اقسۋ ايماعى كەدەيلەردى دالمە - ءدال سۇيەمەلدەۋدە تۇيىنگە، نەگىزگە دەيىن سۇيەمەلدەدى

كەلۋ قاينارى:  شينجياڭ گازەتى سايتى   |   جولدانعان ۋاقىتى:2018 - 05 - 13 22:51

  اقسۋ ايماعى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن باتىل دايەكتىلەندىرىپ جانە تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن نازارعا الىپ، كەدەيلەردى دالمە - ءدال سۇيەمەلدەۋدى، كەدەيلىكتەن دالمە - ءدال قۇتىلدىرۋدى، كەشەندى شارالار اتقارۋدى، دالمە - ءدال كۇش سالۋدى بار كۇشپەن ىلگەرىلەتىپ، تۇيىنگە، نەگىزگە دەيىن سۇيەمەلدەپ، كەدەيلىكتەن ۋاعىندا قۇتىلدىرۋدى ىسكە اسىرۋعا كەپىلدىك ەتتى.

  دالمە - ءدال شارا اتقارىپ، ولقىلىقتاردى تولىقتىردى

  4 - ايدىڭ 17 - كۇنى شايار اۋدانى گۇلباع قالاشىعىنىڭ جىڭىشكە قىستاعىنداعى ءبىر شارۋا وتباسىنىڭ اۋلاسىنداعى جاپپانىڭ استىندا 56 جاستاعى قىستاق تۇرعىنى تۇراحان سامەت قىزاناق، باكلاجان، بۇرىش سياقتى كوكونىستەردى سۋارۋمەن ابىگەر بولىپ جاتىر.

  «مەن ءبىرىنشى رەت جاپپادا كوكونىس ەگىپ وتىرمىن، كادرلار ماعان ەگىمشىلىك تەحنيكاسىن ۇيرەتتى، ۇكىمەت كوكونىس وسكىنىن تەگىن بەردى، بۇنداي جاقسى ءىس بۇرىن ويىمىزعا دا كىرمەيتىن»، - دەدى تۇراحان.

  2018 - جىل − كەدەيلىكتەن قۇتىلدىرۋدان قامال الۋدىڭ شەشۋشى ءتۇيىنى، اقسۋ ايماعى كەدەيلەردى دالمە - ءدال سۇيەمەلدەۋ، كەدەيلىكتەن دالمە - ءدال قۇتىلدىرۋ تالاپتارىن مۇقيات تياناقتاندىرىپ، ءتۇيىندى يگەرۋ، ولقىلىقتى تولىقتاۋ، ءالسىز تۇستاردى بەكەمدەۋدى قامال الۋ اۋزى ەتىپ، كەدەيلەردى سۇيەمەلدەۋ شارالارىن اشالاپ، بۇكىل ايماقتىڭ كۇشىن كەدەيلىكتەن قۇتىلدىرۋدان قامال الۋ شايقاسىنا جۇمىلدىرىپ، 3 جىلدا كەدەيلىكتەن قۇتىلدىرۋدان قامال الۋدىڭ العاشقى شايقاسىندا جەڭىسكە جەتۋگە كەپىلدىك ەتتى.

  كومەكتەسۋ، سۇيەمەلدەۋ شارالارىن وتباسىنا، ادامعا دەيىن تياناقتاندىرۋدا «دالمە - دالدىككە» جەتىسىنشە كۇش سالدى، كەدەي وتباسىلارىنىڭ ۇلكەن - كىشى جاپپاداعى كوكونىس ەگىمشىلىگىن دامىتۋىنا كومەكتەسۋ سياقتىلار كەدەيلەردى دالمە - ءدال سۇيەمەلدەۋدىڭ ناقتى كورىنىستەرى. اقسۋ ايماقتىق كەدەيلەردى سۇيەمەلدەۋ كەڭسەسى كاسىپتىك ءبولىمىنىڭ قاتىستى جاۋاپتىسى ۋ ياجيە تىلشىگە بىلاي دەدى: بيىل ايماق تۇراقتاندىرعان كەدەيلىكتەن قۇتىلاتىندار شامامەن 35 مىڭ ادام. كەدەيلەردى سۇيەمەلدەۋ وبيەكتىلەرى دالمە - ءدال بولۋ، نىسانداردىڭ ورنالاسۋى دالمە - ءدال بولۋ، كومەكتەسۋ، سۇيەمەلدەۋ شارالارىن وتباسىنا، ادامعا دەيىن دالمە - ءدال تياناقتاندىرۋ تالابى بويىنشا، كەدەي قىستاق تۇرعىندارىنىڭ ءىس جۇزىندەگى جاعدايىنا نەگىزدەلىپ، كومەكتەسۋ، سۇيەمەلدەۋ شارالارىن ءبىر وتباسىنا ءبىر شارا، ءبىر ادامعا ءبىر شارا ەتىپ، تۇيىنگە، نەگىزگە دەيىن سۇيەمەلدەۋدى شىنايى ىسكە اسىرادى.

