داچيڭ سوتى ءبىر رەتكى مەكتەپ اۋلاسى قارىز اقشا الدامشىلىعى دەلوسىنا سوت اشتى

كەلۋ قاينارى: شينجياڭ زاڭ جانە تۇرمس گازەتى   |   جولدانعان ۋاقىتى:2017 - 08 - 21 15:22

186 ستۋدەنت 3 ميلليون 200 مىڭ يۋان قارىز الىپ، قايتارۋعا شاراسىز قالعان

زاڭسىز ەلەمەنت تيان فاميليالى «توراپتا قارىز اقشا الساڭىز ءوزىڭىز قايتارمايسىز، اۋەلى قارىمجىعا يە بولاسىز» دەگەندى جەلەۋ ەتىپ، «سۋىق قولىن» جوعارى مەكتەپ قۇشاعىنداعى ستۋدەنتتەرگە سوزعان.

پايدانىڭ جەلىكتىرۋىندە حيلۇڭجياڭ ولكەسى داچيڭ قالاسىنداعى جوعارى مەكتەپ وقيتىن 186 ستۋدەنت سوماسى 3 ميلليون 200 مىڭ يۋانعا جەتەتىن مەكتەپ اۋلاسى قارىز الدامشىلىعىنىڭ قۇيىنا بەلشەدەن باتقان. مۇنىڭ ىشىندەگى 2 ميلليون 800 مىڭ يۋان اقشانى تۇگەلدەي تيان فاميليالى ءوزىنىڭ قاجەتىنە جۇمساعان. جۋىردا تيان فاميليالىنىڭ مەكتەپ اۋلاسى قارىز اقشا الدامشىلىق دەلوسىنا داچيڭ قالاسى جوعارى جاڭا تەحنيكا رايوندىق حالىق سوت مەكەسى سوت اشىپ، قاراپ شىقتى.

1989 – جىلى تۋىلعان تيان فاميليالى حيلۇڭجياڭ ولكەسىنىڭ سۇيحۋا دەگەنىڭ جەرىنىڭ ادامى. داچيڭ قالاسىنداعى ءمالىم جوعارى مەكتەپتەن وقۋ تاۋىسقاننان كەيىن بەيجيڭدەگى ءمالىم ءبىر توراپتا قارىز اقشا تاراتۋ سەرىكتىگىنە قىزمەتكە ورنالاسقان ول 2015 – جىلى ساۋىردە قىزمەتىنەن شەگىنىپ، داچيڭعا قايتىپ كەلىپ، ءوزى ءبىر سەرىكتىك اشادى.

جاڭا قۇرعان سەرىكتىگىنىڭ جۇمىس باستاۋ قارجىسىن تەز ارادا جيناۋ ءۇشىن تيان فاميليالى نازارىن جاقىنعى جىلداردان بەرى قولامتالى جۇمىسقا اينالعان مەكتەپ اۋلاسى قارىز اقشا جۇمىسىنا اۋدارىپ، داچيڭ قالاسىنداعى شىعىس سولتۇستىك مۇناي داشۋەسى، 1 – تامىز اۋىل شارۋاشىلىق داشۋەسى، حاربين مەديتسينا داشۋەسى (داچيڭ مەكتەپ رايونى) سياقتى جوعارى مەكتەپتەرگە سۇعىن قادايدى.

سونىمەن تيان فاميليالى ءوزى وقىعان مەكتەپتە وقىپ جاتقان يۇي فاميليالىمەن بايلانىس جاساپ، وعان وسى جۇمىسىنا كومەكتەسىپ، وقۋشىلاردى توراپتا قارىز اقشا بىتىرۋگە تانىستىرۋدى تابىستايدى ءارى تيىمدىلىك جاساۋ شارتىن شىعارىپ، «وقۋشىلار توراپتا قارىز اقشا جۇمىسىن ءبىتىرىپ، العان قارىز اقشاسىن تۇگەلدەي ماعان تابىستاسا، قارىزىن تولىق مەن قايتارامىن، وعان قوسىپ، 100 يۋاننان 300 يۋان ارالىعىندا قارىمجى بەرەمىن. ال وسىعان ادام تانىستىرعاندارعا تاعى دا سايكەستى ۇلەس سيلىعىن بەرەمىن» دەپ ۋادە بەرەدى.

