شينجياڭ قىزمەتىنىڭ باس نىساناسىن تاباندىلىقپەن، باتىلدىقپەن دايەكتىلەندىرەيىك

كەلۋ قاينارى:  شينجياڭ گازەتى   |   جولدانعان ۋاقىتى:2017 - 09 - 11 12:32

مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىعى ەركىن يمىرباقى

پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى شينجياڭ قىزمەتىنە ايرىقشا ءمان بەرىپ كەلەدى. باس شۋجي شي جينپيڭ شينجياڭداعى ءار ۇلت حالقىنىڭ قامىن ويلاپ، شينجياڭعا ارنايى كەلىپ قىزمەت تەكسەردى، سونداي - اق ورتالىقتىڭ شينجياڭ قىزمەتى جونىندەگى 2 - رەتكى اڭگىمە ءماجىلىسىن باسقارىپ اشىپ، ماڭىزدى ءسوز سويلەپ، پارتيامىزدىڭ جاڭا جاعدايداعى شينجياڭدى جونگە سالۋ جالپى جوباسىن ايقىنداپ، شينجياڭ قىزمەتىن ونان ارى جاقسى ىستەۋ ءۇشىن العا باسۋ بەتالىسىن كورسەتىپ، ءتۇبىرلى نەگىز قالادى. مەملەكەتتىك 12 - كەزەكتى حالىق قۇرىلتايىنىڭ 5 - ءماجىلىسى كەزىندە، باس شۋجي شينجياڭ ۋاكىلدەر ۇيىرمەسىنىڭ تالقىسىنا قاتىناستى، مەن مەملەكەتتىك حالىق قۇرىلتايىنىڭ شينجياڭدىق ۋاكىلدەرىمەن بىرگە، باس شۋجيدىڭ ماڭىزدى ءسوزىن تاعى ءبىر رەت ەت قۇلاعىممەن ەستىدىم. باس شۋجي اۆتونوميالى رايوندىق پارتكومنىڭ پارتيانىڭ شينجياڭدى جونگە سالۋ جالپى جوباسىنان جازباي، پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرىپ، شينجياڭ قىزمەتىنىڭ باس نىساناسىن تىعىز ارقاۋ ەتىپ، ورنىقتىلىقتى ۇدايى قورعاۋ، ۇلتتار ىنتىماعى، ءدىن جاراسىمدىلىعى، ەكونوميكالىق دامۋ، حالىق تۇرمىسىن جاقسارتۋ سياقتى جاقتاردا قولدانعان ءونىمدى شارالارى مەن قول جەتكىزگەن تابىستارىن تولىق تۇراقتاندىردى ءارى ىقىلاستى ءۇمىتىن ورتاعا قويدى. مەن مەملەكەتتىك حالىق قۇرىلتايىنىڭ شينجياڭدىق ۋاكىلى رەتىندە، شينجياڭنىڭ قوعامدىق جالپى جاعداي ورنىقتىلىعىنىڭ ساقتالۋىن، ەكونوميكانىڭ ورنىقتى، اقاۋسىز دامۋىن، حالىق تۇرمىسىنىڭ ۇزدىكسىز جاقسارۋىن، ۇلتتار ىنتىماعىنىڭ بەكەمدەلۋىن، دامۋىن ايرىقشا قۇپتايمىن.

باس شۋجي بىلاي دەپ اتاپ كورسەتتى: «قوعام ورنىقتىلىعى مەن باياندى تىنىشتىقتى شينجياڭ قىزمەتىنىڭ باس نىساناسى ەتىپ بەلگىلەۋ − پارتيا ورتالىق كوميتەتىنىڭ حالىقارا، ەل ءىشى جانە شينجياڭ جاعدايىنا نەگىزدەلىپ، مەملەكەت ىستەرى دامۋىنىڭ جالپى جاعدايىن كوزدەي وتىرىپ جاساعان كەلەلى ستراتەگيالىق تۇجىرىمى، ول كەزەكتەگى جانە الداعى ءبىر مەزگىلدەگى شينجياڭ قىزمەتىنىڭ كوزدەۋ ءتۇيىنى مەن كۇش سالۋ ءتۇيىنىن ايقىندادى. اماليات بۇل باس نىسانانى بەلگىلەۋدىڭ بۇكىلدەي دۇرىس ەكەنىن، وعان، ءسوز جوق، ۇزاق ۋاقىت تاباندى بولۋ كەرەكتىگىن دالەلدەدى». باس شۋجي وتكەن ءبىر جىلدان بەرى شينجياڭنىڭ ءتۇرلى قىزمەتتە شينجياڭدى زاڭمەن جونگە سالۋدى، شينجياڭدى ىنتىماقتاسا ورنىقتىرۋدى، شينجياڭدى باياندى كوركەيتۋدى كورنەكتىلەندىرگەنىن، مۇنىڭ اۆتونوميالى رايوندىق پارتكومنىڭ پارتيا ورتالىق كوميتەتىنىڭ شەشىمدەرى مەن ورنالاستىرۋلارىن دايەكتىلەندىرۋدەگى، تياناقتاندىرۋداعى باتىل پوزيتسياسىن ايگىلەگەنىن باسا دارىپتەدى. قوعام ورنىقتىلىعى مەن باياندى تىنىشتىق باس نىساناسى شينجياڭنىڭ ءتۇرلى قىزمەتىنىڭ جالپى جۇلگەسى، شينجياڭدى زاڭمەن جونگە سالۋ − شينجياڭدى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋدىڭ تابيعي تالابى، شينجياڭدى ىنتىماقتاسا ورنىقتىرۋ − لاڭكەستىككە قارسى تۇرىپ، ورنىقتىلىقتى قورعاۋدىڭ قۇرىش قامالىن، بولات قورعانىن سوعۋدىڭ ماڭىزدى نەگىزى، شينجياڭدى باياندى كوركەيتۋ − تۇبىرىنەن وڭاۋ مەن ۇستىنەن وڭاۋدى قاتار مەڭگەرىپ، كەشەندى شارا قولدانىپ، بايىپپەن ىلگەرىلەتىپ، توقتاۋسىز ەڭبەك ەتۋدىڭ ستراتەگيالىق تالعامى.

