اۆتوكولىكتى قاتەرلى جۇرگىزۋدەگى 7 ۇلكەن اعات تانىم

كەلۋ قاينارى: شينجياڭ زاڭ جانە تۇرمىس گازەتى   |   جولدانعان ۋاقىتى:2017 - 08 - 21 15:25

ان جيانفاڭ

جۋىردا بەيجيڭ قالالىق ورتا دارەجەلى 1 - حالىق سوت مەكەمەسى تاياۋ جىلدان بەرى وزدەرى سوتتا قاراعان اۆتوكولىكتى قاتەرلى جۇرگىزۋگە قاتىستى 39 قىلمىستىق ىستەر دەلو مىسالىمەن ۇشتاستىرا وتىرىپ، ماس كۇيدە اۆتوكولىك جۇرگىزۋدەي قاتەرلى جۇرگىزۋگە قاتىستى 7 ۇلكەن اعات تانىمدى جيناقتادى ءارى انىق - قانىعىن ءتۇسىندىردى.

ءبىرىنشى اعات تانىم:

«اراقتى ءتاۋىر كوتەرەمىن، مۇلدە ماس بولمايمىن!»

ايىپكەر ۋXX مەملەكەت يەلىگىندەگى ءمالىم سەرىكتەستىكتىڭ جوعارى ءمانساپتىسى ەدى، قوناعاسىعا كوبىرەك شاقىرىلاتىن، اراقتى ءتاۋىر كوتەرەتىنىن ايتىپ ماقتاناتىن.

ءبىر كۇنى تۇستە ۋXX جارتى سارىدەن ارتىق اراق ىشكەن سوڭ، اۆتوكولىك جۇرگىزسە تيتتەي دە ىقپالى بولمايتىنداي سەزىنىپ، اۆتوكولىكپەن جولعا شىعادى. جولدا كەتىپ بارا جاتقاندا، ونى مىندەت وتەپ جۇرگەن ساقشىلار تاباندا تەكسەرىپ ۇستايدى. ءادىليالىق ساراپتاۋدا ونىڭ قانىنداعى سپيرت قۇرامى 144.6mg/100ml بولىپ، مەملەكەتتىڭ قانداعى سپيرت قۇرامى ولشەمىندە بەلگىلەنگەن ماس بولۋ ولشەمىنە جەتكەن. سوت مەكەمەسى ۋXX تىڭ اۆتوكولىكتى قاتەرلى جۇرگىزۋ قىلمىسىن وتكىزگەنىن تۇراقتاندىرىپ، وعان ءبىر اي قولدا ىستەتۋ جازاسىن بەرىپ، قوسىمشا مىڭ يۋان ايىپ سالدى.

سۋديانىڭ ايتارى:

مەملەكەتتىك ساپا تەكسەرۋ باس مەكەمەسى، مەملەكەتتىك ولشەم كوميتەتى جاريالاعان «اۆتوكولىك جۇرگىزۋشىلەردىڭ قانى مەن دەمىندەگى سپيرت قۇرامىنىڭ العاشقى ءمانى جانە ونى تەكسەرۋ بەلگىلەمەسىندە»: اۆتوكولىك جۇرگىزۋشىلەردىڭ قانىنداعى سپيرت قۇرامى 20mg/100ml نان جوعارى نەمەسە وعان تەڭ، 80mg/100ml نان تومەن بولسا، اراق ءىشىپ اۆتوكولىك جۇرگىزۋگە جاتادى؛ سپيرت قۇرامى 80mg/100ml نان جوعارى نەمەسە وعان تەڭ بولسا، ماس كۇيدە اۆتوكولىك جۇرگىزۋگە جاتادى،- دەلىنگەن. قانداعى سپيرت قۇرامى بەلگىلەنگەن ولشەمگە جەتسە نەمەسە ودان اسسا بولعانى، اراق ءىشىپ اۆتوكولىك جۇرگىزۋگە نەمەسە ماس كۇيدە اۆتولىك جۇرگىزۋگە شارت ازىرلەگەن بولادى.

تۇرمىستا كەي ادام «اراقتى ەرەكشە كوتەرەمىن، جارتى كيلوعا ەشتەمە بولماعاندا، جارتى ءسارى ءىشىپ الىپ اۆتوكولىك جۇرگىزسەم ماسەلە شىعا قويمايدى» دەپ قارايدى. ءىس جۇزىندە، ادامنىڭ قانشالىق اراق كوتەرەتىنى دەنەدەگى الكوگول دەگيدروگەنازا مەن اتسەتالدەگيد دەگيدروگەنازانىڭ مولشەرىنە بايلانىستى، اراق كوتەرەتىندەردىڭ قانىنداعى سپيرت قۇرامى اراق كوتەرە المايتىنداردىكىنەن تومەن دەۋگە كەلمەيدى.