  اقسۋ ايماقتىق كەدەيلەردى سۇيەمەلدەۋ كەڭسەسىنىڭ ساناق دەرەكتەرى كورسەتكەندەي، قازىر ايماق كەدەيلەردى سۇيەمەلدەۋدى دامىتۋ نىسانىنان 186سىن باستاپ اتقارىپ، وعان جالپى 400 ميلليون يۋاننان كوبىرەك قارجى سالۋدى جوسپارلاپ وتىر، نىساندار كاسىپ سالاسى كىرىسىن ارتتىرۋ ءتۇرى، شاعىن قولونەر كاسىبى ءتۇرى، اۋلا شارۋاشىلىعى ءتۇرى سياقتىلاردى قامتىپ، كەدەي بۇقارانىڭ كۇن ىلگەرى كەدەيلىكتەن قۇتىلۋىنا قۇلشىنۋدا.

  باياندى مەحانيزم ورناتىپ، قان جاساۋ قىزمەتىن نىعايتتى

  4 - ايدىڭ 6 - كۇنى باي اۋدانى بۇلۇڭ اۋىلىنىڭ ياسىرىمقۇلىمچى قىستاعىندا ءتىلشى قورادا جۇمىس ىستەپ جاتقان ايسا ءيۇسۇپ پەن ونىڭ ايەلىن كەزدەستىردى. وتكەن جىلى، جەرگىلىكتى ۇكىمەتتىڭ كەدەيلەردى سۇيەمەلدەۋ قويى نىسانىن اتقارۋىنىڭ جەتەكشىلىگىندە، قىسقا عانا ءبىر جىل ۋاقىتتىڭ ىشىندە ايسا كەدەيلىكتەن ءساتتى قۇتىلىپ، كەدەيلىك قالپاعىن تاستاپ، قىستاق تۇرعىندارىنان «اۋقاتتانۋ شەبەرى» دەگەن ات الدى.

  بيىل 56 جاستاعى ايسا وتباسىندا 4 ادام بار، كوپ جىلدان بەرى 10 مۋ ەگىستىك جەرگە قاراپ كۇن وتكىزىپ كەلەدى. 2016 - جىلى باي اۋدانى ونى ارحيۆ تۇرعىزىپ، كارتچكالانعان كەدەيلەردى سۇيەمەلدەۋ وبيەكتىسىنە ەنگىزدى ءارى ونىڭ وتباسىنا 14 سۇيەمەلدەۋ قويىن بەردى، تاعى ونىڭ ءوسىمى قازىنادان كوتەرىلەتىن قارىزدان 25 مىڭ يۋان الىپ، ءبىر سيىر ساتىپ الۋىنا كومەكتەستى. ءبىر جىل ۋاقىتتىڭ ىشىندە، 14 قويىن 50گە كوبەيتىپ، تۇرمىسى تۇزەلۋمەن بىرگە، امانات اقشا دا قويدى.

  كەدەيلىكتەن قۇتىلدىرۋدان قامال الۋ شايقاسى باستالعاننان بەرى، اقسۋ ايماعىنىڭ كەدەيلەردى سۇيەمەلدەۋ قىزمەتى ەندىگارى كەدەي وتباسىلارىنا ازىقتىق ماي، كۇرىش، كيىم - كەشەك، كورپە - جاستىق جەتكىزۋدەي ءداستۇرلى «قان قۇيۋ» سىندى كەدەيلەردى سۇيەمەلدەۋ ۇلگىسىمەن شەكتەلمەي، قايتا شارۋالاردىڭ ءوز كۇشىنە سۇيەنىپ ءومىر ءسۇرۋدى ۇيرەنۋىنە باسا ءمان بەرىپ، «قان قۇيۋدان» «قان جاساۋعا» قاراي بۇرىلىس جاسادى.

