وڭتۇستىك شينجياڭداعى 10680 ارتىق ەڭبەككۇش مەملەكەتتىك كاسىپورىنداردا جۇمىسقا ورنالاستى

كەلۋ قاينارى:  ءتاڭىرتاۋ تورابى   |   جولدانعان ۋاقىتى:2017 - 09 - 13 12:08


جۇڭتاي توبى سەرىكتەستىگى قابىلداپ ورنالاستىرعان قاشقار مەن حوتانىڭ قالا، اۋىلدارىنداعى ارتىق ەڭبەككۇشتەر جاڭا

 قىزمەتشىگە اينالعانسوڭ، ۇستازدارىنان قىزمەت ورنىنىڭ تەحنيكالىق قابىلەتىن ۇيرەنۋدە

11-قىركۇيەكتە، جۇڭتاي توبى ميدۇڭ ونەركاسىپ باقشاسىنداعى ونىمدەردى توپتاپ قوراپتاۋ سەحنىڭ قاسىندا قاشقاردان كەلگەن ابدوللا قاري مەن ايەلى ماليكە مامەتنياز ۇستازدىڭ قايتكەندە جارامسىز قوراپتى ءبىر جاقتىلى ەتۋگە بولاتىنى تۋرالى سويلەگەن تۇسىندىرمەسىن مۇقيات تىڭداۋدا.

ابدوللا قاري بۇرىن ىشكى ولكەلەردە جۇمىس ىستەپ كورگەن، مەملەكەت ءتىلىن ۇيرەنۋدىڭ ماڭىزدىلعىن ابدەن بىلەتىن ول بۇگىنگە دەيىن مەملەكەت ءتىلىن ۇيرەنۋگە تاباندى بولىپ كەلەدى.

«مەنىڭ اكەم ديقان، مەنىڭ التى اعا-ءىنىم دە بارلىعى ديقان، مەن بالامنىڭ دا ديقان بولۋىن قالامايمىن، ءسوزسىز ءوزىمنىڭ قۇلشىنىسىم ارقىلى بالاما ەڭ جاقسى وقۋ-اعارتۋدان يگىلىكتەندىرەمىن»،-دەيدى ابدوللا قاري.

وڭتۇستىك شينجياڭداعى از ۇلت ارتىق ەڭبەككۇشتەردى باسقا سالاعا ويىستىرىپ جۇمىسقا قابىلداۋ، ورنالاستىرۋ جوسپارى بويىنشا، قاشقار ايماعى كونەءشار اۋدانىنان كەلگەن زۇلھۇمار ابدۋالي جۇڭتاي توبىنىڭ فۋكاڭ ەنەرگيا سەرىكتەستىگىندەگى جۇمىسشى بولدى. «مەنىڭشە فۋكاڭ قالاسى مەنىڭ ۇيىمە ۇقسايدى، مەيىرگە تولعان ءۇي»،-دەيدى زۇلھۇمار ابدۋالي جاڭا مەكەمەسى مەن وعان كومەكتەسكەن ۇستازدارعا دەگەن العىسقا تولى كوڭىلمەن. ول ءوزىنىڭ قۇلشىنىسى ارقىلى تاعدىرىن وزگەتىپ، ۇزدىكىسز قۇلشىنۋ ارقىلى جۇڭتايدا ءوز ارمانىن ىسكە اسىرۋعا بولاتىنىنا سەنەدى.

ءتىلشىنىڭ جۇڭتاي توبى سەرىكتەستىگىنەن ۇعىسۋىنا قاراعاندا، اۆتونوميالى رايونىمىزدىڭ مەملەكەت مەنشىگىندەگى كاسىپورىن بولعان جۇڭتاي توبى سەرىكتەستىگى بيىل ءساۋىر ايى مەن ماۋسىم ايىندا قاشقار مەن حوتان ايماعىنان كەلگەن 2000 ارتىق ەڭبەككۇشتى باسقا سالاعا ويىستىرىپ جۇمىسقا ورنالاسقان قىزمەتشىلەردى قابىلداعان. قىزمەتكە شىعار الدىنداعى تاربيەلەۋدەن كەيىن، قازىر ءوندىرىس قىزمەت ورنىنا ورنالاستى.

بيىل ءساۋىر ايىندا، اۆتونوميالى رايونىمىز قاشقار مەن حوتاننىڭ قالا، اۋىلدارىنداعى ارتىق ەڭبەككۇشتەردى باسقا سالاعا ويىستىرىپ جۇمىسقا قابىلداۋ، ورنالاستىرۋ قىزمەتىن باستاپ، وڭتۇستىك شينجياڭنىڭ جۇمىسقا ورنالاسۋ ماسەلەسىن شەشىپ بەردى. وڭتۇستىك شينجياڭداعى ارتىق ەڭبەككۇشتەردى باسقا سالاعا ويىستىرىپ جۇمىسقا ورنالاستىرۋعا سەرپىن بەرۋ العا قويىلىپ، اۆتونوميالى رايونىمىز قاشقار مەن حوتان ايماقتارىنان 3 جىلدا 100 مىڭ ادامدى جۇمىسقا ورنالاستىرۋ جوسپارىن جاساعان بولاتىن.

بۇگىندە، بۇل قىزمەت قانات جايعالى جارىم جىلعا جاقىن بولدى. تامىز ايىنىڭ سوڭىنا دەيىن، ابدوللا قاري ەرلى-زايىپتىلار، زۇلھۇمار ابدۋالي سىندى 10680 قاشقار مەن حوتاننىڭ قالا، اۋىلدارىنداعى ارتىق ەڭبەككۇشتەر 16 اۆتونوميالى رايونىمىزداعى مەملەكەتتىك كاسىپورىن مەن 26 ورتالىقتىڭ شينجياڭدا تۇراتىن كاسىپورىندارعا جۇمىسقا تۇردى.

اۆتونوميالى رايوندىق پارتكوم، ۇكىمەتتىڭ ورنالاستىرۋى مەن تالابىنا ساي، اۆتونوميالى رايوندىق مەملەكەت مەنشىگىندەگى مال-مۇلىكتى باقىلاۋ-باسقارۋ كوميتەتى قاشقار مەن حوتاننىڭ قالا، اۋىلدارىنداعى ارتىق ەڭبەككۇشتەردى باسقا سالاعا ويىستىرىپ جۇمىسقا قابىلداۋ، ورنالاستىرۋ قىزمەتىن بەلسەندىلىكپەن قانات جايدىرىپ، بيىل اۆتونوميالى رايونىمىزعا تاۋەلدى مەملەكەتتىك كاسىپورىندار مەن شينجياڭدا تۇراتىن ورتالىق كاسىپورىندارىنا 10 مىڭ 34 ادامدى جۇمىسقا قابىلداۋدى مىندەتتەۋ جونىندە جۇمىس جوسپارىن جاساعان بولاتىن.

ۇعىسۋعا قاراعاندا، جاڭا قىزمەتشىلەر زاۆودقا ورنالاسقاننان كەيىن، كاسىپورىندار العىس ايتۋ تاربيەسى جانە زاڭدى ۇيرەنۋ، مەملەكەتتىك ءتىل، تەحنيكالىق شەبەرلىك، «ءۇشتى ءسۇيۋ، ۇشكە قارسى تۇرۋ» تاربيەسى، اسكەري جاتتىعۋ، ءوندىرىس حاۋىپسىزدىگى قاتارلى قاتىستى مازمۇندار بويىنشا شوعىرلى تاربيە جۇرگىزدى. سونىمەن بىرگە، جوقتاما، تەكسەرۋ، سيلاۋ جانە جازالاۋ جاعىندا باسقا قىزمەتشىلەرمەن تەڭ قارالىپ، ۇقساس ەڭبەككە ۇقساس ەڭبەكاقى تولەندى، تاربيەلەنۋ كەزىندە ءار ادامنىڭ ءار ايلىق ەڭبەكاقىسى 2000 يۋان، رەسمي جۇمىسقا تۇرعاننان كەيىن، ءار ايلىق ەڭبەكاقىسى ورتا ەسەپپەن 3000 يۋان اينالاسىندا بولادى.

ءتىلشىنىڭ اۆتونوميالى رايوندىق مەملەكەت مەنشىگىندەگى مال-مۇلىكتى باقىلاۋ-باسقارۋ كوميتەتىنەن ۇعىسۋىنشا، قاشقار مەن حوتاننىڭ قالا، اۋىلدارىنداعى ارتىق ەڭبەككۇشتەردى باسقا سالاعا ويىستىرىپ جۇمىسقا قابىلداۋ، ورنالاستىرۋ قىزمەتىن ورىستەتۋ ارقىلى اۆتونوميالى رايونىمىزداعى مەملەكەتتىك كاسىپورىنداردىڭ جۇمىسشى قۇرىلىمى ونان سايىن ساپالىلانعان، اۆتونوميالى رايونىمىزعا تاۋەلدى مەملەكەتتىك كاسىپورىندارداعى از ۇلت جۇمىسشىلارىنىڭ ۇلەسى 25 پايىزدان 35 پايىزعا كوتەرىلگەن، ءار ۇلت جۇمىسشى-قىزمەتكەرلەرى بىرگە تۇرمىس كەشىرىپ، قاتار ەڭبەك ەتىپ، ارالاسۋ، ىشتەسۋ، توعىسۋ بىرتىندەپ تەرەڭدەگەن.



جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى

مەملەكەتتىك ساياسي كەڭەس موڭعۇلكۇرەدە ۇسىنىس جوبالاردى ءبىر جاقتى ەتۋ – اقىلداسۋ ناق مايدان ءماجىلىسىن وتكىزدى

اقىسىز دەنساۋلىق تەكسەرتۋ جونىندەگى ۇيىمداستىرۋ، ۇگىت قىزمەتى جاقسى ىستەلدى

الەۋمەتتىك اۋماقتاعى پارتيا مۇشەلەرى سەرت بەرۋ قيمىلىنا قاتىناستى

ون مىڭ ادام پارتياعا كىرۋ سەرتىن قايتا بەرۋ قيمىلىن قانات جايدىردى