اراقتى كوپ ىشكەننەن كەيىن قانداعى سپيرت قۇرامى بىرگە ورلەيدى، اراق كوتەرەتىندەردىڭ ماس بولعانى بىلىنبەگەنىمەن، قانىنداعى سپيرت قۇرامى ولشەنگەننەن كەيىن اراق ءىشىپ اۆتوكولىك جۇرگىزگەن نەمەسە ماس كۇيدە اۆتوكولىك جۇرگىزگەن دەپ تۇراقتاندىرىلادى. دەمەك، اراق ءىشىپ اۆتوكولىك جۇرگىزۋ نەمەسە ماس كۇيدە اۆتوكولىك جۇرگىزۋ ارەكەتىن قالىپتاستىرعان - قالىپتاستىرماعانىن سول ادامنىڭ قانشالىق اراق كوتەرەتىندىگىنە نەگىزدەلىپ تۇجىرىمداۋعا بولمايدى، اۆتوكولىك جۇرگىزگەندە اراق ىشپەۋ، اراق ىشكەندە اۆتوكولىك جۇرگىزبەۋ كەرەك.

ەكىنشى اعات تانىم:

قۋاتتاندىرعىش سۇيىقتىق ىشكەن سوڭ دەنەدەگى سپيرت قۇرامى ولشەمنەن اسسادا بولا بەرەدى دەۋ

ءبىر كۇنى تۇستە ايىپكەر چىنXX قۇرامىندا 40% سپيرتى بار شۋجينحولو ءنارلى سۇيىقتىعىنان 200 ميلليليتر ءىشىپ الادى. سول كۇنى ساعات 23:00 شاماسى كەزىندە، ول اۆتولىك جۇرگىزىپ بەيجيڭ حايديان رايونى قۇرىلىس بازارى باتىس كوشەسىندەگى ءبىر قىزمەت عيماراتىنىڭ الدىندا جولدىڭ ورتاسىنداعى راشەتكاعا سوعىلىپ قاتىناس شىرعالاڭى تۋىلادى. قاتىناس ساقشىسى ناق مايدانعا بارعاننان كەيىن شىرعالاڭدى جاي تارتىپپەن ءبىر جاقتى ەتىپ، بارلىق جاۋاپكەرشىلىكتى چىنXX تىڭ ارقالاۋىن تۇراقتاندىرادى. تۇنگى ساعات 00:52 دە مەديتسينا قىزمەتكەرلەرى ونىڭ ۆەنا تامىرىنان قان الىپ ساقتاپ قويادى.

كەيىن بەيجيڭ قالالىق قوعام حاۋىپسىزدىگى مەكەمەسىنىڭ قاتىناس ساقشى ءادىليالىق ساراپتاۋ ورتالىعىنىڭ ساراپتاۋىندا ونىڭ قانىنداعى سپيرت قۇرامى 103.2mg/100ml بولىپ، مەملەكەتتىڭ ادام دەنەسىندەگى سپيرت قۇرامى ولشەمىندە بەلگىلەنگەن ماس بولۋ ولشەمىنە جەتكەنى انىقتالادى. سوت مەكەمەسى چىنXX اۆتوكولىكتى قاتەرلى جۇرگىزۋ قىلمىسىن وتكىزدى دەپ تۇراقتاندىرىپ، وعان ءبىر اي 6 كۇن قولدا ىستەتۋ جازاسىن بەرىپ، قوسىمشا مىڭ يۋان ايىپ سالدى.

سۋديانىڭ ايتارى:

ءبىرتالاي ادام: اۆتوكولىكتى قاتەرلى جۇرگىزۋ قىلمىسى اراق ءىشىپ اۆتوكولىك جۇرگىزۋ ارەكەتىنە سوققى بەرۋ ءۇشىن بەلگىلەنگەن، اراق ءىشۋدى قوسپاعاندا، قۋاتتاندىرعىش، ءدارى - دارمەك، ءنارلى سۇيىقتىق سياقتىلاردى تۇتىنۋدان دەنەدەگى سپيرت مولشەرى ولشەمنەن اسىپ كەتسە قىلمىس قالىپتاسپايدى، -دەپ قارايدى. ءىس جۇزىندە اۆتوكولىكتى قاتەرلى جۇرگىزۋدى قىلمىسقا ەنگىزۋ جانە اراق ءىشىپ اۆتوكولىك جۇرگىزۋدى تەكسەرىپ ءبىر جاقتى ەتۋ شوفەر مەن جۇرگىنشىلەردىڭ حاۋىپسىزدىگى شىعار ءتۇيىن ەتىلگەن، مەيلى اراق - شاراپ، الدە باسقا نارسە ىشكەن بولسىن، بويعا سپيرت تارالسا بولعانى، تۇبىندە اۆتوكولىكتى حاۋىپسىز جۇرگىزۋگە ىقپالى جەتىپ، زاڭدىق جاقتا اۆتوكولىكتى قاتەرلى جۇرگىزۋ قىلمىسىنىڭ زاردابىنا ۇشىراماي قويمايدى.