بۇل بىزدەن ءارى زاڭمەن جونگە سالۋ يدەياسىمەن جانە زاڭمەن جونگە سالۋ تاسىلىمەن زورلىقتى كۇش، لاڭكەستىك قيمىلدارىنا سوققى بەرۋدى، سونىمەن بىرگە، تىڭعىلىقتى، ورنىقتى شايقاس جۇرگىزىپ، تۇراقتى كۇشپەن يدەولوگيا سالاسىنداعى بولشەكتەۋشىلىككە قارسى كۇرەستى كۇشەيتىپ، ۇلتتىق بولشەكتەۋشىلىك جانە ءدىني ۇشقارى يدەيانىڭ كەۋلەپ كىرۋىنىڭ الدىن الۋدى تالاپ ەتەدى. شينجياڭ قىزمەتىن ويداعىداي ىستەۋدىڭ تەتىگى پارتيادا. پارتيا قۇرىلىسىندا يدەيانى باسشىلىققا الىپ پارتيا قۇرۋ − جەتەكشى، ساياسيدى باسشىلىققا الىپ پارتيا قۇرۋ − رۋح. اۆتونوميالى رايوندىق پارتكومنىڭ «ءۇش ءتۇرلى كۇشكە» قاراتا ءۇن قاتىپ، ايقىن پوزيتسيا ءبىلدىرۋ جونىندە ۇيىمداستىرعان دابىرالى قيمىلى، «ەكىبەتكەيلەردى» قاتاڭ تەكسەرىپ ءبىر جاقتى ەتۋى پارتيا قۇرىلىسىنىڭ تۇبىرىنەن وڭاۋ شاراسىن يگەرىپ، يدەولوگيا سالاسىنداعى بولشەكتەۋشىلىككە قارسى كۇرەس دابىلىن قاقتى، قوعام ورنىقتىلىعىن قورعاپ، باياندى تىنىشتىقتى جۇزەگە اسىرۋدىڭ قۇدىرەتتى وڭ ەنەرگياسى تيانشاننىڭ تۇستىگى مەن تەرىستىگىندە تارالدى، بۇل اسا قۋانىشتى وزگەرىس. وبۇلقاسىم ءماتتۇرسىن جولداستىڭ «ۇيعۇر باۋىرلاستارعا جولداعان ويانۋ حاتى» شينجياڭداعى ءار ۇلتتىڭ، اسىرەسە، ۇيعۇر كادر - جۇرتشىلىعىنىڭ ادىلەت ۇنىنە ۋاكىلدىك ەتىپ، ۇيعۇر كادرلارىنىڭ پارتيا، مەملەكەت، حالىق الدىنداعى ادالدىعى مەن جاۋاپكەرشىلىگىن ايگىلەدى. مەن «ءۇش ءتۇرلى كۇشكە»، «ەكىبەتكەيلەرگە» ءۇن قاتىپ، ايقىن پوزيتسيا بىلدىرگەن وبۇلقاسىم ءماتتۇرسىن قاتارلى ءار ۇلت تاڭداۋلى كادرلارىنا دەم بەرەمىن، اۆتونوميالى رايوندىق پارتكومنىڭ ءۇن قاتىپ، ايقىن پوزيتسيا ءبىلدىرۋ قيمىلىن كەڭىنەن، ىشكەرىلەي ورىستەتۋىنە تىلەكتەسپىن. ءبىرىنشى، «4 تانىمدى» كۇشەيتىپ، باس شۋجي شي جينپيڭنىڭ بەدەلىن باتىل قورعاۋ كەرەك. پارتيانىڭ 18 - قۇرىلتايىنان بەرى، كۇردەلى دە قىم - قۋىت حالىقارالىق جاعداي مەن جاپالى دا اۋىر رەفورما، دامۋ مىندەتى الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرا باستاپ ۇلى كۇرەس جۇرگىزىپ، ۇلى ينجەنەريالاردى اتقارىپ، ۇلى ىستەردى العا ىلگەرىلەتىپ، ۇلى ارماندى جۇزەگە اسىرىپ، پارتيا مەن مەملەكەتتىڭ ىستەرىندە تاريحي سيپاتتى وزگەرىستەر تۋىلدى. ەلىمىزدىڭ دامىپ تىڭ تاريحي بەلەسكە كوتەرىلۋىن العا ىلگەرىلەتىپ، جۇڭگوشا سوتسياليزم تىڭ دامۋ ساتىسىنا قادام تاستاۋمەن بىرگە، ادامزات ماسەلەسىن شەشۋگە جۇڭگونىڭ اقىل - پاراساتىن ارناپ، جۇڭگونىڭ جوباسىن دايىندادى. ءبىز جۇڭحۋا ۇلتىنىڭ ۇلى گۇلدەنۋى نىساناسىن جۇزەگە اسىرۋعا تاريحتاعى ءارقانداي مەزگىلدەگىدەن دە جاقىنداي تۇستىك. «4 ۇلى» امالياتقا باسشىلىق ەتۋ بارىسىندا باس شۋجي شي جينپيڭ پارتيا ورتالىق كوميتەتىنىڭ ۇيتقىسىنا، بۇكىل پارتيانىڭ ۇيتقىسىنا اينالىپ، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ شىن جۇرەكتەن قولداپ - قۋاتتاۋىنا قول جەتكىزىپ، حالىقارالىق قوعامنىڭ ايرىقشا القاۋىنا يە بولدى. ءبىز ساياسي تانىمدى، جالپى جاعداي تانىمىن، ۇيتقى تانىمىن، ساپ تۇزەۋ تانىمىن بەرىك ورناتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىمەن يدەيادا، ساياسيدا، ارەكەتتە باتىلدىقپەن، بۇلجىتپاي وسكەلەڭ ءبىر اۋىزدىلىقتى ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتى تۇراقتاندىرعان شينجياڭ قىزمەتىنىڭ باس نىساناسىن باتىل دايەكتىلەندىرىپ، باس شۋجي شي جينپيڭنىڭ ۇيتقىلىق ورنىن باتىل قورعاپ، پارتيا ورتالىق كوميتەتىنە قاراپ ساپ تۇزەۋدى، پارتيانىڭ نازارياسى مەن لۋشيان، باعىت - ساياساتىنا قاراپ ساپ تۇزەۋدى، پارتيا ورتالىق كوميتەتىنىڭ شەشىمدەرىنە، ورنالاستىرۋلارىنا قاراپ ساپ تۇزەۋدى، پارتيانىڭ شينجياڭدى جونگە سالۋ جالپى جوباسىنا قاراپ ساپ تۇزەۋدى شىن مانىندە جۇزەگە اسىرۋىمىز كەرەك. تيانشان سامىرسىنى تامىرلاس، شەكارا ءوڭىر مەن بەيجيڭ جۇرەكتەس. شينجياڭداعى ءار دارەجەلى پارتيا ۇيىمىنىڭ، قالىڭ پارتيا مۇشەلەرى مەن كادرلاردىڭ جانە ءار ۇلت جۇرتشىلىعىنىڭ تىلەگىن شي جينپيڭ جولداستى ۇيتقى ەتكەن پارتيا ورتالىق كوميتەتىمەن تىعىز توعىستىرىپ، تىعىز بايلانىستىرىپ، پارتيا ورتالىق كوميتەتىنىڭ دارىپتەمەسىن باتىل قولداۋىن جۇزەگە اسىرىپ، پارتيا ورتالىق كوميتەتى بەلگىلەگەن ىستەردى باتىل ىستەپ، پارتيا ورتالىق كوميتەتى تيىم سالعان ىستەردى ءبىر جولاتا ىستەمەۋ كەرەك.

ەكىنشى، ستراتەگيالىق تۇراقتىلىقتى كۇشەيتىپ، پارتيا ورتالىق كوميتەتى تۇراقتاندىرعان شينجياڭ قىزمەتىنىڭ باس نىساناسىن باتىل دايەكتىلەندىرۋ كەرەك. شينجياڭ لاڭكەستىككە قارسى تۇرۋدىڭ، كەۋلەپ كىرۋگە قارسى تۇرۋدىڭ، بولشەكتەۋشىلىككە قارسى تۇرۋدىڭ الدىڭعى شەبى جانە نەگىزگى شايقاس مايدانى. شينجياڭنىڭ قوعام ورنىقتىلىعى مەن باياندى تىنىشتىعى بۇكىل ەلدىڭ رەفورما، دامۋ، ورنىقتىلىق جالپى جاعدايىنا، «قوس ءجۇز جىلدىق» كۇرەس نىساناسىن جۇزەگە اسىرۋعا، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا بارىپ سايادى. بىلتىردان بەرى اۆتونوميالى رايوندىق پارتكوم پارتيا ورتالىق كوميتەتى تۇراقتاندىرعان شينجياڭ قىزمەتىنىڭ باس نىساناسىنا نازار اۋداردى، ونى دايەكتىلەندىردى، تياناقتاندىردى، «التىنى ويداعىداي يگەرۋ»، «بەستى مەڭگەرۋ»، «ءتورتتى جالپى بەتتىك قامتۋ»، «ۇشتەن باتىل ساقتانۋ»، «ەكى شەشۋشى ءتۇيىن»، «ءبىردى بوساڭسىتپاۋ» سىندى لاڭكەستىككە قارسى تۇرىپ، ورنىقتىلىقتى قورعاۋدىڭ كەشەندى شاراسىن العا قويدى، بۇل باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحى مەن ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن، وتە - موتە، شينجياڭ قىزمەتى جونىندەگى ماڭىزدى ءسوزىنىڭ، نۇسقاۋىنىڭ رۋحىن ۇيرەنۋدىڭ، دايەكتىلەندىرۋدىڭ ماڭىزدى جەمىسى. اۆتونوميالى رايوندىق پارتكوم جاۋاپكەرشىلىكتى اشالاۋداعى تياناقتاندىرۋدى مىقتى يگەرىپ، جاۋاپقا تارتۋدى كۇشەيتۋدەگى تياناقتاندىرۋدى مىقتى يگەرىپ، «4 بۇرىس ستيلدى، 4 تەرىس پيعىلدى» وڭاۋداعى تياناقتاندىرۋدى مىقتى يگەرىپ، نەگىزگى ساتىنىڭ ءبىرىنشى شەبىنە ىشكەرىلەي بارۋداعى تياناقتاندىرۋدى مىقتى يگەرىپ، جۇرت كوڭىلىن ورنىقتىرۋ، جۇرت تىلەگىنەن شىعۋ، جۇرت تىلەگىن ۇيىستىرۋ ماڭىزدى رولىن اتقاردى. وتە - موتە، مەكتەپكە دەيىنگى «قوس ءتىل» وقۋ - اعارتۋى، جالپى حالىقتىڭ دەنساۋلىعىن تەگىن تەكسەرۋ، «بەس ءبىر تۇتاستى» كۇشىنەن قالدىرۋ، مىندەتتى ەڭبەكتى كۇشىنەن قالدىرۋ سياقتىلاردى جاپپاي اتقاردى. بۇقارانىڭ قامىن جەگەن وسىنداي ىستەر ءار ۇلت جۇرتشىلىعىنىڭ شىن جۇرەكتەن قولداپ - قۋاتتاۋىنا يە بولدى. سونىمەن بىرگە، ءبىز مىنانى دا جىعا تانۋىمىز، ياعني شينجياڭنىڭ بولشەكتەۋشىلىككە قارسى تۇرۋ كۇرەسى ۇزاق ۋاقىتقا جالعاساتىنىن، كۇردەلى، قيان - كەسكى بولاتىنىن، كەي كەزدەرى، اۋەلى، ايرىقشا شيەلەنىسىپ كەتەتىنىن جىعا تانۋىمىز، شينجياڭنىڭ جاعدايىندا ورنىقتىلىق بارىسىندا وزگەرىستەردىڭ بولاتىندىعىن، ورنىقتىلىق بارىسىندا حاۋىپ - قاتەرلەردىڭ بولاتىندىعىن، ورنىقتىلىق بارىسىندا الاڭداۋشىلىقتاردىڭ بولاتىندىعىن جىعا تانۋىمىز، «3 مەزگىلدىڭ قاباتتاسۋ» جاعدايىنىڭ تۇبىرىنەن وزگەرمەگەندىگىن جىعا تانۋىمىز، كۇردەلى حالىقارالىق جاعدايدىڭ بىزگە تىڭ سىن - سايىستار الا كەلگەنىن، قوعام ورنىقتىلىعىن باياندى تىنىشتىققا اينالدىرۋدى العا ىلگەرىلەتۋ مىندەتىنىڭ اسا جاپالى ەكەندىگىن جىعا تانۋىمىز كەرەك. باس شۋجي بىلاي دەپ اتاپ كورسەتكەن ەدى: شينجياڭ قىزمەتىنىڭ جاقسى ىستەلگەن - ىستەلمەگەنىنە باعا بەرۋدە، تۇپتەپ كەلگەندە، بولشەكتەۋشىلىككە قارسى تۇرۋ كۇرەسىن قانداي جۇرگىزگەنىنە، تىنىش، ىنتىماقتى ساياسي جاعدايدى، جاراسىمدى، ورنىقتى قوعامدىق جاعدايدى ساقتاعان - ساقتاماعانىنا قاراۋ كەرەك. ورنىقتىلىق بولسا تىنىشتىق بولادى، بۇلىنشىلىك بولسا زوبالاڭ تۋادى؛ ىنتىماق، ورنىقتىلىق − قۇت، بولشەكتەۋ، بىلىقپالىق − جۇت. ورنىقتىلىق بولماسا، ەشقانداي ىستەن ناتيجە شىقپايدى. ءبىز وي - سانامىزدى باستان - اياق سەرگەك ۇستاپ، ورنىقتىلىقتى قورعاۋدى بارلىعىن باسىپ تۇسەتىن ساياسي مىندەت ەتۋگە، تايشان تاۋىنان دا سالماقتى ساياسي جاۋاپكەرشىلىك ەتۋگە تاباندى بولىپ، باس نىسانا تۋىن اناعۇرلىم بيىك ۇستاپ، باس نىسانانى تياناقتاندىرۋدىڭ ءتۇرلى قىزمەتىن اناعۇرلىم جاقسى يگەرىپ، باس نىسانانى جۇزەگە اسىرۋدىڭ ءتۇبىرلى شاراسىن اناعۇرلىم ناقتى جۇزەگە اسىرۋ، لاڭكەستىككە قارسى تۇرىپ، ورنىقتىلىقتى قورعاۋدى داعدىلى كۇيگە اينالدىرىپ، ۇزاق ءونىمدى بولۋىنا مۇمكىندىك ازىرلەۋىمىز، ۇزاق بولاشاقتىق جوبا - جوسپار جاساۋىمىز، نەگىزدى بەكەمدەۋ شارالارىن اتقارۋىمىز، باياندى تىنىشتىق اۋقىمىن ساقتاۋىمىز، باياندى بيلىكتى ىسكە اسىرۋىمىز كەرەك.

ءۇشىنشى، ساياسي تۇراقتىلىقتى ساقتاپ، پارتياعا ابسوليۋتتى ادال بولاتىن ساياسي قاسيەتكە تاباندى بولۋىمىز كەرەك. باس شۋجي شي جينپيڭ مىنانى قايتالاي باسا دارىپتەگەن ەدى: پارتياعا ابسوليۋتتى ادال بولاتىن ساياسي قاسيەتكە تاباندى بولىپ، ساياسي بەتالىستان جازباي، ساياسي تارتىپكە قاتاڭ بويسۇنىپ، پارتيالىلىق تۇرعى مەن ساياسي تانىمدى كۇشەيتىپ، ءارقانداي كەزدە، ءارقانداي جاعدايدا ساياسي تۇرعىدان اۋىتقىماۋ، ساياسي بەتالىستان جازباۋ كەرەك. ساياسي ماسەلە مەن قيانات جاساپ، جەمقورلىققا سالىنۋ، پارتيا تارتىبىنە قيعاشتىق جاساۋ مەن مەملەكەت زاڭىنا قايشى كەلۋ قاشاندا قاتار ءومىر سۇرەدى. اسىرەسە، شينجياڭدا ورنىقتىلىق مىندەتى اۋىرلاسقان، حاۋىپ - قاتەر سىن - سىناقتارى كۇردەلىلەسكەن سايىن، پارتياعا ابسوليۋتتى ادال بولاتىن ساياسي قاسيەتتى ساقتاۋ دا سونشاما ماڭىزدى بولا تۇسەدى. باس شۋجي شي جينپيڭنىڭ مەنى شىنايى تاربيەلەپ، ماعان كوڭىل ءبولۋى، شابىتتاندىرۋى جانە جەبەۋى قاي - قاشان دا ەسىمنەن شىقپايدى. از ۇلت كادرى رەتىندە، قازىر وسىنشاما ماڭىزدى قىزمەت ورنىنا كوتەرىلۋىم مەنىڭ ءوز قابىلەتىمنىڭ قانشالىقتى ەكەندىگىنەن ەمەس، بۇكىلدەي پارتيانىڭ مەنى باۋلىپ - تاربيەلەگەندىگىنىڭ، پارتيانىڭ سارا ۇلت ساياساتىنىڭ، پارتيا ورتالىق كوميتەتىنىڭ شينجياڭعا كوڭىل ءبولۋى مەن قولداۋ كورسەتكەندىگىنىڭ، سونداي - اق شينجياڭداعى ءار ۇلت حالقىنا كوڭىل ءبولۋى مەن قامقورلىق جاساعاندىعىنىڭ ناتيجەسى. مەن پارتيا مەن حالىقتىڭ بارلىق جاقسىلىعىن بارىنشا قاستەرلەپ، پارتيا ورتالىق كوميتەتى مەن شينجياڭداعى ءار ۇلت حالقىنىڭ قامقورلىعىن، قولداۋىن جانە ءۇمىتىن قوزعاۋشى كۇش ەتىپ، پارتياعا ابسوليۋتتى ادال بولاتىن ساياسي قاسيەتكە اناعۇرلىم سانالىلىقپەن تاباندى بولىپ، ونى قانىما ءسىڭىرىپ، ءىس جۇزىندىك ارەكەتىمدە تياناقتاندىرىپ، وتاننىڭ تۇتاستىعىن، مەملەكەتتىڭ حاۋىپسىزدىگىن، ۇلتتار ىنتىماعىن تاباندىلىقپەن باتىل قورعايمىن. ءبىز ءار ۇلت كادرلارى ءارقانداي كەزدە اۋەلگى ماقساتتى ەستەن شىعارماي، پارتيانىڭ مەيىر - شاپاعاتىنا العىس ايتىپ، پارتيانىڭ سوزىنە قۇلاق اسىپ، پارتياعا ىلەسۋىمىز؛ ءارقانداي كەزدە پارتياعا ابسوليۋتتى ادال، تازا، سەنىمدى بولۋىمىز كەرەك. وتە - موتە، شينجياڭ سىندى وسى بولشەكتەۋشىلىككە قارسى تۇرۋ كۇرەسىنىڭ نەگىزگى سوعىس مايدانىندا پارتياعا ادال بولۋ سىناعى كوبىندە ۇلتتىق بولشەكتەۋشىلىككە جانە زاڭسىز ءدىني ارەكەتتەرگە تۋى ايقىن تۇردە قارسى تۇرۋ، قاي - قاشان دا ۇلكەن دۇرىس پەن ۇلكەن بۇرىس الدىندا كۇڭگىرت تانىمدا بولماۋ، سولقىلداقتىق ىستەمەۋ، ارەكەتتە سەلقوستىق ىستەمەۋ جاعىنان ايگىلەنەدى. شەشۋشى ساتتە باتىل ءۇن قاتىپ، ايقىن پوزيتسيا ءبىلدىرىپ، جۇرەكتىلىكپەن كەۋدە كەرىپ العا شىعۋىمىز، ەشتەڭە ەستىمەگەن بەينەگە ەنىپ الماۋىمىز، قاشاندا تۋىمىز ايقىن، تۇرعىمىز وتە بەرىك، ارەكەتىمىز ەرەكشە سانالى بولۋى كەرەك.

ءتورتىنشى، زورلىقتى كۇش لاڭكەستەرىنە باتىل سوققى بەرۋىمىز، «ەكىبەتكەي»، «جاعىمپاز» بولماۋىمىز كەرەك. كەزەكتە شينجياڭ ءالى دە زورلىقتى كۇش، لاڭكەستىك ارەكەتى قۇتىرىنا الاسۇرعان، بولشەكتەۋشىلىككە قارسى تۇرۋ كۇرەسى كۇشەيگەن، ينتەرۆنتسيالىق ەمدەۋ تولعاقتى بولعان مەزگىلدە تۇر. «ءۇش ءتۇرلى كۇش» الاستالمايىنشا، شينجياڭدا ماڭگى تىنىشتىق بولمايدى. ۇيعۇرلاردا: «بۇرشاق قانشا سەكىرسە دە، قازاندى شاعا المايدى» دەيتىن ءتامسىل بار. بىلتىردان بەرى، اۆتونوميالى رايوندىق پارتكوم لاڭكەستىككە قارسى تۇرىپ، ورنىقتىلىقتى قورعاۋدىڭ ءبىرسىپىرا «كەشەندى شارالارىن» اتقارىپ، قاتاڭ سوققى بەرۋدىڭ ارناۋلى كۇرەسىن ورىستەتىپ، مەشىتتەر مەن ءدىني ارەكەتتەرگە قاراتا تاربيە جۇرگىزۋ، باسقارۋ، قىزمەت كورسەتۋ جاعىندا جاڭالىق اشۋدى كۇشەيتىپ، قالا - قالاشىقتاردا توركوزدەندىرىپ باسقارۋدى ىلگەرىلەتىپ، ءتۇيىندى وڭىرلەردە قورعانىستى، شەكارا رايونداردا باسقارۋ مەن مەڭگەرۋدى، ينتەرنەت حاۋىپسىزدىگىن باسقارۋدى كۇشەيتىپ، قوعامدىق قورعانىس جۇيەسىن كەمەلدەندىرىپ، لاڭكەستىككە قارسى تۇرىپ، ورنىقتىلىقتى قورعاۋ مەحانيزمىن كەمەلدەندىرىپ، حاۋىپسىزدىك جاعىندا وزات ورىن قۇرۋ قيمىلىن كۇش سالا ىلگەرىلەتىپ، جاۋلاردىڭ ساعىن بارىنشا سىندىرىپ، كۇشتى ايبار كورسەتىپ، ىزگىلىكتى ايگىلەدى. ءبىز پارمەندى سوققى بەرگەن سايىن، جالپى جاعدايدى مەڭگەرۋ ىرىقتىلىعىمىز كۇشەيە تۇسەدى. تۇتاس شينجياڭداعى ءار دارەجەلى پارتيا ۇيىمدارى مەن قالىڭ پارتيا مۇشەلەرى، كادرلار كۇرەس سەنىمىن كۇشەيتىپ، «3 قيان - كەسكى سوعىسقا» بەلسەنە ارالاسىپ، لاڭكەستىككە قارسى حالىقتىق سوعىس قالىپتاستىرىپ، ءتۇپ تامىرىنا دەيىن قۇرتپايىنشا، جاماندىقتى ءبىرجولاتا الاستامايىنشا، جەڭىسكە تولىق جەتپەيىنشە استە شەگىنبەۋىمىز كەرەك. باس شۋجي شي جينپيڭنىڭ ماڭىزدى نۇسقاۋىنىڭ رۋحىن باتىل دايەكتىلەندىرىپ، وتاننىڭ تۇتاستىعىن قورعاپ، ۇلتتىق بولشەكتەۋشىلىككە قارسى يدەيالىق تانىم مەن ءىس جۇزىندىك بەينەنى باسشى كادرلاردى باعالاۋدىڭ باستى ولشەمى ەتىپ، بارىنە ءبىر ولشەم قولدانۋ، ەرەكشەلەندىرمەۋ، قاعىس قالدىرماۋ كەرەك. ءار ۇلت كادرلارى پارتيا مەن مەملەكەتتىڭ ءىسىن ءتۇيىن، حالىققا باقىت جاراتۋدى ۇستانىم ەتىپ، قايشىلىققا تۋرا قارايتىن باتىلدىقپەن، كەۋدە كەرىپ العا شىعاتىن جىگەرمەن بولشەكتەۋشىلىككە قارسى كۇرەستىڭ الدىڭعى شەبىندە تاباندى تۇرىپ،پارتيانىڭ ساياسي ءتارتىبى مەن بولشەكتەۋشىلىككە قارسى كۇرەس ءتارتىبىن قاتاڭ ساقتاپ، باتىلدىقپەن جاۋاپكەرشىلىك ارقالاپ، اتويلاپ الدا ءجۇرىپ، قۇربان بەرۋدەن تايسالماۋىمىز، استە تۇرلاۋسىزدىق ىستەمەۋىمىز، ءوز باسىمىزدى كۇيتتەمەۋىمىز، پارتيا مەن حالىقتىڭ ىستەرىنە زيان جەتكىزەتىن قىلمىسقا باسپاۋىمىز كەرەك.

بەسىنشى، ۇلتتار ىنتىماعىن قورعاپ، ۇلتتار ارا بالىق پەن سۋداي ەتەنە بايلانىس ورناتۋ كەرەك. شينجياڭ ماسەلەسىندە ەڭ ۇزاق ۋاقىتتىق ماسەلە تاعى دا ۇلتتار ىنتىماعى ماسەلەسى. ۇلتتار ىنتىماعى − ءار ۇلت حالقىنىڭ جان تامىرى، شينجياڭنىڭ دامۋىنىڭ، العاباسۋىنىڭ ءتۇبىرلى ىرگە تاسى، شينجياڭداعى ءار ۇلت حالقىنىڭ، اۋەلى، ءبىر ميلليارد 300 ميلليون جۇڭگو حالقىنىڭ ورتاق ەركى. شينجياڭدا ءار ۇلت حالقى بىرگە ىنتىماقتاسىپ كۇرەس جاساۋدىڭ تەرەڭ دە مىعىم ساياسي نەگىزى، يدەيالىق نەگىزى، بۇقارالىق نەگىزى بار، اسىرەسە، قيىن - قىستاۋ ساتتەردە ءار ۇلت بۇقاراسى ءولىم مەن ومىردە بىرگە بولا وتىرىپ، تىزە قوسا شايقاس جاساپ، ءبىر - ءبىرىن ءسۇيىپ، ءوزارا قۇرمەتتەپ، ءوزارا كومەكتەسىپ، ءوزارا قۇتقارىپ، قويۋ سۇيىسپەنشىلىك ورناتىپ، جاۋعا بىرگە كەكتەندى. كىم شينجياڭدى بولشەكتەگىسى، بىلىقتىرعىسى كەلەدى ەكەن، ونىكى قۇر قيال عانا، ولار ءوزىن قۇرتۋمەن تىنادى. ۇلتتار ىنتىماعىن قورعاۋ ناقتى ءىس. نيەتتەس بولساق، بارلىق ءىس ساتىنە باسادى، ءتۇسىنىسۋدى تەرەڭدەتىپ، سۇيىسپەنشىلىكتى قويۋلاتىپ، كوپ ساتىلى، كوپ تاسىلمەن، الۋان فورمامەن بارىس - كەلىس جاساۋ ەرەكشە ماڭىزدى. اۆتونوميالى رايون ورىستەتكەن «ۇعىسۋ، تيىمدىلىك جاساۋ، توعىستىرۋ» بويىنشا قىستاقتا تۇرۋ قىزمەتى، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعىنىڭ بىرلەسكەن دوستىق قيمىلى بارلىعى ارالاسۋدى، ىشتەسۋدى، توعىسۋدى جەبەپ، «بەس ورتاق تانىمدى» جان - جاقتىلى كۇشەيتتى. وتە - موتە، قاشقار، حوتان ايماقتارىندا 3 جىلدا 100 مىڭ ادامدى باسقا سالاعا ويىستىرىپ جۇمىسقا ورنالاستىرۋ جوسپارىن اتقارۋ كەلەلى حالىق تۇرمىسىندىق ينجەنەريا بولىپ قانا قويماي، ونان دا ماڭىزدىسى، ول كەلەلى ۇلتتار ىنتىماعى ينجەنەرياسى سانالادى. ول ءار ۇلت بۇقاراسىنىڭ بىرگە ۇيرەنىپ، بىرگە تۇرمىس كەشىرىپ، بىرگە ەڭبەكتەنىپ، اناردىڭ دانىندەي تىعىز ۇيىسۋىن تاماشا تۇعىرمەن قامدادى. بۇل ءبىز ۇزاق ۋاقىتتان بەرى شەشۋدى قاراستىرساق تا ويداعىداي شەشىلمەي كەلگەن ءىس ەدى. ءار ۇلت بۇقاراسىنىڭ ءتول مۇددەسىنە ساياتىن ماسەلەلەردى شەشۋ ارقىلى جۇرت تىلەگىنە بارىنشا قول جەتكىزىپ، كۇش - قۋات توپتاۋ كەرەك. باس شۋجي شي جينپيڭ بىلاي دەپ اتاپ كورسەتكەن ەدى: شينجياڭداعى ەڭ ۇلكەن بۇقارالىق قىزمەت − ۇلتتار ىنتىماعى جانە ءدىن جاراسىمدىلىعى. ۇلتتار ىنتىماعىن كۇشەيتۋدە، ءسوز جوق، ءدىن قىزمەتىن تىڭعىلىقتى ىستەۋ كەرەك. ءدىني سەنىم ەركىندىگىنىڭ استە ءدىني قيمىل ەركىندىگى ەمەستىگىن باتىل تۇردە انىقتاپ ايتۋ كەرەك، بۇگىنگى دۇنيەدە ءىسلام مەملەكەتتەرىن قامتىعان ءارقانداي مەملەكەت ءدىندى مەملەكەتتىڭ زاڭمەن باسقارۋ كولەمىنە ەنگىزدى. زاڭدىلارىن قورعاۋ، زاڭسىزدارىن شەكتەۋ، ۇشقارىلىقتى تەجەۋ، كەۋلەپ كىرۋگە قارسى تۇرۋ، قىلمىسقا سوققى بەرۋ نەگىزگى پرينسيبىنەن باستان - اياق اۋىتقىماي، قىستاقتا تۇرىپ مەشىتتەردى باسقارۋ قىزمەتىن تاباندىلىقپەن جاقسى ىستەپ، زاڭسىز ءدىني قيمىلداردى زاڭ بويىنشا جونگە سالۋدان جازباۋ، زاڭسىز ءدىني قيمىلداردى استە ەركىنە جىبەرمەۋ كەرەك. تۇرلىشە سيپاتتاعى قايشىلىقتار مەن ماسەلەلەردى قاتاڭ پارىقتاپ، دىنگە سەنەتىن بۇقارانى بارىنشا ىنتىماقتاستىرىپ، وتانشىل ءدىني قايراتكەرلەردىڭ بەلسەندى رولىن بارىنشا ساۋلەلەندىرىپ، ءارقانداي ادامنىڭ، ءارقانداي ۇيىمنىڭ ءارقانداي تاسىلمەن ۇلتتىق بولشەكتەۋ ارەكەتتەرىمەن اينالىسۋىنا استە جول بەرمەۋمەن قاتار، ۇلتتىق كەمسىتۋگە، ۇلتتار ارا وشپەندىلىك تۋدىرۋعا قاساناقا جەلىكتىرگەن، ۇلتتىق بولشەكتەۋ تۋدىرعان ءارقانداي زاڭسىز ارەكەتتەرگە باتىل سوققى بەرىپ، ۇلتقا ءبولىنىپ سەن - مەن دەۋگە، توپ قۇرىپ، سۇرقيالىققا باسۋعا مۇلدە جول بەرمەۋىمىز، جاۋاپكەرشىلىكتى ءسوز سويلەپ، جاۋاپكەرشىلىكتى ءىس ىستەپ، جاۋاپكەرشىلىكتى ادام بولىپ، تەمىردەي قاتاڭ تارتىپپەن ۇلتتار ىنتىماعىنىڭ بايشەشەگىن قۇلپىرتا بەرۋىمىز كەرەك.

التىنشى، حالىق تۇرمىسىن قامتاماسىز ەتىپ جانە جاقسارتىپ، كەدەيلىكتەن قۇتىلدىرۋدان قامال الۋداي سۇراپىل شايقاستى باتىلدىقپەن تىڭعىلىقتى جۇرگىزۋ كەرەك. پارتيا ورتالىق كوميتەتى كەدەيلەردى كەدەيلىكتەن قۇتىلدىرۋدى جاپپاي دوڭگەلەك داۋلەتتى قوعام قۇرۋدىڭ تومەنگى شەكتىك مىندەتى مەن كورسەتكىشتىك ولشەمى ەتتى. باس شۋجي شي جينپيڭ مىنالاردى ەرەكشە اتاپ كورسەتكەن بولاتىن: جاپپاي دوڭگەلەك داۋلەتتى قوعام قۇرۋ بۇكىل ەلدەگى ءار ۇلت حالقىنىڭ ەڭ زور ىرىسى، ءبىز باۋىرلاس ۇلتتىڭ بىردە - بىرەۋىنىڭ ارتتا قالۋىنا استە جول قويمايمىز، ۇلتتىق ءوڭىردىڭ بىردە - بىرەۋىنىڭ كەنجە قالۋىنا استە جول قويمايمىز. بۇل، ءبىزدىڭ شينجياڭ جونىنەن العاندا، ءارى وراي، ءارى سىن - سايىس، ءتىپتى دە ماڭىزدى سىناق. وبيەكتيۆتى تۇردە قاراعاندا، ەرەكشە تاريحي، قوعامدىق جانە جاراتىلىستىق فاكتورلار سەبەبىنەن شينجياڭدا كەدەيلەر كوپ، كەدەيلىك اۋىر، كەدەيلەسۋ مولشەرى جوعارى، وڭىرلىك تۇلعالىق كەدەيلىك اۋىر، ءبىر قىدىرۋ ەرەكشە قيىنشىلىقتار بار، وتە - موتە، وڭتۇستىك شينجياڭ وڭىرىندە كەدەيلىك ءتىپتى دە كورنەكتى، ول بۇكىل ەلدەگى كەدەيلىكتەن قۇتىلدىرۋدان قامال الۋداعى ەڭ قيىن ءتۇيىن. باس شۋجي قايتا - قايتا دارىپتەپ، بىزدە كۇرەس نىسانامىزدى جۇزەگە اسىراتىن سەنىم، شارت - جاعداي، قۋات بار دەگەن بولاتىن. وتاننىڭ گۇلدەنىپ، دامۋى شينجياڭداعى ءار ۇلت حالقىنا باقىت الا كەلدى، جۇڭحۋا ۇلتىنىڭ ۇلى گۇلدەنۋىندەي جۇڭگو ارمانى شينجياڭنىڭ ارشىندى قاداممەن ىلگەرىلەۋىنە سارقىلماس كۇش قوستى. ءبىز باس شۋجي شي جينپيڭنىڭ شينجياڭداعى ءار ۇلت حالقىنا دەگەن ىقىلاستى قامقورلىعىنان شابىت الىپ، كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ نەگىزگى جالپى جوباسىن جاپپاي تياناقتاندىرىپ، كەدەيلەردى ارناۋلى نىسان ارقىلى سۇيەمەلدەۋ، كەدەيلەردى كاسىپ ارقىلى سۇيەمەلدەۋ، كەدەيلەردى قوعامدىق سۇيەمەلدەۋ، كەدەيلەردى شينجياڭعا كومەكتەسۋ ارقىلى سۇيەمەلدەۋ سياقتى كوپ جاقتىڭ كۇشى، كوپ ءتۇرلى شارا ورگانيكالى ۇشتاسقان جانە ءوزارا تىرەك بولاتىن كەدەيلەردى سۇيەمەلدەۋدەگى «ءتورتتى ءبىر تۇلعالاندىرۋ» جاعدايىنان جازباۋىمىز، وتە - موتە، وڭتۇستىك شينجياڭداعى كەدەي وڭىرلەردى نەگىزگى شايقاس مايدانى ەتىپ، قارجىمەن قولداۋ، ساياساتپەن قامتاماسىز ەتۋ، نىسانمەن سۇيەۋ، كاسىپپەن جەتەكتەۋ، تۇيىننەن ناتيجە جاراتۋ،حالىق تۇرمىسىن جاقسارتۋ، ەكولوگيا ارقىلى كەدەيلىكتەن قۇتىلدىرۋ، كەدەيلەردى دالمە - ءدال سۇيەمەلدەۋ، كۇشتى ءبىر تۇتاس جوسپارلاۋ، اقىل - وي جاعىنان كومەكتەسىپ، مۇرات - سەنىمىن ۇشتاۋ جاقتارىنا كۇش شوعىرلاندىرىپ، قامال الىپ، بوگەت بۇزىپ، شەشۋشى شايقاستىڭ شەشۋشى جەڭىسىنە قول جەتكىزۋىمىز كەرەك. كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋدىڭ تەتىگى ادامدا، تەتىگى تىڭعىلىقتى ىستەپ، ناقتى ءىس تىندىراتىن ستيلدە بولۋ كەرەك. اۆتونوميالى رايوندىق پارتكوم كادرلار ستيلى قۇرىلىسىن بۇلجىماي يگەرىپ، «ءسوزدى ۇيرەنۋ، ستيلدە بۇرىلىس جاساۋ، تياناقتاندىرۋدى جەبەۋ» ارناۋلى قيمىلىن ىلگەرىلەتىپ، پارتيانىڭ ساياساتىن اتقارۋ قۋاتىن جوعارىلاتۋدا مول ناتيجەگە قول جەتكىزدى. قيىنشىلىق نەعۇرلىم اۋىر بولعان جەرلەردە كادرلار ستيلىندە تاباندى بولۋ سونشا ماڭىزدى، «4 بۇرىس ستيلدى» جانە «الاياقتىق» پيعىلىن، ءىس تىندىرماۋ پيعىلىن، تۇرلاۋسىزدىق پيعىلىن، ەكىبەتكەيلىك پيعىلىن باتىل جونگە سالىپ، كەدەيلەردى سۇيەمەلدەۋدىڭ ناقتىلى قىزمەتى، كەدەيلىكتەن قۇتىلدىرۋدىڭ تىڭعىلىقتى بارىسى، كەدەيلىكتەن قۇتىلدىرۋدىڭ شىنايى ناتيجەسى ارقىلى كەدەيلىكتەن قۇتىلدىرۋ ونىمدىلىگىن ءار ۇلت جۇرتشىلىعىنىڭ كوڭىلىنە ۇيالاتىپ، اماليات پەن تاريحتىڭ سىنىنان وتكىزۋ كەرەك.

ايقىن پوزيتسيا ءبىلدىرىپ، باتىل ءۇن قاتۋ قيمىلى شينجياڭ قىزمەتىنىڭ باس نىساناسىن تياناقتاندىرۋدىڭ جەبەۋشىسى، لاڭكەستىككە قارسى تۇرىپ، ورنىقتىلىقتى قورعاۋدىڭ كەشەندى شاراسىن ويداعىداي اتقارۋدىڭ شىڭداۋشىسى، يدەولوگيا سالاسىنداعى بولشەكتەۋشىلىككە قارسى تۇرۋ كۇرەسىن تەرەڭدەتۋدىڭ جارناماسى، پارتيا مۇشەلەرىنىڭ، كادرلاردىڭ جاۋاپكەرشىلىكتى ادالدىقپەن ارقالاۋىن سىننان وتكىزۋدىڭ ولشەمى. ءبىز، ءسوز جوق، ايبىندى ۋادەنى ءىس جۇزىندىك ارەكەتكە اينالدىرىپ، بۇكىل شينجياڭدا باس شۋجي شي جينپيڭنىڭ جەلىلەس ماڭىزدى ءسوزىنىڭ رۋحى مەن ەل باسقارۋداعى جاڭا ۇستانىمدارىن، جاڭا يدەيالارىن، جاڭا ستراتەگيالارىن ۇيرەنۋىنىڭ، دايەكتىلەندىرۋىنىڭ، تياناقتاندىرۋىنىڭ تىڭ دەڭگەيگە كوتەرىلۋىن العا ىلگەرىلەتۋىمىز كەرەك. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ورتالىق پەن مەملەكەت ورگاندارىنىڭ، تۋىسقان ولكە، قالالاردىڭ پارمەندى قولداۋىندا، اۆتونوميالى رايوندىق پارتكومنىڭ ءار ۇلت حالقىن تىزە قوسا كۇرەس جۇرگىزۋگە، ءبىر نيەتپەن ۇيىسۋعا، رۋحاني جاقتا ءبىر - بىرىنە سۇيەۋ بولۋعا ىنتىماقتاستىرا باستايتىنىنا، شينجياڭنىڭ بولاشاعىنىڭ، ءسوز جوق، اناعۇرلىم شۇعىلالى بولاتىنىنا، شينجياڭنىڭ قوعام ورنىقتىلىعى مەن باياندى تىنىشتىعىنىڭ، ءسوز جوق، ەرتەرەك جۇزەگە اساتىنىنا كامىل سەنەمىن.

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى

مەملەكەتتىك ساياسي كەڭەس موڭعۇلكۇرەدە ۇسىنىس جوبالاردى ءبىر جاقتى ەتۋ – اقىلداسۋ ناق مايدان ءماجىلىسىن وتكىزدى

اقىسىز دەنساۋلىق تەكسەرتۋ جونىندەگى ۇيىمداستىرۋ، ۇگىت قىزمەتى جاقسى ىستەلدى

الەۋمەتتىك اۋماقتاعى پارتيا مۇشەلەرى سەرت بەرۋ قيمىلىنا قاتىناستى

ون مىڭ ادام پارتياعا كىرۋ سەرتىن قايتا بەرۋ قيمىلىن قانات جايدىردى