پايدانىڭ جەلىكتىرۋىندە يۇي فاميليالى وقۋشىلاردى ەلىكتىرىپ، تەز ارادا قارىز اقشا الۋعا ءوتىنىش بەرۋگە قوسىلاتىن 13 وقۋشىنى تاۋىپ، تيان فاميليالىعا تانىستىرادى. تيان فاميليالىنىڭ جەتەكشىلىگىندە يۇي فاميليالىنىڭ باس بولىپ ۇلگى كورسەتۋىندە، 14 وقۋشى وزدەرىنىڭ اتى – ءجونى، ازاماتتىق كۋالىگى، ۇيالى تەلەفون ءنومىرى، اتا – اناسىنىڭ جانە ساباقتاسىنىڭ بايلانىس ءتاسىلى، قولدانىلمالى جۇمساق بولشەكپەن تۇسىرىلگەن كەسكىنى سياقتى ماتەريالدارىمەن قامداپ بەرەدى. ولاردىڭ قارىز اقشا الۋ ءوتىنىشى ايگىلى جوعارى مەكتەپ وقۋشىلارىنا قارىز اقشا بەرۋتەكشەسى، وتە ءتيىمدى مەرزىمگە ءبولىپ تولەۋ قارىز اقشا تاراتۋ تەكشەسى، قىزىقتى مەرزىمگە ءبولىپ تولەۋ قارىز اقشا تاراتۋ تەكشەسى، جيڭدۇڭ اق قولحات قارىز اقشا تاراتۋ تەكشەسى سياقتى توراپتا قارىز اقشا تاراتۋ تەكشەلەرىنىڭ تەكسەرىپ بەكىتۋىنەن وتەدى ءارى قارىز اقشا الۋدىڭ بارلىق رەسىمياتى تولىق بىتەدى.

14 وقۋشى قارىز اقشانى العاننان كەيىن تيان فاميليالىنىڭ كورسەتۋى بويىنشا قارىز العان اقشانىڭ بارلىعىن تيان فاميليالىنىڭ جەكەلىك ەسەپ نومىرىنە جولداپ بەرەدى. تيان فاميليالى دا ايتقان ۋادەسىن ورىنداپ، ناق مايداندا ءاربىر وقۋشىعا 100 يۋاننان 300 يۋان ارالىعىندا قارىمجىلارىن بەرەدى ءارى تانىستىرۋشىعا 2 مىڭ يۋاننان استام ۇلەس سيلىق بەرەدى.

باستابىندا تيان فاميليالى وقۋشىلاردىڭ العان قارىز اقشاسىن اي سايىن وسىمىمەن قوسا ۋاعىندا قايتارىپ وتىرادى ءارى اسقان اقشانىڭ ءبىر بولەگىن قارىزعا تاراتىپ، ەندى ءبىر بولەگىن ءوزىنىڭ كۇندەلىك تۇتىنۋىنا جۇمسايدى. الايدا، جاعداي ونىڭ ويلاعانىنداي بولماي، قارىز اقشا تاراتىپ، اقشا ارقىلى اقشا تابامىن دەگەن قيالى قۇردىمعا كەتىپ، ول قارىز اقشا بەرگەن ادامدار قاشىپ كەتەدى دە، تاراتقان قارىز اقشاسىنىڭ ءوزىن قايتارىپ الا المايدى.

قارىز قايتارۋداعى كوز الدىداعى مۇشكىل حالدەن قۇتىلۋ ءۇشىن تيان فاميليالى شاراسىزدىقتان تاعى دا بىرنەشە ستۋدەنتپەن حابارلاسىپ، پايدا ارقىلى ولاردى ەلىكتىرىپ، ءوزىنىڭ دەلدالىنا اينالدىرادى ءارى ولارعا «اقىلى قارىز اقشا بىتىرۋگە» قوسىلاتىن وقۋشىلاردى تاۋىپ كەلۋدى تاپسىرادى.

مىنە وسىلايشا، تيان فاميليالىنىڭ وسىنداي تامىرسىز ساۋدا جاسايتىنىنان حابار تاپقان ستۋدەنتتەردىڭ قاتارى بارعان سايىن مولايا تۇسەدى ءارى 5 ستۋدەنت وعان ارناۋلى «قاريدار» تانىستىرادى. ءسويتىپ، «قاريدار» سانى بىردەن ونعا، وننان جۇزگە كوبەيىپ، تۇزاقتىڭ ءبىر ۇشىنداعى پايداعا ەلىتكەن كەيبىر ستۋدەنتتەر ارت – ارتىنان تيان فاميليالىنىڭ قاريدارىنا اينالىپ، ءوز قالاۋلارى بويىنشا قارىز اقشا بىتىرەدى.

كەيىنگى قارىزبەن الدىڭعى قارىزىن جاۋىپ وتىرعانىمەن، بارىنە بىردەي ۇلگىرە الماعاندىقتان، قارىز اقشانىڭ ءوسىمى دە بارعان سايىن كوبەيىپ، اقىرىندا تيان فاميليالىنىڭ وقۋشىلاردىڭ قارىزىن قايتارۋعا ەندىگارى قاۋقارى جەتپەي قالادى. سونىمەن ءىشىنارا بانكەلەر ارت – ارتىنان وقۋشىلاردان قارىزىن قۋزايدى. وسى كەزدە بارىپ وزدەرىنىڭ الدانعانىن سەزىپ، تۇسىنەن شوشىپ ويانعان ستۋدەنتتەر ىركەس – تىركەس قوعام حاۋىپسىزدىگى تاراۋلارىنا دەلو مالىمدەيدى.