ءۇشىنشى اعات تانىم:

اراق ىشكەن ادام اۆتوكولىكتى از جىلجىتىپ بارىپ دەرەۋ توقتاتسا، ەشتەڭە ەتپەيدى

2014 - جىلى مامىردىڭ 13 - كۇنى ساعات 23:00 مولشەرىندە، ايىپكەر چىنXX اراق ىشكەن سوڭ بەيجيڭ قالاسى حايديڭ رايونى شيجىمىن داڭعىلىنداعى اۆتوكولىك قويۋ ورنىندا اۆتوكولىكتى وكىلەتتى جۇرگىزۋ سەرىكتەستىگىنىڭ ادامدارىمەن اۆتوكولىكتى وكىلەتتى جۇرگىزۋ ماسەلەسى جونىندە داۋلاسىپ قالعان سوڭ، شاعىن تۇرپاتتى اۆتوموبيلدەن بىرەۋىن جۇرگىزىپ شىعا بەرە قايتا توقتايدى. جۇرت ساقشىعا مالىمدەگەن سوڭ چىنXX دەرەۋ اۆتومويىلىن توقتاتىپ قاتىناس ساقشى تاراۋىنىڭ ءبىر جاقتى ەتۋىن توسادى. سول كۇنى ساعات 23 دەن 44 مينۋت وتكەندە مەديتسينا قىزمەتكەرلەرى ونىڭ ۆەنا تامىرىنان قان الىپ ساقتاپ قويادى. كەيىن بەيجيڭ قالالىق قوعام حاۋىپسىزدىگى قاتىناس ساقشى ءادىليالىق ساراپتاۋ ورتالىعىنىڭ ساراپتاۋى بويىنشا ونىڭ قانىنداعى سپيرت قۇرامى 100.9mg/100ml بولىپ، «مەملەكەتتىڭ ادام دەنەسىندەگى سپيرت قۇرامىنىڭ ولشەمىندە» بەلگىلەنگەن ماس بولۋ ولشەمىنە جەتكەنى انىقتالادى. سوت مەكەمەسى چىنXX تىڭ اۆتوكولىكتى قاتەرلى جۇرگىزۋ قىلمىسىن وتكىزگەنىن تۇراقتاندىرىپ، وعان ءبىر اي قولدا ىستەتۋ جازاسىن بەرىپ، قوسىمشا 2 مىڭ يۋان ايىپ سالدى.

سۋديانىڭ ايتارى:

ادەتتە ادامدار جوعارىداعىداي جاعداي جونىندە «اۆتوكولىك قوزعالا باستاعان لەزدىك ساتتە شوفەر ازداپ ەسىن جيناپ، كولىكتى امالداپ توقتاتۋ ارقىلى اۆتوكولىك جۇرگىزۋ حاۋپىنەن ساقتانعان، بۇل قىلمىس وتكىزۋدەن ساقتانۋدىڭ تيپتىك تۇرىنە جاتادى، قىلمىستىق جاۋاپكەرشىلىگى قۋزاستىرىلماۋعا ءتيىس» دەپ قاراۋى مۇمكىن. شىنتۋايتقا كەلگەندە، اۆتوكولىكتى قاتەرلى جۇرگىزۋ دەلوسى بۇلاي تون ءپىشۋدى كوتەرمەيدى، ياعني اراق ءىشىپ اۆتوكولىك جۇرگىزسە بولعانى، قانشالىق قاشىقتىققا دەيىن جۇرگىزىپ بارسىن ءبارىبىر، قىلمىس وتكىزۋ ماقساتىنا جەتكەندىككە جاتادى.

ءتورتىنشى اعات تانىم:

اراق ىشكەن ادام اۆتوكولىكتى ءبىر شەتكە جۇرگىزىپ، ماتوردى ءسوندىرىپ دەمالۋعا بولادى

2014 - جىلى ءساۋىردىڭ 10 - كۇنى تاڭعى ساعات 4 مولشەرىندە، ايىپكەر ليۋXX اراق ىشكەن سوڭ شاعىن اۆتولىكتى ءمىنىپ تۇستىكتەن تەرىستىككە قاراي جولعا شىعادى، ءدال بەيجيڭ حايديان رايونى سولتۇستىك 4 - اينالما جولىنداعى ليۋلاڭجۋاڭ كوپىرىنە بارعاندا، نەگىزگى داڭعىلدىڭ ىشكى جاعىنداعى كولىك جولىنا اۆتوكولىكتى توقتاتقان سوڭ قاننەن - قاپەرسىز ۇيقىعا كەتەدى، ارتىنان ساقشىلار كەلىپ تەكسەرىپ ۇستايدى. سول كۇنى ساعات 5 تەن 37 مينۋت وتكەندە، مەديتسينا قىزمەتكەرلەرى ونىڭ ۆەنا تامىرىنان قان الىپ ساقتايدى. كەيىن بەيجيڭ قالالىق قوعام حاۋىپسىزدىگى مەكەمەسىنىڭ قاتىناس ساقشى ءادىليالىق ساراپتاۋ ورتالىعىنىڭ ساراپتاۋىندا ونىڭ قانىنداعى سپيرت قۇرامى 137.7mg/100ml بولىپ، «مەملەكەتتىڭ ادام دەنەسىندەگى سپيرت قۇرامى ولشەمىندە» بەلگىلەنگەن ماس بولۋ ولشەمىنە جەتكەنى انىقتالادى. كەيىن ليۋXX ءوزىنىڭ اراق ءىشىپ اۆتوكولىك جۇرگىزبەگەندىگى تۋرالى دالەل - ىسپات كورسەتە الماعاندىقتان، سوت مەكەمەسى ليۋXX تىڭ اۆتوكولىكتى قاتەرلى جۇرگىزۋ قىلمىسىن وتكىزگەنىن تۇراقتاندىرىپ، وعان ءبىر اي قولدا ىستەتۋ جازاسىن بەرىپ، قوسىمشا مىڭ يۋان ايىپ سالدى.

