ەرلى-زايىپتىلار نەكە قاتىناسى ساقتالعان كەزدە (شاڭىراق كوتەرگەن كەزدە) ورتاق قارىز السا، نەكە قاتىناسىن ۇزگەندە (اجىراسقاندا) قارىزدى قالاي قايتارادى؟

كەلۋ قاينارى: ءتاڭىرتاۋ تورابى   |   جولدانعان ۋاقىتى:2018 - 05 - 13 22:23

سەرىكتىڭ تانىستىرۋىمەن قايرات پەن قارلىعاش ەكى جىل ماحابباتتاسىپ، 2016-جىلى 2-ايدىڭ 14-كۇنى حالىق ىستەرى مەكەمەسىنە بارىپ، نەكە كۋالىگىن الادى. 2017-جىلى 8-ايدىڭ 8-كۇنى قايرات دوسى سەرىككە وزىنە الپىس مىڭ يۋان قارىز بەرە تۇرۋىن وتىنەدى. اعايىنىنىڭ قينالىپ تۇرعانىن كورگەن سەرىك ەرتەسى ءوزىنىڭ ءىنىسى بەرىككە تەلەفون شالىپ، دوسى قايراتتىڭ وزىنەن الپىس مىڭ يۋان قارىز اقشا الماقشى بولعاندىعىن، ءوزىنىڭ قولىنداعى اقشا ساۋدا قارجىسىنا جەتپەي، جيىرما مىڭ يۋان قارىز اقشا بەرۋدى ايتادى. بەرىك اعاسى سەرىكتىڭ تاپىسىرۋىمەن جيىرما مىڭ يۋان اقشانى قايراتتىڭ بانكە كارتچكاسىنا اۋدارىپ بەرەدى. سونىمەن سەرىك ىلگەرىندى -كەيىندى بولىپ، قايراتقا قىرىق مىڭ يۋان اقشانى قايراتتىڭ بانكە كارتچكاسىنا سالىپ بەرەدى. ارالىقتا ەرلى-زايىپتى ەكەۋى سەرىككە ەشقانداي قارىز اقشا الۋ جونىندە قولحات جازبايدى.

  2018-جىلى 1-ايدىڭ 5-كۇنى، قايرات پەن قارلىعاش سوت مەكەمەسى ارقىلى نەكە قاتىناسىن ۇزەدى. سوت مەكەمەسى دەلونى ءبىر جاقتىلى ەتۋ بارىسىندا، قايرات پەن قارلىعاش جوعارىداعى قارىز اقشا جونىندە ءتىس جارمايدى. قايرات پەن قارلىعاش نەكە قاتىناسىن ۇزگەننەن كەيىن، قارلىعاش سەرىككە «بۇگىن سەرىكتەن الپىس مىڭ يۋان قارىز اقشا الدىم، قارلىعاش، 2018-جىلى 1-ايدىڭ 25-كۇنى» سىندى مازمۇنداعى ءبىر تولىقتاما قولحاتىن جازىپ بەرەدى.

  سەرىك قارلىعاشتان قولحاتتاعى قارىز اقشاسىن قۋزاستىرىپ الا الماعان سوڭ، قايرات پەن قارلىعاشتىڭ ۇستىنەن سوت مەكەمەسىنە ازاماتتىق ىستەر ارىزىن بەرىپ، ەكەۋىنىڭ الىپس مىڭ يۋان اقشانى ورتاق قايتارۋىن، سونىمەن قاتار، ءۇش مىڭ التى جۇز يۋان ءوسىم سوماسىن قوسىپ قايتارۋىن تالاپ ەتەدى.

  سوت مەكەمەسى قايرات پەن سەرىك كۇندەلىكتى تۇرمىستا ساۋدا-ساتتىق جاقتا بارىس-كەلىسى بولماعاندىعىن تەكسەرىپ شىعادى.

  سوت مەكەمەسىنىڭ دەلونى قاراپ شىعۋ بارىسىندا، سەرىك سوت مەكەمەسىنە قايراتتىڭ اتىنداعى بانكە كارتچكاسىنا اقشا سالعانداعى تالوندى تاپسىرعان سوڭ، سوت مەكەمەسى ءتارتىپ بويىنشا بانكە ورنىنان قايراتتىڭ اتىنداعى بانكە كارتچكاسىنىڭ ەسەپ تىزىمدىگىن ەگجەي-تەگجەيلى تەكسەرگەندە، سەرىكتىڭ سوت مەكەمەسىنە تاپسىرعان تالونىنىڭ سوماسىمەن، ۋاقىتىمەن بىردەي بولىپ شىعادى. قايرات سەرىك پەن بەرىكتىڭ وزىنە بانكە ارقىلى اقشا سوماسىن بەرگەنىنە بوتەن پىكىر بىلدىرمەدى. الايدا، ءوزىنىڭ سەرىكتەن اقشا قارىز الماعاندىعىن ورتاعا قويدى. سونىمەن قاتار، جاۋاپكەر قارلىعاش بۇل قارىز سومانىڭ قايرات ءوزىنىڭ جەكە باسىندا العانىن، وزىمەن ەشقانداي بايلانىسى جوق ەكەندىگىن، قارىزدى قايرات قايتارۋعا ءتيىستى ەكەنىن ايتادى.

