ازامات جاسىنا تولماعاندار موتورلى كولىك جۇرگىزىپ قاتىناس شىرعالاڭىن تۋدىرسا، تولەم جاۋاپكەرشىلىگىن كىم ارقالايدى

كەلۋ قاينارى: شينجياڭ زاڭ جانە تۇرمىس گازەتى   |   جولدانعان ۋاقىتى:2017 - 08 - 19 14:05

ايقىن بيىل 15 جاستا، موتورلى كولىكتى ازداپ جۇرگىزگەندى بىلەتىن، ءبىر كۇنى اكەسىنىڭ كولىگىن قىزىعىپ ءوزى جۇرگىزىپ سىناپ كورمەكشى بولىپ، ەكى دوسىن الىپ سىرتقا جۇرگىزىپ شىعادى، ناتيجەدە ول كولىكتى جاقسى مەڭگەرە الماي، قاتىناس شىرعالاڭى تۋىلادى، بىرگە وتىرعان دوستارىنىڭ ءبارى وقساماعان دارەجەدە جارالانادى، ءوزىنىڭ اياعى دا سىنادى، وسى رەتكى قاتىناس شىرعالاڭىندا جارالانعان دوستارىنىڭ اتا - اناسى ايقىننىڭ اتا - اناسىنان جارالانۋ بارىسىنداعى ەكونوميكالىق زياندى تولەۋدى تالاپ ەتەدى.

بۇل دەلودا ايقىننىڭ زاڭدىق قامقورشىسى زياندالۋشىلاردىڭ ەكونوميكالىق تولەمىن ۇستىنە الۋ ءتيىس. «ازاماتتىق ىستەر جالپى ەرەجەسىندە»: 18 جاستان تومەنگىلەر ازامات جاسىنا تولماعاندار ەسەپتەلىنىپ، 10 جاستان جوعارى ازامات جاسىنا تولماعاندار ازاماتتىق ارەكەت قابىلەتى شەكتى سانالادى، ولار ءوز جاس شاماسىنا، اقىل - ەسىنە لايىق ازاماتتىق قيمىلدارمەن شۇعىلدانسا بولادى؛ باسقالاي ازاماتتىق قيمىلدارعا ونىڭ زاڭدىق قامقورشىسى جاۋاپتى بولۋ نەمەسە زاڭدىق جوقشىسىنىڭ ماقۇلداۋىن الۋ كەرەك. 10 جاسقا تولماعاندار ازاماتتىق ارەكەت قابىلەتى جوق بولىپ ونىڭ بارلىق ازاماتتىق قيمىلىنا زاڭدىق جوقشىسى جاۋاپتى بولادى. 16 جاستان جوعارى 18 جاستان تومەن ازاماتتاردىڭ ءوزىنىڭ ەڭبەك كىرىسى باستى تۇرمىس قاينارى بولعاندار ازاماتتىق ارەكەت قابىلەتى بارلار دەپ قارالادى، بۇل دەلودا ايقىن 15 جاستا ەكەنىن، ازامات جاسىنا تولماعاندىعىن كورۋگە بولادى.

«ازاماتتىق ىستەر جالپى ەرەجەسىنىڭ» 133 - تارماعىندا ازاماتتىق ىستەر ارەكەتى قابىلەتى جوق نەمەسە ازاماتتىق ىستەر ارەكەت قابىلەتى شەكتى ادامدار باسقالاردى زيانعا ۇشىراتسا، قامقورشىسى ازاماتتىق ىستەر جاۋاپكەرشىلىگىن ۇستىنە الادى. قامقورشىنىڭ جاۋاپكەرشىلىگىن لايىقتى تۇردە جەڭىلدەتۋگە بولادى.

ازاماتتىق ىستەر ارەكەت قابىلەتى جوق نەمەسە ازاماتتىق ىستەر ارەكەت قابىلەتى شەكتى ادامدار باسقالارعا زيان سالسا، ەگەر مال - مۇلكى بار بولسا تولەم شىعىمى سول ادامنىڭ ءوز مال - مۇلىكىنەن شىعارىلادى، جەتپەگەن بولەگىن قامقورشىسى لايىقتى مولشەردە تولەيدى، ءبىراق قامقورشىسى مەكەمە - ورىن بولعاندار بۇعان كىرمەيدى. سوندىقتان:

(1) ەگەر موتورلى كولىك يەسىنىڭ رۇقساتىمەن موتورلى كولىك جۇرگىزگەندە، قاتىناس شىرعالاڭى تۋىلسا، موتورلى كولىك يەسى مەن ازامات جاسىنا تولماعان ازاماتتاردىڭ قامقورشىسى ازاماتتىق تولەم جاۋاپكەرلىگىن ارقالاۋى كەرەك.

(2) ازامات جاسىنا تولماعاندار موتورلى كولىك يەسىنىڭ رۇقساتىنسىز كولىك جۇرگىزگەندە، قاتىناس شىرعالاڭى تۋىلسا، قامقورشىسى ازاماتتىق ىستەر تولەم تۇلعاسى بولادى . ەگەر كولىك يەسىنىڭ كولىك باسقارۋىندا ۇلكەن ەلەۋسىزدىك ءىسى بولسا، كولىك يەسى مەن قامقورشى ادام ەكەۋى دە زاڭدىق جاۋاپكەرلىك ارقالايدى.

(3) موتورلى كولىك يەسى قامقورشى ادام بولسا، ازامات جاسىنا تولماعاندار مەيلى رۇقسات السىن - الماسىن شىرعالاڭ تۋدىرسا، قامقورشى زاڭدىق جاۋاپكەرلىك ارقالايدى.

(4) ازامات جاسىنا تولماعاندار ەگەر ءۇشىنشى ءبىر ادامنىڭ وتىنۋىمەن كولىك جۇرگىزسە نەمەسە ونىڭ كولىك جۇرگىزۋى ءۇشىنشى ادامعا پايدالى بولسا، ءۇشىنشى ادام (ءۇشىنشى ادام ازامات جاسىنا تولماسا، ونىڭ قامقورشى) مەن ازامات جاسىنا تولماعان ادامنىڭ قامقورشىسى مەن بىرلىكتە زاڭدىق جاۋاپكەرلىكتى ۇستىنە الادى.

بۇل دەلو جونىنەن العاندا، ايقىن ازامات جاسىنا تولماعان، موتورلى كولىك جۇرگىزۋ تولىمدىلىعى جوق بولسادا موتورلى كولىك جۇرگىزىپ، شىرعالاڭ تۋدىرىپ باسقالارعا زيان سالدى، ونىڭ زاڭدىق قامقورشسى ولاردىڭ زيانىن تولەۋى كەرەك. ەگەر ايقىننىڭ ءوز مال - مۇلكى بار بولسا، الدىمەن ءوز مال - مۇلىكىنەن تولەۋىنە بولادى، جەتپەگەن بولەگىن قامقورشىسى تولەيدى.

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى

مەملەكەتتىك ساياسي كەڭەس موڭعۇلكۇرەدە ۇسىنىس جوبالاردى ءبىر جاقتى ەتۋ – اقىلداسۋ ناق مايدان ءماجىلىسىن وتكىزدى

اقىسىز دەنساۋلىق تەكسەرتۋ جونىندەگى ۇيىمداستىرۋ، ۇگىت قىزمەتى جاقسى ىستەلدى

الەۋمەتتىك اۋماقتاعى پارتيا مۇشەلەرى سەرت بەرۋ قيمىلىنا قاتىناستى

ون مىڭ ادام پارتياعا كىرۋ سەرتىن قايتا بەرۋ قيمىلىن قانات جايدىردى

پارتيالى كادرلار پارتيا تۋى الدىندا سەرت بەرىپ، سەنىمدەرىن بەكەمدەدى