سۋديانىڭ ايتارى:

كەيبىرەۋلەر «شوفەر اراق ىشكەن سوڭ اۆتوكولىك جۇرگىزىپ بارا جاتقاندا، ءوزى مەن باسقالاردىڭ ءتىپتى دە اۋىر قاتەرگە جولىعۋىنان ساقتانۋ ءۇشىن، اۆتوكولىكتى ىرىقتى تۇردە ءبىر شەتكە توقتاتىپ، ماتوردى ءسوندىرىپ دەمالعان بولسا، ساقشىلار كەلىپ تەكسەرگەن كۇننىڭ وزىندە دە وعان شارا قولدانباۋ كەرەك، قالايدا، ساقشى ونىڭ اۆتوكولىك جۇرگىزگەنىن ءوز كوزىمەن كورگەن جوق» دەپ ەسەپتەيدى، ءىس جۇزىندە، ساقشىلار شوفەردىڭ اراق ءىشىپ اۆتوكولىك جۇرگىزگەنىن ابدەن تۇسپالداي الادى، ارينە، شوفەردىڭ اۆتوكولىك جۇرگىزبەگەنىن راستايتىن قارسى دالەل - ىسپات انىق بولسا، مۇنىڭ ءجونى ءبىر باسقا.

بەسىنشى اعات تانىم:

اراق ءىشىپ اۆتوكولىك جۇرگىزگەنىمەن، جولدا جۇرمەگەن سوڭ ەشتەمە ەتپەيدى دەۋ

ايىپكەر لياۋXX ءبىر كۇنى ساعات 18:00 شاماسىندا جۇمىستان تۇسكەن سوڭ، مەكەمەسىنىڭ اۆتوكولىگىن جۇرگىزىپ ءوزى تۇراتىن شاعىن رايونعا اپارىپ قويادى، سوسىن تاماقتانعالى سىرتقا شىعىپ اراق ىشەدى. ساعات 21:00 مولشەرىندە، لياۋXX توقتاتقان اۆتوكولىگىنىڭ عيمارات ەسىگىنەن نەداۋىر الىستا ەكەنىن بايقاپ، اۆتوكولىكتى عيمارات ماڭىنا جۇرگىزىپ اپارىپ قويۋعا بەكيدى. اۆتوكولىكتى جۇرگىزىپ 50 مەتردەي جەرگە بارعاندا قاتىناس شىرعالاڭى تۋىلادى، ساقشىلار وعان تەكسەرۋ - ساراپتاۋ جۇرگىزگەندە، قانىنداعى سپيرت قۇرامى 300mg/100ml نان جوعارى بولىپ شىققان. سوت مەكەمەسى سوتتا قاراعان سوڭ، «بۇل شاعىن رايون اشىق باسقارىلادى، لياۋXX تىڭ ارەكەتىنەن اۆتوكولىكتى قاتەرلى جۇرگىزۋ قىلمىسى قالىپتاسادى» دەپ قاراپ، وعان 3 اي قولدا ىستەتۋ جازاسىن كەسىپ، قوسىمشا 2 مىڭ يۋان ايىپ سالدى.

سۋديانىڭ ايتارى:

بىرنەشە جىلدان بەرگى زاڭ - ءتۇزىم ۇگىتىنىڭ ارقاسىندا، جۇرتتىڭ كوبى اراق ىشكەن سوڭ اۆتوكولىك جۇرگىزىپ جولعا شىقپاۋ ساۋاتىنا يە بولدى. الايدا، مەكەمە، ورىن، شاعىن رايون ءىشى سياقتى اۆتوجولعا جاتپايتىن جەردە اراق ءىشىپ اۆتوكولىك جۇرگىزۋدەن اۆتوكولىكتى قاتەرلى جۇرگىزۋ ارەكەتىنىڭ قالىپتاساتىن - قالىپتاسپايتىندىعىن اركىم ءارتۇرلى توپشىلاپ ءجۇر. ءىس جۇزىندە، مۇنداي ارەكەتتەن قىلمىس قالىپتاساتىن - قالىپتاسپايتىندىعىن اجىراتۋداعى شەشۋشى ءتۇيىن ـــ مەكەمە، ورىن، شاعىن رايون ءىشىنىڭ اۆتوكولىكتى قاتەرلى جۇرگىزۋ قىلمىسىنداعى «جولدىڭ» شارتىن ازىرلەگەن - ازىرلەمەگەنىنە تۇجىرىم جاساۋ. ەگەر شاعىن رايون جابىق ۇلگىدە باسقارىلماعان بولسا، ونى بوتەن اۆتوكولىكتەرگە دە اشىق ۇستاۋعا بولادى، دەمەك، شاعىن رايوننىڭ الەۋمەتتىك جول سيپاتى قىلمىس قالىپتاسۋعا شارت ازىرلەيدى.

