالىڭ وفيتسەر – جاۋىنگەرلەر ساياسي، جالپى جاعداي، ۇيتقى، ساپ تۇزەۋ تانىمىن شىنايى كۇشەيتىپ، شي جينپيڭ جولداستى ۇيتقى ەتكەن پارتيا ورتالىق كوميتەتى مەن شي جينپيڭ ءتوراعانىڭ بەدەلىن باتىل قورعاپ، پارتيا ورتالىق كوميتەتىنىڭ، ورتالىق اسكەري ىستەر كوميتەتى مەن ءتوراعا شي جينپيڭنىڭ ۇندەۋىنە ءۇن قوسىپ، جوعارى دارەجەلى پارتكومداردىڭ شەشىم – ورنالاستىرۋلارىن ىشكەرىلەي دايەكتىلەندىرىپ، وبلىستىق پارتكومنىڭ قىزمەت جالپى جاعدايىمەن سانالىلىقپەن ساناسىپ جانە وعان قىزمەت وتەپ، ارميانى قۇدىرەتتەندىرۋ نىساناسىن جۇزەگە اسىرۋدى تىعىز توڭىرەكتەپ، پارتيانىڭ قولباسشىلىعىنا قۇلاق اسۋ سىندى ارميانى قۇدىرەتتەندىرۋ رۋحىن بەكەمدەپ، شايقاسقا قاتىناسا الۋ، جەڭىستى شايقاس جۇرگىزە الۋ سىندى ارميانى قۇدىرەتتەندىرۋدىڭ ماڭىزىن بەكەمدەپ، ارميانى زاڭ بويىنشا جونگە سالۋ، ارميانى قاتاڭ جونگە سالۋ سىندى ارميانى قۇدىرەتتەندىرۋ نەگىزىن بەكەمدەپ، اسكەري قوسىن رەفورماسى مىندەتىن جاپپاي تياناقتاندىرىپ، اسكەري قوسىندى توڭكەرىسشىلدەندىرۋ، وسىزامانداندىرۋ، ولشەمدەندىرۋ قۇرىلىسىن جەبەپ، وتان تۇتاستىعىن،

ۇلتتار ىنتىماعىن، قوعام ورنىقتىلىعىن قورعاۋ سىندى قاسيەتتى بورىشتى سانالىلىقپەن ارقالاپ، شەكارا قورعانىسىن بەكەمدەۋ، لاڭكەستىككە قارسى تۇرىپ، ورنىقتىلىقتى قورعاۋ، شۇعىل جاعدايعا توتەپ بەرۋ، اپاتتان قۇتقارۋ قابىلەتىن ۇزدىكسىز جوعارىلاتىپ، ۇلتتار ىنتىماعى قىزمەتىن شىنايى ويداعىداي ىستەپ، بەلسەنە قولداپ – قۋاتتاپ، جەرگىلىكتى ورىندى قۇرۋ مەن دامىتۋعا قاتىناسىپ، مەملەكەتتىڭ يەلىك ۇقىعىن، حاۋىپسىزدىگىن قورعاۋ، ەلىمىزدىڭ شەكارا قورعانىسىن بەكەمدەۋ، ىلەنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋ ءۇشىن تىڭ ۇلەس قوسۋلارى كەرەك.

زىڭ سۇن مىنانى تالاپ ەتتى: تۇتاس وبلىستاعى ءار دارەجەلى پارتكوم، ۇكىمەت، ءارقايسى تاراۋلار مەن ورىندار باس شۋجي شي جينپيڭنىڭ ارميا مەن حالىقتىڭ توعىسا دامۋى جونىندەگى ماڭىزدى نۇسقاۋ رۋحىن باتىل دايەكتىلەندىرىپ، مەملەكەت قورعانىسى مەن اسكەري قوسىن قۇرىلىسىنا اۋەلگىدەي كوڭىل ءبولىپ جانە قولداپ – قۋاتتاپ، اسكەري قوسىن قۇرىلىسى ءۇشىن، قالىڭ وفيتسەر – جاۋىنگەرلەر ءۇشىن قىزۋ ىنتامەن قىزمەت وتەپ، جاڭا جاعدايداعى قوس قورعاۋ قىزمەت ورەسىن جاپپاي جوعارىلاتىپ، «ارميا حالىقتى ءسۇيۋ، حالىق ارميانى قولداۋ، ارميا مەن حالىق ىنتىماعى ءبىر وتباسىنداي بولۋ» سىندى ارميا مەن ۇكىمەت، ارميا مەن حالىق قاتىناسىن ۇزدىكسىز نىعايتىپ، ارميا مەن حالىق توعىسا دامىعان تاماشا ناتيجەلەر ارقىلى پارتيا 19 – قۇرىلتايىنىڭ تابىستى اشىلۋىن قىزۋ قارسى الايىق.

ىلە بولىمشە اسكەري رايونىنىڭ سليڭيۋانى شيە چىڭ اڭگىمە ماجىلىسىندە مىنانى ءبىلدىردى: وبلىستىق پارتكوم مەن تۇتاس وبلىستاعى ءار ۇلت جۇرتشىلىعىنىڭ ارمياعا دەگەن قامقورلىعى مەن سۇيىسپەنشىلىگىن ورنىقتىلىقتى قورعاۋ، شەكارانى بەكەمدەۋدىڭ قوزعاۋشى كۇشى ەتىپ، ىلەنىڭ ستراتەگيالىق ورنىمەن ساي كەلگەن دارقاندىقپەن، ىلەنىڭ كۇردەلى جاعدايىمەن ساي كەلگەن جاۋاپكەرلىكپەن، سەنىمدى اقتاپ، بورىشتى ادا ەتىپ، تابىستى ناتيجەلەرىمىزدى پارتيا 19 – قۇرىلتايىنا ساۋعا ەتۋىمىز كەرەك.

حال سۇراۋ بارىسىندا ىلە بولىمشە اسكەري رايونى المالى شەكارا قورعانىسىنىڭ جەتەكشىسى جاڭ حۇييۋان تەلە كەسكىن ارقىلى بارشا وفيتسەر – جاۋىنگەرلەر اتىنان پوزيتسيا ءبىلدىرىپ، سوزگە شىعىپ، مىنانى ءبىلدىردى: ءبىز قاشاندا جەتەكشىمىزدىڭ تاپسىرىعىن ەستە بەرىك ساقتاپ، مەملەكەت قاقپاسىن قورعاۋ رۋحىن زور كۇشپەن ساۋلەلەندىرىپ، پارتيانىڭ قولباسشىلىعىنا باتىل سايكەسىپ، وزەكتى قىزمەتتى باتىل جۇرگىزىپ، شەكارانىڭ الدىڭعى شەبىن باتىل قورعاپ، ىلەنىڭ شەكارا قورعانىسى حاۋىپسىزدىگىنە كەپىلدىك ەتىپ، ىلەنىڭ قوعامدىق جالپى جاعداي ورنىقتىلىعىنا، شەكارا قورعانىسىن باسقارۋ – مەڭگەرۋ نىساناسىن جۇزەگە اسىرۋعا كەپىلدىك ەتۋىمىز كەرەك.

وبلىستىق قوعام حاۋىپسىزدىگى شەكارا قورعانىسى تارماق اترەتىندە زىڭ سۇن اسكەري بولىمدەگى باسشىلارمەن اڭگىمە ءماجىلىسىن وتكىزدى. زىڭ سۇن بىلاي دەدى: وبلىستىق قوعام حاۋىپسىزدىگى مەكەمەسى شەكارا قورعانىس اترەتى - شەكارا رايوننىڭ حاۋىپسىزدىگىن جانە ىلەنىڭ قوعام ورنىقتىلىعىن قورعاۋداعى ماڭىزدى كۇش. ۇزاقتان بەرى وبلىستىق قوعام حاۋىپسىزدىگى شەكارا قورعانىس تارماق اترەتى قوعام ورنىقتىلىعى مەن باياندى تىنىشتىق باس نىساناسىن تىعىز توڭىرەكتەپ،

پارتيانىڭ قولباسشىلىعىنا قولاق اسۋ، حالققا قىزمەت وتەۋ، ەرلىكپەن، شەبەرلىكپەن سوعىس جۇرگىزۋ تاڭداۋلى ءداستۇرىن تولىق ساۋلەلەندىرىپ، شارت-جاعدايى جاپالى شەكارانىڭ الدىڭعى شەبىندە تاپجىلماي، جاۋاپكەرلىگى مەن بورىشىن ادالدىقپەن ادا ەتىپ، ءتۇرلى مىندەتتەردى تولىق ورىندادى، اسىرەسە، شەكارانى باسقارۋ، شەكارانى قورعاۋ، شەكارانى مەڭگەرۋ جاعىندا قىرۋار، اسا جوعارى ءونىمدى قىزمەتتەر ىستەپ، ىلەنىڭ شەكاراسىنىڭ حاۋىپسىزدىگى مەن ورنىقتىلىعىنا پارمەندى كەپىلدىك ەتىپ، وتانىمىزدىڭ باتىس تەرىستىك شەكارا قورعانىسىن، مەملەكەتتىڭ حاۋىپسىزدىگىن بەكەمدەۋ-نىعايتۋ ءۇشىن كورنەكتى ۇلەس قوستى. وبلىستىق قوعام حاۋىپسىزدىگى شەكارا قورعانىس تارماق اترەتى ـ پارتيانىڭ قولباسشىلىعىنا قۇلاق اساتىن، بورىشىن ادالدىقپەن وتەيتىن، شەشۋشى ساتتە كەۋدە كەرە، اتويلاپ العا شىعىپ، جەڭىسكە جەتەتىن قوسىن، پارتيا مەن حالىققا تولىق سەنىمدى، جاۋىنگەرلىك قۋاتى كۇشتى قوسىن، پارتيا مەن حالىقتىڭ ادال قورعاۋشىسى، ورنىقتىلىقتى قورعاپ، شەكارانى كۇزەتۋدەگى قۇرش قوسىن ەكەندىگىن اماليات دالەلدەدى.

زىڭ سۇن وبلىستىق قوعام حاۋىپسىزدىگى شەكارا قورعانىس تارماق اترەتىندەگى بارلىق وفيتسەرـ جاۋىنگەرلەردەن باس شۋجي شي جينپيڭنىڭ جەلىلەس ماڭىزدى سوزدەرىنىڭ رۋحىن باستان-اياق تاباندىلىقپەن ۇيرەنۋدى، اسىرەسە، ارميانى قۇدىرەتتەندىرۋ، ارميانى كوركەيتۋ يدەياسىن ماڭىزدى ساياسي مىندەت رەتىندە قاراپ، يدەيا، ساياسي، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان-اياق وسكەلەڭ ءبىر اۋىزدىلىقتى ساقتاپ، اسكەري قوسىننىڭ قالتقىسىز ادال، قالتقىسىز پاك، قالتقسىز سەنىمدى بولۋىنا كەپىلدىك ەتۋدى ءۇمىت ەتتى.

وبلىستىق قوعام حاۋىپسىزدىگى شەكارا قورعانىس تارماق اترەتىنىڭ ساياسي كوميسسارى جاڭ يۇيلياڭ تارماق اترەتتىڭ نەگىزگى جاعدايىن تانىستىرعاننان كەيىن بىلاي دەدى: وسى رەتكى حال سۇراۋ قيمىلىن وراي ەتىپ، جالپى وفيتسەرـ جاۋىنگەرلەردىڭ جىگەرى مەن جاۋىنگەرلىك قۋاتىنا دەم بەرىپ، ورنىقتىلىقتى قورعاپ، شەكارانى باسقارۋدىڭ جاۋىنگەرلىك نەگىزىن ونان ارى بەكەمدەپ، وبلىستىق پارتكوم مەن حالىق ۇكىمەتىنىڭ قولباسشىلىعىنا باتىل قۇلاق اسىپ، باس نىسانانى توڭىرەكتەپ، «كەشەندى شارالاردى» تىڭعىلىقتى، ويداعىداي اتقارىپ، كۇشتى قوسىن قۇرىپ، سۇبەلى ناتيجەلەرمەن پارتيا 19-قۇرىلتايىنىڭ تابىسپەن اشىلۋىن قارسى الامىز.

شىلدەنىڭ 29-كۇنى، وبلىستىق پارتكومنىڭ ورىنباسار شۋجيى، وبلىس باستىعى قۇرماش سىرجان ۇلى، وبلىستىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى گاۋ تيانشان، وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى ليۋ چيڭحۋا قاتارلىلاردان ۇيىمداسقان حال سۇراۋ 2-گرۋپپاسى قارۋلى ساقشى 8660-قوسىنىنا، ىلە وبلىستىق قوعام حاۋىپسىزدىگى ورتتەن ساقتانۋ تارماق اترەتىنە بارىپ، ونداعى قالىڭ وفيتسەرـ جاۋىنگەرلەرگە مەرەكەلىك سالەم جەتكىزىپ، تاماشا تىلەكتەرىن ءبىلدىردى

قارۋلى ساقشى 8660-قوسىننىڭ قاتىستى قۇرىلىسىنىڭ جاعدايىنان جاسالعان دوكلادتى تىڭداعاننان كەيىن قۇرماش سىرجان ۇلى بىلاي دەدى: ۇزاقتان بەرى قارۋلى ساقشى 8660-قوسىنىنداعى جالپى وفيتسەر-جاۋىنگەرلەر ءتۇرلى اسكەري مىندەتتەردى تولىق ورىنداۋمەن بىرلىكتە، اۆتونوميالى وبلىستىڭ قوعامدىق - ەكونوميكالىق قۇرىلىسىن بەلسەنە قولدادى ءارى وعان قاتىناستى. قوعام ورنىقتىلىعىن قورعاۋ، قاتەردەن اراشالاپ، اپاتتان قۇتقارۋ، مىندەت وتەۋ-قورعاۋ، ورنىقتىلىقتى قورعاۋ، توسىن ۋاقيعالاردى ءبىر جاقتى ەتۋ، ۇلتتار ىنتىماعىن كۇشەيتۋ، كەدەيلەردى دالمە -ءدال سۇيەمەلدەۋ سياقتى جاقتاردا بورىشىن ادا ەتىپ، ناقتى قىزمەت اتقارىپ، قالتقسىز ۇلەس قوسىپ، حالىقتىڭ پەرزەنت ارمياسىنىڭ ەرجۇرەكتىلىگى مەن ايباتىن، مادەنيەتتى، شۇعىلالى وبرازىن تولىق ايگىلەپ، وبلىس حالقىنىڭ قۇرمەتى مەن القاۋىنا بولەندى.

قارۋلى ساقشى 8660- قوسىنىنداعى بارشا وفيتسەر ـ جاۋىنگەرلەر ءبىراۋىزدان بىلاي دەدى: پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن بۇلجىتپاي دايەكتىلەندىرىپ، ۇيتقىن قورعاپ، قولباسشىلىققا قۇلاق اسۋدان جازباي، مىندەتتى تىڭعىلىقتى ورىنداپ، كۇرەسكە ساقاداي ساي اسكەر جاتتىقتىرىپ، ورنىقتىلىقتى قورعاۋ قىزمەتىن كۇش سالا جاقسى ىستەپ، ىلەنىڭ قوعام ورنىقتىلىعى مەن باياندى تىنىشتىعى ءۇشىن ۇلەس قوسىپ، وبلىستىق پارتكوم مەن ۇكىمەتتىڭ، وبلىستاعى ءار ۇلت حالقىنىڭ قامقورلىعىنا ءىس جۇزىندىك ارەكەتتەرىمىز ارقىلى جاۋاپ قايتارىپ، اسكەري ءبولىم قۇرىلىسىنداعى تىڭ تىنىس، بورىشتى ادا ەتۋدەگى جاڭا تابىستارىمىزبەن پارتيا 19-قۇرىلتايىن قارسى الامىز.