  كەدەيلىكتەن قۇتىلدىرۋدان قامال الۋعا ساتىلار بويىنشا كۇش سالدى

  ءتىلشى كەدەي شارۋا تۇرسۇن قۋاننىڭ ۇيىنە بارعانىندا جاڭادان سالىنعان اۋلادا جىلى قورا، سيلوس ۇراسى، كوكونىس ۇراسى، ءجۇزىم سورەسى، كوكونىستىك جەر، جاپپا سياقتىلار تۇگەلدەي تولىق ەكەنىن كوردى.

  تۇرسۇن اقسۋ قالاسى ايكول قالاشىعى كونەبازار قىستاعىنداعى كەدەي شارۋا، وتباسىنداعى 5 ادام ازىن - اۋلاق ەگىستىك جەرگە سۇيەنىپ جان باعادى. 9 جىلدىڭ الدىنداعى ءبىر رەتكى اۆتوكولىك شىرعالاڭىندا ونىڭ اياعى مەرتىگىپ قالادى، سونىمەن ءبىر ءۇيدىڭ نەگىزگى كىرىس قاينارى پەرزەنتتەرىنىڭ ۋاقىتتىق جۇمىس ىستەۋىنەن كەلەدى. قالاشىق ۇكىمەت جانە قىستاق «ەكى كوميتەتى» تۇرسۇننىڭ كەدەيلەسۋ سەبەبىنە جانە وتباسىنىڭ ءىس جۇزىندىگىنە باعىتتاي وتىرىپ كەدەيلەردى دالمە - ءدال سۇيەمەلدەۋ جوسپارىن جاساپ، ونىڭ ۇيدە كاسىپ كۇتىپ وتىرعان 2 قىزىنا اقسۋ قالاسىنان قىزمەت تاۋىپ بەرەدى. سونىمەن بىرگە، قىستاقتاعى اۋىل شارۋاشىلىق ساۋدا بازارىنان ونىڭ كەلىنشەگىنە جايما ورىن ورنالاستىرىپ، ءار اپتانىڭ بازار كۇنى بازارعا بارىپ لياڭفىن ساتۋىنا مۇمكىندىك جاسايدى.

  ۇكىمەت تۇرسۇن وتباسىنداعىلاردىڭ تۇراقتى كىرىسى بولۋىنا كومەكتەسۋمەن بىرگە، قىستاق تاعى ونىڭ اۋلادا باعىمشىلىق، ەگىمشىلىك كاسىبىن دامىتۋىنا كومەكتەستى. مال قورا، سيلوس ۇراسىن جاڭادان سالىپ بەردى، سونداي - اق ءجۇزىم سورەسىن ورناتتى، جاپپا سالدى، كەدەيلەردى دالمە - ءدال سۇيەمەلدەۋ شاراسىن اتقارۋدىڭ ارقاسىندا، تۇرسىن وتباسىنىڭ تۇتاس جىلدىق كىرىسى 40 مىڭ يۋاننان استى.

  كەزەكتە اقسۋ ايماعىنىڭ كەدەيلىكتەن قۇتىلدىرۋدان قامال الۋ قىزمەتى شەشۋشى كەزەڭگە ءوتتى، قيىن تۇيىندەردەن شىنايى قامال الاتىن ۋاقىتقا جەتتى. 2018 - جىلى 59 كەدەي قىستاقتى كەدەيلىك تىزىمىنەن شەگەرۋ، 8187 كەدەي وتباسىن كەدەيلىكتەن قۇتىلدىرۋ نىساناسىن جۇزەگە اسىرۋ ءۇشىن اقسۋ ايماعى تىڭعىلىقتى شارا قولدانىپ، اۋىر كەدەي وڭىرلەردىڭ كەدەيلىكتەن قۇتىلدىرۋدان قامال الۋ قىزمەتىنە باسشىلىق ەتۋ گرۋپپاسىن قۇرىپ، اۋداندىق پارتكوم (قالالىق) شۋجيى، اۋدان (قالا) اكىمى گرۋپپا باستىعى بولىپ تياناقتاندىرۋ مەحانيزمىن ساتىلار بويىنشا يگەرىپ، تۇتاس قوعامدىق كۇشتەردى كەدەيلەردى سۇيەمەلدەۋ قىزمەتىنە ات سالىسۋعا جۇمىلدىرىپ، جاپپاي دوڭگەلەك داۋلەتتىلىككە جەتۋ جولىندا بىردە - ءبىر كەدەي بۇقارانىڭ قاتاردان قالىپ قالماۋىنا مۇمكىندىك جاسادى.

  ناعىز كەدەيلەردى قۇتىلدىرۋعا، كەدەيلىكتەن شىنايى قۇتىلدىرۋعا كەپىلدىك ەتىپ، كەدەيلەردى قۇتىلدىرۋدا سان قۋالايتىن جايتتەردى باتىل تەجەۋ ءۇشىن، اقسۋ ايماعى «6 ءبىر توپ»، «3 جاقتان تەبىندى ارتتىرۋ» سىندى كەدەيلىكتەن قۇتىلدىرۋ جولىن تۇراقتاندىرىپ، «باسقا سالالارعا ويىستىرۋ ارقىلى ءبىر توبىن جۇمىستاندىرۋ»، «كاسىپتى دامىتۋ ارقىلى ءبىر توبىن سۇيەمەلدەۋ»، «جەردى اداقتاپ قايتادان بولىسكە سالۋ ارقىلى ءبىر توبىن سۇيەمەلدەۋ»، «شەكارا كۇزەتشىسىنە اينالدىرۋ ارقىلى ءبىر توبىن سۇيەمەلدەۋ»، «ەكولوگيالىق تولەم بەرۋ ارقىلى ءبىر توبىن سۇيەمەلدەۋ»، «جالپىلىق قوعامدىق قامتاماسىزداندىرۋ شاراسى ارقىلى ءبىر توبىن ەڭ تومەنگى شەكتەن تۇسىرمەۋ» سياقتى كەدەيلەردى سۇيەمەلدەۋدەگى «التى دالمە - ءدال» ءتۇيىندى اتقارىپ، كەدەي وتباسىلارىنىڭ كەدەيلىكتەن قۇتىلىپ اۋقاتتاناتىن ونەرى جانە جولى بولۋىنا مۇمكىندىك جاسادى.

جاۋاپتى رەداكتورى: سەرىك دالەلقان ۇلى

سۋرەتتەر سويلەيدى

شينجياڭ ۋاكىلدەر ۇيىرمەسى جالپى ءماجىلسى مەديالارعا اشىق ۇستالدى

مەملەكەتتىك ساياسي كەڭەستىڭ شينجياڭداعى مۇشەلەرى مەملەكەتتىك ەكى ماجىلىسكە قاتىناسۋ ءۇشىن بەيجيڭگە اتتاندى

جاڭ چۇنلين شينجياڭ ۇيعۇر اۆتونوميالى رايونى ءتوراعاسىنىڭ ۇنەمىلىك ىستەرگە جاۋاپتى ورىنباسارى بولىپ تاعايىندالدى

جوعارى دارەجەلى وقۋ – اعارتۋ دۇنيە ءجۇزىنىڭ الدىڭعى لەگىنە قاراي جەدەل قادام باسۋى كەرەك
شەكارادان اتتاپ شىقپاي – اق ماڭداي الدى وقۋ – اعارتۋدان يگىلىكتەنە الاتىن بولۋىمىز كەرەك


مەملەكەتتىك 13 - كەزەكتى حالىق قۇرىلتايىنىڭ 1 - ءماجىلىسى بەيجيڭدە جابىلدى

مەملەكەتتىك 13 - كەزەكتى حالىق قۇرىلتايى 1 - ءماجىلىسى مەملەكەتتىڭ جاڭا كەزەكتى باسشىلارىن سايلاپ شىقتى

قارۋلى ساقشى كوماندير-جاۋىنگەرلەر لۋديڭچياۋ كوپىرى ەسكەرتكىشىنىڭ الدىندا پارتياعا كىرۋ سەرتىن قايتالادى

كوڭىل تورىنەن ورىن العان ادام

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعى قارساڭىندا وبلىستىڭ ءتورت باسشىلىق القاسىنىڭ باسشىلارى «1 – تامىز» حال سۇراۋ قيمىلىن ورىستەتتى

قورعانىس مينيسترلىگى سالتاناتتى قوناعاسى وتكىزىپ، جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتادى.

جۇڭگو حالىق ازاتتىق ارمياسى قۇرىلعاندىعىنىڭ 90 جىلدىعىن قۇتتىقتاۋ كونسەرتى − «پارتيا تۋى استىندا» بەيجيڭدە قويىلدى

  شي جينپيڭ اسكەري پاراتتى كوزدەن كەشىردى ءارى ماڭىزدى ءسوز سويلەدى