اۆتونوميالى رايوندىق حالىق ۇكىمەتى كەڭسەسى «ۇلتتار ىنتىماعىنىڭ بەرەكەلى شاڭىراعى» اتىندا بالدىرعانداردىڭ دوستاسۋ قيمىلىن وتكىزدى

كەلۋ قاينارى: ءتاڭىرتاۋ تورابى   |   جولدانعان ۋاقىتى:2017 - 08 - 22 14:15

18 - تامىزدا اۆتونوميالى رايوندىق حالىق ۇكىمەتىنىڭ ءماجىلىس زالى شاتتىققا شومدى، اۆتونوميالى رايوندىق حالىق ۇكىمەتى كەڭسەسىنىڭ «كىشكەنتاي ۇگىتشى، بىرگە قول ۇستاسايىق» اتىنداعى بالدىرعانداردىڭ دوستاسۋ اڭگىمە ءماجىلىسى وسى ارادا ءوتتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر ماجىلىسكە قاتىناستى ءارى ءسوز سويلەدى.

اڭگىمە ماجىلىسىندە، شوكىرات زاكىر بالالاردىڭ وتباسى، ۇيرەنۋ جانە تۇرمىس جاعدايىن تاپتەشتەي سۇرادى، ول بالالاردىڭ جاقسى وقىپ، قۇلشىنا ۇيرەنىپ، كىشكەنتايىنان تارتىپ وتاننىڭ تىرەگى بولۋ سىندى ومىرلىك مۇرات ورناتۋدى ءارى وسى مۇراتتى ىسكە اسىرۋ ءۇشىن تاباندىلىقپەن قۇلشىنۋدى؛ العىس ايتۋدى ۇيرەنىپ، ۇلى وتانعا العىس ايتۋدى، اتا - اناعا العىس ايتۋدى، وزىنە كومەكتەسكەن ءاربىر ادامعا العىس ايتۋدى، مەكتەپتە ۇلگىلى وقۋشى، وتباسىندا جاقسى بالا بولۋدى، ەرجەتكەندە اتپال ازامات بولىپ، وتاننىڭ، قوعامنىڭ ءۇمىتىن اقتاۋدى؛ حانزۋ ءتىلىن قۇلشىنا ۇيرەنىپ، مەملەكەتتىك ءبىر تۇتاس ءتىل - جازۋىن يگەرىپ، بولاشاقتا جۇمىسقا ورنالاسۋعا، كاسىپ كوزىن اشۋعا، ارماندى ىسكە اسىرۋعا تاماشا نەگىز قالاۋدى؛ ىنتىماقتى، دوس بولىپ، ءوزارا كومەكتەسىپ، ۇلتتار ىنتىماعىنىڭ تولىمدى كىشكەنتاي ۇلگىلەرى بولىپ قانا قالماستان، ۇلتتار ىنتىماعىن جەبەۋدىڭ «كىشكەنتاي ۇگىتشىسى» بولىپ، ۇلتتار ىنتىماعىن قورعاۋعا ۇلەس قوسۋدى تاپسىردى.

اۆتونوميالى رايوندىق حالىق ۇكىمەتى كەڭسەسى «ۇلتتار ىنتىماعىنىڭ بەرەكەلى شاڭىراعى» قيمىلىنىڭ ىشكەرىلەي ورىستەتىلۋىن ونان ارى جەبەۋ، فورماسىن، مازمۇنىن جانە دانەكەرىن كەڭەيتۋ، ارالاسۋدى، ىشتەسۋدى، توعىسۋدى تەرەڭدەتۋ ءۇشىن، 18 - تامىزدا قاشقار جاڭاءشار اۋدانىنان 20 بالانى، كەڭسە كادرلارىنىڭ، قىزمەتكەرلەرىنىڭ بالالارىنان 11 بالانى ۇسىنىس ەتىپ، «كىشكەنتاي ۇگىتشى، بىرگە قول ۇستاسايىق» اتىنداعى بالدىرعانداردىڭ دوستاسۋ قيمىلىنا بىرگە قاتىناستىردى. ۇرىمجىگە كەلگەن 3 كۇن ۋاقىت ىشىندە، كادر، قىزمەتكەرلەردىڭ بالالارى مەن جۇپ قۇراپ، تۋىس بولعان تۋىستاردىڭ بالالارى شينجياڭ عىلىم - تەحنيكا سارايىن، شاحاي لۇيجۋ تەڭىز - مۇحيت الەمىن بىرگە ەكسكۋرسيالاپ، ويىن - ساۋىق نومىرلەرىن بىرگە تاماشالادى. ءبىر مەزەتتىك ارالاستىقتان كەيىن، بالالار ءوزارا پىكىرلەسىپ، كوڭىلدەگى سوزدەرىن اقتارىپ، كوڭىلدى بەينەدە جاقىنداسا ءتۇستى، دوستىق نيەتتەرى بەكەمدەلدى، وسى رەتكى قيمىلدان كەيىن ۇلتتار ىنتىماعىنىڭ ساۋلەسى بالالاردىڭ ءسابي كوڭىلىنىڭ تەرەڭ تۇكپىرىنە ۇيالادى.

قاشقار جاڭاءشار اۋدانى ارال اۋىلى ماكىم باستاۋىش مەكتەبى 6 - جىلدىعىنىڭ وقۋشىسى ءمانزىر ابليميت اسەرلەنە بىلاي دەدى: ۇرىمجىدەي اسەم، ۇلكەن قالاعا كەلەمىن دەپ ويلاپ كورمەپپىن، قايتىپ بارعاننان كەيىن كورگەن - بىلگەندەرىمدى اتا - اجەمە، اكە - شەشەمە، كىشكەنتاي دوستارىما ايتىپ بارامىن، مەن حانزۋ ءتىلىن جاقسى ۇيرەنىپ، ەسەيگەندە ۇرىمجىگە كەلىپ ۋنيۆەرسيتەت وقيمىن، شوكىرات زاكىر اتامىز سياقتى مەملەكەتتىڭ تىرەكتى ازاماتى بولۋعا قۇلشىنامىن.

اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز اڭگىمە ماجىلىسىنە قاتىناستى.

(«شينجياڭ گازەتىنەن»)

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى

مەملەكەتتىك ساياسي كەڭەس موڭعۇلكۇرەدە ۇسىنىس جوبالاردى ءبىر جاقتى ەتۋ – اقىلداسۋ ناق مايدان ءماجىلىسىن وتكىزدى

اقىسىز دەنساۋلىق تەكسەرتۋ جونىندەگى ۇيىمداستىرۋ، ۇگىت قىزمەتى جاقسى ىستەلدى

الەۋمەتتىك اۋماقتاعى پارتيا مۇشەلەرى سەرت بەرۋ قيمىلىنا قاتىناستى

ون مىڭ ادام پارتياعا كىرۋ سەرتىن قايتا بەرۋ قيمىلىن قانات جايدىردى