تەكسەرۋ ارقىلى جيىنى 186 ستۋدەنتتىڭ الدانعاندىعى، تيان فاميليالى ولاردىڭ اتىنان پايدالانىپ، جيىنى 3 ميلليون 200 مىڭ يۋان قارىز اقشا الىپ، كەپىل سوماسىن تارتىپ قالعاندا، ءىس جۇزىندە 2 ميلليون 800 مىڭ يۋانعا يە بولعاندىعى، دەلو انىقتالعانعا دەيىن تيان فاميليالى قارىزدىڭ وسىمىمەن قوسىپ ءبىر ميلليون 100 مىڭ يۋانىن قايتارىپ، قالعان بولەگىن تۇگەلدەي ءوزى الباتى جۇمساعاندىعى انىقتالادى.

اقپاننىڭ 17 – كۇنى تيان فاميليالى داچيڭ قالالىق قوعام حاۋىپسىزدىگى مەكەمەسى جاعىنان قولعا الىنىپ، تامىزدىڭ 8 – كۇنى تيان فاميليالىنىڭ مەكتەپ اۋلاسى قارىز اقشا الدامكوستىگى دەلوسىنا داچيڭ قالاسى جوعارى جاڭا تەحنيكا رايوندىق حالىق سوت مەكەمەسى سوت اشىپ، قاراپ شىقتى.

ايىپتاۋشى جاق بىلاي دەپ قارادى: جاۋاپكەر تيان فاميليالى زاڭسىز يەمدەنىپ الۋ ماقساتىندا باسقالاردىڭ مال – مۇلكىن الداپ العان، سوماسى ەرەكشە زور، ونىڭ ارەكەتى «جۇڭحۋا حالىق رەسپۋبليكاسى قىلمىستىق ىستەر زاڭىنىڭ» 266 – تارماعىنا قايشى كەلەدى، قىلمىس فاكىتى انىق، دالەل ىسپاتى ناقتى ءارى تولىق بولعاندىقتان الدامشىلىق قىلمىسى بويىنشا قىلمىستىق جاۋاپكەرلىگىن قۋزاستىرۋ كەرەك.

الايدا، جاۋاپكەر تيان فاميليالى باستان – اياق ءوزىنىڭ ارەكەتىنەن الدامشىلىق قىلىمىسى ەمەس، قايتا قارىز اقشا الدامشىلىق قىلمىسى قالىپتاساتىندىعىن، ويتكەنى ءوزىنىڭ وقۋشىلاردى مۇلدە الداماعاندىعىن، ستۋدەنتتەر العان قارىز اقشانى جۇمسايتىن ادامنىڭ ءوزى ەكەندىگىن، قارىزدى ءوزى قايتاراتىندىعىن بىلەتىندىگىن، ونىڭ ۇستىنە قارىز اقشا الۋ ارەكەتى تۇگەلدەي ولاردىڭ ءوز ەرىكتەرىمەن بولعاندىعىن ايتىپ اقتالدى.

وسىعان قاراتا الەۋمەتتىك ايىپتاۋشى ورىن: جاۋاپكەردە شاعىن سومالى قارىز اقشا تاراتۋ تەكشەسىن الداۋ ارەكەتى مۇلدە بولماعان، الداعان ادامدارى قايتا وسى ستۋدەنتتەر بولعان. ونىڭ الدانعان وقۋشىلارمەن جاساسقان توقتامى وقۋشىلاردىڭ ءوز ەرىكتەرى بويىنشا بولىپ، ولار قارىز اقشانى جۇمسايتىن ادام دا، قايتاراتىن ادام دا تيان فاميليالى ەكەندىگىن بىلەدى دەگەنمەن، الايدا، جاۋاپكەر ءوزىنىڭ قارىز قايتارۋ قۋاتىن جاسىرىپ، وقۋشىلارعا قارىز اقشا الدىرىپ، ونى ءوزى جۇمساعان وسى ءبىر ناقتى ارەكەتىنىڭ وزىنەن الدامشىلىق قىلمىسى قالىپتاسادى دەپ قارادى. سوت سوڭىندا باس سۋديا سوت ۇكىمىن ىڭعايلى ۋاقىتتا شىعاراتىندىقتارىن جاريالادى.

(زاڭ گازەتىنەن)

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى

مەملەكەتتىك ساياسي كەڭەس موڭعۇلكۇرەدە ۇسىنىس جوبالاردى ءبىر جاقتى ەتۋ – اقىلداسۋ ناق مايدان ءماجىلىسىن وتكىزدى

اقىسىز دەنساۋلىق تەكسەرتۋ جونىندەگى ۇيىمداستىرۋ، ۇگىت قىزمەتى جاقسى ىستەلدى

الەۋمەتتىك اۋماقتاعى پارتيا مۇشەلەرى سەرت بەرۋ قيمىلىنا قاتىناستى

ون مىڭ ادام پارتياعا كىرۋ سەرتىن قايتا بەرۋ قيمىلىن قانات جايدىردى