ەسىك اشىپ، بىرگە گۇلدەنىپ، جاڭالىق اشۋ ارقىلى بولاشاققا جەتەكشىلىك ەتەيىك

كەلۋ قاينارى: شينجياڭ گازەتى سايتى   |   جولدانعان ۋاقىتى:2018 - 04 - 12 16:35

− بو - اۋ ازيا تالقى مىنبەرىنىڭ 2018 - جىلعى جىلدىق ءماجىلىسىنىڭ اشىلۋ سالتىندا سويلەنگەن ارقاۋ ءسوز

(2018 - جىلى 4 - ايدىڭ 10 - كۇنى، حاينان بو - اۋ)

جۇڭحۋا حالىق رەسپۋبليكاسىنىڭ ءتوراعاسى شي جينپيڭ

قۇرمەتتى مەملەكەت باسشىلارى، ۇكىمەت جەتەكشىلەرى، حالىقارالىق ۇيىمداردىڭ جاۋاپتىلارى، مينيسترلەر،

قۇرمەتتى بو - اۋ ازيا تالقى مىنبەرىنىڭ قازىرگى القالارى جانە كاندايدات القالارى،

قوناقتار، حانىمدار، مىرزالار، دوستار: 

كوكتەمگى حاينان تاۋلارى جاسىل جەلەك جامىلىپ، كوك تەڭىز باياۋ تولقىپ، شۋاقتى كۇن نۇرىنا مالىنىپ، قوڭىر سامال ەسىپ تۇر. وسىناۋ تاماشا ماۋسىمدا ءار ەلدىڭ قۇرمەتتى قوناقتارى ءبىر اراعا باس قوسىپ، بو - اۋ ازيا تالقى مىنبەرىنىڭ 2018 - جىلعى جىلدىق ماجىلىسىنە قاتىناسىپ وتىرسىزدار. حايناندا «ۇزاق ۋاقىت كەزدەسپەگەن ادامدار، كەزدەسسە دە ءبىرىن - ءبىرى ساعىنار» دەيتىن حالىق ءانى بار. بۇگىن جاڭا - كونە دوستارمەن كەزدەسەتىن وراي بولعانىنا ەرەكشە قۋانىشتامىن.

ەڭ اۋەلى، مەن جۇڭگو ۇكىمەتى مەن حالقى اتىنان ءارى ءوز اتىمنان قۇرمەتتى قوناقتاردى شىنايى قارسى الامىن! جىلدىق ءماجىلىستىڭ اشىلعانىن قىزۋ قۇتتىقتايمىن!

بو - اۋ ازيا تالقى مىنبەرى قۇرىلعاننان بەرى ازيانى تياناق ەتىپ، دۇنيەگە بەت الىپ، ازيادا ورتاق تانىم ۇيىستىرۋ، ءار جاقتاردى ىنتىماقتاستىققا جەبەۋ، ەكونوميكانىڭ جاھاندانۋىن ىلگەرىلەتۋ، ادامزاتتىڭ تاعدىرلاس ورتاق تۇلعاسىن تۇلعالاۋ سياقتى جاقتاردا اقىل قوسىپ، كەڭەس بەرىپ، كوپتەگەن قۇندى «بو - اۋ جوبالارىن» العا قويىپ، بەلسەندى ۇلەستەر قوستى. بيىل تالقى مىنبەرى القالار كەڭەسىنىڭ كەزەك اۋىستىراتىن جىلى. وسى ورايدا، مەن مىندەتتەن شەگىنەتىن القالارعا شىنايى العىس ايتامىن! جاڭادان سايلاناتىن القالاردى قىزۋ قۇتتىقتايمىن!

وسى كەزەكتى جىلدىق ءماجىلىستىڭ تاقىرىبى − «ەسىك اشىپ، جاڭالىق جاراتقان ازيا، گۇلدەنىپ - كوركەيىپ، دامىعان الەم» بولۋى ءداۋىردىڭ اعىمىنا سايكەسەدى، ءار جاقتاردىڭ ۇمىتىنە باپ كەلەدى. قوناقتار مەن ءار سالا قايراتكەرلەرىنىڭ اقتارىلا كەڭەسىپ، شىنايى كوزقاراس، تەرەڭ تۇسىنىكتەرىن ورتاعا سالارىنا سەنەمىن.

حانىمدار، مىرزالار، دوستار!

تاريح قاشاندا كەيبىر ەرەكشە جىلداردا ادامدارعا اقىل - پاراسات سيلاپ، ۇزدىكسىز العا ىلگەرىلەيتىن كۇش بەرەدى. 2018 - جىل جۇڭگونىڭ رەفورما جاساپ، ەسىك اشقاندىعىنىڭ 40 جىلدىعى ءارى حايناننىڭ ولكە بولىپ قۇرىعاندىعىنىڭ ءارى ەكونوميكالىق ەرەكشە رايون بولعاندىعىنىڭ 30 جىلدىعى. حاينان ولكەسىن «رەفورما جاساپ، ەسىك اشۋمەن دۇنيەگە كەلىپ، رەفورما جاساپ، ەسىك اشۋمەن گۇلدەنگەن» دەۋگە ابدەن بولادى. رەفورما جاساپ، ەسىك اشقاننان بەرى، حاينان ءبىرشاما توماعا تۇيىق مەشەۋ شەكارا ارالدان دامىپ جۇڭگوداعى ەڭ اشىق، ومىرشەڭدىك كۇشكە بارىنشا يە وڭىرلەردىڭ بىرىنە اينالىپ، ەكونوميكاسىنىڭ، قوعامىنىڭ دامۋى وراسان زور جەتىستىكتەرگە قول جەتكىزدى.

ءبىر تامشى سۋدان دا كۇن نۇرىنىڭ شۇعىلاسىن كورۋگە بولادى، ءبىر جەر ءبىر مەملەكەتتىڭ كەلبەتىن ايگىلەي الادى. حايناننىڭ دامۋى جۇڭگونىڭ 40 جىلدىق رەفورما جاساپ، ەسىك اشۋىنىڭ ماڭىزدى تاريحي ايعاعى.

1978 - جىلى دىڭ شياۋپيڭ مىرزانىڭ دارىپتەۋىمەن، ج ك پ 11 - كەزەكتى ورتالىق كوميتەتىنىڭ ءۇشىنشى جالپى ءماجىلىسىن بەلگى ەتىپ، جۇڭگو رەفورما جاساپ، ەسىك اشۋدىڭ تاريحي ساپارىن باستادى. اۋىل - قىستاقتان قالاعا دەيىن، سىناق تۇيىندەرىنەن جالپىلاستىرۋعا دەيىن، ەكونوميكالىق ءتۇزىلىس رەفورماسىنان رەفورمانى جاپپاي تەرەڭدەتۋگە دەيىن، 40 جىل جۇرت تىلەگىنەن قۇرىش قامال ورناتقان، 40 جىل ۇدەرە العا تارتقان، 40 جىل بوران - شاشىندى باسىنان كەشىرگەن جۇڭگو حالقى قوس قولدارىمەن مەملەكەت پەن ۇلتتى دامىتۋدىڭ ايبىندى داستانىن جازدى.

− 40 جىلدان بەرى جۇڭگو حالقى باستان - اياق جاپالى كۇرەس جاساپ، قايسارلىقپەن قۇلشىنىپ، جۇڭگونىڭ قوعامدىق وندىرگىش كۇشىن بارىنشا ازات ەتتى جانە دامىتتى. ەڭبەكتىڭ ونبەگى كوپ، كوكتەمدە گۇل اشىلسا، كۇزدە جەمىس بەرەدى. جۇڭگو حالقى بار زەيىن - زەردەسىن شوعىرلاندىرىپ قۇرىلىس جۇرگىزۋدەن جازباي، رەفورما جاساپ، ەسىك اشۋعا بۇلجىماي تاباندى بولىپ، العان بەتىنەن قايتپاي، جۇڭگودا وراسان زور وزگەرىستەردىڭ تۋىلۋىن جەبەدى. بۇگىن جۇڭگو دۇنيە جۇزىندەگى 2 - ءىرى ەكونوميكالىق تۇلعاعا، ءبىرىنشى ءىرى ونەركاسىپتىك ەلگە، ءبىرىنشى ءىرى زات ساۋدالاۋشى ەلگە، ءبىرىنشى ءىرى سىرتقى پەرەۆاد قورى بار ەلگە اينالدى. 40 جىلدان بەرى، سالىستىرمالى باعامەن ەسەپتەگەندە، جۇڭگونىڭ ىشكى ءوندىرىس جالپى ءونىم قۇنى جىلىنا شامامەن %9.5تەن ارتتى؛ دوللار بويىنشا ەسەپتەگەندە، جۇڭگونىڭ سىرتقى ساۋدا سوماسى جىلىنا ورتا ەسەپپەن %14.5تەن ارتتى. جۇڭگو حالقىنىڭ تۇرمىسى تارشىلىقتان مولشىلىققا، كەدەيلىكتەن دوڭگەلەك داۋلەتتىلىككە ءوتتى، ب م ۇ - نىڭ قازىرگى ولشەمىندەگى 700 ميلليوننان استام كەدەي كەدەيلىكتەن ءساتتى قۇتىلدى، بۇل دۇنيە جۇزىندە ازايعان كەدەيلەردىڭ جالپى سانىنىڭ %70تەن استامىن ۇستايدى.

− 40 جىلدان بەرى جۇڭگو حالقى باستان - اياق جوعارىدان تومەنگە دەيىن ىزدەنىس جاساپ، قۇلشىنا ىلگەرىلەپ، جۇڭگوشا سوتسياليزم جولىن اشتى. جۇڭگو حالقى مەملەكەت جاعدايىن تياناق ەتۋدەن جازباي، دۇنيەگە كوز تاستاپ، دەربەس وزىنە - ءوزى قوجايىن بولۋدى، ءوز كۇشىنە سۇيەنىپ ءومىر ءسۇرۋدى دارىپتەۋمەن بىرگە، سىرتقا ەسىك اشۋعا، ىنتىماقتاسىپ بىرگە يگىلىككە كەنەلۋگە دە ءمان بەرىپ، سوتسياليستىك تۇزىمدە تاباندى بولۋمەن بىرگە، سوتسياليستىك بازار ەكونوميكاسى رەفورما بەتالىسىنا دا تاباندى بولىپ، «ىزدەنە ءجۇرىپ جول تابۋمەن» بىرگە، جوعارى دەڭگەيلى جوبالاۋدى دا كۇشەيتىپ، جاڭا جاعدايلارعا ۇزدىكسىز زەرتتەۋ جۇرگىزىپ، جاڭا ماسەلەلەردى شەشىپ، جاڭا تاجىريبەلەردى قورىتىندىلاپ، جۇڭگوشا سوتسياليزم جولىن ءساتتى اشتى. جۇڭگو حالقى تابىستى امالياتى ارقىلى دۇنيە جۇزىندەگى ادامدارعا وسىزاماندانۋعا باراتىن جول بىرەۋ عانا ەمەس، بەتالىس دۇرىس تابىلسا، تىنباي ىلگەرىلەسە، جولدىڭ بارلىعى داڭعىل بولاتىنىن ايگىلەدى.

− 40 جىلدان بەرى جۇڭگو حالقى باستان - اياق داۋىرمەن بىرگە ىلگەرىلەپ، العان بەتىنەن قايتپاي، جۇڭگو كۇشىن تولىق ايگىلەدى. جۇڭگو حالقى يدەيانى ازات ەتۋدەن، شىندىقتى ءىس جۇزىنەن ىزدەۋدەن جازباي، يدەيانى ازات ەتۋ مەن رەفورما جاساپ، ەسىك اشۋدىڭ ءبىر - بىرىنە دەم بەرۋىن، كوزقاراستا جاڭالىق اشۋ مەن اماليات بارىسىندا ىزدەنۋدىڭ ءبىر - ءبىرىن جەبەۋىن جۇزەگە اسىرىپ، يدەيانىڭ جەتەكشىلىگىندەگى قۇدىرەتتى كۇشتى تولىق ايگىلەدى. جۇڭگو حالقى وزىنە توڭكەرىس جاساۋعا، ءوزىن جاڭالاۋعا باتىل بولىپ، جۇڭگوشا سوتسياليزم تۇزىمىن ۇزدىكسىز كەمەلدەندىرىپ، ءتۇزىلىس، مەحانيزمدەگى دامۋعا كەدەرگى بولاتىن ءتۇرلى كىناراتتاردى ۇزدىكسىز الاستاپ، تۇزىمدىك قامتاماسىزداندىرۋدىڭ قۇدىرەتتى كۇشىن تولىق ايگىلەدى. جۇڭگو حالقى اتوي سالۋعا، سىناق ەتۋگە باتىل بولىپ، ەل ىستەمەگەن ءىستى باتىلدىقپەن ىستەپ، بەلسەندىلىگى، ىرىقتىلىعى، جاسامپازدىعى بۇرىن بولىپ كورمەگەن دارەجەدە جوعارىلاپ، ءبىر ميلليارد 300 ميلليوننان استام حالىقتىڭ مەملەكەتتىڭ قوجايىنى جانە ناعىز قاھارمان رەتىندە تاريحتىڭ العا باسۋىن ىلگەرىلەتكەن قۇدىرەتتى كۇشىن تولىق ايگىلەدى.