  سوت مەكەمەسى ەڭ سوڭىندا، قايرات پەن قارلىعاشقا ۇكىم كۇشكە يە بولعاننان كەيىنگى بەس كۇننىڭ ىشىندە سەرىكتىڭ الپىس مىڭ يۋان سوماسىن ەكەۋىنىڭ ورتاق قايتارۋىنا بۇيىردى. سونىمەن قاتار، سەرىكتىڭ باسقا ارىز-تالابىن تويتاردى.

  سوت مەكەمەسىنىڭ قاراۋىندا، بۇل دەلونىڭ تالاس-تارتىس ءتۇيىنى تومەندەگىدەي : ءبىرىنشى، تالاپكەر سەرىكتىڭ ءوزىنىڭ بانكە كارتچكاسىنان شىعارعان اقشا سوماسى مەن بەرىكتىڭ قايراتتىڭ بانكە كارتچكاسىنا سالعان اقشا سوماسى جاۋاپكەر قايراتقا بەرگەن قارىز سوما رەتىندە قارالۋعا ءتيىستى مە جوق پا؟ ەكىنشى، بۇل قارىز سوماسى ەرلى-زايىپتىلاردىڭ ورتاق قارىزى رەتىندە قارالۋعا ءتيىستى مە جوق پا؟

  ءبىرىنشى، تالاس-تارتىس تۇيىنىنە كەلسەك، دەلونىڭ سوت اشۋ ارقىلى تەكسەرىلگەن ناقتىلى فاكتىنە قاراعاندا، تالاپكەر سەرىك پەن جاۋاپكەر قايرات اراسىندا ەشقانداي ساۋدا-ساتتىق بايلانىس بولماعان. تالاپكەر سەرىك ءوزىنىڭ بانكە كارتچكاسىنان اقشا شىعارىپ، جاۋاپكەردىڭ بانكە كارتچكاسىنا سالۋى مەن بەرىكتىڭ بانكە كارتچكاسى ارقىلى جاۋاپكەر قايراتقا اقشا سالىپ بەرۋىندە زاڭدىق جاقتان حالىق اراسىنداعى الىم-بەرىم بايلانىسى قالىپتاسادى. جاۋاپكەر قايراتتىڭ : «قارىز اقشا المادىم» سىندى جاۋاپ بەرۋىنىڭ نەگىزى كەمشىل، سوت مەكەمەسى قابىلدامايدى. ەكىنشى، قارلىعاش قايراتتىڭ قارىز اقشا الۋ ارەكەتىن قۇپتاپ، سەرىككە قارىز قولحاتىن جازىپ بەرگەن. بۇل ارەكەتى زاڭدىق تۇرعىدان قايراتتىڭ باسقالاردان اقشا قارىز الۋ ارەكەتىن مويىنداپ قۇپتادى دەپ قاراۋعا بولادى. جوعارىداعى قارىز اقشا الۋ ۋاقىتى قايرات پەن قارلىعاشتىڭ نەكە قاتىناسى ساقتالعان كەزدە تۋىلعان جاعداي، قايرات پەن قارلىعاش قارىز العان سومانىڭ ناقتىلى ىستەتىلۋ بارىسىن انىق ايتىپ بەرە الماعان، وندايدا، بۇل قارىز سوماسى قايرات پەن قارلىعاشتىڭ نەكە قاتىناسى ساقتالعان كەزدەگى قارىز سوما رەتىندە قارالىپ، ەكەۋى ورتاق قايتارۋعا ءتيىستى. جاۋاپكەر قارلىعاشتىڭ: قارىز سوماسى قايراتتىڭ ءوز باسىندا العان قارىز، مەنىمەن قاتىسى جوق» سىندى پىكىرىن سوت مەكەمەسى قولدامايدى. تالاپكەر مەن جاۋاپكەر قارىز العان كەزدە، قارىز سومانىڭ ءوسىمى جونىندە كەلىسكەن مازمۇن جوق بولعاندىقتان، سوت مەكەمەسى تالاپكەردىڭ ءوسىمدى تالاپ ەتۋ تالابىن قولدامايدى.

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى

جوعارى دارەجەلى وقۋ – اعارتۋ دۇنيە ءجۇزىنىڭ الدىڭعى لەگىنە قاراي جەدەل قادام باسۋى كەرەك
شەكارادان اتتاپ شىقپاي – اق ماڭداي الدى وقۋ – اعارتۋدان يگىلىكتەنە الاتىن بولۋىمىز كەرەك


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى