قوعام حاۋىپسىزدىگى مينيسترلىگى جان قيناماي اقشا تابۋعا بولاتىن «جاقسى جۇمىستاردىڭ» كوبىندە شىرعا بار ەكەندىگىن ەسكەرتتى

كەلۋ قاينارى: شينجياڭ زاڭ جانە تۇرمىس گازەتى   |   جولدانعان ۋاقىتى:2017 - 08 - 21 15:23

جازدىق كانيكۋلدا «قوسىمشا جۇمىس ىستەپ، تاپسىرىس بەرۋ» الدامشىلىعى كوبەيۋدە

«ۇيدە وتىرىپ، ءتىنتۋىردى قوزعالتىپ عانا اقشا تابۋعا بولادى...» جازدىق كانيكۋل مەزگىلىندە «توراپتا تاپسىرىس بەرۋ» كوپتەگەن جوعارى مەكتەپ وقۋشىلارىنىڭ قوسىمشا جۇمىس ىستەۋدەگى باستى تالعامىنا اينالدى. ايتسەدە، قاراماققا جان قيناماي اقشا تابۋعا بولاتىن مۇنداي «جاقسى جۇمىستاردىڭ» كوبىندە الدامشىلىق شىرعاسى جاسىرىنىپ، كوپتەگەن قوسىمشا جۇمىس ىستەۋشىلەر اقشا تاپقانى بىلاي تۇرسىن، اۋەلى الدامشىلاردىڭ الدام قالتاسىنا ءتۇسىپ، اقشاسىنان ايىرىلدى.

تولىقسىز ساناققا نەگىزدەلگەندە، جازدىق كانيكۋلدا «قوسىمشا جۇمىس ىستەپ، تاپسىرىس بەرۋ» الدامشىلىعى سەبەبىنەن مالىمدەلگەن دەلو سانى ادەتتەگى كەزدەگىدەن 3 پايىز اينالاسىندا كوپ بولعان. حۋنان ولكەسى چاڭشا قالالىق تەلەگراف الدامشىلىعىنا قارسى تۇرۋ ورتالىعىنىڭ بيىل ماۋسىمنان بەرى قابىلداعان وسى تەكتەس دەلوسى 195 كە جەتكەن. قوعام حاۋىپسىزدىگى مينيسترلىگى قالىڭ حالىق بۇقاراسىنا «قوسىمشا جۇمىس ىستەپ، تاپسىرىس بەرۋ» الدامشىلىعىنان ەرەكشە اباي بولۋدى ەسكەرتتى.

«قوسىمشا جۇمىس ىستەپ، تاپسىرىس بەرۋ» الدامشىلىعى كوبەيۋدە

«قوسىمشا جۇمىس ىستەپ، تاپسىرىس بەرسەڭىز، دەرەۋ ناق اقشاعا يە بولاسىز؛ ۇيدە وتىرىپ – اق ايلىق كىرىسىڭىزدى ون نەشە مىڭ يۋاننان اسىراسىز...» مىنە وسىندايدى جەلەۋ ەتكەن ءبىر توپ الدامشىلار «قوسىمشا قىزمەت ىستەپ، تاپسىرىس بەرۋ» شىرعاسىن قۇرعان. دەلوعا ساياتىن سوما 60 ميلليون يۋاننان اسقان.

جۋىردا جىجياڭنىڭ چاڭشان ساقشى جاعى ءبىر رەتكى «قوسىمشا قىزمەت ىستەپ، تاپسىرىس بەرۋ» الدامشىلىق دەلوسىن انىقتاپ، 18 قىلمىس كۇماندىسىن قولعا ءتۇسىردى.

ۇعىسۋعا قاراعاندا، بيىل قاڭتاردا چاڭشان اۋداندىق قوعام حاۋىپسىزدىگى مەكەمەسىنىڭ داچياۋتوۋ ساقشى بولىمشەسى مىناداي ءبىر دەلو مالىمەتىن قابىلداعان. زياندالۋشى بىرەۋ «قوسىمشا جۇمىس ىستەپ، تاپسىرىس بەرۋ» كەلتە حاتىن تاپسىرىپ العاننان كەيىن، كەلتە حاتتاعى كورسەتپە بويىنشا تاپسىرىس بەرىپ، ناق اقشاعا يە بولماقشى بولعاندا الدانىپ، 18 مىڭ يۋاننان استام اقشاسىنان ايىرىلعان.

چاڭشان ساقشى جاعى دەرەۋ تەكسەرۋ جۇرگىزگەندە تۇتاس ولكە كولەمىندە تۋىلعان وسى تەكتەس نەشە ونداعان دەلودا تاپسىرىس بەرىپ، ناق اقشاعا يە بولۋ الدامشىلىعىنا ۇشىراعان ادامدار كۇندە بار بولىپ، الدانعان ادام سانى نەشە ون مىڭعا جەتكەنىن بايقاعان. چاڭشان ساقشى جاعى دەرەۋ ارناۋلى بارلاۋ گرۋپپاسىن قۇرىپ، بارلاۋ قىزمەتىن ورىستەتىپ، سوڭىندا 18 قىلمىس كۇماندىسىن قولعا تۇسىرگەن.

ۇعىسۋعا قاراعاندا، ساقشى جاق سوققى بەرۋ تەبىنىن ۇزدىكسىز ارتتىرعانىمەن، الايدا، جازدىق كانيكۋل جەتىپ كەلىسىمەن «قوسىمشا قىزمەت ىستەۋ الدامشىلىق» دەلولارى تاعى دا جوعارى ورلەۋگە كوتەرىلگەن.

ساناققا نەگىزدەلگەندە، بيىل ماۋسىمنان بەرى تەك حۋنان ولكەسى چاڭشا قالالىق قوعام حاۋىپسىزدىگى مەكەمەسىنىڭ تەلەگراف الدامشىلىعىنا قارسى تۇرۋ ورتالىعى «96110» ىستىق لەنيالى تەلەفونىندا وسى تەكتەس «قوسىمشا قىزمەت وتەۋ الدامشىلىق» دەلوسىنان 195 ىن قابىلداعان. بۇل ۇقساس مەزگىلدەگى تەلەگراف الدامشىلىق دەلوسى جالپى سانىنىڭ %13 ىن يەلەگەن. زياندالۋشىلاردىڭ ىشىندە قىزمەت قاراستىرعان جاستار مەن جوعارى مەكتەپ وقۋشىلارى باسىم كوپ بولەگىن ۇستاپ، الدامشىلىق سوماسى نەشە ءجۇز يۋاننان نەشە مىڭ، ءتىپتى، نەشە ون مىڭ يۋانعا دەيىن جەتكەن.

الدامشىلىق ءتاسىلى الۋان ءتۇرلى بولۋدا

چاڭشان ساقشى جاعى انىقتاعان «قوسىمشا قىزمەت ىستەپ، تاپسىرىس بەرۋ» الدامشىلىق دەلولارىنداعى قىلمىس كۇماندىلارىنىڭ مويىنداماسىنا نەگىزدەلگەندە، الدامشىلار توبى زياندالۋشىعا تاۋارعا تاپسىرىس بەرۋ جالعانىمىن جىبەرەدى دە، تاپسىرىس بەرگەننەن كەيىن دەرەۋ زاتتى قايتارتىپ، اقشاسىن الىپ بەرەدى ءارى سىرىڭكەلىك تولەيدى. زياندالۋشى مىنە وسىعان ايرانداي ۇيىپ، سەنىم ارتقان كەزدە الدامشىلار توبى ەندى جوعارى سوماداعى سىرىڭكەلىك ارقىلى زياندالۋشىنى ەلىكتىرىپ، كوپ رەت تاپسىرىپ بەرۋگە قىزىقتىرادى. زياندالۋشى سوماسى ەڭ جوعارى بولعان ءبىر رەتكى زاتقا تاپسىرىس بەرگەننەن كەيىن، الدامشىلار ەندىگارى زاتتى دا قايتارمايدى، سىرىڭكەلىك تە بەرمەيدى، ۇشتى – كۇيدى جوعالادى.

بۇدان تىس، «قوسىمشا جۇمىس ىستەپ، تاپسىرىس بەرۋدى» جەلەۋ ەتكەندەردىڭ زياندالۋشىلاردان قاتىستى «رەسىميات اقىسىن الۋ» الدامشىلىعى دا ءبىرشاما كوپ كەزدەسەتىن الدامشىلىق ءتۇرى. جىجياڭ ولكەسى چۇيجوۋ قالالىق قوعام حاۋىپسىزدىگى مەكەمەسى چۇيجياڭ رايوندىق بولىمشەسى قىلمىستىق ىستەردى بارلاۋ ۇلكەن اترەتى توراپتا شايقاس جۇرگىزۋ ورتالىعىنىڭ مەڭگەرۋشىسى پان جيانجۇن تىلشىگە: وتكەن جىلى قىركۇيەكتىڭ 13 – كۇنى چۇيجياڭ بولىمشە مەكەمەسى زياندالۋشى ۋاڭ فاميليالىنىڭ تاپسىرىس بەرۋ اتىن جامىلعان الدامشىلىققا ۇشىراپ، مىڭ يۋاننان استام اقشاسىنان ايىرىلعاندىعى جونىندەگى دەلو مالىمەتىن قابىلدادى. وسى دەرەك بويىنشا بارلاۋشى ساقشىلار بارلاۋ جۇرگىزۋ ارقىلى «قوسىمشا جۇمىس ىستەپ، تاپسىرىس بەرۋدى» جەلەۋ ەتىپ، زياندالۋشىلاردىڭ اقشاسىن الداپ الۋمەن اينالىىساتىن ءبىر الدامشىلىق توبىن انىقتادى، - دەدى.

پان جياڭجۇننىڭ تانىستىرۋىنشا، بۇل الدامشىلار توبى توراپ ارقىلى بايلانىس جاساپ، ءتىل بىرىكتىرىپ، «توپ باستىعى، قازىنا جاۋاپتىسى، سىرتقى ۇگىت جاۋاپتىسى، قاريدارعا قىزمەت وتەۋشى، تاربيەلەۋشى» سياقتى ۇقساماعان سالاۋاتتاعى ادامداردىڭ رولىن سومداپ، ۇيىمداسىپ، توراپتا قىزمەت وتەيتىن جۇيەلى ءبىر تەكشەنىڭ اتىن جامىلىپ، توراپكەرلەرگە توراپتا ىستەلەتىن، جوعارى ەڭبەكاقىلى، جەڭىل جۇمىستاردى تانىستىرۋدى جەلەۋ ەتىپ، زياندالۋشىلاردىڭ سەنىمىنە يە بولعاننان كەيىن الدامشىلىق ىستەيدى ەكەن.

ەڭ اۋەلى تەكشەنىڭ «سىرتقى ۇگىت» قىزمەتكەرى توراپتا قوسىمشا قىزمەت ىستەۋدىڭ جالعان جارناماسىن شىعارادى. زياندالۋشىلار جارناماداعى بايلانىس ءتاسىلى بويىنشا بايلانىس جاساعاننان كەيىن، «سىرتقى ۇگىت قىزمەتكەرى» زياندالۋشىنى تەكشەنىڭ «قاريدارلارعا قىزمەت وتەۋشىسىنە» تانىستىرادى، «قاريدارلارعا قىزمەت وتەۋشى» زياندالۋشىنى الداپ، ولاردىڭ سەنىمىنە يە بولعاننان كەيىن ولاردان «ۇيىمعا مۇشە بولۋ اقىسى»، «قىزمەتكەرلىك ءنومىر اقىسى»، «كيىم اقىسى» سياقتى قىزمەتكەر قابىلداۋ اقىلارىن الىپ، ءتۇرلى رەسىمياتتارىن تولىق وتەپ بولعاننان كەيىن تولەگەن ءتۇرلى اقىلارىن قايتارىپ بەرۋگە جالعاننان ۋادە بەرەدى.

الدامشىلىق مىنە وسىمەن توقتاپ قالمايدى. «قاريدارلارعا قىزمەت وتەۋشى» ەندىگى باسقىشتا زياندالۋشىنى «باس تاربيەشىگە» تانىستىرادى، «باس تاربيەشى» زياندالۋشىدان تاربيەلەۋ قاراجاتىن العاننان كەيىن ونى «قىزمەت ورنىنا ءبولىس جاساۋشىعا» تانىستىرادى، «قىزمەت ورنىنا ءبولىس جاساۋشى» زياندالۋشىنى جالعاستى «دۇكەن جاۋاپتىسىنا» تانىستىرىپ، زياندالۋشىدان «تەكسەرىپ بەكىتۋ اقىسىن» الادى دا، زياندالۋشىنى ەندى «كۋالىك بەرۋ بولىمىنە» تانىستىرادى، «كۋالىك بەرۋ ءبولىمى» زياندالۋشىدان تاعى «كۋالىك بەرۋ اقىسىن» الادى... الدامشىلىق مىنە وسىلاي جالعاسا بەرەدى.

زياندالۋشىلار مىنە وسىنداي قات – قابات الدامشىلىق تۇرلەرىنەن ءوتىپ بولعاننان كەيىن، ولاردى ەندى ەشكىم دە ەلەپ - ەسكەرمەيدى. الداپ العان بارلىق قاراجات ءبىر تۇتاس الدامشىلار توبىنىڭ «قازىنا» تاراۋىنا تاپسىرىلىپ، «توپ باستىعى» تەكسەرىپ بەكىتكەننەن كەيىن ارام ولجانى قىلمىس كۇماندىلارىنا ۇقساماعان ۇلەس سالىستىرماسى بويىنشا ءبولىپ بەرەدى.

پان جيانجۇن بىلاي دەدى: الدامشىلىقتىڭ تۇتاس بارىسىندا ۇقساماعان رول العان الدامشىلار ءتۇرلى سىلتاۋلاردى كورسەتىپ زياندالۋشىلاردىڭ سەنىمىنە يە بولادى، ءاربىر بۋىندا ۇقساماعان جەلەۋمەن زياندالۋشىنىڭ اقشاسىن الداپ الادى، الدانۋشىلاردىڭ كەيبىرەۋى الدامشىلىق بارىسىندا ءوزىنىڭ الدانعانىن ەرتە سەزىپ دەلو مالىمدەسە، ال كەيبىرەۋى الدامشىلىقتىڭ تۇتاس بارىسىن باسىنان كەشىرىپ، اقشاسىنان ءبىر – اق ايىرىلعاندا بارىپ ءوزىنىڭ الدانعانىن سەزەدى. مۇندايلاردىڭ تارتاتىن زيانى ءتىپتى دە اۋىر بولادى.

ۇعىسۋعا قاراعاندا، چۇيجياڭ ساقشى جاعى انحۇي، جياڭسۋ، جىجياڭ، جياڭشي سياقتى جەرلەرگە دەيىن بارىپ، دۋان فاميليالى، ۋاڭ فاميليالى قاتارلى 20 دان استام قىلمىس كۇماندىسىن قولعا تۇسىرگەن.

الدامشىلىقتان ساقتانۋ تانىمىن ارتتىرۋ اسا قاجەتتى

«كوكتەن تىلەگەنى جەردەن تابىلاتىن» وڭاي جۇمىس جوقتىعىن جۇرتتىڭ ءبارى بىلەدى. الايدا، سونشاما كوپ ادامدار تاعى دا الدامشىلاردىڭ الدام قالتاسىنا تۇسۋدە. مىنە بۇل جاعداي دەلوعا جاۋاپتى ساقشىلاردىڭ باس اۋرۋىنا اينالۋدا.

پان جيانجۇن بىلاي دەدى: مەكتەپتەگى وقۋشىلار، وتباسى ايەلدەرى «قوسىمشا قىزمەت ىستەپ، تاپسىرىس بەرۋ» سياقتى وسى تەكتەس الدامشىلىقتاردان ەرەكشە اباي بولۋى كەرەك، مۇددەگە كوز قىزارتامىن دەپ بار بايلىعىنان ايىرىلىپ قالاتىن جاعداي بولماعانى ءجون.

كۇندەلىك قىزمەت بارىسىندا ساقشىلار الدامكوستىكتەن ساقتانۋدا مىنا ءۇش نارسەنى ەستە بەرىك ساقتاۋدى ەسكەرتەدى. بىرىنشىدەن، جوعارى ەڭبەكاقىلى ءارى جەڭىل قىزمەت دەگەندەردىڭ بارلىعىندا الدامشىلىق بار، بازاردىڭ قاجەتىنە قايشى كەلەتىن مۇنداي «جاقسى ىستەر» ەشقاشان بولعان ەمەس؛ ەكىنشىدەن، الدىمەن اقى تاپسىراتىن ءارقانداي قىزمەتتەن باتىل باس تارتۋ كەرەك، قىزمەت بارىسىندا ءتۇرلى اقى تاپسىرۋدى تالاپ ەتەتىن قىزمەتتەردىڭ كوبىندە جاسىرىن قىلتاق بار؛ ۇشىنشىدەن، قىزمەت تابۋعا تۋرا كەلسە، ءسوزسىز، دۇرىس جولدار ارقىلى قىزمەت قاراستىرۋ كەرەك، قىزمەت قاراستىرۋ بارىسىندا، ءسوزسىز، جەكەلىك ينفورماتسيانىڭ حاۋىپسىزدىگىن جاقسى قورعاعان ءجون.

چاڭشان اۋداندىق قوعام حاۋىپسىزدىگى مەكەمەسى ۋايگاڭ ساقشى بولىمشەسىنىڭ ورىنباسار باستىعى لي داۋجۇڭ مىنانى ۇسىنىس ەتتى: مەيلى قانداي تۇردەگى قوسىمشا قىزمەت بولسىن، اقى تاپسىرۋعا ساياتىنى بولسا، ءسوزسىز، ەرەكشە قىراعى بولۋ كەرەك. اسىرەسە، «اسپاننان ماي شەلپەك جاۋاتىن» ەلىتۋلەرگە جولىققاندا ەرەكشە سەرگەك بولعان ءجون.

لي داۋجۇڭ بىلاي دەدى: امالياتتا الدامشىلىققا ۇشىراعان دەلولاردىڭ كوبىندە الدانۋشىلار تۇزاقتىڭ ءبىر ۇشىنداعى از پايداعا ەلىتىپ، كوپ زيانعا ۇشىرايدى. ادامدار ءتۇرلى ەلىتۋلەر الدىندا ءوز ءناپسىسىن تەجەي بىلەدى ەكەن، ءارقانداي الدامشىلاردىڭ تۇزاعىنا وڭاي تۇسپەيتىنىنە سەنىمىم كامىل.

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى

مەملەكەتتىك ساياسي كەڭەس موڭعۇلكۇرەدە ۇسىنىس جوبالاردى ءبىر جاقتى ەتۋ – اقىلداسۋ ناق مايدان ءماجىلىسىن وتكىزدى

اقىسىز دەنساۋلىق تەكسەرتۋ جونىندەگى ۇيىمداستىرۋ، ۇگىت قىزمەتى جاقسى ىستەلدى

الەۋمەتتىك اۋماقتاعى پارتيا مۇشەلەرى سەرت بەرۋ قيمىلىنا قاتىناستى

ون مىڭ ادام پارتياعا كىرۋ سەرتىن قايتا بەرۋ قيمىلىن قانات جايدىردى