− 40 جىلدان بەرى جۇڭگو حالقى باستان - اياق قۇشاعىن كەڭ اشىپ، دۇنيە جۇزىمەن قاۋىشىپ، جۇڭگو ۇلەسىن بەلسەندىلىكپەن قوستى. رەفورما جاساپ، ەسىك اشۋ جۇڭگو مەن دۇنيە ءجۇزىنىڭ بىرگە دامۋىنىڭ، العا ىلگەرىلەۋىنىڭ ۇلى بارىسى. جۇڭگو حالقى سىرتقا ەسىك اشۋداي نەگىزگى مەملەكەت ساياساتىنان جازباي، مەملەكەت قاقپاسىن اشىق ۇستاپ، قۇرىلىس جۇرگىزىپ، تۇيىقتالۋدان، جارتىلاي تۇيىقتالۋدان جان - جاقتى ەسىك اشۋعا دەيىنگى ۇلى بۇرىلىستى ءساتتى جۇزەگە اسىردى. جۇڭگو سىرتقا ەسىك اشۋ بارىسىندا ءىرى ەلدىك جاۋاپكەرلىگىن ايگىلەپ، سىرتتان كىرگىزۋدەن سىرتقا شىعارۋعا دەيىن، دۇنيە ءجۇزى ساۋدا ۇيىمىنا كىرۋدەن «ءبىر بەلدەۋ، ءبىر جولدى» بىرگە قۇرۋعا دەيىن، ازيا فينانس داعدارىسىنا جانە حالىقارالىق فينانس داعدارىسىنا توتەپ بەرۋگە ماڭىزدى ۇلەستەر قوسىپ، ءۇرتىس تالاي جىلدار بويى دۇنيە ءجۇزى ەكونوميكاسىنىڭ ارتۋىنا ۇلەس قوسۋ مولشەرى %30تەن اسىپ، دۇنيە ءجۇزى ەكونوميكاسىنىڭ ارتۋىنداعى نەگىزگى ورنىقتىرعىشقا جانە قوزعاۋشى كۇش قاينارىنا اينالىپ، ادامزاتتىڭ بەيبىتشىلىگى مەن دامۋى سىندى وسكەلەڭ ءىسىن جەبەدى.

بۇگىن جۇڭگو حالقى رەفورما جاساپ، ەسىك اشۋ سىندى جۇڭگونىڭ 2 - رەتكى توڭكەرىسى جۇڭگودا عانا تەرەڭ وزگەرىستەر تۋدىرىپ قالماستان، دۇنيە جۇزىنە دە تەرەڭ ىقپال جاسادى دەپ ماقتانىشپەن ايتا الادى!

«تابيعاتتىڭ زاڭدىلىعى وزگەرمەيدى»، «زاڭدىلىققا ۇيلەسكەندە عانا، ونى جونگە سالۋدان ناتيجە شىعارۋعا بولادى». جۇڭگونىڭ رەفورما جاساپ، ەسىك اشۋى جۇڭگو حالقىنىڭ دامۋعا، جاڭالىق اشۋعا، تاماشا تۇرمىسقا دەگەن تاريحي تالابىنا ۇيلەسىپ، دۇنيە جۇزىندەگى ءار ەل حالقىنىڭ دامۋعا، سەلبەسۋگە، بەيبىت تۇرمىس كەشىرۋگە دەگەن داۋىرلىك اعىمىنا باپ كەلدى. جۇڭگونىڭ رەفورما جاساپ، ەسىك اشۋى ءسوزسىز تابىستى بولادى تابىسقا جەتە دە الاتىندىعى دا، ءسوزسىز!

جۇڭگونىڭ 40 جىلدىق رەفورما جاساپ، ەسىك اشۋى ادامدارعا كوپتەگەن قىمباتتى ويلار سالدى، مۇنىڭ ىشىندە، ەڭ ماڭىزدىسى، ءبىر مەملەكەت، ءبىر ۇلت گۇلدەنەمىن دەيدى ەكەن، ءسوزسىز، تاريحتىڭ ىلگەرىلەۋ لوگيكاسىندا ىلگەرىلەۋى، ءداۋىردىڭ دامۋ اعىمىندا دامۋى كەرەك دەگەن قاعيدا.

حانىمدار، مىرزالار، دوستار!

دۇنيە جۇزىنە كوز سالساق، قازىر دۇنيە ءجۇزى جاڭا كەزەك زور دامۋ، زور وزگەرۋ، زور رەتتەلۋدى باسىنان كەشىرۋدە، ادامزات ءدوپ كەلگەن ورنىقسىز، تۇراقسىز فاكتورلار ءالى دە وتە كوپ. جاڭا كەزەك عىلىم - تەحنيكا جانە كاسىپ توڭكەرىسى ادامزات قوعامىنىڭ دامۋىنا جاڭا ورايلار بەرۋمەن بىرگە، بۇرىن بولىپ كورمەگەن سىن - سىناقتاردى دا الا كەلدى. كەيبىر مەملەكەتتەر مەن رايوندارداعى حالىق ءالى دە سوعىس پەن قاقتىعىستىڭ تاۋقىمەتىندە تۇرمىس كەشىرۋدە، كوپتەگەن قارتتار، ايەلدەر، بالالار ءالى دە اشتىق پەن كەدەيلىكتىڭ تاقسىرەتىن تارتۋدا. كليمات وزگەرىسى، سالماقتى جۇعىمتال اۋرۋ سياقتىلار ءالى دە ادامزات ءدوپ كەلگەن اۋىر سايىستار. ەسىك اشۋ كەرەك پە، الدە توماعا تۇيىق كۇيدە تۇرۋ كەرەك پە؟ ىلگەرىلەۋ كەرەك پە، الدە شەگىنۋ كەرەك پە؟ ادامزات جاڭا دا كەلەلى تالعامعا ءدوپ كەلدى.

كۇردەلى دە الماعايىپ دۇنيە جۇزىندە، ادامزات قوعامى قايدا بارادى؟ ازيانىڭ كەلەشەگى قايدا؟ مەنىڭشە، وسىنداي داۋىرلىك ماسەلەلەرگە جاۋاپ بەرۋدە، ءبىز كوشپە بۇلتتىڭ كوزدى كولەگەيلەۋىنەن قورىقپاي، الىسقا كوز تاستاپ، بۇلتتى ىسىرىپ كۇندى كورۋگە شەبەر بولىپ، تاريحتىڭ زاڭدىلىعىن يگەرىپ، دۇنيە ءجۇزىنىڭ اۋقىمىن ايقىن تانۋىمىز كەرەك.

قازىرگى دۇنيە جۇزىندە بەيبىتشىلىك پەن ىنتىماقتاستىقتىڭ اۋقىمى جوڭكىلە العا ىلگەرىلەۋدە. بەيبىتشىلىك پەن دامۋ دۇنيە جۇزىندەگى ءار ەل حالقىنىڭ ورتاق تىلەگى، قىرعي قاباقتىق ويى، ىمىراعا كەلمەيتىن تەكە تىرەستىك بارعان سايىن قاتاردان قالىپ، ءوزىن زور ساناۋدىڭ نەمەسە ءوزىن عانا كەمەلدەندىرۋدىڭ تۇمىسىعى بارلىق جەردە تاسقا تيۋدە. تەك بەيبىت دامۋدا، قول ۇستاسىپ سەلبەسۋدە تاباندى بولعاندا عانا، تەڭ يگىلىككە كەنەلۋدى، مول يگىلىككە كەنەلۋدى شىن مانىندە جۇزەگە اسىرۋعا بولادى.

قازىرگى الەمدە، ەسىك اشىپ توعىسۋ اۋقىمى جوڭكىلە العا ىلگەرىلەۋدە. ادامزات قوعامىنىڭ دامۋ تاريحى بىزگە مىنانى ۇعىندىردى: ەسىك اشۋ العا باستىرادى، توماعا تۇيىقتىق، ءسوز جوق، ارتتا قالدىرادى. دۇنيە ءجۇزى قويان - قولتىق ارالاسقان جەرشارى قىستاعىنا اينالدى، ءار ەلدىڭ ەكونوميكالىق، قوعامدىق دامۋىنىڭ ءوزارا بايلانىسى كۇن سايىن جيىلەپ، ءبىر - بىرىنە ىقپالى كۇن سايىن كۇشەيدى، ءوزارا بايلانىستى، قارىم - قاتىناستى ىلگەرىلەتۋ، توعىسپالى دامۋدى جەدەلدەتۋ بىرگە گۇلدەنۋدى، دامۋدى جەبەۋدىڭ تابيعي تالعامىنا اينالدى.

قازىرگى الەمدە، وزگەرىس جاساپ جاڭالىق اشۋدىڭ تولقىنى جوڭكىلە العا ىلگەرىلەۋدە. جۇڭگودا بۇرىنعىلار «حالىققا پايدا جەتكىزەمىن دەسەڭ، بۇرىنعى جول - جوسىنعا باعىنۋىڭ قاجەتسىز؛ ءىس تىندىرعىڭ كەلسە، قاساڭ قاعيداعا جۇگىنۋىڭ قاجەتسىز» دەگەندى وسىدان 2500 قانشا جىل بۇرىن تانىپ جەتكەن ەكەن. وزگەرىس جاساپ، جاڭالىق اشۋ − ادامزات قوعامىنىڭ العا دامۋىنا تۇرتكى بولاتىن ءتۇبىرلى قوزعاۋشى كۇش. كىم وزگەرىس جاساۋدان بويىن اۋلاققا سالسا، كىم جاڭالىق اشۋدان باس تارتسا، سول ءداۋىردىڭ ارتىندا قالادى، سول تاريح قاتارىنان قالادى.

تاريح اعىمىنا ۇيلەسۋدى، ادامزاتتىڭ ىرىس - قۇتىن مولايتۋدى شىعار ءتۇيىن ەتە وتىرىپ، مەن ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ تۋرالى باستاما كوتەردىم، سونىمەن بىرگە، ءار جاقپەن كوپ مارتە ىشكەرىلەي پىكىر اۋىستىردىم. سوندا مەن مىنانى قۋانىشپەن بايقادىم، بۇل باستامانى قارسى العان جانە قۇپتاعان مەملەكەتتەر مەن حالىقتار كۇن سايىن كوبەيىپ كەلەدى ءارى ول ب م ۇ - نىڭ ماڭىزدى حۇجاتتارىنا دا ەنگىزىلدى. مەن ءار ەل حالقىنىڭ ءبىر نيەتپەن كۇش قوسىپ، قول ۇستاسا العا باسىپ، ادامزاتتىڭ تاعدىرلاس ورتاق تۇلعاسىن قۇرۋعا قۇلشىنىپ، بەيبىت، تىنىش، گۇلدەنگەن، اشىق، كورىكتى ازيانى جانە دۇنيە ءجۇزىن بىرگە قۇرۋىن ءۇمىت ەتەمىن.

− بولاشاققا بەت العاندا، ءبىز ءبىر - ءبىرىمىزدى قۇرمەتتەپ، ءوزارا تەڭ مامىلە جاساسۋىمىز، بەيبىت قاتار تۇرۋدىڭ 5 پرينسيبىنەن جازباي، ءار ەلدىڭ دەربەس تاڭداعان قوعامدىق ءتۇزىمى مەن دامۋ جولىنا قۇرمەت ەتۋىمىز، ءبىر - ءبىرىمىزدىڭ وزەكتى مۇددەلەرىمىز بەن نازار اۋداراتىن ماڭىزدى ماسەلەلەرىمىزگە قۇرمەت ەتۋىمىز، ديالوگ جۇرگىزەتىن، قارسىلاسپايتىن، سەرىكتەسەتىن، وداقتاسپايتىن مەملەكەتتەر ارا قارىم - قاتىناستىڭ جاڭا جولىمەن ءجۇرۋىمىز، مەن عانا ۇستەم تۇرامىن، سەن ۇتىلىپ، مەن ۇتامىن دەيتىن، ىمىراعا كەلمەيتىن ويىننان اۋلاق بولۋىمىز، ءوز مۇددەسى ءۇشىن كورشىسىن ساتاتىن، ءالسىزدى ءالدى باسىناتىن زورەكەر بيلىك وكتەمدىگىنە سالىنباۋىمىز، قايشىلىقتار مەن الاۋىزدىقتاردى شەبەرلىكپەن مەڭگەرۋىمىز، باياندى بەيبىتشىلىكتى جۇزەگە اسىرۋعا قۇلشىنۋىمىز كەرەك.

