ءتوراعا شي جينپيڭ بو - اۋ ازيا تالقى مىنبەرىنىڭ 2018 - جىلعى جىلدىق ءماجىلىسىنىڭ اشىلۋ سالتىنا قاتىناسادى ءارى قاتىستى قيمىلدار وتكىزەدى

كەلۋ قاينارى: شينجياڭ گازەتى سايتى   |   جولدانعان ۋاقىتى:2018 - 04 - 08 11:35

سىرتقى ىستەر مينيسترلىگى جۇڭگو مەن شەتەلدىڭ اقپارات قۇرالدارىنا قۇلاق قاعىس ەتۋ ءماجىلىسىن اشىپ، قاتىستى جاعدايلاردى تانىستىردى

شينحۋا اگەنتتىگىنىڭ 4 - ايدىڭ 3 - كۇنى بەيجيڭنەن بەرگەن حابارى (ءتىلشى تان جيڭجيڭ، پان جيە) 4 - ايدىڭ 3 - كۇنى سىرتقى ىستەر مينيسترلىگى جۇڭگو مەن شەتەلدىڭ اقپارات قۇرالدارىنا قۇلاق قاعىس ەتۋ ءماجىلىسىن اشتى. مەملەكەتتىك كەڭەستىڭ مۇشەسى، قوسىمشا سىرتقى ىستەر مينيسترلىگىنىڭ مينيسترى ۋاڭ ي ءتوراعا شي جينپيڭنىڭ بو - اۋ ازيا تالقى مىنبەرىنىڭ 2018 - جىلعى جىلدىق ءماجىلىسىنىڭ اشىلۋ سالتىنا قاتىناساتىندىعى جانە قاتىستى قيمىلدار وتكىزەتىندىگى جونىندە قاتىستى جاعدايلاردى تانىستىردى ءارى تىلشىلەردىڭ سۇراۋىنا جاۋاپ بەردى.

ۋاڭ ي بىلاي دەدى: بو - اۋ ازيا تالقى مىنبەرىنىڭ 2018 - جىلعى جىلدىق ءماجىلىسى حايناندا شىمىلدىعىن اشادى، جۇڭگونىڭ مەملەكەت ءتوراعاسى شي جينپيڭ ۇسىنىس بويىنشا تالقى مىنبەرىنىڭ جىلدىق ءماجىلىسىنىڭ اشىلۋ سالتىنا قاتىناسادى ءارى ماڭىزدى ارقاۋ ءسوز سويلەيدى، شەتەلدىڭ ماجىلىسكە قاتىناسقان مەملەكەت باسشىلارىمەن، ۇكىمەت باسشىلارىمەن جانە حالىقارالىق ۇيىمداردىڭ جاۋاپتىلارىمەن كەزدەسەدى، تالقى مىنبەرىنىڭ القالارىمەن توپتىق كەزدەسەدى ءارى جۇڭگو مەن شەتەل كاسىپورىنشىلار ۋاكىلدەرىمەن كەڭەسەدى. وسى جولى اۆستريانىڭ زۇڭتۇڭى ۆان دەر بەللەن، فيليپپيننىڭ زۇڭتۇڭى دۋتەرت، موڭعۇليانىڭ زۇڭليى حۋريەلسۋح، نيدەرلاندتىڭ باس ءۋازىرى ريۋتتە، پاكيستاننىڭ زۇڭليى ابباس، سينگاپۋردىڭ زۇڭليى لي شيانلۇڭ، ب م ۇ - نىڭ باس حاتشىسى گۋتتەرەس جانە حالىقارالىق اقشا قور ۇيىمىنىڭ باسالقاسى لاگاد ۇسىنىس بويىنشا جىلدىق ماجىلىسكە قاتىناسادى، بۇنىڭ ىشىندە اۆستريانىڭ زۇڭتۇڭى، نيدەرلاندتىڭ باس ءۋازىرى، موڭعۇليانىڭ زۇڭليى، سينگاپۋردىڭ زۇڭليى، بىرلەسكەن مەملەكەتتەر ۇيىمىنىڭ باس حاتشىسى جۇڭگودا ساپاردا بولادى.

ۋاڭ ي بىلاي دەپ اتاپ كورسەتتى: بو - اۋ ازيا تالقى مىنبەرى قۇرىلعان 17 جىلدان بەرى كولەمى مەن ىقپالى ۇزدىكسىز ۇلعايىپ، تاراپتاردىڭ ورتاق تانىمىن ۇيىستىرۋ، وڭىرلىك ىنتىماقتاستىقتى نىعايتۋ، بىرگە دامۋدى جەبەۋ، ازيانىڭ جانە دۇنيە ءجۇزىنىڭ ماسەلەلەرىن شەشۋدە وزگەشە رولىن ساۋلەلەندىردى. تالقى مىنبەرى جۇڭگو مەن دۇنيە ءجۇزىن جالعايتىن ماڭىزدى دانەكەرگە اينالدى، سونىمەن قوسا ازيالىق ەرەكشەلىككە جانە الەمدىك ىقپالعا يە حالىقارالىق اۋىس - كۇيىس مىنبەرىنە اينالدى. كەزەكتە حالىقارالىق جاعدايدا جانە دۇنيە ءجۇزى ەكونوميكاسىندا تەرەڭ ءارى كۇردەلى وزگەرىستەر تۋىلۋدا. بۇل رەتكى جىلدىق ءماجىلىس «اشىق، جاسامپاز ازيا، گۇلدەنىپ دامىعان الەم» دەگەندى باستى تاقىرىپ ەتەدى، بۇل شىندىقتىڭ قاجەتىنە ۇيلەسەدى، تاراپتاردىڭ وسكەلەڭ ءمان بەرۋىنە يە بولادى. ءار ەلدەن كەلگەن ءار سالانىڭ 2000نان استام سيلى قوناعى ءبىر اراعا باس قوسىپ، سەلبەستىك جاساسىپ، تەڭ يگىلىككە كەنەلۋدىڭ ۇلى جوباسىن بىرگە اقىلداسىپ، دامۋدىڭ، گۇلدەنۋدىڭ جاقسى جوباسىن بىرگە جوبالاپ، ازيا مەن دۇنيە ءجۇزىن «بو - اۋ پاراساتىمەن» قامداپ، «بو - اۋ كۇشىن» قوسادى.

ۋاڭ ي بىلاي دەپ باسا دارىپتەدى: 2018 - جىل − جۇڭگونىڭ رەفورما جاساپ، ەسىك اشقاندىعىنىڭ 40 جىلدىعى ءارى پارتيا 19 - قۇرىلتايىنىڭ رۋحىن دايەكتىلەندىرۋدىڭ، تياناقتاندىرۋدىڭ باستالعان جىلى. وسىنداي ماڭىزدى تاريحي ساتتە ءتوراعا شي جينپيڭنىڭ جىلدىق ءماجىلىستىڭ اشىلۋ سالتىنا قاتىناسۋى ءارى ءبىرسىپىرا قيمىلدار وتكىزۋى جاڭا داۋىردەگى جۇڭگوشا ءىرى ەل ديپلوماتياسىن ىشكەرىلەي ىلگەرىلەتۋدە، ازيانىڭ جانە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋدە، ادامزاتتىڭ بەيبىتشىلىك جانە دامۋ ىستەرىن جەبەۋدە كەلەلى مانگە يە. بۇل جۇڭگونىڭ بيىلعى تۇڭعىش رەتكى باس بولىپ وتكىزگەن كەلەلى قيمىلى، بۇل رەتكى جىلدىق ماجىلىسكە ءبىرسىپىرا جارقىن تۇيىندەر قوسىلادى.

ءبىرىنشى، رەفورما جاساپ، ەسىك اشۋدىڭ جاڭا بولاشاعىن كورسەتەدى. ءتوراعا شي جينپيڭ جۇڭگونىڭ رەفورما جاساپ، ەسىك اشۋىنىڭ ۇلى جەتىستىكتەرى، ماڭىزدى تاجىريبەلەرى جانە تولعامى، الەمدىك ءمانى جانە ىقپالى جونىندە، سونداي - اق جاڭا تاريحي كەزەڭدە جۇڭگونىڭ رەفورما جاساپ، ەسىك اشۋدى قالاي تاعى كەڭەيتۋى، رەفورمانى تەرەڭدەتىپ قايتالاي اتتانۋى جونىندە ەڭ قۇزىرلى تۇسىنىك جاسايدى، كوپشىلىك رەفورما جاساپ، ەسىك اشۋدىڭ ءبىرسىپىرا تىڭ ماڭىزدى شارالارىن تىڭدايتىن بولادى.

ەكىنشى، جۇڭگو دامۋىنىڭ جاڭا داۋىرىنە تۇسىنىك جاسايدى. جۇڭگو ءار سالانىڭ سيلى قوناقتارىنا جاڭا ءداۋىردىڭ ىشكى ءمانىن ىشكەرىلەي تۇسىندىرەدى، جۇڭگونىڭ جاڭا دامۋ ۇستانىمىن، نىساناسىن جانە مىندەتىن، سونداي - اق جاڭا داۋىردە جۇڭگونىڭ ءار ەلگە جانە دۇنيە جۇزىنە جەتكىزەتىن وراسان زور ورايىن تانىستىرادى.

ءۇشىنشى، بولاشاقتى بىرگە جاراتۋدىڭ جاڭا دارىپتەمەسىن ورتاعا قويادى. ءتوراعا شي جينپيڭ ازيانىڭ جانە ادامزاتتىڭ تاعدىرلاس ورتاق تۇلعاسىن قۇرۋدى ىشكەرىلەي ىلگەرىلەتۋ، ازيانىڭ جانە دۇنيە ءجۇزىنىڭ كوركەم بولاشاعىن جاراتۋ جونىندە جۇڭگو ءۇنىن ايقىن تاراتىپ، جۇڭگونىڭ تۇرعىسىن تۇسىندىرەدى.

ءتورتىنشى، سەرىكتەستىك قاتىناستىڭ جاڭا جەتىستىكتەرىن جاراتادى. ءتوراعا شي جينپيڭ ماجىلىسكە قاتىناسقان شەتەل باسشىلارىمەن كەزدەسۋ، كەڭەسۋ سياقتى قيمىلدارعا قاتىناسىپ، تاراپتاردىڭ جان - جاقتى، سىندارلى ىنتىماقتاستىعى، سونداي - اق الەمدى جونگە سالۋ، دۇنيە ءجۇزى ەكونوميكاسى مەن ساۋداسى سياقتى ماسەلەلەر جونىندە ىشكەرىلەي پىكىر اۋىستىرىپ، جاڭا ورتاق تانىمعا جانە جەتىستىكتەرگە قول جەتكىزەدى.

بەسىنشى، تالقى مىنبەرىنىڭ دامۋىنا تىڭ قوزعاۋشى كۇش ۇستەيدى. بيىل بو - اۋ ازيا تالقى مىنبەرى القالار كەڭەسىنىڭ كەزەك اۋىستىراتىن جىلى، ءتوراعا شي جينپيڭ قازىرگى جانە كەلەسى كەزەكتەگى القالارمەن توپتىق كەزدەسىپ، تالقى مىنبەرىنىڭ قۇرىلىسى جانە دامۋى سياقتى ماسەلەلەر جونىندە پىكىرلەسەدى، بۇل جۇڭگو ۇكىمەتىنىڭ بو - اۋ ازيا تالقى مىنبەرىن قولدايتىن، ىلگەرىلەتەتىن ىقىلاستى ءۇمىتىن جانە شىنايى ارەكەتىن ايگىلەيدى.

ۋاڭ ي بىلاي دەدى: بيىل حايناننىڭ ولكە بولىپ قۇرىلعاندىعىنىڭ جانە ەكونوميكالىق ەرەكشە رايون بولىپ قۇرىلعاندىعىنىڭ 30 جىلدىعى. جۇڭگونىڭ ەڭ ۇلكەن ەكونوميكالىق ەرەكشە رايونى جانە رەفورما جاساپ، ەسىك اشۋ تەرەزەسى رەتىندە، حاينان ولكەسى دۇنيە جۇزىندەگى ءار ەلدەن كەلگەن دوستاردى قۇشاق جايا قىزۋ قارسى الادى. ءار ەلدىڭ سيلى قوناقتارىنىڭ حايناننىڭ ومىرشەڭدىك كۇشىن ءبىلۋىن، جۇڭگونىڭ دامۋىن سەزىنۋىن، جان - جاقتىڭ اقىل - پاراساتىن ۇيىستىرىپ، ازيانىڭ جانە دۇنيە ءجۇزىنىڭ اشىق، جاسامپاز، گۇلدەنگەن، دامىعان كوركەم بولاشاعىن قول ۇستاسا بىرگە جاراتۋىن ءۇمىت ەتەدى.

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى

جوعارى دارەجەلى وقۋ – اعارتۋ دۇنيە ءجۇزىنىڭ الدىڭعى لەگىنە قاراي جەدەل قادام باسۋى كەرەك
شەكارادان اتتاپ شىقپاي – اق ماڭداي الدى وقۋ – اعارتۋدان يگىلىكتەنە الاتىن بولۋىمىز كەرەك


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى