ءار ايماق، وبلىس، قالالار تەز تەكسەرىپ، تەز ءبىر جايلى ەتىپ، تەز مالىمدەپ ورتالىقتىڭ قورشاعان ورتانى قورعاۋدى باقىلاۋ - تەكسەرۋ قىزمەتىن تىڭعىلىقتى ىلگەرىلەتىپ، ناقتى ونىمدىلىككە قول جەتكىزدى

كەلۋ قاينارى: ءتاڭىرتاۋ تورابى   |   جولدانعان ۋاقىتى:2017 - 08 - 22 14:12

18 - تامىز تاڭعا تاياۋ، ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسى اۆتونوميالى رايونىمىزعا 7 - توپتاعى 66 دەلونى تاپسىردى، مۇنىڭ ىشىندە اۆتونوميالى رايونعا تاپسىرىلعان 52 دەلو، شينجياڭ ءوندىرىس - قۇرىلىس بيڭتۋانىنا تاپسىرىلعانى 12 دەلو، بيڭتۋان مەن جەرگىلىكتى ورىننىڭ بىرگە ءبىر جاقتى ەتۋىنە تاپسىرىلعانى 2 دەلو. حوتان ايماعى بۇقارا اڭىس ەتكەن تۇڭعىش ماسەلە − قاراقاش اۋدانىنىڭ اتموسفەراسىنىڭ لاستانۋى دەلوسىن تاپسىرىپ الدى.

ءسويتىپ، قازىرگە دەيىن ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسى اۆتونوميالى رايونىمىزعا 7 توپتا 323 دەلو تاپسىردى، مۇنىڭ ىشىندە اۆتونوميالى رايونعا تاپسىرىلعانى 274، شينجياڭ ءوندىرىس - قۇرىلىس بيڭتۋانىنا تاپسىرىلعانى 43، بيڭتۋان مەن جەرگىلىكتى ورىننىڭ بىرگە ءبىر جاقتى ەتۋىنە تاپسىرىلعانى 6. بۇكىل شينجياڭنىڭ 14 ايماق، وبلىس، قالاسىندا، بۇراتالا موڭعۇل اۆتونوميالى وبلىسىنان باسقا 13 ايماق، وبلىس، قالالاردىڭ بارىنەن ماسەلەلەر اڭىس ەتىلدى. لاستانۋ تۇرلەرى اتموسفەرانىڭ لاستانۋى، قاتتى قوقىر - قوقىستاردىڭ لاستاۋى، شۋىلدىڭ لاستاۋى، سۋدىڭ لاستانۋى، شاڭ - توزاڭ، ىس - ءتۇتىن سياقتىلاردى نەگىز ەتتى. تاپسىرىلعان دەلولاردىڭ بارلىعى قازىر ءتارتىپ بويىنشا مەرزىمدى تۇردە ءبىر جاقتى ەتىلۋدە.

شينجياڭنىڭ ءار ايماق، وبلىس، قالاسى ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسى تاپسىرعان قىزمەتتەرگە ايرىقشا ءمان بەرىپ، قورشاعان ورتانى قورعاۋ جاۋاپكەرشىلىگىن تياناقتاندىرۋدى كۇشەيتىپ، تاپسىرىلعان دەلولاردىڭ جەدەل تەكسەرىلۋىنە، جەدەل ءبىر جاقتى ەتىلۋىنە، جەدەل مالىمدەلۋىنە كەپىلدىك ەتىپ، قورشاعان ورتانى قورعاۋدى باقىلاۋ - تەكسەرۋگە سايكەسۋ جانە ونى قامتاماسىز ەتۋ قىزمەتىن مۇقيات، تىڭعىلىقتى، ويداعىداي ىستەدى.

قىزىلسۋ قىرعىز اۆتونوميالى وبلىسى: ءتۇن اسىرماي، تاپسىرىلعان ءىستى دەرەۋ ءبىتىردى

16 - تامىز كەشتە قىزىلسۋ قىرعىز اۆتونوميالى وبلىسى ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسى تاپسىرعان تۇڭعىش دەلونى قابىلداپ الدى، ءبىر بۇقارا اقتاۋ اۋدانىنىڭ كوپتەگەن سويىسحانالاردا لاس سۋدى ءبىر جاقتى ەتەتىن قۇرىلعى جوق ەكەنىن، لاس سۋلاردى بەتالدى قويا بەرەتىنىن، ساسىق ءيىسى مۇرىن جاراتىنىن اڭىس ەتىپتى.

دەلونى قابىلداپ العان سوڭ، قىزىلسۋ وبلىسى ورتالىقتىڭ قورشاعان ورتانى قورعاۋدى باقىلاۋ - تەكسەرۋىنە سايكەسۋ، بايلانىس جاساۋ قىزمەت گرۋپپاسى دەرەۋ 3 ادامدىق ارنايى گرۋپپا قۇرىپ، تۇندەلەتىپ اقتاۋ اۋدانىنا بارىپ، اتالعان جەرلەرگە بارىپ تەكسەرۋ جۇرگىزىپ، ءبىر جاقتى ەتتى. اقتاۋ اۋدانى ارنايى تۇردە اۋداندىق پارتكوم جيىنىن اشىپ، سويىسحانالاردىڭ ورتاسىنىڭ، اۋاسىنىڭ لاستانۋ ماسەلەسىن شەشۋدى اقىلداستى ءارى ارنايى قىزمەت گرۋپپاسىن قۇرىپ، تەكسەرۋگە مىندەتتەدى، سونىمەن بىرگە، قاتىستى ورىنداردان ەرەجەنى بۇزىپ سالىنعان سويىسحانالاردى زاڭ - ەرەجە بويىنشا شاعىپ تاستاۋدى تالاپ ەتتى.

ۇعىسۋىمىزشا، ورتالىقتىڭ قورشاعان ورتانى قورعاۋدى باقىلاۋ - تەكسەرۋ 8 - گرۋپپاسى شينجياڭ ۇيعۇر اۆتونوميالى رايونى مەن شينجياڭ ءوندىرىس - قۇرىلىس بيڭتۋانىن باقىلاۋ - تەكسەرۋ قىزمەتى جونىندەگى اتتانىسقا كەلتىرۋ ءماجىلىسى اشىلعان سوڭ، قىزىلسۋ وبلىسى بۇعان ايرىقشا ءمان بەرىپ، قاتاڭ مامىلە جاساپ، جۇمىس ءبولىسىن اشالاپ، تياناقتاندىرۋدى مىقتى يگەرىپ، قورشاعان ورتانى قورعاۋدى باقىلاۋ - تەكسەرۋدى قىزىلسۋ وبلىسىنىڭ ەكولوگيالىق وركەنيەت قۇرىلىسىن كۇشەيتۋدىڭ ماڭىزدى ورايى ەتۋگە تاباندى بولىپ، ءار مەكەمەدەن، ءار تاراۋدان باقىلاۋ - تەكسەرۋدى بەلسەندى، ىرىقتى تۇردە قابىلداۋدى تالاپ ەتىپ، شىندىققا جۇگىنە وتىرىپ ماسەلەلەردى اڭىس ەتىپ، دەرەۋ ىسكە كىرىسىپ، دەرەۋ تۇزەتىپ، قورشاعان ورتانى قورعاۋدى باقىلاۋ - تەكسەرۋ اكىمشىلىك بۇيرىقتارىنىڭ ىركىلىسسىزدىگىنە كەپىلدىك ەتىپ، ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسىنىڭ قىزمەتتەرىنە تيتتەي دە بۇلجىماي جاقسى سايكەستى.

قازىرگە دەيىن قىزىلسۋ قىرعىز اۆتونوميالى وبلىستىق پارتكومنىڭ، حالىق ۇكىمەتىنىڭ قاتىستى قىزمەتتەر تۋرالى تالاپتارى بويىنشا، اقتاۋ اۋدانى كونە قالا كوشەسىندەگى ءوندىرىس باتاليونىنىڭ ارتقى جاعىنداعى سويىسىحانانى، پىلال اۋىلدىق ۇكىمەتتىڭ جانىنداعى سويىسحانانى شاعۋ قىزمەتى تولىقتاي ورىندالدى. قىزىلسۋ وبلىسى ورتالىقتىڭ قورشاعان ورتانى قورعاۋدى باقىلاۋ - تەكسەرۋىنە سايكەسۋ جانە ونى قامتاماسىز ەتۋ قىزمەت گرۋپپاسى سوڭعى تازالاۋ قىزمەتىنە تەكسەرۋ - قۋزاۋ جۇرگىزۋدە.

ءۇرىمجى قالاسى: ناقتى شارا قولدانىپ، اۋا ساپاسىن جاقسارتتى

16 - تامىزعا دەيىن ءۇرىمجى قالاسى ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسى 5 كەزەك بويىنشا تاپسىرعان 114 دەلونى تاپسىرىپ الدى، بۇلاردىڭ ىشىندە شۋىلدىڭ لاستاۋى جونىندەگى 44 ماسەلە جالپى تاپسىرىلعان دەلونىڭ %38.5ىن قۇرادى، اتموسفەرانىڭ لاستانۋى جونىندەگى 27 ماسەلە جالپى تاپسىرىلعان دەلولاردىڭ %23.7ىن قۇرادى. كەزەكتە تاپسىرىلعان دەلولار تۇگەلدەي ءتيىستى ورىندارعا جىبەرىلىپ، جاۋاپكەرشىلىك ايقىندالىپ، جىكتەلىپ، 17 ورىن بەلگىلەندى، تاپسىرىلعان دەلولار قازىر بەلسەنە ءبىر جاقتى ەتىلۋدە.

ءۇرىمجى قالاسىنىڭ اتموسفەرا ساپاسىن اناعۇرلىم جاقسارتۋ، تاس جولدا قاتىناۋ ونىمدىلىگىن اناعۇرلىم جوعارىلاتۋ ءۇشىن، 14 - تامىزدان باستاپ ءۇرىمجى قالالىق قوعام حاۋىپسىزدىگى مەكەمەسى قاتىناس ساقشى تارماق اترەتى «جۇڭحۋا حالىق رەسپۋبليكاسىنىڭ تاس جول قاتىناس حاۋىپسىزدىگى زاڭىنا» ساي اۋىر جۇك اۆتوكولىكتەرىنىڭ قاتىناۋىنا تيىم سالۋدى باسقارۋدى كەڭەيتۋ شاراسىن اتقاردى.

مۇندا مىناداي ەكى جاقتاعى قىزمەتتى ءتۇيىندى كورنەكتىلەندىردى: ءبىرىنشى، اۋىر جۇك اۆتوكولىكتەرىنىڭ قاتىناۋىنا تيىم سالۋ كولەمى بۇرىنعى قالا نەگىزگى رايونىنان ميدۇڭ رايونىنا، ەكونوميكالىق - تەحنيكالىق اشۋ رايونىنا )توۋتۇنحى رايونى( كەڭەيىپ، تۇتاس قالا كولەمىندە جۇك اۆتوكولىكتەرىنەن شىققان جاراقسىز گاز، شاڭ - توزاڭ، شۋىل سياقتىلاردىڭ قورشاعان ورتانى لاستاۋىن ءونىمدى ازايتتى؛ ەكىنشى، باسقارۋ تاسىلىندە بۇرىنعى ورتاشا، شاعىن جۇك اۆتوكولىكتەرىنىڭ قاتىناستىڭ قاۋىرت مەزگىلىندە جۇرۋىنە تيىم سالۋ ياكي كۇندىز جۇرۋىنە تيىم سالۋداي كەمەلدەنبەگەن باسقارۋدى ۇساق، جەڭىل كەبەجەلى اۆتوكولىكتەردىڭ قاتىناستىڭ سايابىر مەزگىلىندە دە قاتىناۋىنا بولاتىن اۆتوكولىك تۇرپاتىن، ۋاقىت كەزەڭىن، وڭىرلەر بويىنشا جۇرىسكە تيىم سالۋدى اشالاپ باسقارۋعا ويىستىرىپ، ءبىرشاما كەمەلدى، ءونىمدى باسقارۋ ۇلگىسىن قالىپتاستىردى.

ۇعىسۋعا قاراعاندا، بۇل شارا 2013 - جىلى ءۇرىمجى قالاسىنىڭ «كۇندىز جولاۋشى، تۇندە جۇك تاسۋ» ساياساتىنان كەيىن، «اتموسفەرانىڭ لاستانۋىنان ساقتانۋ جانە ونى تىزگىندەۋ ارەكەت جوسپارىن» تياناقتاندىرۋداعى ناقتى شاراسى بولعان، بۇل ورتالىق قالا رايونىندا اۋىر جۇك اۆتوكولىكتەرىنىڭ ازوت توتىعى مەن 5.PM2دى شىعارۋىن ءونىمدى ازايتىپ، قالا رايونىنىڭ اۋا ساپاسىن جاقسارتادى.

اقسۋ ايماعى: دەلولاردىڭ ءبىر جاقتى ەتىلۋىن ناق مايداندا باقىلاپ، ۋاقىت شەگىن كەرى سانادى

اقسۋ ايماعى 14 - تامىزدا ورتالىقتىڭ قورشاعان ورتانى قورعاۋدى باقىلاۋ - تەكسەرۋ 8 - گرۋپپاسى تاپسىرىپ بەرگەن بۇقارا اڭىس ەتكەن «كۇشار اۋداندىق شيننيڭ اينەك شەكتى سەرىكتەستىگى گلاۆەربەل اينەك ءوندىرۋ تەحنولوگياسىنان پايدالاندى، بۇل قاتاردان قالعان وندىرىسكە جاتادى، كۇكىرتسىزدەندىرۋ، ازوتسىزداندىرۋ قۇرىلعىلارى مەن جەلىدە باقىلاۋ قۇرىلعىسى ورناتىلماعان» دەگەن دەلوەنى قابىلداعاننان كەيىن، ايماقتىڭ ورتالىقتىڭ قورشاعان ورتانى قورعاۋدى باقىلاۋ - تەكسەرۋىنە سايكەسۋ، بايلانىس جاساۋ، ارىز - ارماننىڭ ورىندالۋىن باقىلاۋ - تەكسەرۋدى قامتاماسىز ەتۋ گرۋپپاسى دەرەۋ كۇشار اۋدانىنا بارىپ جاعداي ۇعىسىپ، كۇشار اۋدانىمەن بىرلەسىپ جۇمىس باسىندا زاڭنىڭ اتقارىلۋىن تەكسەردى.

تەكسەرۋ ارقىلى اۆتونوميالى رايوندىق قۇرىلىس ماتەريالدارى كاسىبىن باسقارۋ كەڭسەسىنىڭ «كۇشار اۋداندىق شيننيڭ اينەك شەكتى سەرىكتەستىگىنىڭ ءبىر ميلليون 500 مىڭ توننالىق اسا جۇقا، ەرەكشە اق اينەك نىسانى كاسىبى ساياساتىن قۇپتاۋ پىكىرىنە» ساي اتالعان نىساننىڭ مەملەكەتتىڭ كاسىپ ساياساتىنا ۇيلەسەتىنىن، كۇشار اۋداندىق شيننيڭ اينەك شەكتى سەرىكتەستىگىنىڭ ءوندىرىس تەحنولوگياسىنىڭ قاتاردان قالعان ءوندىرىس تەحنولوگياسىنا جاتپايتىنىن قۇپتادى.

الايدا، ايماقتىق قورشاعان ورتانى قورعاۋ مەكەمەسىنىڭ «<كۇشار اۋداندىق شيننيڭ اينەك شەكتى سەرىكتەستىگىنىڭ ءبىر ميلليون 500 مىڭ توننالىق اسا جۇقا، ەرەكشە اق اينەك نىسانىنىڭ قورشاعان ورتاعا تيگىزەتىن ىقپالى جونىندەگى مالىمەت كەستەسىنىڭ> ەستەلىككە الۋ پىكىرىندە» اتالعان نىساننىڭ كۇكىرتسىزدەندىرۋ قۇرىلعىلارىن (تازا وتتەگىن جاندىرۋدا بەلگىلەمە بويىنشا ازوتسىزداندىرۋ قۇرىلعىلارىن ورناتپاعان) ورناتۋىن ايقىن بەلگىلەدى. ايماقتىق ارىز - ارمان قىزمەتىن باقىلاۋ - تەكسەرۋ گرۋپپاسى كۇشار اۋدانىنىڭ ارناۋلى باقىلاۋ - تەكسەرۋ گرۋپپاسىن قۇرۋىن باقىلاپ، شيننيڭ اينەك شەكتى سەرىكتەستىگىنىڭ بۇرىننان قالعان ماسەلەلەرىنە قايتالاي تەكسەرۋ جۇرگىزىپ، سوڭىنا ءتۇسىپ رەتتەپ - وڭادى. وسى سەرىكتەستىكتەن ءبىر كۇننىڭ ىشىندە ناقتى رەتتەۋ - وڭاۋ كەستەسىن جاساپ، ۋاقىت شەگىن كەرى ساناپ، رەتتەۋ - وڭاۋ قارقىنىن تەزدەتۋدى تالاپ ەتتى.

ۇعىسۋعا قاراعاندا، 11 - تامىزدان بەرى اقسۋ ايماعى ءار كۇنى ورنالاستىرۋ جاساۋعا تاباندى بولىپ، پارتيا، ۇكىمەت ورىندارىنىڭ نەگىزگى باسشىلارى ورتالىقتىڭ قورشاعان ورتانى قورعاۋدى باقىلاۋ - تەكسەرۋ گرۋپپاسىنىڭ ءبىر جاقتى ەتۋگە تاپسىرىپ بەرگەن دەلولاردىڭ ءبىر جاقتى ەتىلۋىن دەرەۋ باقىلادى. 15 - تامىزدا اقسۋ ايماقتىق پارتكوم، اكىمشىلىك مەكەمەسى ايماقتىڭ ورتالىقتىڭ قورشاعان ورتانى قورعاۋدى باقىلاۋ - تەكسەرۋىنە سايكەسۋ، بايلانىس جاساۋ، ارىز - ارماننىڭ ورىندالۋىن باقىلاۋ - تەكسەرۋدى قامتاماسىز ەتۋ گرۋپپاسىنا مۇشە ورىنداردى قايتالاي ۇيىمداستىرىپ، ارناۋلى ءماجىلىس اشىپ، ءبىر جاقتى ەتۋگە تاپسىرىلعان دەلولاردى دەرەۋ تەكسەرىپ ءبىر جاقتى ەتۋ، دەرەۋ تەكسەرىپ، تاباندا تۇزەتۋ پرينسيبىنە ساي، ءبىر جاقتى ەتۋگە تاپسىرىلعان دەلولاردىڭ دەرەۋ قۋزاستىرىلىپ ءبىر جاقتى ەتىلۋىنە، قابىلدانۋىنا كەپىلدىك ەتۋدى تالاپ ەتتى. اۋداندىق (قالالىق) پارتكومداردىڭ نەگىزگى باسشىلارىنان ءوزى جاۋاپتى بولۋدى، سالالارعا جاۋاپتى باسشىلاردان دەلولاردى قۋزاپ ءبىر جاقتى ەتۋدى، ايماقتىڭ قاتىستى تاراۋلارىنان ۇلگى الىپ تەكسەرىپ، رەتتەۋ - وڭاۋ شاراسىن قاز - قالپىندا اتقارماعانداردى، كوڭىلگە قاراپ جولدان تايعانداردى، زاڭ بويىنشا جۇمىس بىتىرمەگەندەردى جاۋاپقا تارتىلاتىندار تىزىمدىگىنە ەنگىزۋدى تالاپ ەتتى.

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى

مەملەكەتتىك ساياسي كەڭەس موڭعۇلكۇرەدە ۇسىنىس جوبالاردى ءبىر جاقتى ەتۋ – اقىلداسۋ ناق مايدان ءماجىلىسىن وتكىزدى

اقىسىز دەنساۋلىق تەكسەرتۋ جونىندەگى ۇيىمداستىرۋ، ۇگىت قىزمەتى جاقسى ىستەلدى

الەۋمەتتىك اۋماقتاعى پارتيا مۇشەلەرى سەرت بەرۋ قيمىلىنا قاتىناستى

ون مىڭ ادام پارتياعا كىرۋ سەرتىن قايتا بەرۋ قيمىلىن قانات جايدىردى