ىلە وبلىستىق قوعام حاۋىپسىزدىگى ورتتەن ساقتانۋ تارماق اترەتىندە قۇرماش سىرجان ۇلى وبلىستىق قوعام حاۋىپسىزدىگى ورتتەن ساقتانۋ تارماق اترەتىنىڭ ءتۇرلى اسكەري جاتتىعۋلاردى تولىق ورىنداۋ مەن بىرگە اۆتونوميالى وبلىستىڭ ەكونوميكالىق، قوعامدىق قۇرىلىسىن بەلسەنە قولداعانىن، وعان قاتىناسقانىن تولىق تۇراقتاندىردى. ول بىلاي دەدى: وبلىستىق پارتكوم، حالىق ۇكىمەتى مەملەكەت حاۋىپسىزدىگى مەن قوعام ورنىقتىلىعىن قورعاۋ، رەفورما جاساپ، ەسىك اشۋ جانە ەكونوميكانى دامىتۋدى جەبەۋ، بەرەكەلى قوعامدى ورتاق قۇرۋ جالپى جاعدايىن شىعار ءتۇيىن ەتىپ، اسكەري قوسىن قۇرىلىسىنا بۇرىنعىسىنشا قولداۋ كورسەتىپ، اۆتونوميالى وبلىستىڭ ارميا مەن ۇكىمەت، ارميا مەن حالىق تىنىستاس، تاعدىرلاس، جۇرەكتەس بولۋ سىندى تاماشا جاعدايىن بەكەمدەپ ءارى دامىتىپ، اۆتونوميالى وبلىستىڭ قوعام ورنىقتىلىعى مەن باياندى تىنىشتىعى ءۇشىن ءتىپتى دە زور ۇلەس قوسادى.

شىلدەنىڭ 30-كۇنى وبلىستىق حالىق قۇرىلتايى تۇراقتى كوميتەتىنىڭ مەڭگەرۋشىسى ابدۇسالام سادىق، وبلىستىق پارتكومنىڭ تۇراقتى مۇشەسى رازبەك قامزا ۇلى، وبلىستىق ساياسي كەڭەستىڭ ورىنباسار توراعاسى گۇلبارشىن سەرىكباي قىزى قاتارلىلاردان ۇيىمداسقان حال سۇراۋ 3- گرۋپپاسى ىلە وبلىسىنىڭ كۇزەتشىلەر-قورعاۋشىلار باسقارماسىنا جانە ىلەدە تۇراتىن اسكەري بولىمگە بارىپ قارۋلى ساقشى وفيتسەر-جاۋىنگەرلەرگە امانداسا بارىپ، ولاردان حال سۇرادى.

ابدۇسالام سادىق قاتارلىلار وبلىستىق پارتكوم، حالىق ۇكىمەتى جانە بۇكىل وبلىستاعى ءار ۇلت بۇقاراسى اتىنان قالىڭ قارۋلى ساقشى وفيتسەر-جاۋىنگەرلەردىڭ ىلەنىڭ قوعام ورنىقتىلىعىنا، ەكونوميكاسىنىڭ دامۋىنا قوسقان ۇلەسىنە شىن جۇرەكتەن العىس ايتتى. قارۋلى ساقشى وفيتسەر-جاۋىنگەرلەردىڭ كۇندەلىكتى تۇرمىس، ارتقى شەپ قامتاماسىزداندىرۋ جاعدايلارىن ەگجەي-تەگجەيلى ۇعىستى. قارۋلى ساقشى وفيتسەر-جاۋىنگەرلەردىڭ قىزمەت جاعدايىنان جاسالعان دوكلادتى تىڭداعاننان كەيىن ابدۇسالام سادىق بىلاي دەدى: وبلىستىق پارتكوم، حالىق ۇكىمەتى بارشا قارۋلى ساقشى وفيتسەر-جاۋىنگەرلەردىڭ ىستەگەن قىزمەتتەرىنە توتەنشە رازى، قارۋلى ساقشى وفيتسەر-جاۋىنگەرلەردىڭ قولعا كەلتىرگەن تابىستارى بۇكىل وبلىستاعى ءار ۇلت بۇقاراسىنا ايان، جالعاستى تۇردە وبلىستىق پارتكومنىڭ وزەكتى قىزمەتىن توڭىرەكتەپ، مىندەت اتقارىپ، تاڭداۋلى ءداستۇر مەن رولدى بۇرىنعىسىنشا ساۋلەلەندىرىپ، كاسىپتىك جاتتىعۋلاردى ۇزدىكسىز كۇشەيتىپ، تىڭعىلىقتى قىزمەت ىستەپ، ىلەنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋ ءۇشىن ءتىپتى دە زور ۇلەس قوسۋلارىڭىزدى ءۇمىت ەتەمىز.

وبلىستىق قوعام حاۋىپسىزدىگى مەكەمەسىنىڭ ورىنباسار باستىعى، قورعاۋشىلار باسقارماسىنىڭ باستىعى شى چياڭ مىنانى ءبىلدىردى: قارۋلى ساقشى وفيتسەر – جاۋىنگەرلەرى نەگىزگى ماقساتتى، بورىشتى ەستە بەرىك ساقتاپ، ناقتى ارەكەتىمىز ارقىلى بۇكىل وبلىستاعى ءار ۇلت بۇقاراسىنىڭ تەرەڭ سۇيىسپەنشىلىگىنىڭ قارىمجىسىن قايتارىپ، جاۋاپكەرلىكتى ويداعىداي اتقارىپ، ىلەنىڭ قوعام ورنىقتىلىعى مەن ەكونوميكاسىنىڭ دامۋى ءۇشىن ۇزدىكسىز ۇلەس قوسامىز.

شىلدەنىڭ 31 – كۇنى وبلىستىق پارتكومنىڭ ورىنباسار شۋجيى، ساياسي – زاڭ كوميتەتىنىڭ شۋجيى، وبلىستىق حالىق قۇرىلتايى تۇراقتى كوميتەتى پارتگرۋپپاسىنىڭ ۇنەمىلىك ىستەرگە جاۋاپتى ورىنباسار شۋجيى، ورىنباسار مەڭگەرۋشىسى لي ميڭحۇي، وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى ءرازيا ابليز، وبلىستىڭ ورىنباسار باستىقتارى مەي يۇي، ابليكىم نۇرانبەك قاتارلىلاردان ۇيىمداسقان حال سۇراۋ 4 – گرۋپپاسى قورعاس شەكارالىق تەكسەرۋ پۋنكتى، قورعاس شەكارا قورعانىس ۇلكەن اترەتى، قورعاس داشيگوۋ شەكارا قورعانىس ساقشى بولىمشەسى سياقتى جەرلەرگە بارىپ، وفيتسەر – جاۋىنگەرلەردەن مەرەكە بايلانىسىمەن حال سۇرادى.

لي ميڭحۇي بىلاي دەدى: تالاي جىلداردان بەرى قارۋلى ساقشى شەكارا قورعانىس وفيتسەر – جاۋىنگەرلەرى وتانىمىز شەكارا قورعانىسىنىڭ بەرىك بولۋى، ىلەنىڭ، شينجياڭنىڭ قوعام ورنىقتىلىعى ءۇشىن زور ۇلەس قوسىپ، ماڭداي تەرلەرىن توگۋدە. بارشا قارۋلى ساقشى وفيتسەر – جاۋىنگەرلەرىنىڭ باس شۋجي شي جينپيڭنىڭ 30 – شىلدە جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋعا ارنالعان اسكەري پاراتتى كوزدەن كەشىرگەندە سويلەگەن ماڭىزدى ءسوزىنىڭ رۋحىن جالعاستى باتىل دايەكتى تياناقتاندىرىپ، «پارتيانىڭ قولباسشىلىعىنا قۇلاق اسۋ، جەڭىستى شايقاس جۇرگىزۋ، ستيلى تاماشا بولۋ» تالابىنا ساي، ۇزدىكسىز شىنىعۋ ارقىلى ءوزىن الۋەتتەندىرىپ، قىزمەتتى دايەكتىلەندىرۋىن؛ اۆتونوميالى رايوننىڭ ورنىقتىلىقتى قورعاۋ جونىندەگى ورنالاستىرۋىنا ساي، «كەشەندى شارانى» ويداعىداي اتقارىپ، ىلەنىڭ رەفورما، دامۋ، ورنىقتىلىق قىزمەتى ءۇشىن تىڭ ۇلەس قوسىپ، جالعاستى تاماشا ناتيجە جاراتۋىن ءۇمىت ەتەمىن.

بارشا قارۋلى ساقشى شەكارا قورعانىس وفيتسەر – جاۋىنگەرلەرى مىنانى ءبىلدىردى: جوعارى دارەجەلى ورىننىڭ ورنالاستىرۋلارى مەن تالاپتارىن جاپپاي دايەكتى تياناقتاندىرىپ، بورىشتى ەستە بەرىك ساقتاپ، شەكارانى ويداعىداي كۇزەتىپ، ويداعىداي قورعاپ، وتانىمىز شەكارا قورعانىسىنىڭ بەرىكتىگى، شينجياڭ مەن ىلەنىڭ ورنىقتىلىعى ءۇشىن ۇلەس قوسامىز.

شىلدەنىڭ 30 – كۇنى وبلىستىق پارتكومنىڭ ورىنباسار شۋجيى، ءتارتىپ تەكسەرۋ كوميتەتىنىڭ شۋجيى ءانۋار ابدۇشكۇر، وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى تۇڭ رۇيچيڭ قاتارلىلاردان ۇيىمداسقان حال سۇراۋ 5 - گرۋپپاسى چاپچال سىبە اۆتونوميالى اۋدانىنىڭ شەكارا قورعانىس ۇلكەن اترەتى، دۋلات شەكارالىق تەكسەرۋ پۋنكتى سياقتى جەرلەرگە بارىپ، وبلىستىق پارتكوم، ۇكىمەت جانە وبلىستاعى ءار ۇلت بۇقاراسى اتىنان مەرەكەلىك سالەم جەتكىزدى.

چاپچال سىبە اۆتونوميالى اۋدانى شەكارا قورعانىس ۇلكەن اترەتىندە ءانۋار ءابدۇشكۇر وبلىستىق پارتكوم، ۇكىمەت اتىنان بارشا وفيتسەر – جاۋىنگەرلەردىڭ مەرەكەلەرىن قۇتتىقتادى. ول بىلاي دەدى: كوپ جىلداردان بەرى شەكارا قورعانىس وفيتسەر – جاۋىنگەرلەرى جاۋاپكەرلىكتى، بورىشتى ەستە بەرىك ساقتاپ، پارتيانىڭ قولباسشىلىعىنا قۇلاق اسىپ، حالىق ءۇشىن قىزمەت وتەپ، باتىرلىقپەن كۇرەس جۇرگىزىپ، شەكارا رايوندى كۇزەتۋ، شەكارا قورعانىس مىندەتىن وتەۋ بارىسىندا ءامالي ارەكەتى ارقىلى ىلەدەگى ءار ۇلت حالقىنىڭ تەرەڭ سۇيىسپەنشىلىگىنە بولەنىپ، ىلەنىڭ ەكونوميكاسىنىڭ دامۋى مەن قوعام ورنىقتىلىعى ءۇشىن كورنەكتى ۇلەس قوسىپ، ارميا مەن حالىق ىنتىماعىنىڭ تىڭ داستانىن جازدى. اۆتونوميالى وبلىستاعى ءار دارەجەلى پارتكوم، ۇكىمەت قوسىن قۇرىلىسىنا باستان – اياق ايرىقشا ءمان بەرىپ، قوسىننىڭ ءتۇرلى مىندەتتەردى ويداعىداي ورىنداۋىنا بەلسەنە قولداۋ كورسەتىپ جانە سايكەسىپ، قوسىن ءۇشىن ىرىقتىلىقپەن ناقتى ىستەر ىستەپ، قوسىنداعىلاردىڭ ارتقى جاعدايىنان الاڭداماۋىنا كەپىلدىك ەتىپ، ارميا مەن حالىقتىڭ بالىق پەن سۋداي قاتىناسىن ۇزدىكسىز بەكەمدەپ جانە دامىتىپ، ارميا مەن ۇكىمەت، ارميا مەن حالىق ىنتىماعىنىڭ تاماشا جاعدايىن قالىپتاستىردى. شەكارا قورعانىس وفيتسەر – جاۋىنگەرلەرىنىڭ جاپاعا ەرەكشە ءتوزىمدى، ەرەكشە جاۋىنگەرلىك تاماشا ءداستۇرىن ۇزدىكسىز ساۋلەلەندىرىپ، بورىشتى ادا ەتىپ، پارتيانىڭ كەلەلى تاپسىرماسىن ەستە بەرىك ساقتاپ، ءتۇرلى مىندەتتەردى ويداعىداي ورىنداۋىنا كەپىلدىك ەتۋىن ءۇمىت ەتەمىن.

شىلدەنىڭ 29 - كۇنى وبلىستىق پارتكومنىڭ ورىنباسار شۋجيى، جياڭسۋ ولكەسىنىڭ ىلە وبلىسىنا باعىتتامالى كومەك بەرۋ الدىڭعى شەپ قولباسشىلىق شتابى پارتكومىنىڭ شۋجيى، باس جەتەكشىسى پان داۋجين، وبلىستىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى پارحات ءسايدي، وبلىستىڭ ورىنباسار باستىعى ەلشات تۇرسىنباي ۇلى قاتارلىلاردان ۇيىمداسقان حال سۇراۋ 6 - گرۋپپاسى موڭعۇلكۇرە شەكارا قورعانىس ۇلكەن اترەتىندەگى، شەكارا قورعانىس بەلگىلى نەگىزگى ساتى روتاسىنداعى، ۇزاق ۋاقىتتان بەرى شەكارا قورعانىسىنىڭ الدىڭعى شەبىندە تۇرعان كوماندير – جاۋىنگەرلەردەن حال سۇراپ، شەكارا قورعانىس وفيتسەر – جاۋىنگەرلەرىنە مەرەكەلىك سالەم جولدادى.

پان داۋجين شەكارا قورعانىس وفيتسەر – جاۋىنگەرلەرىمەن اڭگىمەلەسكەندە بىلاي دەدى: موڭعۇلكۇرە شەكارا قورعانىس ۇلكەن اترەتى جاقىنعى جىلداردان بەرى ءبىر قىدىرۋ داڭقتارعا قول جەتكىزدى، مىندەتتى، جاۋاپكەرلىكتى بەلسەنە اتقارۋ، جەرگىلىكتى ورىنعا قىزمەت وتەۋ جاقتارىندا زور، ءونىمدى ۇلەس قوسىپ، ارميا مەن حالىق ءبىر وتباسىنداي ەتەنە دەيتىن تەرەڭ دوستىقتى ناقتى ارەكەتتەرى ارقىلى ايگىلەدى. اۆتونوميالى وبلىس قۇرىلعاننان بەرى شەكارا قورعانىس كوماندير – جاۋىنگەرلەرى شەكارانى ويداعىداي كۇزەتىپ، قورعاپ، ىلەنىڭ ەكونوميكاسى مەن قوعامىنىڭ دامۋى ءۇشىن كەلەلى ۇلەس قوسىپ كەلەدى، وبلىستىق پارتكوم، ۇكىمەت قوسىننىڭ ءتۇرلى قىزمەتتەرىن اۋەلگىدەي قولداپ، جەرگىلىكتى ورىندا تۇرعان قوسىنداردىڭ قيىنشىلىعىن شەشىپ، ارميا مەن ۇكىمەت، ارميا مەن حالىق تىعىز ىنتىماقتاسقان تاماشا جاعدايدى بەكەمدەيدى جانە دامىتادى.

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى

مەملەكەتتىك ساياسي كەڭەس موڭعۇلكۇرەدە ۇسىنىس جوبالاردى ءبىر جاقتى ەتۋ – اقىلداسۋ ناق مايدان ءماجىلىسىن وتكىزدى

اقىسىز دەنساۋلىق تەكسەرتۋ جونىندەگى ۇيىمداستىرۋ، ۇگىت قىزمەتى جاقسى ىستەلدى

الەۋمەتتىك اۋماقتاعى پارتيا مۇشەلەرى سەرت بەرۋ قيمىلىنا قاتىناستى

ون مىڭ ادام پارتياعا كىرۋ سەرتىن قايتا بەرۋ قيمىلىن قانات جايدىردى

پارتيالى كادرلار پارتيا تۋى الدىندا سەرت بەرىپ، سەنىمدەرىن بەكەمدەدى

چاڭ ۋانچۋان شاڭحاي سەلبەستىك ۇيىمى مۇشە مەملەكەتتەرىنىڭ 14 – كەزەكتى قورعانىس مينيسترلەر ماجىلىسىنە قاتىناستى

اماندىق قورعاۋ قىزمەتكەرلەرى مەكتەپ اۋلاسىندا حاۋىپسىزدىك بىلىمدەرىنەن ساباق بەردى