جۇرەكتە ساۋلە بولماسا...

كەلۋ قاينارى: ىلە كەشى گازەتى   |   جولدانعان ۋاقىتى:2017 - 08 - 18 15:34

ما گوفۋ

2- دۇنيە جۇزىلىك سوعىس كەزىندە، ناتسيستەردىڭ جازا لاگەرىنە قامالعان ماشا ەسىمدى قارشاداي ەۆرەي قىز بالا مىناداي جىر جازعان:

ۇنەمدەيمىن بارلىعىن-كوزدىڭ جاسىن،

جالىنداعان رۋح ءام ءتان ساۋلىعىن.

كەيىنگى كۇندەر ءۇشىن قايرات كەرەك،

بولماسا دا قالتامدا سوقىر تيىن.

كۇندەرگە قورلىق پەنەن ازاپ تولى،

نەعۇرلىم سابىر، ءتوزىم قاجەت بولدى.

كوپ مۇقتاجدىق تىلەيدى بەيشارا ءومىر:

جىلى مەيىر، قامقورلىق، جۇمساق كوڭىل.

تاۋبە قىلىپ ەسىمە الام ءجيى،

مۇنىڭ ءبارى پەندەگە قۇداي سيى.

دەسە دە مۇمكىندىگىم از بولىپ تۇر،

ماجبۇرلەۋدە وسىعان ازاپتى ءومىر.

قارمانباسام بولماشى ۇمىتىمە،

تاۋ قاسىرەت باسىما تونبەك قۇرعىر.

ىشەر-اس، كيەر كيىمگە جارىمايتىن ورتادا ءارى مۇشكىل شارت-جاعدايدا دا ماشا ءومىردى قۇلاي سۇيەدى. ول ءتاڭىردى دە، وزگەلەردى دە قارعاپ - سىلەمەيدى. بار بولعانى جۇرەگىندەگى بولماشى ساۋلەنى قىزعىشتاي قوريدى. ومىردەگى شەكتى ۋاقىتى تاۋسىلىپ بارا جاتقانىمەن، جۇرەگىندەگى ساۋلە جارقىراي تۇسەدى. ول حاۋىپ-قاتەردەن قايمىقپاي، ءوزىنىڭ بالاۋسا جىرلارىمەن كىشكەنتاي رۋحىن جىلىتادى. تورىعىپ ۇمىتسىزدەنبەيدى، كوز جاسى مەن رۋح جالىنىن ىركىپ، وسى بولماشى جىلۋمەن قاراڭعى، سىز قالتارىستا جاتقان ءوزىن جىلىتادى. ونىڭ ۇمىتكە، قايسارلىققا تولى جىر جولدارىنىڭ ءار ءبىر ءسوزى التىنداي سالماقتى، سەنىمنىڭ كۇش - قۇدىرەتىنەن قۋات العان ەدى.

ۇلى بريتانيانىڭ رومانتيك اقىنى شەللەيدىڭ: «قاقاعان قىس كىرسە دە مىناۋ وڭىرگە، شۋاقتى كوكتەم دە كەلەدى ىلەسە» دەگەن جىر جولدارى بار. مەيلى قاقاعان قىستا بولساڭىز دا جۇرەگىڭىزدە ساۋلە بولسا بولعانى، ول توبەڭىزگە ءتونىپ تۇرعان قارا بۇلتتى دا تەسىپ وتە الادى. ءسىزدى قيىندىقتار مەن ساتسىزدىكتەر قايتا-قايتا قۇلاتسا دا، كوكىرەگىڭىزدە ساۋلە بولسا بولعانى ورنىڭىزدان تۇرەگەلىپ، كوڭىلسىزدىكتەردى وتكەنگە قالدىرىپ، قايتپاس قايسارلىق جانە مۇقالماس سەنىممەن بولاشاققا بەت الا الاسىز.

حەمينگۋەي: «پەندە جەڭىلسە دە، تۇرا الماستاي قۇلاپ قالۋىنا بولمايدى» دەگەن ءسوزى بار. جۇرەگىڭىزدە ساۋلە بولسا بولعانى، وبيەكتيۆ ءتيىمسىز سەبەپتەر تىرلىگىڭىزدەگى ارمانىڭىز بەن بولاشاققا دەگەن تالپىنىسىڭىزدى قۇرتا المايدى. كوپ ساتتەردە ءبىزدى تۇقىرتاتىن وزگەلەر ەمەس، قايتا سەنىمىمىزدەن ايىرىلىپ، جۇرەگىمىزدەگى اناۋ تۇنىپ تۇرعان ساۋلەنى ءوشىرىپ الاتىندىعىمىزدان بولماق. جۇرەكتەگى ساۋلە-نانىمنىڭ تاعان تاسى، كۇش-قۋاتتىڭ باستاۋ كوزى، ول ءومىر جولىڭدى جارقىراتار شىراق، تابىس قاقپاسىن اشىپ بەرەر التىن كلت.

اۋدارعان قانات جۇماش ۇلى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى

مەملەكەتتىك ساياسي كەڭەس موڭعۇلكۇرەدە ۇسىنىس جوبالاردى ءبىر جاقتى ەتۋ – اقىلداسۋ ناق مايدان ءماجىلىسىن وتكىزدى

اقىسىز دەنساۋلىق تەكسەرتۋ جونىندەگى ۇيىمداستىرۋ، ۇگىت قىزمەتى جاقسى ىستەلدى

الەۋمەتتىك اۋماقتاعى پارتيا مۇشەلەرى سەرت بەرۋ قيمىلىنا قاتىناستى

ون مىڭ ادام پارتياعا كىرۋ سەرتىن قايتا بەرۋ قيمىلىن قانات جايدىردى

پارتيالى كادرلار پارتيا تۋى الدىندا سەرت بەرىپ، سەنىمدەرىن بەكەمدەدى