ادامنىڭ ايتقان سوزىنەن گورى، ىستەگەن ىسىنە قارا

كەلۋ قاينارى: شينجياڭ گازەتى   |   جولدانعان ۋاقىتى:2017 - 09 - 11 12:00

حوتان ايماقتىق پارتكومنىڭ ورىنباسار شۋجيى، اكىمشىلىك مەكەمەسىنىڭ ءۋاليى ازەز مۇسا

سوڭعى ۋاقىتتارى حوتان ايماعىنداعى ءار ۇلت كادر - جۇرتشىلىعى جابال باتىل ءۇن قاتىپ، ايقىن پوزيتسيا ءبىلدىرىپ، ىركەس - تىركەس ءوز تۇرعىسىن، ۇستانىمىن ايقىنداپ، بۇكىل قوعامدا باس نىسانانى نازارعا الىپ، «ۇشقارىلىقتى الاستاۋدى» ىشكەرىلەي ىلگەرىلەتىپ، «ەكىبەتكەيلەردى» الاستاۋ مەن قاتاڭ جازاعا تارتۋدىڭ ورتاق تانىمىن قالىپتاستىردى. ادىلەتتىڭ ءۇنى، وڭ ەنەرگيا جانە اسقان تۋراشىلدىق ونان سايىن سالتانات قۇردى. ءسويتىپ، حوتاندا يدەيانى، تانىمدى، قادامدى، ارەكەتتى شىن مانىندە بىرلىككە كەلتىرۋگە قاتاڭ دا پارمەندى يدەيالىق تىرەك جانە قوعامدىق پىكىر كەپىلدىگىن ازىرلەپ، حوتاننىڭ قوعام ورنىقتىلىعى مەن باياندى تىنىشتىق باس نىساناسىنىڭ ىسكە اسۋىنا قۇدىرەتتى قوزعاۋشى كۇش ۇستەدى. قوعامدىق پىكىردىڭ بۇعان دەيىن بولماعان بيىك ورلەۋى حوتان ايماعىنىڭ لاڭكەستىككە قارسى تۇرىپ، ورنىقتىلىقتى قورعاۋ تاريحىندا بۇرىن بولماعان، بۇل تاريحي ۇدەرىس، وتە قىمباتتى جانە بۇعان وڭاي قول جەتكەن جوق. ءبىز ازەر قول جەتكەن اسىل ناتيجەنى، ءسوز جوق، تولىق تۇراقتاندىرىپ، ازەر قول جەتكەن اسا تاماشا جاعدايدى، ءسوز جوق، جانىمىزداي قاستەرلەپ، ازەر قول جەتكەن جەڭىس ناتيجەسىن، ءسوز جوق، باتىل قورعاۋىمىز كەرەك.

باس نىسانانى ىسكە اسىرۋ ۇزاق مەرزىمگە جالعاساتىن، كۇردەلى، اۋىر تاريحي مىندەت، مەملەكەتتىڭ تۇتاستىعى مەن حاۋىپسىزدىگىنە قاتىستى ەلەۋلى ساياسي مىندەت. وسى ۇلى ساياسي مىندەتتىڭ ورىندالۋىنىڭ تەتىگى − ءار دارەجەلى كادرلار، نەگىزى − قالىڭ بۇقارا. كادرلار ءۇشىن ايتقاندا، ولاردىڭ ۇستانعان تۇرعىسى مەن ايتقان سوزىنە عانا ەمەس، باستىسى، نە ىستەگەنىنە، قالاي تياناقتاندىرعانىنا، قالاي كۇرەس جۇرگىزگەنىنە، قانداي ارەكەت ەتكەنىنە، بۇقاراعا شىن مانىندە ۇلگى بولعان - بولماعانىنا قاراۋ كەرەك. بىلايشا ايتقاندا، ادامنىڭ ايتقان سوزىنەن گورى، ىستەگەن ىسىنە قاراۋ كەرەك. قازىر حوتان ايماعىنداعى قالىڭ كادر - جۇرتشىلىق بەلسەندى تۇردە ىركەس - تىركەس ءۇن قاتىپ، ايقىن پوزيتسيا ءبىلدىرىپ، ۇستانىمدارىن ايقىندادى. بۇل «ارەكەتتىڭ» ءبىرىنشى قادامى عانا، جاقسى باستامانى، البەتتە، تولىق قۇپتاۋعا ءتيىسپىز. ءبىراق باتىل ءۇن قاتىپ، ايقىن پوزيتسيا بىلدىرگەندەر اراسىندا مىناداي 4 جاعداي ورىن تەۋىپ وتىرعانىن سەرگەكتىكپەن كورە بىلۋگە ءتيىسپىز:

ءبىرىنشى جاعداي: كەي ادامدار شىن جۇرەكتەن باتىل ءۇن قاتىپ، ايقىن پوزيتسيا ءبىلدىرىپ، وزدەرىنىڭ ساياسي تۇرعىسى مەن ساياسي سانالىلىعىن شىنايى كورسەتىپ وتىر. ولار شىنايى ويانىپ، «ءۇش ءتۇرلى كۇشتىڭ» كەرتارتپا ءمانى مەن اۋىر زالالىنا شىن مانىندە كوز جەتكىزدى، ولار ارەكەتتە جۇرەكتىلىكپەن اتويلاپ الدا جۇرەدى، ەرلىكپەن كۇرەس جۇرگىزىپ، باتىلدىقپەن مىندەت ارقالاي بىلەدى. بۇنداي ادامداردى ءبىز ىنتالاندىرىپ، تولىق سەنىم ارتىپ، قۇپتاۋ كورسەتۋمەن قاتار، اماليات بارىسىندا قىزمەتىن كوتەرىپ، ەلەۋلى ورىنعا قويۋعا ءتيىسپىز. قاتارداعى بۇقارا بولسا، قورعاۋىمىز، مول سيلىقپەن جارىلقاۋىمىز كەرەك.

ەكىنشى جاعداي: كەي ادامدار باتىل ءۇن قاتىپ، ايقىن پوزيتسيا بىلدىرۋگە ايقىن تۋ ۇستاپ ات سالىستى، ولار ءدىني ۇشقارىلىق پەن ۇلتتىق بولشەكتەۋشىلىك يدەيالارىنىڭ شىرماۋىنا تۇسپەگەن، ءبىراق جاۋاپكەرشىلىكتەن جالتارادى، كۇندەلىكتى جۇمىس پەن تۇرمىستا «ءوز باسىن امانداعىسى» كەلىپ تۇرادى، جاقسىنى دا ايتپايدى، جاماندى دا كوزگە شۇقىپ كورسەتپەيدى، ەشكىمنىڭ شامىنا تيگىسى كەلمەيدى، ءوزىمنىڭ مۇددەم زيانعا ۇشىراماسا، اعاتتىق جىبەرمەسەم، ءوزىم پالەدەن اۋلاق بولسام، قوعامنىڭ ىستەرىن باسقارۋعا ادام ءوز - اق تابىلادى، وزىممەن قاتىسى جوق ىسكە ومەشەگىمدى ءۇزىپ قايتەمىن دەپ ويلايدى. بۇنداي ادامداردى ءبىز تاربيەلەۋگە ءتيىسپىز، ولاردىڭ «ماقۇلبايلىق» يدەيادان ارىلىپ، تاباندا ۇيقىسىن اشىپ، «ستيلدىڭ تياناقتى بولماۋى مەن جۇمىستى ويداعىداي جۇرگىزبەۋ جاۋاپسىزدىق ىستەۋمەن تەڭ» ەكەنىن ەستە بەرىك ساقتاپ، ءوزىن ساقتاندىرىپ، ءوزىن جاڭعىرتىپ، جۇرەكتىلىكپەن، بەلسەندىلىكپەن مىندەت ارقالاي بىلەتىن جاقسى كادر، جاقسى ازامات بولۋىن ءۇمىت ەتەمىز.

ءۇشىنشى جاعداي: كەي ادامدار باتىل ءۇن قاتىپ، ايقىن پوزيتسيا بىلدىرۋدە ۇستانىمى مەن تۇرعىسىن انىق بىلدىرەدى. ءبىراق ولار «ءۇش ءتۇرلى كۇشپەن» كۇرەستە ۇنەمى دەرلىك ءوزىنىڭ مۇددەسىن كۇيتتەيدى، تۇرعىسى بەرىك، تۋى ايقىن ەمەس، «قاباققا» قاراپ، «جاعدايدى» بارلايدى، «بوقشاسى» اۋىر، «ۋايىمى» كوپ، ولار ناعىز «جەلباعارلار» مەن «ەكىجۇزدىلەر». ءبىز ولاردى ساقتاندىرۋعا ءتيىسپىز، ولاردىڭ جاعدايدى جىعا تانىپ، جالپى اۋقىمعا كوز جەتكىزىپ، پوزيتسياسىن تۋرالاپ، تۇرعىسىن بەكەمدەپ، ماسىل ويدان ارىلىپ، ۋايىمعا جول بەرمەي، كۇن ىلگەرى تاباندىلىقپەن پارتيا مەن حالىق جاعىنا شىعۋىن ءۇمىت ەتەمىز.

ءتورتىنشى جاعداي: كەي ادامدار باتىل ءۇن قاتىپ، ايقىن پوزيتسيا بىلدىرگەندە سىرتتاي وتە بەلسەندى، وتە تاباندى، وتە بەكەم سياقتى بولىپ كورىنگەنمەن، ءىس جۇزىندە، ولار جاعدايدىڭ ماجبۇرلەۋىمەن امالسىزدان ايعايلاپ ءجۇر، ولار تەك كوز بوياۋدى عانا ويلايدى. مىنە بۇلار ءبىز سوققى بەرۋگە ءتيىستى ناعىز «ەكىبەتكەيلەر» سانالادى. ءىس جۇزىندە، بۇنداي ادامداردىڭ ءبىر عانا بەتى بار، اتاپ ايتقاندا، بولشەكتەۋشىلىك، وشپەندىلىك جانە ۇشقارىلىق. ولاردىڭ ايعايلاپ پوزيتسيا ءبىلدىرۋى انىعىندا بولشەكتەۋشىلىك، وشپەندىلىك جانە ۇشقارىلىق تابيعاتىن كوزدەن كولەگەيلەۋ ءۇشىن. بۇنداي ادامدارعا ءبىز قاتاڭ تۇردە، وزدەرىڭشە ايلامىزدى اسىردىق، ەل - جۇرتتىڭ كوزىن بويادىق دەپ ماسايراماڭدار، وتتى قاعازبەن كولەگەيلەۋ مۇمكىن ەمەس، ارامزانىڭ قۇيرىعى ءبىر - اق تۇتام، قازىر جاعداي وزگەردى، تالاي جىل ءتالىمسىپ، تەرەڭگە بوي جاسىرىپ كەلگەن «ەكىبەتكەيلەردى» ءبىر شەتتەن جەلكەسىنەن سۋىرىپ جاتىرمىز، «ەكىبەتكەي» بولۋ دا قيىنداپ بارادى، كوز بوياۋ دا وڭاي ەمەس. ەندىگارى سالىمىمىز بولادى - اۋ دەپ ەشقاشان دامەلەنبەڭدەر، سەندەرگە كوپ مۇرسات بەرە المايمىز، بىردەن - ءبىر شىعار جول − كۇن ىلگەرى سانانى سىلكىپ، وزدىكتەرىڭنەن مويىنداپ، شىندارىڭدى ايتۋ عانا. ايتپەسە ادىلەتتىڭ اجىرعىسى مەن زاڭنىڭ ۇكىمىنەن بۇلتارا المايسىڭدار دەپ ەسكەرتۋ بەرەمىز!

ەلدىڭ ءىشى - سىرتىنداعى كۇردەلى فاكتورلاردىڭ ىقپالىنا بايلانىستى، حوتان «3 كەزەڭ قاباتتاسقان» توتەنشە تاريحي ساتتە تۇر. باس نىسانانى ىسكە اسىرۋدىڭ شەشۋشى فاكتورى رەتىندە، كادرلاردىڭ قازىرگى باتىل ءۇن قاتىپ، ايقىن پوزيتسيا بىلدىرۋمەن عانا شەكتەلىپ قالۋىنا استە بولمايدى. ءسوز جوق، ءوزىن قاتاڭ ۇستاۋعا كۇش سالۋى، ءسوز جوق، ۇزاقتان بەرى اشىق - اشكەرە ايتۋعا باتپاي كەلگەن يدەيالىق ماسەلەلەردە قامال بۇزۋى، «ءۇش ءتۇرلى كۇش» پەن ولاردىڭ ارتىنداعى جايىندارعا، جوسپارلاۋشىلار مەن قورعاشتاۋشىلارعا قانجار سۋىرىپ، كورنەۋدە ءبىر ءتۇرلى، كومەسكىدە ءبىر ءتۇرلى «ەكىبەتكەيلەرمەن» جۇرەكتىلىكپەن بەتپە - بەت كۇرەس جۇرگىزۋ جاقتارىندا ءوزىنىڭ ساياسي تۇرعىسىن بەكەمدەپ، قۇرىشتاي بەرىك ەركىن پارتياعا، حالىققا دەگەن ادالدىقپەن سۋارۋى كەرەك.

ساياسي ساقتىققا قاتاڭ بويسۇنايىق

ساياسيدا، ءسوزسىز، ساياسي قاعيدا مەن ساياسي تارتىپكە قاتاڭ بويسۇنىپ، ساياسي تۇرعى مەن ساياسي سانالىلىقتى كۇشەيتىپ، ساياسي ءتارتىپتى استە ويىنشىق ەتپەي، نەمكەتتىلىككە سالىنباي، ساياسي قاعيدانى قۋلىق - سۇمدىققا اينالدىرماي، نەمقۇرايدىلىققا سالىنباۋ، ساياسي ماسەلەدە يكەمدىلىك بولادى دەگەن ويدا ءتىپتى دە بولماۋ كەرەك. ءسوزسىز، ساياسي تومەنگى شەكتى بەرىك ساقتاپ، ساياسيدا اڭعارلى ادام بولۋ، «ءۇش ءتۇرلى كۇشپەن» جانە ونىڭ سويىل سوعارلارىمەن ىمىراعا كەلمەۋ، جول بەرمەۋ، جاعاتسىماۋ نەمەسە ولارعا قول ۇشىن بەرمەۋ كەرەك. پارتيا مەن ۇكىمەتتىڭ كەلەلى ساياساتتارىن، باعىتتارىن توعىز ساققا جۇگىرتپەۋ، وسەك - اياڭ تۋدىرماۋ، وسەك - اياڭ تاراتپاۋ كەرەك. مۇرات - سەنىمدى، ءسوزسىز، بەكەمدەپ، بولشەكتەۋشىلىككە قارسى تۇرۋ كۇرەس ءتارتىبىن، ءسوزسىز، قاتاڭ اتقارىپ، استە ەكى كەمەنىڭ قۇيرىعىن ۇستاماۋ، ساياسيدا ورايشىلدىق، جاعاتسۋشىلىق ىستەمەۋ، مۇرات - سەنىم جاعىندا سەنىمدى جوعالتپاۋ، ساياسي تۇرعىدان، ساياسي سانالىلىقتان ايرىلماۋ كەرەك.

يدەياداعى مينالى ءوڭىردى باعىندىرايىق

يدەيادا، ەڭ اۋەلى، دۇرىس مەملەكەت كوزقاراسىن، ۇلت كوزقاراسىن، تاريح كوزقاراسىن، مادەنيەت كوزقاراسىن، ءدىن كوزقاراسىن بەرىك ورناتۋ، «ءۇش ءتۇرلى كۇش» تاراتقان ساندىراققا تولى كوزقاراستاردى جاقتاماۋ، قولداماۋ، دارىپتەمەۋ، ولارمەن كومەسكىدە استە استاسپاۋ، جەڭ ۇشىنان جالعاسپاۋ كەرەك. شينجياڭ ەجەلدەن بەرى جۇڭگونىڭ ايرىلماس ءبىر بولەگى، ول ايتىلمىش «ەجەلدەن بەرى ۇيعۇر ۇلتى قۇرعان دەربەس مەملەكەت» مۇلدە ەمەس؛ كەن بايلىعى مەملەكەتكە ءتان، شينجياڭ دا مۇنان قاعىس قالمايدى، ول استە ۇيعۇر ۇلتىنىڭ جەكە - دارا يەلىگىندەگى نارسە ەمەس؛ مەملەكەتتىڭ زاڭىنا، زاڭ - ەرەجەلەرىنە بويسۇنۋ ءاربىر ازاماتتىڭ بورىشى، ۇيعۇر ۇلتى دا مۇنان قاعىس قالمايدى، جۇڭگودا زاڭنان تىسقارى ادام، زاڭنان تىسقارى ءدىن، زاڭنان تىسقارى جەر، زاڭنان تىسقارى ۇلت مۇلدە جوق، مەيلى كىم بولسىن، زاڭعا قايشى كەلسە بولعانى، زاڭنىڭ قۋدالاۋىنا ۇشىرايدى؛ ۇيعۇر ۇلتى ادامدارى جۇڭگونىڭ ازاماتى رەتىندە، مەملەكەتتە ورتاق قولدانىلاتىن ءتىل - جازۋدى ۇيرەنۋى، يگەرۋى ولاردىڭ وتەۋگە ءتيىستى جاۋاپكەرلىگى جانە بورىشى، وعان قاساقانا سوقتىققان، قاڭقۋ ءسوز ايتقان، كەدەرگى كەلتىرگەن   ادامداردىڭ بارلىعى جات نيەتتىلەر؛ سالت - سانادا ءوزارا قۇرمەت ەتىلەدى، باسقالاردى ءوز سالت - ساناڭا قۇرمەت ەتتىرۋ ءۇشىن، الدىمەن ءوزىڭ باسقالاردىڭ سالت - ساناسىن قۇرمەتتەۋىڭ كەرەك. وتە - موتە، حوتان سياقتى ۇيعۇر ۇلتى بۇقاراسى باسىم كوپ ساندى ۇستايتىن جەردە، ءبىز ۇيعۇرلار حانزۋلار مەن باسقا ۇلتتاردىڭ سالت - ساناسىنا ىرىقتىلىقپەن قۇرمەت ەتۋىمىز كەرەك. باسقا ۇلتتان قاي - قاشان دا ءوز سالت - سانامىزعا عانا قۇرمەت ەتۋدى تالاپ ەتۋىمىزگە، سالت - سانانى كيەلىلەندىرۋ، ۇشقارىلاندىرۋ جولىمەن باسقا ۇلتتار اراسىندا كىربەڭدىك تۋدىرۋىمىزعا استە بولمايدى.

الماس قىلىشتى جارقىلداتا ۇيىرەيىك

ايقىن پوزيتسيا بىلدىرۋدە يدەولوگيا جاۋاپكەرلىگىن باتىل تياناقتاندىرىپ جانە بولشەكتەۋشىلىككە قارسى تۇرۋ كۇرەسىنىڭ ءتارتىبىن قاتايتىپ، پوزيتسيامىزدى پارتيا مەن ۇكىمەتكە شىن نيەتپەن اقتارىلا ايگىلەپ، استە جاي عانا پوزيتسيا بىلدىرە سالماۋىمىز، ىجداعاتسىزدىق ەتپەۋىمىز، ءجۇردىم - باردىم ىستەمەۋىمىز، استە جاي عانا سويلەي سالماۋىمىز، سيپاي قامشىلاماۋىمىز، ءسوز سىراعىسى ەتپەۋىمىز كەرەك. مۇنان كەيىنگى باتىل ءۇن قاتىپ، ايقىن پوزيتسيا بىلدىرۋدە، ءسوزسىز، وتكىرلىك، تەرەڭدىك تانىتىپ، ءسوزسىز، يدەيانىڭ تەرەڭ قاتپارىنا ونان ارى بويلاتىپ، جانعا ونان ارى باتىرۋىمىز كەرەك. كەزەكتەگى قوعامدىق يدەياعا، قوعامدىق تانىمعا، قوعامدىق پىكىرگە، قوعامدىق بەتالىسقا ىقپال ەتەتىن قاتە سوزدەرگە، جاعىمسىز پيعىلعا، كەرەناۋ كوڭىل كۇيگە، كەرتارتپا نىسايعا باعىتتامالى تۇردە جۇرەكتىلىكپەن پارمەندى تويتارىس جانە سوققى بەرۋىمىز، جاۋاپكەرشىلىكتى، دۇرىس، ۇنامدى ءۇن قاتۋىمىز، جالپى جاعدايمەن ساناساتىن، وڭ ەنەرگيالى، وڭ ونىمدىلىكتى پوزيتسيا ءبىلدىرىپ، بارلىق لاستىق اتاۋلىنى تاپ - تازا تازالاۋىمىز كەرەك. كەيبىر ۇزاق ۋاقىت ساقتالعان قاتەلىكتەرگە، تالاي جىل تەك كومەسكىدە كۇبىرلەپ قانا قويۋمەن كەلگەن، ەشكىم بەتتەپ اشكەرەلەي الماعان تانىمداعى مينالى وڭىرگە باعىتتامالى تۇردە ءبىر - بىردەن سىن ايتۋىمىز جانە جاۋاپ قاتۋىمىز، ستيلى پاك، سالتى ىزگى، بەلسەندىلىكپەن العا ىلگەرىلەيتىن قوعامدىق رايدى شىن مانىندە قالىپتاستىرىپ، بارلىق ناشار ادەت، تەرىس پيعىل اتاۋلىنى باسىپ ءتۇسۋىمىز كەرەك. ءبىر كىشكەنە عانا ماسەلەگە بولسا دا بەتپە - بەت كەلىپ، نايزا كەزەۋگە باتىل بولساق بولعانى، ول پارمەندى بولادى، العا باسۋ سانالادى.

ارەكەتتەگى جاۋىنگەر بولۋعا قۇلشىنايىق

ارەكەتتە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن باتىلدىقپەن وسكەلەڭ ءبىر اۋىزدىلىقتى ساقتاپ، استە ءسوزى ءبىر باسقا، ءوزى ءبىر باسقا بولماۋىمىز، ايتقاندا اۋىر ايتىپ، ىستەگەندە جەڭىل - جەلپى ىستەي سالماۋىمىز، امالىن تاۋىپ قاشقالاقتاۋعا باسپاۋىمىز، ايتىلمىش بۇقارانىڭ ويى دەگەن ءسوز ارقىلى جاقاۋراتپاۋىمىز، الداۋسىراتپاۋىمىز، سىلتاۋراتپاۋىمىز، قىزمەت ورنالاستىرۋلارىن دولايلاستىرماۋىمىز كەرەك. جاۋاپكەرلىك تانىمىن شىن مانىندە ورناتىپ، شىن مانىندە مەملەكەت مۇراتىن، ۇلت مۇراتىن، حالىق مۇراتىن شىعار ءتۇيىن ەتىپ، جاۋاپكەرلىك ارقالاپ، ناقتى ىستەردى مىقتى ۇستاۋعا، جاۋاپكەرلىكتى مىقتى ۇستاۋعا، ونىمدىلىكتى مىقتى ۇستاۋعا شىن مانىندە ىنتا قويىپ، كۇش سالىپ، الدىمەن ونەگە بولىپ، جەتەكشىلىك ەتىپ، ءىس جۇزىندىك ارەكەتىمىز ارقىلى ءوز تۇرعىمىز بەن پوزيتسيامىزدى دالەلدەۋىمىز كەرەك. «4 شەڭبەردى»، ءسوزسىز، تۇبەگەيلى تازارتىپ، تۋىستار شەڭبەرىندە، دوستار شەڭبەرىندە، قوعامدىق شەڭبەردە، قىزمەت شەڭبەرىندە (بايلانىس جاسايتىن وتباسىلار شەڭبەرى) ساقتالعان ماسەلەلەردى مۇقيات تەكسەرىپ، اشىپ كورسەتىپ، ەسكەرىلمەگەن ءتۇيىن بولماۋىنا، ساڭلاۋ قالماۋىنا، اق تاڭداق بولماۋىنا، حاۋىپ - قاتەر قالماۋىنا كەپىلدىك ەتۋ كەرەك؛ ءسوزسىز، مەكەمەسىن، ءوزىن، وتباسىن، تۋىستارىن، كورشىلەرىن باس بولىپ جاقسى مەڭگەرىپ، جاۋاپكەرلىكتى شىن مانىندە جاقسى ارقالاپ، جاۋاپكەرلىك اتىزىن جاقسى باپتاۋ كەرەك؛ «ۇشكە باتىل بولۋ، ەكىنى استە بولدىرماۋدى»، ءسوزسىز، جۇزەگە اسىرىپ، باستان - اياق باتىل ءۇن قاتىپ، ايقىن پوزيتسيا بىلدىرۋگە باتىل بولۋ، «ەكىبەتكەيلەردى» اشكەرەلەۋگە باتىل بولۋ، قوعام ورنىقتىلىعىن بۇلدىرەتىن ءسوز - ارەكەتتەرمەن كۇرەسۋگە باتىل بولۋ، ءارقانداي ۋاقىتتا، ءارقانداي ورىندا ۇلتتار ىنتىماعىنا ءتيىمسىز ءسوزدى استە سويلەمەۋ، وتاندى بولشەكتەيتىن ءىستى استە ىستەمەۋ كەرەك؛ ءسوزسىز، ستيلدى قاتاڭ دۇرىستاپ، ءتارتىپتى قاتاڭ قاتايتىپ، «ەكىبەتكەيلەردى» ىرىقتىلىقپەن اشكەرەلەپ، «ەكىبەتكەيلەردى» باتىل سوققىلاپ، سىن تەزىنە الىپ، «ءۇش ءتۇرلى كۇشتى» جانە ونىڭ ۇيىمداستىرۋشىلارى مەن قورعاۋشىلارىن تۇبەگەيلى جويىپ، تۇتاس ايماقتا لاڭكەستىككە قارسى تۇرىپ، ورنىقتىلىقتى قورعاۋعا بارلىق ادام كوڭىل بولەتىن، قوعامدىق باسقارۋعا، مەڭگەرۋگە بارلىق ادام ات سالىساتىن ءونىمدى جاعداي قالىپتاستىرۋ كەرەك.

جالپى حالىق باتىل ءۇن قاتىپ، ايقىن پوزيتسيا بىلدىرۋدە، ماڭىزدىسى، ءبىلۋ مەن ىستەۋدى بىرلەستىرۋدەن جازباۋدا، ماڭىزدىسى، كىشكەنەدەن، ەگجەي - تەگجەيلى، ناقتى تياناقتاندىرۋدا. الماس قىلىش قىنابىنان سۋىرىلدى، ادىلەت، ءسوزسىز، زۇلىمدىقتى جەڭەدى. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە ونان ارى تىعىز ىنتىماقتاسىپ، اۆتونوميالى رايوندىق پارتكومنىڭ لاڭكەستىككە قارسى تۇرىپ، ورنىقتىلىقتى قورعاۋداعى جەلىلەس كەشەندى شارالارىن باتىل دايەكتىلەندىرىپ، تياناقتاندىرىپ، پارتياعا دەگەن العىستى سەزىمدى شىن مانىندە قۇدىرەتتى قوزعاۋشى كۇشكە اينالدىرىپ، لاڭكەستىككە قارسى تۇرىپ، ورنىقتىلىقتى قورعاۋ كۇرەسىن نىق سەنىممەن، باتىل دا تۇبەگەيلى، ەش ايانباستان سوڭىنا دەيىن جۇرگىزىپ، قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا كۇشىمىزدى قوسايىق!

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى

مەملەكەتتىك ساياسي كەڭەس موڭعۇلكۇرەدە ۇسىنىس جوبالاردى ءبىر جاقتى ەتۋ – اقىلداسۋ ناق مايدان ءماجىلىسىن وتكىزدى

اقىسىز دەنساۋلىق تەكسەرتۋ جونىندەگى ۇيىمداستىرۋ، ۇگىت قىزمەتى جاقسى ىستەلدى

الەۋمەتتىك اۋماقتاعى پارتيا مۇشەلەرى سەرت بەرۋ قيمىلىنا قاتىناستى

ون مىڭ ادام پارتياعا كىرۋ سەرتىن قايتا بەرۋ قيمىلىن قانات جايدىردى