− بولاشاققا بەت العاندا، ءبىز ديالوگ ارقىلى كەڭەسۋىمىز، جاۋاپكەرشىلىكتى بىرگە ارقالاۋىمىز، ورتاق، جان - جاقتى، سەلبەسەتىن، باياندى حاۋىپسىزدىك ۇستانىمى بويىنشا، ب م ۇ ۋستاۆىنىڭ ماقساتى مەن پرينسيبىن وزەك ەتكەن حالىقارالىق ءتارتىپ پەن حالىقارالىق جۇيەنى باتىل قورعاپ، ءداستۇرلى جانە ءداستۇرلى ەمەس حاۋىپسىزدىك سىن - سايىستارىنا ءبىر تۇتاس توتەپ بەرۋىمىز، ەكى جاقتى جانە كوپ جاقتى سەلبەستىكتى تەرەڭدەتىپ، تۇرلىشە حاۋىپسىزدىك مەحانيزمدەرى اراسىنداعى سايكەستىلىك پەن سيىسىمدىلىقتى، ءوزارا تولىقتايتىن سەلبەستىكتى جەبەۋىمىز، ءبىر جاقتا ورناتىپ جاتساق، ەندى ءبىر جاقتا قيراتىپ جاتپاۋىمىز، جاپپاي حاۋىپسىزدىكتى جانە ورتاق حاۋىپسىزدىكتى جۇزەگە اسىرۋىمىز كەرەك.

− بولاشاققا بەت العاندا، ءبىز تار جول، تايعاق كەشۋلەردەن بىرگە ءوتۋىمىز، سەلبەسىپ، تەڭ ۇتۋىمىز، ەسىك اشىپ توعىسۋ، ءوزارا پايدا جەتكىزۋ جولىنا تاباندى بولۋىمىز، اشىق الەمدىك ەكونوميكا ورناتىپ، 20 ەل توبى، ازيا - تىنىق مۇحيت ەكونوميكالىق ىنتىماقتاستىق ۇيىمى سياقتى كوپ جاقتى ارنالار اياسىنداعى سەلبەستىكتى كۇشەيتۋىمىز، ساۋدا مەن قارجى سالۋدىڭ ەركىن، قولايلى بولۋىن ىلگەرىلەتىپ، كوپ جاقتى ساۋدا ءتۇزىلىسىن قورعاۋىمىز، جاڭا تەحنيكالاردى، جاڭا كاسىپ سالالاردى، جاڭا كاسىپ فورماتسيالارىن، جاڭا ۇلگىلەردى بىرگە قالىپتاستىرىپ، ەكونوميكانىڭ جاھاندانۋىنىڭ اناعۇرلىم اشىق، سيىسىمدى، جالپىعا پايدالى، تەڭگەرىمدى، تەڭ ۇتاتىن بەتالىسقا قاراي دامۋىن جەبەۋىمىز كەرەك.

− بولاشاققا بەت العاندا، ءبىز بارلىعىن قامتۋىمىز، تاتۋ - ءتاتتى بولۋىمىز، ءبىراق تالعاۋسىز قوستاي جونەلمەۋىمىز، ەكى جاقتى جانە كوپ جاقتى ارنالار اياسىنداعى مادەنيەت، ءبىلىم بەرۋ، ساياحات، جاستار، مەديالار، دەنساۋلىق ساقتاۋ، كەدەيلىكتى ازايتۋ سياقتى سالالارداعى سەلبەستىكتى كۇشەيتۋىمىز، وركەنيەتتەر اۋىس - ءتۇيىسىنىڭ جانە ءبىر - بىرىنەن ۇلگى الۋىنىڭ ءار ەل حالقىنىڭ دوستىعىن تەرەڭدەتەتىن كوپىرگە، قوعامنىڭ العا باسۋىن ىلگەرىلەتەتىن قوزعاۋشى كۇشكە، ءوڭىردىڭ جانە دۇنيە ءجۇزىنىڭ بەيبىتشىلىگىن قورعاۋدىڭ دانەكەرىنە اينالۋىنا مۇمكىندىك جاساۋىمىز كەرەك.

بولاشاققا بەت العاندا، ءبىز تابيعاتتان يمەنىپ، جەر شارىن ايالاۋىمىز، جاسىل، تومەن كومىرتەكتى، باياندى دامۋ ۇستانىمىن ورناتىپ، تابيعي ەكولوگيانى قاستەرلەۋىمىز، وعان ۇيلەسۋىمىز، ونى قورعاۋىمىز، كليمات وزگەرىسى، قورشاعان ورتانى قورعاۋ، ەنەرگيانى ۇنەمدەپ، لاس زاتتاردىڭ شىعارىلۋىن ازايتۋ سياقتى سالالارداعى اۋىس - تۇيىستەر مەن سەلبەستىكتەردى كۇشەيتىپ، تاجىريبەلەردى ءبولىسىپ، سىن - سايىسقا بىرگە توتەپ بەرۋىمىز، ءوندىرىسى دامىعان، تۇرمىسى باي، ەكولوگياسى تاماشا وركەنيەتتى دامۋ جولىن ۇزدىكسىز اشىپ، كەلەشەك ۇرپاقتارىمىزعا اشىق اسپان، كوك تەڭىز، تۇنىق سۋ، جاسىل تاۋ قالدىرۋىمىز كەرەك.

حانىمدار، مىرزالار، دوستار!

بىلتىر 10 - ايدا اشىلعان ج ك پ 19 - قۇرىلتايى جۇڭگوشا سوتسياليزمنىڭ جاڭا داۋىرگە وتكەنىن جاريالاپ، جاپپاي سوتسياليستىك وسىزاماندانعان قۇدىرەتتى مەملەكەت قۇرۋدىڭ ۇلى جوباسىن جاسادى. جۇڭگوشا سوتسياليزم جاڭا داۋىرگە ءوتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ جاڭا پاراعىن اشتى، جۇڭگونىڭ دۇنيە جۇزىمەن توعىسا دامۋىن كۇشەيتۋدىڭ جاڭا كارتيناسىن كەسكىندەدى.