التىنشى اعات تانىم:

اراق ىشكەن سوڭ ەلەكتروسيكل، دەمەگىش ۆەلوسيپەت سياقتى موتورسىز كولىك جۇرگىزۋگە بولا بەرەدى دەپ ءتۇسىنۋ

ايىپكەر لينXX ماس كۇيدە ەلەكتروسيكل جۇرگىزىپ شىعىپ، ءمالىم قىستاقتىڭ جول ايرىعىندا ۇستالادى. ساراپتاۋدا ونىڭ قانىنداعى سيپرت قۇرامى 179.04mg/100ml بولعان؛ ەلەكتروسيكلدى دە شەكتى جىلدامدىق ولشەمىنەن اسىرىپ جۇرگىزگەن. سوڭىندا سوت مەكەمەسى لينXX تى اۆتوكولىكتى قاتەرلى جۇرگىزۋ قىلمىسىن وتكىزدى دەپ قاراپ، وعان 2 اي قولدا ىستەتۋ جازاسىن بەرىپ، قوسىمشا 2 مىڭ يۋان ايىپ سالعان.

سۋديانىڭ ايتارى:

«بۇگىن ەلەكتروسيكل ءمىنىپ كەلدىك قوي، اراقتى الاڭسىز ىشەتىن بولدىق» دەپ ويلايتىنداردىڭ سانى از بولماسا كەرەك، ەلەكتروسيكل موتورسىز كولىككە جاتپايدى دەيتىن كوزقاراس كەي ادامنىڭ ساناسىنان مىقتاپ ورىن العان. بىرەۋلەر: «قىلمىستىق ىستەر زاڭىنا وزگەرىس ەنگىزۋ جوباسىنىڭ (8)» بەلگىلەمەسىنە نەگىزدەلگەندە، تەك اراق ءىشىپ موتورلى كولىك جۇرگىزۋ ارەكەتىنىڭ عانا قىلمىستىق جاۋاپكەرشىلىگى قۋزاستىرىلادى، اراق ءىشىپ موتورسىز كولىك جۇرگىزۋ قىلمىستىق زاڭنىڭ قۋزاستىرۋ كولەمىنە كىرمەيدى، اراق ءىشىپ موتورسىز كولىك جۇرگىزگەن كۇننىڭ وزىندە ساقشىنىڭ ارالاساتىن ءجونى جوق» ،-دەپ قارايدى. ال، قاتىناس حاۋىپسىزدىگى زاڭىنىڭ 119 - تارماعىنداعى بەلگىلەمەگە نەگىزدەلگەندە، موتورلى كولىك دەپ «ەنەرگەتيكالىق قوزعاعىش ارقىلى جۇرەتىن نەمەسە جەتەكتەلەتىن، جولدا جولاۋشى نەمەسە زات تاسىمالدايتىن، سونداي - اق ينجەنەريالىق جۇمىستارعا ارناۋلى پايدالانىلاتىن دوڭگەلەكتى كولىكتەر» ايتىلادى. ەلەكترو قوزعالتۋ ـــ ەنەرگەتيكالىق قوزعالتۋدىڭ ءبىر ءتۇرى، «ەلەكتروسيكلدەردىڭ ورتاق قولداناتىن تەحنيكالىق شارتىنداعى» بەلگىلەمەگە نەگىزدەلگەندە، ونىڭ باستى تەحنيكالىق يقۋاتى ەڭ جوعارى ساعاتتىق جىلدامدىعى 20km دەن تومەن، ءبۇتىن ماسساسى 40kgنان جەڭىل بولۋ سىندى تالاپقا ۇيلەسۋى كەرەك. ءىس جۇزىندە، قازىر قىرۋار ەلەكتروسيكل وسى زاڭدى ولشەمدى ارتقا تاستادى، ولاردىڭ تۇرقى كادىمگى موتوتسيكلدەن پارىقتالمايتىن بولدى، ساعاتتىق جىلدامدىعى 20km دەن الدەقايدا اسىپ كەتتى، سوندىقتان اراق ىشكەن سوڭ «ولشەمنەن اسقان» مۇنداي ەلەكتروسيكلدى جۇرگىزسە، اراق ءىشىپ اۆتوكولىك جۇرگىزگەندىك سانالادى، ءبارىبىر زاڭنىڭ جازاسىنا تارتىلادى.

جەتىنشى اعات تانىم:

اراق ءىشىپ اۆتوكولىك جۇرگىزگەندەردى بىرەر كۇن قاماعان سوڭ شىعارادى دەۋ

ايىپكەر جاڭXX بەيجيڭ قالاسى مىنتۋگوۋ رايونىنداعى بەلگىلى ورگاننىڭ كادرى. ءبىر كۇنى ساعات 16:00 كەزىندە، اراق ىشكەن جاڭXX جەڭىل اۆتوكولىگىن جۇرگىزىپ مىنتۋگوۋ رايونى شيفىڭ تاۋلى قىستاعىنان حايديان رايونى فۋشى داڭعىلىنىڭ ديڭحۇي كوپىرى شىعىس باس لەنياسىنا بارعاندا، بىرەۋ جۇرگىزگەن تاعى ءبىر جەڭىل اۆتوكولىككە سوعىلادى. ساقشىلار ناق مايدانعا بارعاننان كەيىن، جاڭXX تىڭ بارلىق جاۋاپكەرشىلىكتى موينىنا الاتىنىن تۇراقتاندىرادى. ساعات 17 دەن 58 مينۋت وتكەن كەزدە، مەديتسينا قىزمەتكەرلەرى ونىڭ ۆەنا تامىرىنان قان الىپ ساقتايدى. كەيىن بەيجيڭ قالالىق قوعام حاۋىپسىزدىگى مەكەمەسىنىڭ قاتىناس ساقشى ءادىليالىق ساراپتاۋ ورتالىعىنىڭ ساراپتاۋىمەن، ونىڭ قانىنداعى سپيرت قۇرامى 326.3mg/100ml بولىپ، «مەملەكەتتىڭ دەنەدەگى سپيرت قۇرامى تۋرالى ولشەمىندە» بەلگىلەنگەن ماس بولۋ ولشەمىنە جەتكەن. كەيىن سوت مەكەمەسى جاڭXX تىڭ اۆتوكولىكتى قاتەرلى جۇرگىزۋ قىلمىسىن وتكىزگەنىن تۇراقتاندىرىپ، وعان 5 اي قولدا ىستەتۋ جازاسىن بەرىپ، قوسىمشا مىڭ يۋان ايىپ سالدى. جاڭXX قىلمىس وتكىزگەندىگى سەبەپتى مەملەكەت قىزمەتىنەن دە ايدالدى.

سۋديانىڭ ايتارى:

ماس كۇيدە اۆتوكولىك جۇرگىزۋ ارەكەتى قىلمىسقا ەنۋدەن بۇرىن، ساقشىلار اراق ءىشىپ اۆتوكولىك جۇرگىزگەندەرگە جازا بەرگەندە اكىمشىلىك جازامەن عانا شەكتەلەتىن، اسىپ كەتسە اكىمشىلىك تۇرعىدان قاماي تۇراتىن، قىلمىستىق جاۋاپكەرشىلىك قۋزاستىرىلمايتىن. ال، ماس كۇيدە اۆتوكولىك جۇرگىزۋ ارەكەتى قىلمىسقا ەنگەننەن كەيىن كەيبىرەۋلەر مۇنى بار بولعانى بىرەر كۇن قاماۋدا بولاسىڭ، كەلەر - كەتەرى جوق دەپ سانايتىن بولدى. شىنتۋايتىندا، اۆتوكولىكتى قاتەرلى جۇرگىزگەنگە بەرىلەتىن قىلمىستىق جازا جەڭىلدەۋ بولعانىمەن، قالايدا، قىلمىسقا جاتادى. ەلىمىزدىڭ قاتىستى زاڭ - بەلگىلەمەلەرىنە نەگىزدەلگەندە، ارەكەت يەسىنىڭ قىلمىس وتكىزدى دەپ قارالۋى وعان كوپ جاقتان شالىعىن تيگىزەدى. ەڭبەك توقتامى زاڭىنداعى بەلگىلەمەگە نەگىزدەلگەندە، ەڭبەكشىنىڭ قىلمىستىق جاۋاپكەرشىلىگى قۋزاستىرىلعاندا، ادام ىستەتۋشى ورىن اراداعى ەڭبەك توقتامىن كۇشىنەن قالدىرسا بولادى. «اكىمشىلىك ورگان قىزمەتكەرلەرىنە شارا كورۋ ەرەجەسىندە» دە اكىمشىلىك ورگان قىزمەتكەرلەرى قىلمىستىق جازاعا ۇكىم ەتىلسە، قىزمەتتەن ايدالادى دەپ بەلگىلەنگەن.

ءادىليالىق شولۋ

ءار جاقتىڭ كۇش - قۋاتىن ءبىر تۇتاس ورنالاستىرىپ، بىرىگىپ سوققى بەرەتىن كۇش ۇيىستىرۋ

اراق ءىشىپ اۆتوكولىك جۇرگىزۋ تەكتەس دەلولار قوعامعا اۋىر زيان سالادى، جۇرتشىلىق وعان وسكەلەڭ ءمان بەرىپ وتىر، ول ـــ ءادىليا ورگاندارىنىڭ سوققى بەرۋ تۇيىندەرىنىڭ ءبىرى. 2011 - جىلى مامىردىڭ 1- كۇنىنەن باستاپ اتقارىلعان «قىلمىستىق ىستەر زاڭعا وزگەرىس ەنگىزۋ جوباسىندا (8)» جولدا اراق ءىشىپ موتورلى كولىك جۇرگىزۋ ارەكەتى قىلمىسقا جاتقىزىلعاننان بەرى، حالىق سوتى قىلمىستىق سوتتاۋ مىندەت - جاۋاپكەرشىلىگىن وتەۋ، «قاتاڭ بولۋ مەن كەڭ بولۋدى ۇشتاستىرۋ» سىندى قىلمىستىق ساياساتىن تياناقتاندىرۋ جاقتارىندا بەلگىلى ناتيجەگە قول جەتكىزدى. 2015 - جىلى قاراشانىڭ 1- كۇنىنەن باستاپ اتقارىلعان «قىلمىستىق زاڭعا وزگەرىس ەنگىزۋ جوباسىندا (9)» اۆتوكولىكتى قاتەرلى جۇرگىزۋ قىلمىسىن قالىپتاستىراتىن ءمان - جايلار كەڭەيتىلدى. الايدا، بەيجيڭ قالاسى، ءتىپتى بۇكىل مەملەكەتتىڭ جالپى جاعدايىنان قاراعاندا، اراق ءىشىپ اۆتوكولىك جۇرگىزۋ تەكتەس قيمىلداردىڭ يەلەيتىن سالىستىرماسى ءالى دە باسىم ورىندى يەلەيدى، اۆتوكولىكتى قاتەرلى جۇرگىزۋ قىلمىسىن تۋدىراتىن، وربىتەتىن كەرى فاكتورلار ءالى دە بار، جونگە سالۋ جۇمىسى ءالى دە اۋىر جاعدايعا ءدوپ كەلىپ وتىر.

جاقىن جىلداردان بەرگى اۆتوكولىكتى قاتەرلى جۇرگىزۋ دەلولارىنىڭ ەرەكشەلىگى مەن قالىپتاسۋ سەبەبىن اناعۇرلىم تەرەڭ، تولىق ءتۇسىنۋ ءۇشىن، بەيجيڭ 1 - ورتا سوت مەكەمەسى جاقىن جىلداردان بەرگى سوتتا قاراعان اراق ءىشىپ اۆتوكولىك جۇرگىزۋ قىلمىسىنا سايعان ەكىنشى سوتتىق 39 دەلوعا تالداۋ جۇرگىزگەندە، اراق ءىشىپ اۆتوكولىك جۇرگىزۋ تەكتەس قىلمىستىق دەلولارىنان مىناداي ەرەكشەلىك بايقالدى: دەلو سانى جىل سايىن ارتىپ وتىرعان؛ دەلو تۋىلۋ جاعدايى كوپ نەگىزدى بەتالىسقا بەتتەگەن؛ مىنگەن موتورلى كولىكتەرى تۇرپاتى جاعىنان، نەگىزىنەن، جەڭىل اۆتوموبيل مەن شاعىن اۆتوبۋز بولعان؛ اۋىر ماس بولعاندار كوپ ساندى يەلەگەن؛ ايىپكەرلەردىڭ سالاۋاتى 40 -50 جاس ارالىعىنداعى ەرلەرگە ەداۋىر شوعىرلانعان.

بەيجيڭ رايونىنداعى ماس كۇيدە اۆتوكولىك جۇرگىزۋ قىلمىستارىنىڭ ءۇرتىس كوبەيۋى جونىندە بەيجيڭ 1 - ورتا سوت مەكەمەسى بىلاي دەپ قارايدى: باستى سەبەبى ءداستۇرلى شاراپ مادەنيەتىنىڭ ىقپالىنا ۇشىراعان ءبىرسىپىرا ادام اراق ءىشۋ سۇيىسپەنشىلىكتى قويۋلاتادى دەپ ساناعاندىقتان، سان الۋان ادىستەردى ويلاپ تاۋىپ، ەلدى اراققا زورلايدى. مۇنىمەن قاتار، قالا مەن اۋىل تۇيىلىسكەن اۋماقتا جانە اۋىل - قىستاق وڭىرىندە اۆتوكولىكتى وكىلەتتى جۇرگىزۋ جاعىنان قىزمەت وتەۋ ويداعىداي ەمەس.

ماس كۇيدە اۆتوكولىك جۇرگىزۋ ارەكەتىنىڭ بۇقارانىڭ ءومىرى مەن مال - مۇلكىنىڭ حاۋىپسىزدىگىنە، سونداي - اق قوعامنىڭ الەۋمەتتىك باسقارۋ تارتىبىنە اۋىر حاۋىپ توندىرگەنىنە مەڭزەس، جاقىن جىلدان بەرى بەيجيڭ 1 - ورتا سوت مەكەمەسى 4 ءتۇرلى جاقتان جۇمىسقا كىرىسىپ، ماس كۇيدە اۆتوكولىك جۇرگىزۋ قىلمىستارىنا سوققى بەردى.

ءبىرىنشى، كەڭ بولۋ مەن قاتاڭ بولۋدى ۇشتاستىرۋ سىندى قىلمىستىق ساياساتىن تياناقتاندىرىپ، زاڭ بويىنشا سوققى بەرۋ تەبىنىن كۇشەيتۋ. اۆتوكولىكتى قاتەرلى جۇرگىزۋ دەلوسىندا، ايىپكەردىڭ سوتتان قاشۋ ىقتيمالدىعى بار جاعدايدا كۇشتەۋ شاراسىن دەركەزىندە قولدانىپ، جەدەل سوتتاۋ مەحانيزمىن ىسكە قوسۋ. اۆتوكولىكتى قاتەرلى جۇرگىزۋ ارقىلى قاتىناس شىرعالاڭىن تۋدىرعان زاڭعا قايشى ورەسكەل ارەكەتتەردى قاتاڭ جازالايتىن تەگەۋرىندى كۇيدى ساقتاۋ. ايىپكەردىڭ قىلمىسىن مويىنداۋ پوزيتسياسى جاقسى، تاۋبەگە كەلۋ بەينەسى رياسىزبولىپ، جەڭىل جازا نەمەسە جەڭىلدەتىپ جازا بەرۋدى ءوتىنىش ەتسە، كەڭشىلدىكپەن ءبىرجاقتى ەتۋ كەرەك.

ەكىنشى، ايىرىم دەلوعا ۇكىم شىعارۋ، ءادىليالىق ۇسىنىس بەرۋ، مەرزىم بويىنشا كەڭەسۋ سياقتى شارالار ارقىلى قوعام حاۋىپسىزدىگى ورگاندارىنىڭ اناعۇرلىم ۇيلەسىمدى بارلاۋ ادىستەرى جونىندە ىزدەنىس جاساۋىنا بەلسەنە جەتەكشىلىك ەتىپ، بارلاۋ تۇرعىسىنان دالەل - ىسپات الۋ ساپاسىن جوعارىلاتۋ. پروكۋراتۋرا ورگاندارىنىڭ دالەل - ىسپاتتى قاتاڭ تەكسەرىپ، وعان تۇجىرىم جاساۋىنا جەتەكشىلىك ەتىپ، اۆتوكولىكتى قاتەرلى جۇرگىزۋ دەلوسى جونىندەگى ايىپتاۋ ساپاسىن ءونىمدى جوعارىلاتۋ.

ءۇشىنشى، دەلودا ۇنەمى كەزدەسەتىن جازا ولشەۋ فاكتورلارىن جيناۋ ارقىلى سالىستىرمالى ءبىرتۇتاس جازا بەلگىلەۋ ولشەمىن ورناتىپ، اۆتوكولىكتى قاتەرلى جۇرگىزۋ قىلمىسىن تۇراقتاندىرۋ مەن وعان جازا ولشەۋدىڭ تەڭگەرىلۋىن جەبەپ، سوتتاۋ ءتارتىبىن ءونىمدى تۇردە قالىپقا ءتۇسىرۋ.

ءتورتىنشى، ءار جاقتىڭ كۇش - قۋاتىن ءبىرتۇتاس ورنالاستىرىپ، ءونىمدى تۇردە سوققى بەرۋگە كۇش ۇيىستىرۋ. قوعام حاۋىپسىزدىگى، پروكۋراتۋرا ورگاندارىمەن بولعان سايكەستىك پەن سەلبەستىكتى كۇشەيتىپ، اۆتوكولىكتى قاتەرلى جۇرگىزۋ دەلوسىن بارلاۋ - قاراۋ ساپاسىن جوعارىلاتۋ. سوت فۋنكتسياسىن كەڭەيتىپ، باسقارۋعا جاۋاپتى ورگاندارمەن جانە قوعامنىڭ ءار سالاسىمەن بىرگە قۇلشىنىپ، دەلو مىسالى ارقىلى زاڭ تۇسىندىرەتىن يقۋاتى مەن رولىن كۇشەيتۋ. قىلمىستىق ءادىليالىق ۇسىنىس بەرۋ قۇرىلىسىن كەمەلدەندىرۋ قىزمەتىندە تاباندى بولىپ، دەلو تۋىلاتىن ءتۇيىندى رايوندار نەمەسە ورىندار جونىندە ءادىليالىق ۇسىنىس بەرىپ، رەتتەۋ مەن وڭاۋدى قۋزاپ وتىرۋ.

اۋدارعان وركەن اقبەردى ۇلى

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى

مەملەكەتتىك ساياسي كەڭەس موڭعۇلكۇرەدە ۇسىنىس جوبالاردى ءبىر جاقتى ەتۋ – اقىلداسۋ ناق مايدان ءماجىلىسىن وتكىزدى

اقىسىز دەنساۋلىق تەكسەرتۋ جونىندەگى ۇيىمداستىرۋ، ۇگىت قىزمەتى جاقسى ىستەلدى

الەۋمەتتىك اۋماقتاعى پارتيا مۇشەلەرى سەرت بەرۋ قيمىلىنا قاتىناستى

ون مىڭ ادام پارتياعا كىرۋ سەرتىن قايتا بەرۋ قيمىلىن قانات جايدىردى