مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

كەلۋ قاينارى: حالىق تورابى   |   جولدانعان ۋاقىتى:2018 - 03 - 20 18:45

  حالىق تورابى، 1 – ناۋرىز، بەيجيڭ. سۋرەتتە: 27 – اقپان، ساياسي كەڭەس مەملەكەتتىك 13 - كەزەكتى كوميتەتىنىڭ 1 – ماجىلىسىنە قاتىناساتىن مەملەكەتتىك ساياسي كەڭەستىڭ شينجياڭداعى مۇشەلەرى بەيجيڭگە اتتاندى.

  بۇكىل شينجياڭداعى ءار ۇلت حالقىنىڭ كەلەلى تاپسىرماسىن ارقالاعان مەملەكەتتىك ساياسي كەڭەستىڭ شينجياڭداعى مۇشەلەرى ۇكىمەت ىسىنە ارالاسىپ، ۇكىمەت ءىسىن كەڭەسۋ اسقاق سەزىمىمەن ساياسي كەڭەس مەملەكەتتىك 13 - كەزەكتى كوميتەتىنىڭ 1 - ماجىلىسىنە قاتىناسۋ ءۇشىن 27 - اقپان تۇستەن بۇرىن ۇرىمجىدەن بەيجيڭگە اتتاندى.

  وسى كەزەكتى مەملەكەتتىك ساياسي كەڭەستىڭ شينجياڭداعى 35 مۇشەسى جەكە - جەكە جۇڭگو كوممۋنيستىك پارتياسى، از ۇلت، ەكونوميكا، ءدىن، مادەنيەت، كوركەمونەر سياقتى سالالاردان كەلگەن. جاڭادان تاعايىندالعان 26 مۇشە 2 جارىم كۇندىك كۋرسقا قاتىناسادى.

  ساياسي كەڭەس مۇشەلەرى مىنانى ءبىلدىردى: بيىلعى مەملەكەتتىك ەكى ءماجىلىس توتەنشە كەلەلى مانگە يە. ءبىز داڭقتى بورىشىمىزدى ارقالاپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 19 - قۇرىلتايىنىڭ رۋحىن ىشكەرىلەي ۇيرەنىپ جانە دايەكتىلەندىرىپ، وسكەلەڭ ساياسي جاۋاپكەرشىلىك سەزىم جانە ۇكىمەت ىسىنە ارالاسۋ، ۇكىمەت ءىسىن كەڭەسۋ ىنتاسىمەن ءماجىلىستىڭ ءتۇرلى كەڭەستىك تارتىپتەرىنە ساي، قىزمەت جاۋاپكەرشىلىگىمىزدى مۇقيات اتقارىپ، بەلسەنە اقىل - كەڭەس بەرەمىز. باس شۋجي شي جينپيڭنىڭ پارتيا ورتالىق كوميتەتىندەگى، بۇكىل پارتياداعى ۇيتقىلىق ورنىن باتىل قورعاپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن مىقتاپ ارقاۋ ەتىپ، ساپالى، تاماشا ۇسىنىستاردى كوبىرەك قويىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىمەن بولعان جاڭا وزگەرىستەردى، قول جەتكىزگەن جاڭا تابىستاردى جان - جاقتى اڭىس ەتەمىز. حالىق بۇقاراسىنىڭ ءۇمىتى مەن تىلەگىن ماجىلىسكە جەتكىزىپ، ناقتى ۇسىنىستاردى كوپتەپ قويىپ، ناقتى ءادىس - امالداردى كوپتەپ ۇسىنىپ، دامۋ جوسپارىن كوبىرەك كوزدەپ، شينجياڭ ۇيعۇر اۆتونوميالى رايوندىق پارتكوم مەن بۇكىل شينجياڭداعى ءار ۇلت حالىق بۇقاراسىنىڭ كۇتكەن ءۇمىتى مەن كەلەلى تاپسىرماسىنىڭ ۇددەسىنەن شىعىپ، اۆتونوميالى رايوننىڭ ورنىقتىلىق، دامۋ ىسىنە تيەسىلى ۇلەس قوسامىز.

  شينجياڭ ۇيعۇر اۆتونوميالى رايوننىڭ قاتىستى باسشىلارى مۇشەلەردى اتتاندىرىپ سالدى.

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى

مەملەكەتتىك ساياسي كەڭەس موڭعۇلكۇرەدە ۇسىنىس جوبالاردى ءبىر جاقتى ەتۋ – اقىلداسۋ ناق مايدان ءماجىلىسىن وتكىزدى

الەۋمەتتىك اۋماقتاعى پارتيا مۇشەلەرى سەرت بەرۋ قيمىلىنا قاتىناستى

پارتيالى كادرلار پارتيا تۋى الدىندا سەرت بەرىپ، سەنىمدەرىن بەكەمدەدى

شينجياڭ التاي قالاسى پويەز قاتىنامايتىن تاريحقا حوش ايتتى.جاريالانعان

استانا الەمدىك كورمەسىندەگى جۇڭگو سارايى

سۇلۋ سايرام