قالجىڭداعان ەدىم

كەلۋ قاينارى: ىلە كەشى گازەتى   |   جولدانعان ۋاقىتى:2017 - 08 - 18 15:35

شياۋ نيۋ

(اڭگىمە)

ءبىر كۇنى تاڭەرتەڭ بۇرىن حانىمنىڭ كۇيەۋى كەڭسەسىنەن تەلە فون سوعىپ:

-قىمباتتىم، قۋانىشتى حابار! مەن ءبىرىنشى دارەجەلى سيلىققا قول جەتكىزدىم!- دەدى.

كۇيەۋى ءبىر سەرىكتىكتىڭ ورتا دارەجەلى ساۋداگەر قىزمەتكەرى بولاتىن. ۇدايى ۇتىس بەلەتىن ساتىپ الاتىن، بۇل قۋانىشتى حاباردى ەستىگەن بۇرىك حانىمنىڭ كوڭىل كۇيى گۇل – گۇل جاينادى. ول ءبىر ءسات ويلانعاننان كەيىن،سومكاسىن كوتەرىپ ۇيدەن شىعپ كەتىپ، جارىم ءتۇن بولعاندا ۇيىنە قايتا ورالدى. كۇيەۋى ايەلىنىڭ ء جۇزىنىڭ باسقاشا نۇرلانىپ، كينو شولپاندارىنداي جاسانىپ العان-دىعىن كوردى. ايەلى كۇيەۋىن كورىپ، قۋانىشىن باسا الماعان تۇردە: -قىمباتتىم! مەن قۋانعاندىعىمنان نە ىستەرىمدى بىلە الماي قالدىم. اقشا اينالىمى كوشەسىندەگى جوعارى دارەجەلى بەزەنۋ ورنىنا بارىپ، مۋزيكا تىڭداپ، تازا، جۇمىساق توسەكتە جاتىپ بەتىمنىڭ تەرىسىن مايدالاتتىردىم. پا! ونداي ورىندا جايلانىپ جاتىپ بەزەنۋ شىنىندا راحات ەكەن.

كۇيەۋى قاربالاستىققا ءتۇسىپ:

- قانشا اقشا جۇمسادىڭ؟- دەپ سۇرادى .

- جيىنى 2135 فۋند.

كۇيەۋى ەرىكسىز ايعايلاپ جىبەردى. ايەلى وعان قاراپ تا قويماي ءسوزىن ساباقتاپ جاتىر:

- بەزەنۋ ورنىنان شىعىپ، اقشا اينالىمى بيناسىنىڭ 3-قاباتىنا بارىپ، اتاقتى ماركالى بىرنەشە قۇر كيىم ساتىپ الدىم! قاراشى!

ايەلى كيىم شكابىنداعى كيىمدەردى قولىمەن نۇسقاپ كورسەتتى. كۇيەۋى ىزالانعان بەينەدە:

-قانشاعا الدىڭ؟- دەپ سۇرادى تاعى.

-4685 فۋند، بۇل پارشا جۇمساعان عانا اقشالار، كيىم الىپ بولعاننان كەيىن، ءبىر التىن القانى ۇناتىپ قالدىم عوي، ودان دۇنيەدە تەك سەگىز تال عانا بار ەكەن، مەن تيتتەي دە ءارى -ءسارى بولماستان150 مىڭ فۋندقا ساتىپ الدىم. ادەمى مە ەكەن؟

كۇيەۋىنىڭ ماڭدايىنان مونشاقتاپ تەر شىعا باستادى. ايەلى ونىڭ ءوڭىنىڭ وزگەرگەنىنە قاراماستان قولدارىن سەرمەپ سويلەي بەردى.

- بىلەسىز بە، ازىرگى وتىرىپ جاتقان ءۇيىمىزدىڭ ورنى جاقسى ەمەس ءارى تار، سوندىقتان، ءبىر ساياجاي ساتىپ الۋ ويىم بار ەدى. مەن «حانىش» كوشەسىنە بارسام، ءبىر ساياجايدى يەسى ساتپاقشى ەكەن، باعاسى 5 ميلليون 500 مىڭ فۋند ەكەن، مەن 500 مىڭ فۋند كەپىل اقشاسىن بەرىپ ساتىپ الۋعا كەلىسىپ قويدىم.

- ءسىز ءبىرىنشى دارەجەلى سيىلققا يە بولىپسىز. سيلىق سوماسى 31 ميلليون 300 مىڭ فۋند ەكەن، ونىڭ قاسىندا 5 ميلليون 500 مىڭ فۋند نەگە تۇرادى. سونان كەيىن دە مەن ساندال اعاشىنان جاسالعان ءبىر ءۇي جيھازدارىن بۇيىرتتىم،- دەدى.

كۇيەۋى ىزالى بەينەدە:

- مەنى ويراندايتىن بولدىڭ،قاپ! سەنى ۇيدەن قۋالاپ شىعارماسام، – دەدى.

ايەلى وعان پىسقىرىپ تا قاراماي:

- قىمباتتىم! ەرتەڭ ءبىز ساياجايعا كوشەمىز، بۇلءۇيدى 700مىڭ فۋندقا ساتىپ جىبەردىم، ساياجايدىڭ كەپىل سوماسى ءۇي جيھازدارىن زاكاز ەتۋ، كيىم – كەشەك، التىن القا، بەزەنۋ بۇيىمدارىن قوسقاندا، ءۇي ساتقان اقشادان تەك 50 فۋند تا اسپادى،-دەدى.

كۇيەۋى قاتتى ۇمىتسىزدەندى.

- بۇگىن الداۋ مەرەكەسى، مەن ساعان قالجىڭداعان ەدىم،- دەپ ءبىر ايقايلادى دا، ەسىنەن تانىپ كەتتى. ەسىن جيعاندا ول شيپاحانادا جاتقان ەدى. كوزىنە جاس الىپ، ايەلى ونىڭ توسەگىنىڭ باسىندا وتىرعان. ول كۇيەۋىنىڭ كوزىن اشقانىن كورىپ:

- قىمباتتىم! الداۋ مەرەكەسىندە قالجىڭداپ قويدىم، نەگە مۇنشا كوڭىلىڭىز نازىك ەدى، شىدامسىز ەكەنسىز، ءسىزدى قۇتقارۋ ءۇشىن 2500 فۋند جۇمسادىق،-دەدى .

مۇنى ەستىپ، كۇيەۋى تاعى دا ەسىنەن تانىپ قالدى.

حانزۋشادان اۋدارعان بىركەن جانۇزاق ۇلى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى

مەملەكەتتىك ساياسي كەڭەس موڭعۇلكۇرەدە ۇسىنىس جوبالاردى ءبىر جاقتى ەتۋ – اقىلداسۋ ناق مايدان ءماجىلىسىن وتكىزدى

اقىسىز دەنساۋلىق تەكسەرتۋ جونىندەگى ۇيىمداستىرۋ، ۇگىت قىزمەتى جاقسى ىستەلدى

الەۋمەتتىك اۋماقتاعى پارتيا مۇشەلەرى سەرت بەرۋ قيمىلىنا قاتىناستى

ون مىڭ ادام پارتياعا كىرۋ سەرتىن قايتا بەرۋ قيمىلىن قانات جايدىردى

پارتيالى كادرلار پارتيا تۋى الدىندا سەرت بەرىپ، سەنىمدەرىن بەكەمدەدى