ەگىنشىلەر جارناگەرلەرگە اينالىپ، داستارقان مايلانىپ، وتباسى شاتتىققا شومدى (19 – قۇرىلتايدىڭ مەرەيلى ساتىندە)

كەلۋ قاينارى: حالىق تورابى   |   جولدانعان ۋاقىتى:2017 - 10 - 24 16:59

حۋبەي ولكەسىنىڭ جيڭشان اۋدانىنداعى قىستاق كوللەكتيۆى مال – مۇلىك جارنا رەفورماسى جونىندە ىزدەنىس

«حالىق گازەتىنىڭ» ءتىلشىسى چىڭ يۋانجوۋ

«قاداعالاپ كوز ايىرماڭدار، پارتيامىزدىڭ جاقسى ساياساتتارىنان قاعىس قالمايىق!» ــ دەدى حۋبەي ولكەسى جيڭشان اۋدانى شينشى قالاشىعى چىڭفان قىستاعى پارتيا ياچەيكاسىنىڭ شۋجيى تو داميڭ. ول قىستاق كوللەكتيۆى مال – مۇلىك جارنا ۇقىعى رەفورماسى سىناق ءتۇيىنى بولۋدىڭ ءدامىن تاتقاننان كەيىن تەلەۆيزور حابارىنان جانارىن ۇزبەۋدى ادەتىنە اينالدىرعان بولاتىن. پارتيانىڭ 19 – قۇرىلتايى اشىلۋ ۋاقىتىنا تاياعان سايىن، ول تەلەۆيزوردىڭ الدىنان ايرىلعان ەمەس.

سالتاناتتى مەرەكە تىنىسىنا تولى چىڭفان قىستاعىنىڭ ءون بويىنان رەفورمانى تياناقتاندىرۋدىڭ اسقاق اۋەنى بىلىنەدى.

11 – قازان كەشكى ساعات 7 مەزگىلى. كوگونىس جەتكىزۋ دۇكەنىنىڭ ەڭ سوڭعى الارمانىن اتتاندىرىپ سالعان جاڭ ۋىنمەي وسى كۇنى ساۋدا جاساپ تاپقان 3 مىڭ يۋاندى قالتاسىنا سالىپ اسەرلى بەينەدە بىلاي دەدى: «پارتيامىزدىڭ جاقسى ساياساتىنىڭ دەمەۋى بولماسا، دۇكەن اشىپ ساۋدا جاساۋ ءۇش ۇيىقتاسام تۇسىمە كىرمەيتىن ەدى».

10 جىلدىڭ الدىندا كۇيەۋى ناۋقاستان كوز جۇمعاننان كەيىن، جاڭ ۋىنمەي 70 مىڭ يۋان قارىز ارقالاپ شىعا كەلدى دە، ەكى بالاسىنا باسى – كوز بولىپ تاپقانى كەڭىردەگىنە جەتپەي، تۇلكى قۇرساق كۇن كەشىرە باستادى. باعىنا وراي وتكەن جىلى قازاندا چىڭفان قىستاعىندا قىستاق كوللەكتيۆى مال – مۇلىك جارنا رەفورماسى سىناق رەتىندە جۇرگىزىلگەندە، ونىڭ ەنشىسىنە 38 ۇلەس جارنا ءبولىنىپ، ۇلەستىرۋگە بولاتىن تيجارات سيپاتىندىق مال – مۇلىك پايداسى 110 مىڭ يۋان بولعان ەدى. «جارنا ۇقىعى كۋالىگىن» العان ەكىنشى ايىندا جاڭ ۋىنمەي كۋالىك كەپىلىمەن بانكەدەن 80 مىڭ يۋان قارىز اقشا الىپ، ۇيىنەن موينى قاشىق بولماعان جيڭدۋ اۋىل شارۋاشىلىق ساۋدا بازارىنان دۇكەن الىپ ساۋداسىن باستاپ كەتتى.

اۋدان ورتالىعىنا جاقىن بولۋ ابزالدىعىمەن تاياۋ جىلداردان بەرى چىڭفان قىستاعىنىڭ كوللەكتيۆ ەكونوميكاسى تەز قارقىنمەن دامىپ، قىستاق كوللەكتيۆىنىڭ ۇلەستىرۋگە بولاتىن تيجارات سيپاتىندىق قارجىسى 157 ميلليون يۋانعا جەتىپ، جىلدىق تيجارات كىرىسى 3 ميلليون يۋاننان استى.

«قارجى جەتكىلىكتى، الايدا ەسەپپەن جاتىپ، ەسەپپەن ويانىپ جۇرگەن كوپشىلىك بۇنىڭ قانشالىقتى يگىلىگىن كورگەنىن سەزىنە الماعان ەدى» ــ دەدى تو داميڭ.

«بۇقارا نەگە كوڭىل بولەدى، نەنى ءۇمىت ەتەدى، رەفورما جۇرگىزگەندە نەنى ءتۇيىندى ۇستاۋ كەرەك، نەنى ىلگەرىلەتۋ كەرەك» دەيتىن باس شۋجي شي جينپيڭنىڭ وسى سوزدەرى تو داميڭنىڭ كوڭىل تۇكپىرىنە تەرەڭ ورنادى. 2015 – جىلى ماۋسىمدا، جيڭشان اۋدانى بۇكىل مەملەكەت بويىنشا 29 اۋىل – قىستاق كوللەكتيۆ مال – مۇلكى جارنا ۇقىعى رەفورماسى سىناق تۇيىنىنە ەنگىزىلگەننەن كەيىن، چىڭفان قىستاعى سىناق ءتۇيىنى قاتارىنا ەندى.

10 ايلىق جارنا رەفورماسى بارىسىندا، چىڭفان قىستاعى كەرەمەتىن ايگىلەپ، قىستاق تۇرعىندارى ۋاكىلدەر زور ءماجىلىسىن 60 نەشە مارتە، گرۋپپالار جيىنىن 200 نەشە رەت وتكىزسە، وتاعاسىلارىنىڭ شاعىن باس قوسۋى مىڭ مارتەدەن استى.

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى

شينجياڭدا جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىنا ارنالعان سيمفونيالىق كەش وتكىزىلدى

ەڭ سۇيىكتى ادامدارعا گۇل ۇسىندى

مەملەكەتتىك ساياسي كەڭەس موڭعۇلكۇرەدە ۇسىنىس جوبالاردى ءبىر جاقتى ەتۋ – اقىلداسۋ ناق مايدان ءماجىلىسىن وتكىزدى

اقىسىز دەنساۋلىق تەكسەرتۋ جونىندەگى ۇيىمداستىرۋ، ۇگىت قىزمەتى جاقسى ىستەلدى

الەۋمەتتىك اۋماقتاعى پارتيا مۇشەلەرى سەرت بەرۋ قيمىلىنا قاتىناستى

ون مىڭ ادام پارتياعا كىرۋ سەرتىن قايتا بەرۋ قيمىلىن قانات جايدىردى