ءار ءداۋىردىڭ ءوز ماسەلەسى، ءار بۋىننىڭ ءوز بورىشى بولادى. ءبىز سان وتكەلدەن، سانسىز اسۋدان وتتىك، ءبىراق ءالى دە تاۋ اسىپ، سۋ كەشۋىمىزگە تۋرا كەلەدى. جاڭا داۋىردە، جۇڭگو حالقى ءوزىن ۇزدىكسىز الۋەتتەندىرىپ، ءوزىن جاڭالاپ، رەفورمانى تاباندىلىقپەن جاپپاي تەرەڭدەتىپ، تاۋ كەزدەسسە جول اشىپ، سۋ جولىقسا كوپىر سالىپ، ءسىڭىستى كىناراتتاردى باتىلدىقپەن قانداۋىرلاۋعا كىرىسىپ، مۇددەلەر قاساڭدىعىنىڭ بۇعاۋىن بۇزۋدا باتىلدىق كورسەتىپ، رەفورمانى سوڭىنا دەيىن جۇرگىزەدى. جۇڭگو حالقى باتىلدىقپەن جاڭالىق اشۋدى جالعاستىرىپ، دامۋدى جەبەپ، حالىقتى وزەك ەتكەن دامۋ يدەياسىن تاباندىلىقپەن دايەكتىلەندىرىپ، جاڭا دامۋ ۇستانىمدارىن تياناقتاندىرىپ، وسىزاماندانعان ەكونوميكالىق جۇيە قۇرىپ، قامداۋ جاعىنداعى قۇرىلىمدىق رەفورمانى تەرەڭدەتىپ، جاڭالىق اشۋدى جەتەكشى ەتكەن دامۋ ستراتەگياسىن، اۋىل - قىستاقتاردى كوركەيتۋ ستراتەگياسىن، وڭىرلەردى سايكەستى دامىتۋ ستراتەگياسىن جەدەل اتقارىپ، كەدەيلەردى دالمە - ءدال سۇيەمەلدەۋدى، كەدەيلىكتەن دالمە - ءدال قۇتىلدىرۋدى ىلگەرىلەتىپ، قوعامدىق تەڭدىك پەن ادىلدىكتى جەبەپ، حالىقتىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەدى. جۇڭگو حالقى ەسىكتى ونان ارى ايقارا اشىپ، سەلبەستىكتى ونان ارى كۇشەيتىپ، ءوزارا پايدالى، تەڭ ۇتاتىن ەسىك اشۋ ستراتەگياسىن بۇلجىتپاي جۇرگىزىپ، سىرتتان ەنگىزۋ مەن سىرتقا شىعارۋدى قاتار ۇستاۋعا تاباندى بولىپ، قۇرلىق پەن تەڭىز، ءىش پەن سىرت بىرلەسىپ قيمىلدايتىن، شىعىس - باتىس ەكى باعىت ءوزارا جەبەيتىن ەسىك اشۋ جاعدايىن قالىپتاستىرۋدى ىلگەرىلەتىپ، ساۋدانى جانە قارجى سالۋدى ەركىن، قولايلى ەتەتىن جوعارى دەڭگەيلى ساياساتتار جۇرگىزىپ، جۇڭگوشا ەرەكشەلىككە يە ەركىن ساۋدا پورتىن قۇرۋ جونىندە ىزدەنىس جاسايدى. جۇڭگو حالقى دۇنيە جۇزىمەن ۇزدىكسىز قاتار ءجۇرىپ، ادامزات ءۇشىن اناعۇرلىم كەسەك ۇلەس قوسىپ، بەيبىت دامۋ جولىمەن جۇرۋدەن جازباي، دۇنيە جۇزىلىك سەرىكتەستىك قارىم - قاتىناستاردى بەلسەنە دامىتادى، كوپ جاقتىلىقتى قولداۋعا تاباندى بولىپ، جاھاندىق جونگە سالۋ جۇيەسىنىڭ وزگەرىسىنە بەلسەنە ات سالىسىپ جانە ونى ىلگەرىلەتىپ، جاڭاشا حالىقارالىق قارىم - قاتىناس ورناتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتەدى.

جۇڭگو دامىپ قاي دەڭگەيگە بارسا دا، ءبىز ەشكىمگە قاتەر توندىرمەيمىز، قازىرگى حالىقارالىق جۇيەنى اۋدارىپ تاستامايمىز، ىقپال كۇش كولەمىن قالىپتاستىرۋدى كوزدەمەيمىز. جۇڭگو ءارقاشان الەمدىك بەيبىتشىلىكتىڭ قۇرۋشىسى، جاھاندىق دامۋعا ۇلەس قوسۋشى، حالىقارالىق ءتارتىپتى قورعاۋشى بولا بەرەدى.

حانىمدار، مىرزالار، دوستار!

الەمدىك دامۋدىڭ جالپى اۋقىمىن جان - جاقتى تارازىلاپ قاراساق، ەكونوميكانىڭ جاھاندانۋى كەرى قايتارۋعا كەلمەيتىن ءداۋىر اعىمى ەكەنىن بايقايمىز. ءدال وسىنداي تۇجىرىمداما نەگىزىندە، مەن پارتيا 19 - قۇرىلتايىنا جاساعان باياندامامدا جۇڭگو سىرتقا ەسىك اشۋ سىندى نەگىزگى مەملەكەت ساياساتىنا تاباندى بولادى، مەملەكەت قاقپاسىن اشىق ۇستاپ، قۇرىلىس جۇرگىزۋگە تاباندى بولادى دەپ باسا دارىپتەدىم. مەن سىزدەرگە مىنانى انىق ايتا كەتەيىن: جۇڭگونىڭ اشىق ەسىگى جابىلمايدى، ول بارعان سايىن ايقارا اشىلا تۇسەدى!

اماليات وتكەن 40 جىلداعى جۇڭگونىڭ ەكونوميكالىق دامۋ تابىستارىنا ەسىك اشۋ جاعدايىندا قول جەتكەنىن، بولاشاقتا جۇڭگو ەكونوميكاسىنىڭ جوعارى ساپالى دامۋدى جۇزەگە اسىرۋى دا، ءسوز جوق، ەسىكتى ونان ارى ايقارا اشقان شارت - جاعدايدا جۇرگىزىلەتىندىگىن دالەلدەدى. بۇل − جۇڭگونىڭ دامۋ قاجەتى نەگىزىندە جاساعان ستراتەگيالىق تالعامى، سونىمەن قاتار ءىس جۇزىندىك ارەكەت ارقىلى ەكونوميكانىڭ جاھاندانۋىن ىلگەرىلەتىپ، دۇنيە جۇزىندەگى ءار ەل حالىقتارىنا باقىت جەتكىزەدى.

ەسىكتى ايقارا اشۋ جاعىندا، جۇڭگو مىناداي كەلەلى شارالاردى قولدانادى:

ءبىرىنشى، بازارعا كىرۋ رۇقساتىن زور دارەجەدە كەڭەيتەدى. بيىل ءبىز سيمۆولدىق مانگە يە بىرنەشە شارانى العا قويامىز. قىزمەت كورسەتۋ كاسىبى، وتە - موتە، فينانس كاسىبى جاعىندا، بىلتىر جىل اياعىندا جاريالانعان بانكە، اكتسيا، قامسىزداندىرۋ كاسىپتەرىندەگى شەتەل قارجىسى، جارناسى سالىستىرماسىنا قويىلاتىن شەكتەمەنى ازايتۋ سىندى كەلەلى شارانىڭ تياناقتانۋىنا شىنايى كەپىلدىك ەتەمىز، سونىمەن قاتار ەسىك اشۋ سەرپىنىن ارتتىرىپ، قامسىزداندىرۋ كاسىبىنىڭ ەسىك اشۋ ءۇردىسىن تەزدەتىپ، شەتەل قارجىلىعىنداعى فينانس قۇرىلىمدارىن قۇرۋعا قويىلاتىن شەكتەمەنى ازايتىپ، شەتەل قارجىلىعىنداعى فينانس قۇرىلىمدارىنىڭ جۇڭگوداعى كاسىپ كولەمىن كەڭەيتەمىز، جۇڭگو مەن شەتەلدەردىڭ فينانس بازارلارىنىڭ سەلبەستىك سالاسىن كەڭەيتەمىز. جاساۋ كاسىبى قازىر نەگىزىنەن اشىق، نەگىزىنەن اۆتوموبيل، كەمە، ۇشاق سياقتى از سانداعى كاسىپتەرگە قويىلعان شەكتەۋ ساقتالىپ وتىر، قازىر وسى كاسىپتەر ەسىك اشۋ نەگىزىن قالىپتاستىرىپ بولدى، كەلەسى قادامدا شەتەل قارجىسى، جارناسىنىڭ سالىستىرماسىنا قويىلاتىن شەكتەۋدى، اسىرەسە، اۆتوموبيل كاسىبىندەگى شەتەل قارجىسىنا قويىلاتىن شەكتەۋدى تەزىرەك ازايتامىز.

ەكىنشى، نەعۇرلىم تارتىمدى قارجى سالۋ ورتاسى قۇرىلادى. قارجى سالۋ ورتاسى اۋاعا ۇقسايدى، اۋا تازا بولعاندا عانا، ءتىپتى كوپ شەتەل قارجىسىن تارتۋعا بولادى. وتكەندە جۇڭگو شەتەل قارجىسىن تارتۋدا، باستىسى، تيىمدىلىك ساياساتىنا سۇيەنەتىن، قازىر قارجى سالۋ ورتاسىن جاقسارتۋعا نەعۇرلىم كوپ سۇيەنۋى كەرەك. ءبىز حالىقارالىق ەكونوميكا - ساۋدا ەرەجەسىمەن ءتۇيىلىسۋدى كۇشەيتىپ، جاريالىلىقتى ارتتىرىپ، ءبىلىم مەنشىگى ۇقىعىن قورعاۋدى كۇشەيتىپ، زاڭ بويىنشا ىستەۋگە تاباندى بولىپ، باسەكەگە دەم بەرەمىز، مونوپولداۋعا قارسى تۇرامىز. بيىل 3 - ايدا ءبىز مەملەكەتتىك بازار باقىلاۋ - باسقارۋ باس مەكەمەسى سياقتى جاڭا قۇرىلىمداردى قۇرىپ، قازىرگى ۇكىمەت قۇرىلىمدارىنا زور دارەجەدە رەتتەۋ جۇرگىزىپ، بازاردىڭ بايلىقتى جايعاستىرۋدا شەشۋشى رولىن ساۋلەلەندىرۋىنە، ۇكىمەتتىڭ رولىن ءتىپتى جاقسى ساۋلەلەندىرۋگە تەجەۋ جاسايتىن تۇزىلىستىك، مەحانيزمدىك كەسىرلەردى باتىل جويدىق. بيىلعى جىلدىڭ الدىڭعى جارتىسىندا، ءبىز شەتەلدىك ساۋداگەرلەردىڭ قارجى سالۋىنىڭ ۇنامسىز تىزىمىنە وزگەرىس ەنگىزۋ قىزمەتىن ورىنداپ، بازارعا كىرۋگە رۇقسات ەتۋ الدىنداعى ازاماتتىق مامىلەگە ۇنامسىز ءتىزىمدى تىركەپ باسقارۋ ءتۇزىمىن جاپپاي تياناقتاندىرامىز.

ءۇشىنشى، ءبىلىم مەنشىگى ۇقىعىن قورعاۋدى كۇشەيتەمىز. بۇل − ءبىلىم مەنشىگى ۇقىعى ءتۇزىمىن كەمەلدەندىرۋدىڭ ەڭ ماڭىزدى مازمۇنى ءارى جۇڭگو ەكونوميكاسىنىڭ باسەكەلىك قابىلەتىن جوعارىلاتۋداعى ەڭ زور شابىت. وسىعان وراي، شەتەل قارجىلىعىنداعى كاسىپورىندارعا تالاپ قويىلادى، جۇڭگو كاسىپورىندارىنا ءتىپتى جوعارى تالاپ قويىلادى. بيىل ءبىز مەملەكەتتىك ءبىلىم مەنشىگى ۇقىعى مەكەمەسىن قايتا قۇرىپ، زاڭ اتقارۋ كۇشىن كەمەلدەندىرىپ، زاڭ اتقارۋ سەرپىنىن ارتتىرىپ، زاڭ بۇزۋدىڭ وزىندىك قۇنىن كورنەكتى تۇردە ءوسىرىپ، زاڭنىڭ سەس كورسەتۋ رولىن تولىق ساۋلەلەندىرەمىز. ءبىز جۇڭگولىق، شەتەلدىك كاسىپورىنداردى قالىپتى تەحنيكالىق اۋىس - كۇيىس سەلبەستىگىن ورىستەتۋگە ىنتالاندىرىپ، جۇڭگوداعى شەتەل قارجىلىعىنداعى كاسىپورىنداردىڭ زاڭدى ءبىلىم مەنشىگى ۇقىعىن قورعايمىز. سونىمەن قاتار، ءبىز شەتەل ۇكىمەتتەرىنىڭ جۇڭگونىڭ ءبىلىم مەنشىگى ۇقىعىن قورعاۋىن كۇشەيتۋىن ءۇمىت ەتەمىز.

ءتورتىنشى، يمپورتتى ىرىقتىلىقپەن كەڭەيتەمىز. ىشكى سۇرانىس − جۇڭگونىڭ ەكونوميكالىق دامۋىنىڭ نەگىزگى قوزعاۋشى كۇشى ءارى حالىقتىڭ كۇن سايىن ارتىپ كەلە جاتقان تاماشا تۇرمىسقا قاجەتىن قاناعاتتاندىرۋدىڭ تابيعي تالابى. جۇڭگو ساۋدا وڭ بالانىسىنا ۇمتىلۋدى نىسانا ەتپەيدى، يمپورتتى كەڭەيتىپ، ۇدايىلىق نىسان كىرىس - شىعىستارىنىڭ تەپە - تەڭدىگىن جەبەۋدى شىن نيەتپەن ءۇمىت ەتەدى. بيىل ءبىز اۆتوموبيلدىڭ يمپورتتىق كەدەن باجىسىن ءبىرتالاي مولشەردە ازايتامىز، سونىمەن قاتار، باسقا دا ءبىر ءبولىم ونىمدەردىڭ يمپورتتىق كەدەن باجىسىن ازايتىپ، حالىق بۇقاراسىنىڭ سۇرانىسى ءبىرشاما شوعىرلانعان ەرەكشە باسىمدىققا يە ونىمدەر يمپورتىن قۇلشىنا ارتتىرىپ، الەمدىك ساۋدا ۇيىمىنىڭ «ۇكىمەتتىك ساتىپ الۋ كەلىسىمىنە» كىرۋ ءۇردىسىن تەزدەتەمىز. ءبىز دامىعان ەلدەردىڭ قالىپتى، ۇيلەسىمدى جوعارى تەحنيكالىق ونىمدەر ساۋداسىنا ادەيى شەك قويۋىن توقتاتۋىن، جۇڭگونىڭ جوعارى تەحنيكالىق ونىمدەرىنە قويىلاتىن ەكسپورتتىق تەجەۋدى بوساتۋىن ءۇمىت ەتەمىز. بيىل 11 - ايدا ءبىز شاڭحايدا تۇڭعىش كەزەكتى جۇڭگو حالىقارالىق يمپورت جارمەنكەسىن وتكىزەمىز. بۇل جاي جارمەڭكە ەمەس، قايتا ءبىزدىڭ بازاردى ىرىقتىلىقپەن اشۋ جونىندەگى كەلەلى ساياساتتىق مالىمدەمەمىز جانە ارەكەتىمىز. ءار ەلدەگى دوستاردىڭ جۇڭگوعا كەلىپ جارمەڭكەگە قاتىناسۋىن قارسى الامىز.

مەن مىنانى باسا دارىپتەمەكشىمىن: الگىندە جاريالاعان سىرتقا ەسىك اشۋداعى كەلەلى شارالاردى ءبىز تەز ارادا تياناقتاندىرامىز، ەرتەرەك بولعانى كەش قالۋدان جاقسى، تەز بولعانى باياۋ بولعاننان جاقسى. ەسىك اشۋ تابىستارىنىڭ جۇڭگو كاسىپورىندارى مەن حالقىنا، دۇنيە جۇزىندەگى ءار ەل كاسىپورىندارى مەن حالىقتارىنا ەرتەرەك يگىلىك جەتكىزۋىنە قۇلشىنا مۇمكىندىك جاسايمىز. قۇلشىنۋ ارقىلى جۇڭگونىڭ فينانس كاسىبىنىڭ باسەكەلىك قابىلەتىنىڭ كورنەكتى تۇردە وسەتىندىگىنە، كاپيتال بازارىنىڭ ءۇرتىس، اقاۋسىز داميتىندىعىنا، وسى زامانعى كاسىپ جۇيەسى قۇرىلىسىنىڭ جەدەل ىلگەرىلەتىلەتىندىگىنە، جۇڭگونىڭ بازار ورتاسىنىڭ بارىنشا جاقساراتىندىعىنا، ءبىلىم مەنشىگى ۇقىعىنىڭ پارمەندى تۇردە قورعالاتىندىعىنا، جۇڭگونىڭ سىرتقا ەسىك اشۋىندا، ءسوز جوق، شىت جاڭا جاعداي جارىققا شىعاتىندىعىنا سەنەمىن.

5 جىلدىڭ الدىندا، مەن «ءبىر بەلدەۋ، ءبىر جول» باستاماسىن العا قويدىم. 5 جىلدان بەرى 80 نەشە مەملەكەت پەن حالىقارالىق ۇيىم جۇڭگومەن سەلبەستىك كەلىسىمىنە قول قويدى. «ءبىر بەلدەۋ، ءبىر جول» باستاماسى جۇڭگودان شىقتى، ءبىراق وراي مەن تابىس دۇنيەگە ءتان، جۇڭگو وڭىرلىك باسەكەنىڭ باقاي قۋلىعىن جاسامايدى، باسقالاردى قاقپايلايتىن، تۇيىق، تار شەڭبەر سىزبايدى، باسقالاردان ۇستەم تۇراتىن كۇشتەپ ساتىپ الۋعا، كۇشتەپ ساتۋعا بارمايدى. اتاپ كورسەتۋگە ءتيىستىسى «ءبىر بەلدەۋ، ءبىر جول» قۇرىلىسى شىت جاڭا نارسە، سەلبەستىكتە ۇقسامايتىن پىكىرلەردىڭ بولۋى مۇلدە قالىپتى ءىس، تاراپتار بىرگە اقىلداسۋ، بىرگە قۇرۋ، بىرگە يگىلىكتەنۋ پرينسيبىن ۇستانىپ جانە وعان بويسۇنسا بولعانى، ءسوز جوق، سەلبەستىكتى كۇشەيتىپ، الاۋىزدىقتاردى جويىپ، «ءبىر بەلدەۋ، ءبىر جولدى» ەكونوميكانىڭ جاھاندانۋ اعىمىنا ساي كەلەتىن ەڭ كەڭ كولەمدى حالىقارالىق سەلبەستىك تۇعىر ەتىپ قۇرىپ، «ءبىر بەلدەۋ، ءبىر جولدى» بىرگە قۇرۋدىڭ ءار ەل حالىقتارىنا ءتىپتى جاقسى باقىت جەتكىزۋىنە مۇمكىندىك جاساي الادى.

حانىمدار، مىرزالار، دوستار!

«تاۋ توپىراقتان، تەڭىز تامشىدان قۇرالادى». باقىت پەن كوركەم بولاشاق وزدىگىنەن جارىققا شىقپايدى، تابىس باتىل ءارى قۇلشىنا ىستەيتىن ادامدارعا ءتان. ەسىك اشىپ تەڭ ۇتۋعا تاباندى بولىپ، باتىل وزگەرىس جاساپ، جاڭالىق اشىپ، ادامزاتتىڭ تاعدىرلاس ورتاق تۇلعاسىن قۇرۋ نىساناسىنا قاراي ۇزدىكسىز ۇمتىلىپ، ازيا مەن دۇنيە ءجۇزىنىڭ كوركەم بولاشاعىن بىرگە قۇرايىق!

سوڭىندا، بو - اۋ ازيا تالقى مىنبەرىنىڭ 2018 - جىلعى جىلدىق ءماجىلىسىنىڭ تابىستى بولۋىن تىلەيمىن!

كوپشىلىككە راقىمەت.

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى

جوعارى دارەجەلى وقۋ – اعارتۋ دۇنيە ءجۇزىنىڭ الدىڭعى لەگىنە قاراي جەدەل قادام باسۋى كەرەك
شەكارادان اتتاپ شىقپاي – اق ماڭداي الدى وقۋ – اعارتۋدان يگىلىكتەنە الاتىن بولۋىمىز كەرەك


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى